سەرۆک وەزیرێ تورکیا:دو رێک ل بەردەم ھەڤسەرۆکێن ھەدەپێ دا نە
ئەڤرۆ نیوز،زنار تۆڤی:
بینالی یلدرم سەرۆک وەزیرێ تورکیا د گۆتارەکێ دا دبێژیت”بتنێ دو رێک ل بەردەم ھەڤسەرۆکێن ھەدەپێ دا ھەنە،
ئەو ژی یان دڤێت بھێنە سزادان،یان ژی دڤێت ب ئاقل بن و لدووڤ گۆتنا وی رێیا سیێ بۆ وان نینە.
ئەڤ ئاخفتنێن سەرۆک وەزیرێ تورکیا د کومبوونا فراکسیۆنا ئاکەپێ دا ل پەرلەمانێ تورکیادا ھاتنە گۆتن،کو ل رۆژا سێشەمبی 15/11/2016 برێڤە چوبوو،تێدا یلدرمی جەخت ل ھندێ کر،کو ھندەک پەرلەمانتارێن ھەدەپێ ب بریارا دادگەھێ بۆ لێپرسینێ ھاتینە دەستەسەکرن و ھندەکێن دی ژی بریارا دەستگیرکرنێ بۆ دەرچوویە،ب گۆتنا یلدرمی ئەڤە ژی د چارچۆڤێ یاسایێ دایە و کارێ دادگەھێ یە کو ڤان رێوشوێنێن یاسایی دگرنە بەر،بۆ پەرلەمانتارێن ھەدەپێ گۆتیە:ھوون ل بەرامبەر دادگەھێ یان دڤێت ب ئاقل بن یان ژی دێ سزایێ خوە وەرگرن و رێیا سیێ دڤێ مەسەلێ دا نینە.
ھەروەسا د 4/11/2016 ھەر ئێک ژ سەلاحەدین دەمیرتاش و فیگەن یۆکسەکداغ ھەڤسەرۆکێن ھەدەپێ و ژمارەیەکا پەرلەمانتارێن ھەدەپێ ژلایێ حوکمەتا تورکیا ڤە ھاتینە دەستگیرکرن،ب تۆمەتا بانگ ھێشتکرنا تیرۆرێ.
بینالی یلدرم سەرۆک وەزیرێ تورکیا ئەو ژی دیارکریە”دێ بەردەوام بین ل شەرێ دژی تیرۆرێ و ئەم نابێژین سەقایێ دونیایێ زڤستانە یان ژی بەفرە یان ژی سەرمایە،لەورا ب ئەگەرێ ئالۆزیێن نافخوە یێن سووریێ و عێراقێ ھێرشا تیرۆرێ ل سەر تورکیا ھەیە و ئەم ژی ھەتاکو دوماھیێ ب ھێرشێن تیرۆرێ ل نافخوە و دەرڤە دئینین،دێ شەرێ تیرۆرێ کەین.
دیسا دژایەتیا خوە ژی بۆ گوھۆرینێن دیمۆگرافی ل سووریێ و عێراقێ دەربرین و گۆت ژی”ئۆپەراسیۆنێن مە ل دژی پەیەدێ و یەپەگێ و پەکەکێ دێ د بەردەوام بن.