ئیرانێ د مەھەکێ دا پتر ژ بیست کورد ل سێدارە داینە
ئەڤرۆ نیوز:
رێکخراوا مافێ مرۆڤی یا رۆژھەلاتێ کوردستانێ دوھی د داخۆیانیەکێ دا راگەھاند کو د مەھەکێ دا پتر ژ بیست گرتیێن کورد ل ئیرانێ ھاتنە سێدارەدان و مەترسیا سێدارەدانێ ل سەر گەلەک گرتیێن دیتر ژی ھەیە و ھندەک کەسێن کو د مەھا بۆری ھاتینە سێدارەدان بەری نھا دادگەھێ بریارێن جودا بۆ وان دەرخستبوون و سزایێ ھندەک ژ وان کەسان سێدارە نەبوویە و ژ بەر ھندێ ژی یا سەبارەت ب کوردان دھێتە کرن بنپێ کرنا مافێ مرۆڤی یە و دڤێت رێکخراوێن مافێ مرۆڤی ل ئورۆپا و جیھانێ ل ھەمبەر کریارێن دەولەتا ئیرانێ بێدەنگ نەمینن.
د بەردەوامیا راپۆرتێ دا ئەو یەک ژی ھاتیە دیار کرن کو گەف و گرتنا چالاکڤان و رۆژنامەڤانێن کورد ب رەنگەکێ بەرچاڤ زێدە بوویە و گەلەک کەس بێی چو ئەگەرەکێ دھێنە گرتن و چ بەلگە ل دژی وان نینن بەس ھەر دھێنە گرتن و تووشی ئەشکەنجەدانێ دبن و ئەو یەک ژی نیشا ددەت کو ئیران رێزێ ل مافێ مرۆڤی ناگریت و دڤێت رێکخراوێن جیھانی ل ھەمبەر رەوشا مافێ مرۆڤی ل ئیرانێ ھەلویستێ خوە دیار بکەن.
