كاره‌با گشتى دێ بيته ب ئه‌مپێران
ئەڤرۆ نيوز:
پەرلەمانتارەکێ کوردستانێ ئاشکرا کر کو د چارچۆڤێ ڤەکۆلینا ئەگەرێ کێمبوونا کارەبا نیشتیمانی دا، پێزانین داینە وان کو وەزارەتا کارەبا حوکمەتا ھەرێما کوردستانێ یا ب ژڤانە پرۆژێ پێدانا 20 ئەمپێرێن کارەبێ بۆ ھەر مالەکێ بێختە د وارێ بجھئینانێ دا.
غەریب پێنجوینی، ئەندامێ پەرلەمانێ کوردستانێ خویاکر کو ب مەرەما ڤەکۆلینا ئەگەرێ کێمبوونا کارەبا نیشتیمانی کو بۆ دەمێ چەند رۆژانە ئەڤ ئاریشە یا بەردەوامە وی دگەل چەند پەرلەمانتاران سەرەدانا رێڤەبەریا گشتی یا کارەبا سلێمانیێ کر و بۆ باسنیۆز گۆت: “د روونشتنەکێ دا رێڤەبەرێ کارەبا سلێمانیێ گۆتە مە ژ پێخەمەت بەردەوامبوونا کارەبا نیشتیمانی و رێگرتن ل زێدە مەزاختنا کارەبێ ل ڤان نێزیکان سیستەمێ جوزەکرنا کارەبێ بۆ سلێمانیێ کەفتە د وارێ بجھئینانێ دا و ب ڤێ چەندێ حوکمەت دێ 20 ئەمپێرێن کارەبێ دەتە ھەر مالەکێ”.