ئينفۆگرافيك: سیر و مفایێن وێ
ئەڤرۆ نیوز، نەوزاد ھلۆری:
سیر ئێکە ژ وان رووەکێن جیھانی کو بکارئینانا وێ بو ئێکەمین جار دزڤریت بو 2000 سالان بەری زاینی و مسری و یونانی ژ مرۆڤێن دەستپێکی دھێنە ھژمارتن کو بو خوارنێ بکارئینایی.
خوارنا سیرێ ب رۆژانە یان خوارنا وێ جار جار ب بەردەوامی دبیتە سەدەم کو مرۆڤ ل نەخوشیێن ژەھراوی بوون و نەخوشیا شەکرێ و پەنجەشیرێ و قەفزبوونێ بھێتە پاراستن ژبەرکو ھەلگرا ڤیتامینێن زۆرە ژ وان ڤیتامێن C-E-B1-B2 و چەندین مادێن وەکو ئاسن و پوتاسیوم و مەگنیسیوم …ھتد تێدا ھەنە.
سیر وەکو پیڤازێ ل ناڤا بیستانان ل دەستپێکا وەرزێ بوھارێ دچێتە چاندن و گەلەک وەلاتان ناڤ و دەنگیەکا باش ھەیە د بەرھەمئینان و چاندنا وێ دا ، و ئاخا ھەرێما کوردستانێ ژی ئێکە ژ وان ئاخێن ھەری باش بو چاندنا سیرێ.
گەلەک ھزر و بیر و ئاخفتنێن نەرێنی لسەر سیرێ ھەنە ژ وانان ددەن دیارکرن کو پێدڤی یە مرۆڤێ موسلمان و نڤێژکەر خوە ژ خوارنا سیرێ بپارێزیت داکو بێزاریا کەسانێن دەروبەر درۆست نەکەن ، ئەڤ یەک ب تەمامی ھزر و بیرێن نەرێنی نە و کەسانێن تایبەتمەند ددەن دیارکرن کو باشترە پشتی خوارنا سیرێ ھندەک خوارنێن تام خوش بھێنە خوار و دیسان بکارئینانا وێ ژی پتر ب دەمێن شەڤێ بیت.
