یانەیا هەولێرێ یا وەرزشی دیاركر مەسرۆر بارزانی سەرۆكێ حوكمەتا هەرێما كوردستانێ بەردەوام پشتەڤانییا وەرزشا كوردستانێ و تایبەتی یا یانەیا وان دكەت.
د پەیچێ خوە یێ فەرمی دا یانەیا هەولێر بەلاڤكرییە، دەستەكا كارگێرییا یانەیا مە هەموو ئەوان بابەت و دەنگۆیان ڕەددكەت سەبارەت هاریكارییا لایەنی بۆ تیما وان یا ڤۆلی بۆلی و چو ڕاستی بوو نینن، لێ جەنابێ مەسرۆر بارزانی ب تنێ خوە ل یانەیێ كرییە خودان و هەر ژ دەستپێكا هاتنا جەنابێ وی بۆ حوكمەتا هەرێمێ پشتەڤانێ بەردەوام بوویە و باشترین پشتەڤانییا دارایی بۆ یانەیێ كرییە.
هەروەسان بەلاڤكرییە، لەوما ژی ب فەر دبینن كو ئەو هەموو بابەت و دەنگۆیێ هاتینە بەلاڤكرن ڕەددكەین، دنوكە دا یانەیا مە ل سەر ئاستێ هەموو یارییان و چالاكییان ل رێزێن پێشیێ یە و هەڤڕكیەكا بهێز دكەت، ئەڤە ژی بۆ وێ چەندێ ڤەدگەرینن پشتەڤانییا بەردەوام یا سەرۆكێ حوكمەتا هەرێمێ كو پتر ژ هەموویان خەمخۆرە و پشتەڤانێ وەرزشێ و وەرزشدوستانە.
یانەیا هەولێر گۆت ژی: ئەم وان گۆنگۆتێن بێ بنەما ڕەدكەین و سۆپاسیا سەرۆكێ حوكمەتا هەرێمێ دكەین كو ل بن سیبەرا حوكمەتا جەنابێ وی و حوكمەتا خۆراگری یانەیا مە هەڤڕكیە ل سەر دەستڤەئینانا ناسناڤێ ستێرێن ئیراقێ.
سەرۆكێ حوكمەتێ ب باشترین شێوە پشتەڤانییا مە دكەت
نيشاندان