ئه‌ڤرۆ نيوز:
پارتى و ئێكه‌تى ل سه‌ر وێ چه‌ندێ رێكه‌فتن كو ته‌يب جه‌بار ئه‌مين وه‌كو به‌ربژارێ ليستا برايه‌تى بۆ پارێزگارێ كه‌ركووكێ بهێته ده‌ستنيشانكرن.
نووترين نووچه
- سەرۆك بارزانی و ئەردۆغانی دوپاتی ل پێشڤەبرنا پەیوەندیێن ئیراقێ و هەرێمێ ل گەل توركیا كر
- سەرۆك كۆمارێ توركیا بەردەوامییا پشتەڤانییا وەلاتێ خوە بۆ ئیراقێ و هەرێما كوردستانێ دوپاتكر
- هەرێم و سەرۆك كۆمارێ توركیا د هەڤڕابوون كو دڤێت كێشەیێن بەغدا و هەولێرێ ل سەر بنەمایێ دستووری بهێنە چارەسەركرن
- پەرلەمانتارەكا پارتی: هەلوەستێ پارتی دێ ئیراقێ بەر ب قۆناغەكا نوو بەت
- سەرۆككۆمارێ توركیا ل هەولێرێ ل گەل سەرۆك بارزانی و نێچیرڤان بارزانی و مەسرور بارزانی كۆمبوو
- سەرۆك بارزانی: داخوازێ ژ رۆژنامەڤانان دكەم ب شێوەیەكێ پیشەییانە راستییان بگەهینن
- داخوازێ ژ رۆژنامەڤانان دكەم پێگیری قانوونا كارێ رۆژنامەڤانیێ بن
- پشتەڤانییا خوە و حوكمەتێ بۆ كارێ راستەقینەیێ رۆژنامەڤانیێ و ئازادییا رادەربڕینێ ل هەرێمێ دوپات دكەم
- نێچیرڤان بارزانی: سەرەدانا سەرۆكێ توركیا ئاماژەیە بۆ پەیوەندیێن ب هێز
- كارێ رۆژنامەڤانی و ئازادییا رادەربڕینێ ل هەرێما كوردستانێ گەشەیەكا گەلەك باش كریە
سه‌ره‌كى هه‌لبژارتى4
دێ ناڤێ به‌ربژارێ پۆستێ پارێزگارێ كه‌ركووك ئاشكه‌را كه‌ن
ئه‌ڤرۆ نيوز:
بڕياره به‌رى نيڤرۆيا ئه‌ڤرۆ ل مه‌كته‌با سياسى يا ئێكه‌تى نشتيمانى كوردستان ل سلێمانيێ شاندێ پارتى و ئێكه‌تيێ كۆم ببن.
ب گۆره‌ى پێزانينێن ئه‌ڤرۆ نيوز، به‌رى نيڤرۆيا ئه‌ڤرۆ مه‌كته‌با سياسى يا ئێكه‌تى نشتيمانى كوردستان ل سلێمانيێ شاندێ پارتى و ئێكه‌تيێ كۆم ببن.
هه‌ر ب گۆره‌يى هه‌مان پێزانين د كۆمبوونێ دا دێ پرسا پۆستێ پارێزگارێ كه‌ركووكێ گه‌نگه‌شه كه‌ن و د هه‌مان ده‌م دا، دێ وى شاندى ژى ده‌ست نيشان كه‌ن يێ كو بڕياره بۆ ئاسايكرنا ره‌وشا كه‌ركووكێ به‌ر ب به‌غدا ب رێ كه‌ڤيت.
هه‌ر ئه‌ڤرۆ پشتى كۆمبوون ب دووماهى دهێت بڕياره ناڤێ به‌ربژارێ هه‌ڤپشكێ هه‌ردولا بۆ پۆستێ پارێزگارێ كه‌ركووكێ بهێته ئاشكه‌را كرن ل گه‌ل ناڤێن ئه‌ندامێن شاندێ هه‌ڤپشكێ پارتى و ئێكه‌تى بۆ به‌غدا ب مه‌ره‌ما ئاسايكرنا ره‌وشا كه‌ركووكێ.
پلە بلندکرنا فەرمانبەران دێ دەستپێکەت
ئەڤرۆ نیوز:
سەرۆکێ ئێکەتیا ماموستایێن کوردستانێ دیارکر بریارە ل ڤان نێزیکان پلە بندکرنا فەرمانبەر و ماموستایان دەسپێبکەت.
زێدەتر عەبدولواحد محەمەد گۆت: جڤاتا وەزیران بەری ماوەیەکی بریارا پلە بلندکرنا فەرمانبەر و ماموستایان دەرکریە و رەوانەی وەزارەتا دارایی و ئابوری یا ھەرێما کوردستانێ کریە و نوکە وەزارەتا دارایی ب ھەڤکاری دگەل ھەموو وەزارەتان مژوولی دانانا میکانزمەکێ نە داکو ئەڤ پلە بلندکرنە دەسپێبکەت ھەر دەمێ رێککەفتن ل سەر ھاتە کرن.
سەرۆکێ ئێکەتیا ماموستایان ئەو چەندە ژی دیارکر ئەڤ پلە بلندکرنە پێدڤی ب دەمی ھەیە ھەتا ب دووماھی بھێت ژ بەرکو ماوێ چار سالایە ھاتبوو راگرتن و نوکە وەزارەتا دارایی ژی پێدڤی ب ھندەک زانیاریان ھەیە دەربارەی فەرمانبەرێن بەر ڤێ بریارێ کەفتین.
ڤێ حەفتیێ مووچێ ڤان سێ وەزارەتان دێ ھێتە بەلاڤ کرن
ئەڤرۆ نیوز:
وەزارەتا دارایی و ئابوریی یا ھەرێما کوردستانێ خشتێ مووچێ سێ وەزارەتان یێ ھەیڤا چار یا ئەڤ سالە راگەھاند.
ل دووڤ لیستا ھاتیە دیارکرن ھەتا دووماھیا ڤێ حەفتیێ ئەڤ ھەرسێ وەزارەتێن ناڤێن وان ل خوارێ مووچێ خوە یێ نیسانا بوری یا ئەڤ سالە وەرگرن.
سێشەمبێ ٩-٧-٢٠١٩ مووچێ وەزاەرتا پەروەردێ دێ ھێتە بەلاڤ کرن، و چارشەمبێ ١٠-٧-٢٠١٩ مووچێ وەزارەتا تەندروستی دێ ھێتە بەلاڤ کرن، پێنج شەمبێ ١١-٧-٢٠١٩ مووچێ وەزارەتا دارایی دێ ھێتە بەلاڤ کرن.
چارشه‌مبيێ په‌رله‌مان دێ باوه‌ريێ ده‌ته كابينا نوو
ئه‌ڤرۆ نيوز، نيوار محه‌مه‌د سه‌ليم:
ده‌سته‌يا سه‌رۆكاتيا په‌رله‌مانێ كوردستانێ، به‌رنامێ كارێ روونشتنا ژماره 13 يا ئاسايى يا رۆژا چارشه‌مبى رێكه‌فتى 10ى تيرمه‌ها 2019ێ راگه‌هاند كو ژ سێ ته‌وه‌رێن سه‌ره‌كى پێك دهێت.
ب گۆره‌ى نڤيساره‌كا فه‌رمى يا مالپه‌رێ په‌رله‌مانێ كوردستانێ ئاشكه‌را كريه كو ب گۆره‌يى حوكمێ بڕگێن (ئێك، دو، سێ) ژ ماددێ 16 يێ برگا (سێ) ژ ماددێ (18) و ماددێن (47، 48، 52، 55، 56، 57)، ژ په‌يره‌وێ ناڤخۆ يێ په‌رله‌مانێ كوردستانێ – عيراق، ده‌سته‌يا سه‌رۆكاتيا په‌رله‌مانێ كوردستانێ بڕيار دايه به‌رنامێ كارێ روونشتنا ژماره (13) يا ئاسايى يا خولا بهارێ يا سالا ئێكێ ژ خولا پێنجێ يا هه‌لبژارتنا په‌رله‌مانى ل ده‌مژمێر (11)ى به‌رى نيڤرۆ رۆژا چارشه‌مبى دێ سێ ته‌وه‌ران ب خوه ڤه گريت.
ب گۆره‌ى به‌رنامێ كارى باوه‌رى دێ ب سه‌رۆكێ جڤاتا وه‌زيران هێته دان ب بڕيارا ژماره (7) يا سالا 2019 يا په‌رله‌مانێ كوردستانێ هاتيه به‌ربژاركرن ب گۆره‌ى بڕيارا ژماره (1) يا سالا 2019ێ سه‌رۆكاتيا هه‌رێما كوردستانێ هاتيه راسپاردن بۆ پێكئينانا كابينا نه‌هێ يا هه‌رێما كوردستانێ.
هه‌رديسان ناڤێن وه‌زيران دێ ژ لايێ راسپارديێ سه‌رۆكێ جڤاتا وه‌زيران ب گۆره‌ى برگا (4) يا ماددێ (56) ژ قانوونا ژماره (1) يا سالا 1992 يا راستڤه‌كرى و باوه‌رى دان ب وان ژ لايێ په‌رله‌مانێ كوردستانێ – عيراق.
پشكه‌كا دى روونشتنا رۆژا چارشه‌مبى دێ يا تايبه‌ت بيت ب سووندخوارنا سه‌رۆك و جێگرێ سه‌رۆكێ جڤاتا وه‌زيران و كابينا وه‌زارى يا نه‌هێ يا هه‌رێما كوردستانێ ب گۆره‌يى ماددێ (6) ژ قانوونا جڤاتا وه‌زيران يا هه‌رێما كوردستانێ ژماره (3) يا سالا 1992ێ يا راستڤه‌كرى.
ب گۆره‌يى به‌رنامێ كارێ په‌رله‌مانى دێ خواندنا هێلێن گشتى يێن به‌رنامێ كابينا وه‌زارى يا نه‌هێ ژى ژ لايێ سه‌رۆكێ جڤاتا وه‌زيرێن هه‌رێما كوردستانێ – عيراق بيت.
عيراقێ پۆستێن 70 بالوێزێن به‌تال يێن هه‌يين
ئه‌ڤرۆ نيوز:
لژنا په‌يوه‌نديێن ژ ده‌رڤه ئاشكه‌را كر كو غي 70 پۆستێن بالوێزێن به‌تال ماينه و به‌رپرساتيا ڤێ چه‌ندێ ژى خسته ستوويێ لايه‌نێن سياسى.
عامر فائيز، د داخۆيانيه‌كێ دا بۆ رۆژناما سه‌باح يا نێزيكى حوكمه‌تا عيراقێ گۆت: “لژنه چاڤه‌رێ ناڤێن بالوێزێن به‌ربژاره ژ لايێ لايه‌نێن سياسى ڤه”، گۆتژى: “50% ژ ڤێ رێژێ دێ ژ لايێ لايه‌نێن سياسى ڤه هێنه هه‌لبژارتن و يا دژى وه‌زاره‌ت دێ هه‌لبژێريت”.
ئاشكه‌را ژى كر كو نها عيراق پێدڤى ب 70 بالوێزايه و ئه‌گه‌رێ گيرۆبوونێ ژى د ستوويێ لايه‌نێن سياسى دايه.
ئه‌ندامێ لژنا په‌يوه‌نديێن ژ ده‌رڤه نه‌ڤه‌شارت ژى كو دامه‌زراندن دێ ب گۆره‌يى هنده‌ك پيڤه‌ران بن كو وه‌زاره‌تێ ديار كرينه و گۆت: “د ماوێ وه‌رزێ ئێكێ يێ كارێ په‌رله‌مانى ژ سالا ئێكێ دڤێت ئه‌ڤ ناڤه بهێنه دياركرن”.
عیراق داخوازا داشکاندنا بھایێ گەشتێن ئاسمانی یێن کوردستانێ دکەت
ئەڤرۆ نیوز:
وەزیرێ ڤەگوھاستنا عیراقێ ئەڤرۆ رۆژا شەمبی د سەرەدانا خوە دا بۆ فروکخانا ھەولێر یا نێڤدەولەتی دا داخوازا داشکاندنا بھایێ گەشتێن کوردستانێ بۆ بەسرا کر.
عەبدولا لعێبی وەزیرێ ڤەگوھاستنا عیراقێ دگەل رێڤەبەرێ گشتی یێ فروکەڤانی ل عیراقێ د سەرەدانا خوە دا بۆ فروکخانەیا ھەولێر یا نێڤدەولەتی دیارکر ئەو نێزیکی رێکخستنا گەشتێن بەردەوام یا ھێلا ئاسمانی ناڤبەرا فروکخانەیێن ھەولێر، سلێمانی و بەسرا دا نێزیک بووینە و داخواز ژ کومپانیێن فروکەڤانی کر داشکاندنا بھایێ پلێتێن گەشتێن ناڤبەرا فروکخانەیێن ھەولێر، سلێمانیێ بۆ بەسرا کر کو ب زووترین دەم بھایێ وێ بھێتە داشکاندن.
توپبارانكرنا توركى رووبه‌ره‌كێ مه‌زن يێ دارستانێ سووت
ئەڤرۆ نیوز ، زنار تۆڤی:
رۆژانە له‌شكرێ تورکی دەڤەرا بەرواری بالا ب تۆپان توپباران دکەت، هەروەسا گەلەک جاران تۆپ دناڤا گوندێن ڤێ دەڤەرێ دکەڤن، دیسان گەلە ك جاران له‌شكرێ توركى ته‌قێ ژی ل گوندێن سنۆری دکەن و چەندین فیشەک ژی ب خانیێن وەلاتیان کەفتینە.
رێبەر ئیبراهیم، وەلاتیەکێ دەڤەرا کانی ماسێ یه، بۆ ئەڤرۆ نیوز دیار کر: ژ ئەنجامێ بوردۆمانکرنا تۆپخانەیا تورکی ئاگرەکێ مەزن بەربوویە دارستانێ د ناڤبەرا هەرسێ گوندێن بناڤیێ و بێدۆهێ و ئۆرە ل ڤێ دەڤەرێ، هەتا نوکە ئاگر یێ بەردەوامە و رووبەرەکێ بەرفرەهـ یێ دارستانێ و پیش و پەلەخی و رەزان ژی هاتینە سۆتن.
٣٣ بازرگانێن دەرمانێن سەختە ھاتينە دەستەسەرکرن
ئەڤرۆ نیوز:
بەرپرسێ کونترولا دەرمانان ل وەزارەتا ساخلەمیا ھەرێما کوردستانێ ئاشکرا کر ل ماوێ بوری شیان ٣٣ بازرگانێن دەرمانێن سەختە دەستەسەر بکەن و کەسێن بیانی ژی دگەل دا ھەنە.
د. گۆران رۆژبەیانی زێدەتر گۆت: ھژمارەکا قەچاخچی و بازرگانێن دەرمانان ھاتینە دەستەرکرن و ھاتینە رەوانەکرن بۆ دادگەھێ کو ھژمارا وان دگەھیتە ٣٣ کەسان کو ڤان کەسان ڤیایە بشێوەکێ قاچاژ دەرمانان بینە ھەرێما کوردستانێ لێ ھێزێن پولیس و ئاسایشێ شیان ڤان کەسان دەستەسەر بکەن.
ناڤھاتی ئەو چەندە ژی دیارکر کو د ڤەکولینا دادگەھێ دا دیاربوویە چەندین کەسێن دی لپشت ڤێ چەندێ ھەنە کو خەلکێ تورک و عەرەب بووینە لەورا وان ژی ھەموو بزاڤێن خوە توندکرینە بۆ رێگری کرن ل ئینانا دەرمانێن سەختە .
رویته‌رز:عه‌بدولمه‌هدى ل بن فشارێن ئه‌مریكا بریارا هه‌لوه‌شاندنا حه‌شدا شه‌عبى ده‌ركر
ئه‌ڤرۆ نیوز:
فشارێن ئه‌مریكا بۆ هه‌لوه‌شاندنا حه‌شدا شه‌عبى، سه‌رۆك وه‌زیرێن عیراقێ عادل عه‌بدولمه‌هدى نه‌چاركر بریارا هه‌لوه‌شاندن وتێكهه‌لكرنا چه‌كدارێن حه‌شدا بۆ ناڤ رێزێن له‌شكری عیراقێ بده‌ت.
ئاژانسا رویته‌رز یا جیهانى یا ده‌نگوباسان به‌لاڤكر” وه‌زیرێ ده‌رڤه‌یێ ئه‌مریكى مایك پۆمپیۆ ل دووماهى سه‌ره‌دانا خوه بۆ عیراقێ ب عادل عه‌بدولمه‌هدى راگه‌هاندبوو، هه‌كه حه‌شدا شه‌عبى نه هه‌لوه‌شینیت، دێ ئه‌مریكا نه‌چار بیت هێرشان بكه‌ته سه‌ر حه‌بشدێ، ل به‌رامبه‌ر دا سه‌رۆك وه‌زیرێن عیراقێ بریارا هه‌لوه‌شاندنا حه‌شدێ ده‌ركر”.
حه‌شدا شه‌عبى ل 15/6/2014 ل سه‌ر بنه‌مایێ فه‌توایه‌كا عه‌لى سیستانى مه‌رجه‌عێ بلند یێ شیعێن عیراقێ هاته دامه‌زراندن وپشكدارى د شه‌رێ دژى داعشێ دا كر ل چه‌ندین ده‌ڤه‌رێن عیراقێ، ژ 76 گرۆپان پێك دهێت كو هژمارا چه‌كدارێن وێ 120 هزار كه‌سن، هه‌روه‌سا 300 هزار كه‌سان وه‌كو خوه‌به‌خش د ناڤ رێزێن حه‌شدا دا خوه ناڤێن خوه نڤیسینه.
سالانه ژ بودجه‌یا گشتى یا عیراقێ گۆژمێ ئێك ملیار دۆلار بۆ حه‌شدا شه‌عبى دهێته دابینكرن وچو په‌یوه‌ندى ب له‌شكرێ عیراقێ وپۆلیسان ڤه نینه، پشتى فشارێن مه‌زن یێن لایه‌نێن شیعى بۆ ده‌ربازكرنا وێ هێزێ ژناڤێ میلیشیا چه‌كدار، په‌رله‌مانێ عیراقێ ل 24/2/2016 حه‌شدا شه‌عبى وه‌كو هێزه‌كا قانوونى وفه‌رمى یا عیراقى هژمارت .
د ناڤ حه‌شدا شه‌عبى دا چه‌ند هێزێن سه‌ره‌كى یێن هه‌ین كو رۆلێ كارا هه‌یه د ئاراسته‌كرنا وێ هێزێ دا یێ هه‌ى ئه‌وژى هه‌ر ئێك ژ (رێكخراوا به‌در، حزبوللا یا عیراقى، عه‌سائیب ئه‌هلولحه‌ق وبزاڤا نوجه‌با).
نيشاندان
WP Facebook Auto Publish Powered By : XYZScripts.com