عه‌بادى: به‌رى سه‌رێ سالێ دێ مووسل ئازاد كه‌ين
ئه‌ڤرۆ نيوز:
حه‌يده‌ر عه‌بادى سه‌رۆك وه‌زيرێن عيراقێ راگه‌هاند كو ئه‌و پێشبينى دكه‌ت به‌رى هاتنا سه‌رێ سالێ باژێرێ مووسل ب ته‌مامى ژ ده‌ست چه‌كدارێن داعش بهێته رزگاركرن.
د چارچۆڤێ ديداره‌كێ دا ل گه‌ل ئاژانسا “ئه‌سۆشيه‌تد پرێس” سه‌رۆك وه‌زيرێن عيراقێ ده‌رباره‌ى پێشڤه‌چوونێن هێزێن ئه‌منى يێن عيراقێ د ئۆپه‌راسيۆنێن مووسل دا گۆت: “پێشبينى دكه‌ين پرۆسا له‌شكرى ل مووسل به‌رى سه‌رێ سالا نوو ب دووماهى بهێت و باژێر ب ته‌مامى ژ ده‌ست چه‌كدارێن داعش بهێته ده‌ر و مووسل ژ داعش بهێته پاقژكرن”.
عه‌بادى د وێ ديدارێ دا هيڤى خواست ب زووترين ده‌م چه‌كدارێن داعش ژ وى باژێرى بهێنه ده‌ركرن و به‌رى ب دووماهى هاتنا 2016ێ باژێر ب ئێكجارى بهێته كونترۆلكرن.