دیدار: رەمەزان دەشتمری/ زاخۆ
9-10
من شەرم نەكر و گوتێ: سەروك تو تلیا خۆە ل عویرێ ئەڤان هەردوو كەسان بدێ دێ دەهـ دینار و شەدێن پارا ژ عویرێ ئەوان ڕژیت. سەروكی رابی و دەستێ خۆە دەینا سەر ملێن من و گەلەك كەیفا ئەوی هات. هەر وەسا جارەكادیتر ئەم داب ۆ سەر زیارەتێ بارزانی چین و سەروك مەسعود بارزانی پیچەكێ گیروبی و ئەم دگەل ترومبێلا رەحمەتی ئیدریس بارزانی سیاربین. ب ڕێكێ ڤە سەروك گەهشتە و ل ئەوی دەمی كولاڤەكی هەورامانی ل سەرێ من بی و ئەز گەلەك یێ لاوازبیم. سەروك مەسعود بارزانی ل دەمەكێ گازی من كر و گوت ئەرێ لاوك تو پێشمەرگەیێ كیێ؟ من ددلێ خۆەدا گوت: هەكەر ئەز بێژمێ ئەز پێشمەرگەیێ كاك عەبدو ستالحی مە. چەوا من ناڤێ عەبدولا سالح ئینا. سەروك مەسعود بارزانی گەلەك توڕەبی و گوت: توی سەعو یوسف. من گوتێ: بەلێ قوربان. سەروكی گوت: حەقێ تە و كورو ئەوە هەردوویان ب كوژن. دەمێ سەروك مەسعود بارزانی ئەڤ ئاخفتنە گوتینە من. هەما ئەز ژ ترومێلێ هاتم خوار و ڕاست من قەستا بارەگایی كر. هەڤالان گوتە من تو بوچی هاتی و بلا تو مابا و نەهاتبایی. من گوتە هەڤالان ب راستی من هەو خۆە گرت و ئەز گەلەك توڕەبیم. پشتی هینگێ چەوا سەروك مەسعود بارزانی زانی ئەز خوارزایێ محەمەد خالد بوسەلی مە پەشێمان بی و پاشی گەلەك قەدرێ من گرت. پشتی هینگێ سەروك مەسعود بارزانی بریا ردا ئەز دگەل چواردە پێشمەرگەیان نوبەداریێ ل مەزارێ بارزانە بگرین. دەمێ بویە چلەیا سەروك بارزانی ئەز دشێم بێژم پتر ژ نیف مەلیون مروڤان بۆ چلەیا سەروك بارزانی بەرهەڤبین و چ جارا ڕولێ خەلكێ دەڤەرا شنو ناهێت ژبیركرن، ژبەركو دەمی مالان دەرگەهێن متالێن خۆە ڤەكرن و خزمەتا ئەوی خەلكێ بۆ ماوێ سێ ڕۆژان هات كرن. ئەو ڕۆژا ڕێ رەسمێن چلەیا سەرك بارزانی هاتی دەینان ئەو خەلكە هەمی ل قوتابخانەیەكێ ڤە كومببین و كاك ئیدریس بارزانی دا پەیامەكێ پێشكێش كەت. هینكێ وەسا باوەریا سەروكی ب مە دهات ئەم ب تنێ دگەل مەسعود بارزانی ل سەربانێ قوتابخانێ بین. ل دەمەكێ چەند رۆژنامەڤانێن بیانی هاتن و گوتن كاك مەسعود بارزانی بۆمە باخڤە. سەروك مەسعود بارزانی گازی من كر و گوت: هەرە بێژە كاك ئیدریسی ئەڤە هندەك رۆژنامەڤان یێن هاتین بلا ئیدریس بۆ ئەوان باخڤت. ئها هینگێ سەروكی هند باوەری ب مە هەبی. پشتی هینگێ جارەكادیتر سەروك ل مە تورەبیڤە. ل ئەوی دەمی وەسا سەركردایەتیا پارتی تێگەهاندبین كو ئەم چەپخوازین و دگەل هزرا ماركیسی و لینینی نە لەوما سەروك ژ تو یێ توڕەبیە. ئەز دشێم بێژم ئەم هەژمارەكا كادران وەك تومەتبار لێهاتن. دەمێ كونگرێ نەهێ یێ پارتی دەستپێكری ئیوبی سامی شنگاری و ب هەژمارەكا كادران خۆە جوداكرن. هەما منژی بریاردا ئەز دگەل هەڤالێن سامی شنگاری بۆ ڕۆژئاڤایێ كوردستانێ بچم. ئەوبی ئەم گەهشتن ڕۆژئاڤایێ كوردستانێ و ل باژێرێ قامیشلو ئاكنجی بین. پشتی بۆ چەند ڕۆژان ئەم ژ باژێڕێ شامی بۆ سەرسنوی دەولەتا لوبنانێ چووین و مە دەست ب راهێنانێن لەشكەری كرن. پشتی بورینا چل و پێنج ڕۆژا جارەكادیتر ئەم بۆ بەرەف باژێڕێ شامی هاتین و پاشی بۆ باژێڕێ قامیشلو ل بارەگایێ پارتا مە پارتی گەل ماین. ئەوبی ل دەستپیچكا سالا 1983ی ئەم بۆ كوردستانێ ل دەیێ پێشابیرێ و بۆ چیایێ بێخێری هاتین دەڤەرێ و پشتی پارتی گەل هاتی دناف بەرەیی جود دا ڤێجا ب ئاشكەرایی مە دەست ب كار و ژارلایێن خۆە یێن لەشكەری و سیاسی ل دەڤەرێ كرن. ل سالا 1985-1986 ی ئەز دیم كارگێرێ لیژنا ناوچا ئامێدیێ یا پارتی گەل و ل دەمێ ئەنفالا ڕەش یا سالا 1988ی ل دەڤەرا گوندێ ئورە ئەم بۆ باكورێ كورستانێ چوین.ل سەر سنوری مە هندیت هندەك یێ گازی مە دكەن و دكەنە هێڕی و هاوار وەرن نەچن و مە نەهێلن بێ خوادان پا هەمەر هوین چوون پا ئەم دێ چەوا ژین. مە بەرێ خوەدایێ ئەڤە چەتەنە و یێ دكەنە گری و وەرن ب زڤڕن. پشتی چوونا هەوە ئەم دێ چەوان ب تنێ ل ڤێرێ ژین. من گوت: ئەز تفەنگا خوە ڕادەستی دەولەتا توركیا ناكم و من ڕابی جهەك كولا و تفەنگا خۆە دناف نالیونەكێ دا ڕاپێچا و ل جهەك ئاسێ ڤەشارت. پشتی بورینا دوو ڕۆژان من بەرێ خۆە دایێ ئەو تفەنگا من ب ساجورڤە یا ل مالێ زەلامەكێ خەلكێ گوندێ گەرەمویسێ یە. من گازی ئەوی زەلامی كر و گوتێ: ئەڤە تفەنگا منە ل ملێ تە و كا ئەوێ تفەنگێ بینە. ئەوی زەلامی گوت: برا تو دێ هەر ئەوێ تفەنگێ ڕادەستی دەولەتا توركیا كەیی هەما بلا ل ملێ من بیت بتشترە. من گوتێ: ئەس كا بۆمن بێژە تو چەوا ب سەر ئەزێ تفەنگەێ هەلبویە و تە چەوا ژ ئەوی جهی دەرخستیە. ئەڤی زەلامی گوت: ئەز ل بەرامبەری هەوە ل ناف تراشەكێ دا بین من پێ دویربینێ دزانی كا تە وەو تفەنگ ل كیرێ ڤەشارتیە. دەمێ بویە شەڤ ئەز چووم من ل پشت هەوەڕا ئەو تفەنگ دیناتە دەرێ و نوگە تو یا دبینی ئەڤە یا ل ملێ من. ئەوبی ئەم بۆ سەرسنوری چوین و ئەسكەرێ توركیا نەهێلا ئەم دەربازی سنورێ ئەوان ببین. ل دەمەكێ مە بەرێ خوە دایێ ئێكە ئەسكەرێ توركی ب زمانێ كوردی دگەل مە ئاخفت و گوت: هوین كرمانجن، مەژی گوتێ: بەلێ ئەم كوردن. ئەوێ ئەسكەر گوت: ئەز دێ خوە ژ ئەڤی جهی ڤاڕێ كەم و هوین دگەل ئەڤی خەلكی دەرباز بین. پشتی ئەم دەربازی سنوی بوین و ل ناف ئەوان چەمێن گوندێ گەرەموسێ ئاكنجی بین. ئەو چەند ڕۆژبین مە خوارن نەخواری ب تنێ هندەك جاران هەكەر پرتەكا پسكەوێتەكێ هەما مە خوار. ل دەمێ مە بەرێ خۆە دایێ زەلامەكی دانەعەمر بۆ لایێ مەڤە هات و سلاڤی مەكر و هندەك نان د جانتێ وی دا هەبی ئەو نان دا مە مەژی پێ قیما خوەكر ئەو نان خوار. ئەوبی مە چەكێن خۆە ڕادەستی دەولەتا توركیا كرن. ئەوبی ل ڕۆژ 3/9/1988ی حكومەتا توركیا ئەم بۆ كەمپا ئامەدێ یا پەنابەران برن و مە ڕۆژانێن خۆە ل ناف چادرگەهێ دا بوراندن. ئەوبی ل دەستپێكا هەیڤا یازدە حكومەتا توركیا ژ بەر سڕ و سەقەما دژوار ئەو خەلكێ ل ناف جادرگەهێ بۆ شوقەیێن سەیران دەپە و لێ ئاكنجی بین. پشتی ئەو خەلكێ مە ئەوێن ل ناف چادرگەهان بۆ شوقەیێن سەیران دەپە ل ئامەدێ ئاكنجی بین. مە هەژمارەكا كادران بڕیاردان وەك خوەبەخش قوتابخانەیەكێ ل ناف كەمپێ دا ڤەكەین و زاروكان فێری خواندن و نڤیسینێ بكەبن. بەلێ خواەشبەختانە ئەڤ چەندە هات ب جهئینان و مە بڕێكا چەند هەڤالێن خۆە یێن ل ئامەدێ شیان قرتاسی و پێتڤیێن خواندنێ پەیدا بكەین و ماموستاێن كەمپێ وەكی خوەبەخش وانە بۆ قوتایبان دگوتن. ب ڕاستی زاڕۆكێن ل ناف ئەڤێ كەمپێ گەلەك مفا وەرگتن و فێرێ خواندن و نڤیسینێ بین.هەر وەسا مە ڕۆژانێن خۆە ل ناف كەمپێ دا بوراندن و هەر چەند لیژنا ب ڕیڤەبرنا كار و بارێن كەمپێ هات پێكئینان. ئەوبی موخابراتا ئیراقێ و ب هەفكاری دگەل میتا توركیا ڤیان دەستێ خۆە بۆ ناف ئەڤی خەلكێ ب كێشن و دەست نەخوەشیێ بۆ ئەوی خەلكی پەیدابكن، لەوما ل ڕۆژا 1/2/1990ی ڕەشەكێن موخابراتا ئیراقێ و ب ڕێكا چەند كەسێن نەفس نزم ڕابون ئەو نان ژەهراوی كرن ئەوێ بۆ خەلكێ كەمپێ دهات ژەهركرن و بۆ ناف كەمپێ هنارتن.
نيشاندان