رۆژا نه‌هێ ژ رزگاركرنا مووسل: ره‌وشا به‌ره‌يێن شه‌رى ب ڤى ره‌نگى يه
ئه‌ڤرۆ نيوز: هێزێن پێشمه‌رگێ كوردستانێ ل باشيكێ د به‌رده‌وامن ل پێشڤه‌چوونێن خوه و رۆژا چارشه‌مبى 26ى چريا ئێكێ 2016 گوندێ دێرك كونترۆل كر.
په‌يامنێرێ ئه‌ڤرۆ نيوز ل به‌ره‌يێن شه‌رى، ئۆمێد وه‌لاتى، راگه‌هاند: هێزێن پێشمه‌رگه‌ى شيان گوندێ دێركێ كونترۆل بكه‌ن.
هه‌ر ب گۆره‌ى وان پێزانينێن ئه‌ڤرۆ نيوز ژ په‌يامنێرێن خوه ل به‌ره‌يێن شه‌رى وه‌رگرتين ئه‌ڤرۆ هێزێن پێشمه‌رگێ كوردستانێ چووينه ناڤ گوندێ فازيله پشتى چار رۆژێن ئابلۆقه‌دانێ، هه‌ر چه‌نده گوند ب ته‌مامى نه‌هاتيه كونترۆلكرن، به‌لێ چ تشتێ وه‌سان نه‌مايه و دهێته چاڤه‌رێكرن ئه‌ڤرۆ بچنه ناڤ گۆندێن ئيمام ره‌زا و باژێرێ به‌عشيقه.
دوهى ژى ب شه‌ڤ هێزێن پێشمه‌رگێ كوردستانێ چوونه ناڤ گۆندێ عه‌مه‌ر قاپچى، به‌لێ جاره‌كا دى ژ گۆندێ ناڤبرى ده‌ركه‌فتن و زڤرينه ناڤ هێزێن پێشمه‌رگه‌ى ژ مه‌ترسيا كه‌فتنا ناڤ كه‌مينێن چه‌كدارێن داعش و خۆپاراستن ژ چه‌كدارێن ڤه‌شارتى.
