ئۆپه‌راسيۆنا رزگاركرنا ره‌ققه هاته راگه‌هاندن
ئه‌ڤرۆ نيوز:
هێزێن سوريا ديموكرات “هه‌ده‌سه” د كۆنگره‌كێ رۆژنامه‌ڤانى دا ئۆپه‌راسيۆنا “فوراتێ توره” بۆ كونترۆلكرنا ره‌ققه راگه‌هاند.
رۆژا ئێكشه‌مبى 6ى چريا دويێ 2016 ژماره‌كا فه‌رماندێن له‌شكرى يێن هێزێن سوريا ديموكرات ل باژێركێ عه‌ين عيسا يا رۆژئاڤايێ كوردستانێ كۆنگره‌كێ رۆژنامه‌ڤانى ئه‌نجام دا و تێدا ئۆپه‌راسيۆنا كونترۆلكرنا باژێرێ ره‌ققه يێ پايته‌ختێ داعش راگه‌هاند.
ئێك ژ فه‌رماندێن له‌شكرى گۆت: “ئۆپه‌راسيۆن ب پشكداريا يه‌كينێن پاراستنا گه‌ل و يه‌كينێن پاراستنا ژنان و ب پشته‌ڤانيا هه‌ڤپه‌يمانان دێ بيت”. گۆتژى: “80% ژ پشكدارێن ڤێ ئۆپه‌راسيۆنێ خه‌لكێ ره‌ققه و ده‌وروبه‌رێن وێ نه”.
داخواز ژى ژ وه‌لاتێ توركيا كر كو ده‌ست د كاروبارێن ناڤخۆ يێ وه‌لاتێ سوريا وه‌رنه‌ده‌ت.
