پەروین سەلاح:

ئێدی باراپتر کرینامە کەتیە ناڤا بازارکرنا ئەلکترۆنی دا ب رێیا تەکنۆلۆژیایێ ئەڤرۆ هەر تشت ب ساناهی بوویە بۆ هەر کەلۆپەلەکێ بیت ئەم پێدڤی دبینێ داخازدکەین ب رێکا بازارکرنا ئێنتەرنێتێ رێکا مە سڤك دکەت بێ کو بچینە بازاری بو کرینا کەلۆپەلان هەروەسا بازاڕکرنا سەر ئینتەرنێتێ (Online Shopping) دهێتە پێناسەکرن وەک پرۆسەیەک کو تێدا ل کاڵا و خزمەتگوزاریان دگەڕیان و کڕینێ ب رێیا تۆڕا ئینتەرنێتێ و ب کارئینانا ئێك ژ پرۆگرامێن گەڕیانێ (Web Browsers) ب وێ رێكێ کو کاڵا دگەهیتە کڕین بی پێدڤی ب دەرکەفتنا ژ مالێ هەبیت هندەك بازار مالپەرێن ئەلکترۆنی دابین دکەن وەک رێكەکا جێگر کو بکران شیانێ ددەتێ کو هەر تشتێ پێدڤی ب وان بیت ژ ڤان بازاران بکڕن بێی کو پێدڤی ب سەرەدانا وان هەبیت بۆ بازاری، چونکە کاڵایا داخوازکری راستەوخۆ دگەهیتە مالا کڕیاری، یان ژی بۆ بازارەکا نێزیك دا ژ وێ وەرگریت، و هندەك بازار ژی هەنە کو بەرهەمێن خۆ ب تنێ ب رێیا مالپەرێن ئەلکترۆنی دفرۆشن نوکە گەلەك پرۆگرامێن ئونلاین دەرکەفتینە ژ بۆ وێ چەندێ هەر تشتێ مە دڤێت بۆ خوه‌ داخواز بکەین لێ هندەك جاران دڤێت ئەم ب شێوەیەكی هشیار و ئاگەدار بین ژ پرۆگارامەکێ ئونلاینێ یێ کەلۆپەلان دفرۆشن چونكو گەلەك جاران تشت دهێتە داخوازکرن لێ بەروڤاژى هندەك جاران دێ گەهیت دەستێ مە نە وەکى وی کەلۆپەلی یە یێ مە ڤیای لەوما دڤێت بۆ ڤێ چەندێ ژی مە شارەزای هەبیت بۆ هەلبژارتنا کەلۆپەلان د ناڤا تەکنۆلۆژیایێ دا هەردیسان ژ لایەکێ دیڤە بازارکرنا ئۆنلاینێ خرابی و باشیێن خو یێن هەین ژ لایەنێ باشیاوان ئەوە:
– بازاڕکرنا ب ئینتەرنێتێ پرۆسەیا کڕینا کەلوپەل و خزمەتگوزارییان بۆ بکارهێنەری کورت کریە، لەوڕا دشێت هەر کەلوپەلەکێ بڤێت هەلبژێریت پارەیێ وێ بدەت، و پاشی وەرگریت سەرەڕای ڤێ چەندێ کڕیار دشێت بەراورديێ د ناڤبەرا بهایێن کەلوپەلێن جودا جودا بکەت یێن ل مالپەرێن جودا جودا دهێنە پێشکێشکرن، هەروەسا دشێت وان کەلوپەلان هەلبژێریت یێن بڤێت ژ ناڤ مالپەران گەلەك بگەریت بێی کو ب بازارەکێ بتنێ ڤە گرێدای بیت. بکارهێنەر دشێت مفای ژ بۆچوونێن وان کەسان وەرگریت یێن کەلوپەلەکا دیارکری بکارئیناین، ب رێکا تەماشەکرنێ ل هەلسەنگاندنێ لسەر وی کەلۆپەلی بکەت بەری ب کڕیت.
ژ خرابیێن بازارکرنا تەکنۆلۆژیایێ ئەوە:
– دبیت ئێمناهی و تایبەتمەندی گرنگترین خالێن لاوازێن بازارکرنا ب رێیا ئینتەرنێتێ بن، لەورا پێدڤیە کریار هوشیار و ب ئاگەهی هەبیت دەمێ بازاری دکەی، و رێکارێن پێدڤی بکاربینی ژ بو پاراستنا ئێمناهیا خو و ل سەر ڤێ چەندێ کریار نەشێت کەلوپەلی تاقی بکەت بەری بکری ، ئەڤە ژی تشتەکێ گەلەک گرنگە دەمێ جلوبەرگان دکری دا نەکەڤیە چ ئاریشان
ژ لایەکێ دیڤە گرنگیا بازارکرنا تەکنۆلۆژیایێ ژڤان تایبەتمەندیێن خارێ پێك دهێت
– گەهشتنا جیهانی و بێسنوور:
تەکنۆلۆژیا شیانان ددەتە کۆمپانیان کو سنوورێن جوگرافی دەرباز بکەن و بگەهنە جەماوەرەکێ بەرفرەهتر ل هەر جهەکێ جیهانێ ب رێیا ئینتەرنێتێ و پلاتفۆرمێن دیجیتال.
– پەیوەندیکرنا کاریگەر:
تەکنۆلۆژیا پەیوەندی و کارلێککرنێ دگەل کریاڕان ب شێوەیەکێ دەمـودەست ب ڕێکا تۆرێن جڤاکی و ئیمێل و هتد. ب ساناهی دکەت، کو ئەڤە پەیوەندیێ د ناڤبەرا براند و بکارهێنەری دا ب هێز دئێخیت.
– زێدەکرنا کارامەییێ ب ئۆتۆماتیککرنێ:
ئۆتۆماتیککرنا کارێن بازرگانیێ دهێتە بکارئینان ژ بۆ پاشکەفتکرنا دەمی و کێمکرنا خەلەتیان، وەک دانانا خشتەیێ ناڤەرۆکێ و هنارتنا ئیمەیلان، ئەڤ چەندە رێیێ ددەتە بازرگانان کو سەرنجێ بدەنە سەر کارێن ستراتیژی یێن گرنگتر.
– باشترکرنا هەلمەتێن رێکلامێ:
تەکنەلۆژیا رێ ددەتە دروستکرنا هەلمەتێن رێکلامێ یێن ب ئارمانجکرى ب دروستی ل سەر ئینتەرنێتێ، ئەڤ چەندە ژی زیرەکیا هەلمەتان زێدە دکەت و قازانجەکا باشتر ل سەر وەبەرهێنانێ ب دەستڤە دئینیت.
– داهێنان و ئەزموونێن نوو:
تەکنیکێن نوو وەک زیرەکیا دەستکرد جڤاك ب هێزکری، شیانێ ددەنە کۆمپانیان کو ئەزموونێن کرینێ یێن داهێنەر و سەرنجڕاکێش پێشکێشی بکران بکەن بەری کرینێ.

سندس سالح:

ئەڤرۆ ماسک رێبەرێ تێسلا رادگەهینیت کو ئەو دێ هێزا کارێ خۆ گوهۆریت ژ چێکرنا ترومبێلێن کارەبێ بۆ دروستکرنا روبوتێن مروڤی ب رێيا پروژەیا “ئوپتیموس”.
ئەڤ بریارە دێ کاریگەریەکا مەزن ل سەر داهاتێ تێسلا هەبیت. خەملاندن ئەوە کو قازانجێن کومپانیێ دێ کێم بن ب رێژەیا سێ ژ سەدێ د سالا ٢٠٢٥ دا. ئەڤ کێمبوونه‌ ژ ئەگەرێ گوهۆرینا پلانا کاری و دابەزینا فروتنا ترومبێلێن کارەبێ.
گەلەک ژ وەبەرهێنەران هێشتا باوەریا ب ماسک هەیى، سەرەرای وان کێشێن هەین وەک: کێمبوونا فروتنێ و بلندبوونا بهایێ پشکان. ئەو هەموو باوەر دکەن کو ماسک دێ شێت جارەکا دی پێشکەفتنێ بۆ کومپانیێ بینیت ب رێيا ڤان روبوتێن نوو.
پروژەیا “ئوپتیموس” ئێک ژ وان پروژه‌يێن نوو یە کو ماسک هەڤی دکەت دێ گوهۆرینەکا مەزن د جیهانا تەکنولوژیايێ دا چێکەت. ئەڤ روبوتێن مرۆڤی دێ شێن گەلەک کاران کەن وەک کارێن مالێ، کارێن پیشەسازی و هاریکاریا خەلکی د ژیانا رۆژانە دا.
سەرەرای گوهۆرینا پلانا کاری، تێسلا دێ هەر بەردەوام بیت ل سەر چێکرنا ترومبێلێن کارەبێ، بەلێ نە ب وێ رێژا بەرێ. وەسا دیار دبیت کو ماسک دخوازیت پێشەنگیا خوه‌ د وارێ تەکنولوژیايێ دا بپارێزیت ب رێيا ڤان پرۆژه‌يێن نوو.
ژ لایێ خوه‌ ڤە، چاڤدێرێن ئابووری دبێژن کو ئەڤ گوهۆرینه‌ دێ مەترسیەکا مەزن بن، چونکو بازارێ روبوتێن مرۆڤی هێشتا نە ئێکجار پێشکەفتیە و گەلەک کومپانی د ڤی واری دا کار دکەن. لێ ژ لایێ دی ڤە، ئەگەر تێسلا سەرکەفت، دێ پێشەنگیا بازاری د ڤی واری دا وەرگریت.
هەر چەوا بیت، ئەڤ بریارا ماسک نیشانا وێ چەندێ یە کو ئەو هەر دخوازیت پێشکەفتنێ بینیت بۆ جیهانا تەکنولوژیێ، سەرەرای وان مەترسیان یێن هەین.