ئهڤرۆ نیوز، نهوزاد هلۆرى:
بهرپرسێ بهرسڤدانا راپۆرتێن نیڤدهولهتى ل حوكمهتا ههرێما كوردستانێ، بهرسڤا رێكخراوا هیومان رایتس ووچ ددهت سهبارهت ههبوونا گرتیێن داعشێ ل كهركوكێ ب تایبهتى پشتى روودانێن 16ێ ئوكتۆبهرا سالا بوورى كو داینه پال ههرێما كوردستانێ.
دیندار زێبارى بهرپرسێ بهرسڤدانا راپۆرتێن نیڤدهولهتى ل حوكمهتا ههرێما كوردستانێ د بهرسڤا رێكخراوا هیومان رایتس ووچ دا، د كۆنگرهیهكێ رۆژنامهڤانى دا ئهڤرۆ سێشهمبى 6/2/2018 ل ههولێرێ دیاركر كو رێكخراوا ناڤبرى ل دۆرگرتیێن داعش ب تایبهتى پشتى روودانێن 16ێ ئوكتۆبهرا بوورى، چهند تۆمهت خستینه پال ههرێما كوردستانێ و دایه دیاركرن كو پشتى حهشدا شهعبى هاتیه كهركوكێ، دهزگههێن ئهمن و ئاسایشێ هژمارهكا مهزن یا گرتیان ههبوویه و نها ئهو گرتى ددیار نینن و گۆت” دهزگههێن ئهمنی يێن كهركوكێ ب تایبهتى ئاسایشێ چو زیندانێن فهرمى نهبووینه كو ب تۆمهتا داعشێ هاتبنه گرتن و دهزگههێ دژه تیرۆر و ئاسایشا گشتى ل ههولێرێ بهرپرسیارهتیا سهرهكى یا وهرگرتن و ڤهگوهاتسنا وان چهكدارێن داعش كو دناڤا زیندانێن دوبز دا بوون بۆ ههولێرێ و نها ل ژێر چاڤدێریا ئاسایشێ و دهزگههێن قانوونى دانه”.
زێدهتر گۆت” پشتى روودانێن 16ێ ئوكتوبهرێ، كهركوك ژ روویێ ئهمن و ئاسایش و كارگێرى ڤه ب تمامى تێكچوویه و حهشدا شهعبى يا بهردهوامه ل سهر بنپێكرنان بهرامبهر وهلاتیێن كورد و دامودهزگههێن كهركوكێ”.
ئهڤرۆ نیوز:
وهزیرا دهرڤه یا سویدێ سهرهدانا خوه یا پلانكری بۆ توركیا پاشخست، وهك نیشاندانا ههلوهستێ خوه دژی هێرشا توركیا ل سهر عهفرینێ ل رۆژئاڤایێ كوردستانێ.
ژڤان بوو مارگۆت والسترۆم، پشتی دو حهفتیێن دی سهرهدانا توركیا بكهت و د گهل وهزیرێ دهرڤه یێ توركیا و سهرۆكێ وی وهلاتی كۆم ببیت، لێ حكومهتا سوید پاشخستنا وێ سهرهدانێ راگههاند بێ دهستنیشانكرنا ژڤانهكێ نوو.
رادیۆیا ئێكۆت ئێرفار یا سویدی، ئهگهرێ پاشخستنا وێ سهرهدانێ بۆ دلگرانییا سوید ههمبهری هێرشا توركیا ل سهر عهفرینێ ڤهگهراند و وهك نهرازیبوونهكا دپلۆماسی ل قهلهم دا.
ئهڤرۆنيوز:
ئهندامێ جڤاتا نوونهرێن عيراقێ ژفراكسيۆنا ئێكهتى نيشتمانى كوردستان، بهختيار شاويس، ئهڤرۆ سێشهمبى 6/2/2018 رهخنهكا توند ئاراستهى حهيدهر عهبادى كرژبهر نهپێگيريا وى ب مهزاختنا مووچێن فهرمانبهرێن ههرێما كوردستانێ وگۆت، عهبادى ژ ههموو كهسايهتيێن سياسى دديرۆكا سياسى يا عيراقێ دا درهو وفێلبازتره.
بهختيار شاويس دكۆنگرهكێ رۆژنامهڤانى دا ل سلێمانيێ گۆت” ئهز ڤێ ئاخڤتنێ اراستهى عهبادى دكهم ودبێژمێ چو كهسێ نهراستگۆ دبجهئينانا سۆزێن خوهدا دديرۆكا سياسى يا عيراقێ دا، وهكو ته نينه”.
شاويسى گۆت ژى” ئهم بهحسێ بهلاڤكرنا مووچان ل ههرێما كوردستانێ ب تنێ ناكهين، بهلكو پێدڤيه ل سهر وى ههموو كێشێن ههلاويستى ل گهل ههرێما كوردستانێ چارهكهت”.
دياركر” عهبادى دكۆنگرێن خوه يێن رۆژنامهڤانيدا ل ههموو رۆژێن سێشهمبى سۆزێ ددهت كو مووچێن ههردو وهزارهتێن پهروهردێ وساخلهميێ وههموو وهزارهتێن دى ب مهزێخيت و ل رۆژا پاشتر لژنهكا دى دهنێريت وههتا رادهكێ مهزن يێ راستگۆ نينه دسۆزێن خوه دا”.
ڤێ پهرلهمانتارێ ئێكهتيێ داخواز ژ حوكمهتا ههرێما كوردستانێ كر ههكو خوه وهكو نوونهران خهلكێ كوردستانێ دبينيت، پێدڤيه ل سهر وێ ڤێ كێشێ چارهكهت.
ئەڤرۆنیوز ، نەوزاد هلوری:
رێڤەبەرێ خالا سنوری یا سەرزێری ل دەڤەرا بەرواری بالا دیارکر ب گۆورەی رێکەفتنەکا نوو کو دناڤبەرا هەرێما کوردستان و تورکیا هاتیەکرن دەواما خالا سەرزێری يا سنورى هاتە زێدەکرن و بڤێ یەکێ هاتنوچونا رێڤینکان دێ زێدەتر بیت.
عیرفان سلێمان رێڤەبەرێ خالا سنوری يا سەرزێری بۆ ئەڤرۆ نیوز گۆت” ب گۆرەی رێکەفتنەکا نوو کو دناڤبەرا هەرێما کوردستان و تورکیا هاتیەکرن ، دەمژمێرێن دەوامێ ل خالا سنوری یا سەر زێری هاتنە زێدەکرن و بڤێ یەکێ ژی هاتنوچونا رێڤینکان دێ زێدەتر بیت ، و وەلاتی و گەشتیار دشێن دەمژمێر 8:30 سپێدێ هەتا 5:00ێ ئێڤاری هاتنوچونێ بکەن”.
زێدەتر گۆت” بزاڤ يێن ههين کو ل دهمهكێ نێزیک، زێدەباری هاتنوچونا وەڵاتیان وەکو گەشتیار د هەمان دەم دا هاتنوچونا بازرگانى ژى لێ بهێته كرن”.
ئهڤرۆنيوز:
سهرۆكێ فراكسيۆنا ئێكهتى نيشتمانى كوردستان ل جڤاتا نوونهرێن عيراقێ ئاشكراكر كو ل رۆژا پێنجشهنبيا بۆرى دكۆمبوونهكێ دا ل گهل حهيدهر عهبادى، دو پێشنياز بۆ هنارتنا مووچێن فهرمانبهرێن پهروهردێ وساخلهميێ بهرچاڤكر، بهلێ عهبادى رهتكرن.
ئارێز عهبدوللا، سهرۆكێ فراكسيۆنا ئێكهتى نيشتمانى كوردستان دبهرپهرێ خوهدا ل سهر تۆرا فهيسبووكى، بهلاڤكر” ل رۆژا پێنجشهمبيا بۆرى مه گهلهك بزاڤ ل گهل عهبادى كرن كو دو مووچێن فهرمانبهرێن ههردو وهزارهتێن پهروهردێ وساخلهميێ بدهت، بهلێ رازى نهبوو”.
ئارێزى ژى گۆت” مه پێشنيازهكا دى ژى دا عهبادى ئهوژى هنارتنا ئێك مووچهى بۆ فهرمانبهرێن وان ههردو وهزارهتان، بهلێ ب هێجهتا هووربينيێ رازى نهبوو، ههتاكو مه داخوازكر ههكه هووربينى بهردهوامبيت، سولفهيهك ب حوكمهتێ بهێته دان بۆ وان ههردو وهزارهتان وپاشى ل دووڤ ليستا هووربينى كرى حيساب ل گهل حوكمهتا ههرێمێ بهێته كرن، بهلێ وى خوه ژ وێ داخوازێ ژى ڤهدزى”.
دياركر” لهوما ئهم وهسا دبينين كو عهبادى نهڤێت ب ساناهى كێشان ل گهل ههرێمێ چاره بكهت ونه مافێ خهلكێ كوردستانێ ژى دبودجهى دا دابين بكهت، ئهم ژى دێ دبهردهوامبين ل سهر فشارخستنێ ل سهر حوكمهتا عيراقێ وچو جاران دبێ دهنگ نابين
ئهڤرۆنيوز:
شهڤا بۆرى ژئهنجامێ روودانهكا ئاگربهربوونێ ل مالهكێ، 10 هزار دۆلار سۆتن.
پهيڤدارێ رێڤهبهريا بهرگريا شارستانى ل ههولێرێ، بێوار زهيد، راگههاند” ل درهنگيا شهڤا بۆرى ژئهگهرێ شۆرتهكێ كارهبێ ل مالهكێ ل تاخێ 94 باداوه، ئاگهربوون ل وێ مالێ روودا وكهلوپهلێن وان وكوژمێ 10 هزار دۆلاران سوتن.
ناڤبرى دداخۆيانيهكا رۆژنامهڤانيدا گۆت ژى” ژبهركو ل دهمێ ئاگربهربوونێ، كهس ل مال نهبوو، لهوما ئاگر زێدهبوو وجيرانهكێ وان ههست پێكر وئپاشى ئاگههداريا بورگريا شارستانى هاته كرن وتيمێن ئاگر ڤهمراندنێ گههشتنه جهێ روودانى وشيان قاتێ دويێ يێ وى خانى بپارێزن وئاگر نهگههيته مالێن دهوروبهر وشيان ئاگرى كونترۆل بكهن”.
ئەڤرۆ نیوز ، زنار تۆڤی :
حوکمەتا عێراقێ راگەهاندیه،کو ئەو بەرپرسیار نینن بەرامبەری هیچ گرێبەستەکێ یێن کو حوکمەتا هەرێما كوردستانێ ل گەل كۆمپانیێن نەفتێ یێن بیانی ئەنجام داین،حوکمەتا هەرێما كوردستانێ دێ سەرجەم بەرپرسیارەتیێن قانوونی و دارایی گریتە ستۆیێ خوە.
سەعەد حەدیسی ئاخفتنکەرێ حوکمەتا عێراقێ دیارکریه، پشتی كۆمبوونا دناڤبەرا حەیدەر عەبادی سەرۆك وەزیرێن حوکمەتا عێراقێ ل گەل نێچیرڤان بارزانی سەرۆك وەزیرێن حوکمەتا هەرێما كوردستانێ، هەردولا كۆكبووینە ل سەر كۆمەکا بنەمایان و دووپات لێ كریە بۆ چارەسەركرنا كێشێن دناڤبەرا هەولێر و بەغدا دا،دناڤ وان دا دۆسیەیا هنارتنا نەفتا هەرێما كوردستانێ ژی.
هەروەسا گوتیە،دڤێت ئەو كێلگەیێن نەفتێ یێن حوکمەتا هەرێمێ بكەڤنە ژێر دەستهەلاتا حوکمەتا فیدرالی و كۆمپانیا سۆمۆ وێ نەفتێ ژی بفرۆشێت.
دیسا ئاماژە ب هندێ ژی دایە،هەر گرێبەستەکا نەفتێ یان یا وەبەرهێنانێ یا كو حوکمەتا هەرێما كوردستانێ د ماوێ بوری دا بێی ئاگەهدارکرنا بەغدا ئەنجام دایی، بەغدا ژێ بەرپرسیار نینە و حوکمەتا هەرێما كوردستانێ دێ چیتە ژێر بارێ هەموو بەرپرسیاریێن قانوونی و دارایی یێن وان گرێبەستان.
ئاخفتنکەرێ حوکمەتا عێراقێ ئاشكرا ژی كریە،کو لیژنا هونەری یا تایبەتمەند ل كۆمپانیا سۆمۆ و لیژنا وزێ ل جڤاتا وەزیران،ل گەل لایەنێن پەیوەندیدار ل هەرێما كوردستانێ مژۆلی كاركرنێنە ل سەر ڤێ پرسێ و دیارکریە:كارێ وان یێ گرێدارە ب وێ رێككەفتنێ،هەکە ئەو بگەهنە رێككەفتنێ،دێ هەولێر و بەغدا ژی ل سەر پرسێن دیتر رێكکەڤن و دێ ل سەر ئەردێ واقیعی ژی هێنە جێبەجێ کرن.
ئهڤرۆنيوز:
وهزارهتا دارايى وئابوورى ل ههرێما كوردستانێ خشتێ بهلاڤكرنا مووچێ مامۆستايان يێ ههيڤا 10 سالا 2017 بهلاڤكر:
ئهڤرۆنيوز:
بهرپرسهكێ ئێكهتيا مامۆستايێن كوردستانێ راگههاند، وهزيرێ دارايى وئابوورى ل ههرێما كوردستانێ ئاشكراكريه ك ژبهر زۆريا مووچێ وهزارهتا پهروهردێ، مووچێ مامۆستايان نههاتيه بهلاڤكرن ودبێژيت داخۆيانيێن عهبادى ژى ئهگهرهكێ دى يه.
ئهحمهد گهرميانى، جێگرێ سهرۆكێ ئێكهتيا مامۆستايێن كوردستانێ، ئهڤرۆ دوشهمبى 5/2/2018 راگههاند” مه ئهڤرۆ دلگرانيا مامۆستايان ل سهر گيروبۆنا مووچێ وان بۆ دهمێ 45 رۆژان گههانده وهزيرێ پهروهردێ”.
گرميانى زێدهتر بۆ دوارۆژێ گۆت” ل سهر وێ چهندێ، وهزيرێ پهروهردێ راستهوخوه پهيوهندى ب وهزيرێ دارايى وئابوورى كر ود پهيوهنديهكا تهلهفۆنى دا، رێباز حهملان وهزيرێ دارايى راگههاند كو ژبهركو پارێ پێدڤى ل بهردهست نهبوو، لهوما مووچێ وهزارهتا پهروهردێ نههاتيه بهلاڤكرن”.
دياركر ژى كو وهزيرێ دارايى ئاماژه دا كو بۆ بهلاڤكرنا مووچێ ئێك ههيڤێ يێ وهزارهتا پهروهردێ، پێدڤى ب 76 مليار ديناران ههيه، ددهمهكى دا، وهزارهتا دارايى تنێ 50 مليار دينار ل بهردهست بوو.
گۆت ژى كو گيروبۆنا مووچێ مامۆستايان پهيوهندى ب داخۆيانيێن حهيدهر عهبادى سهرۆك وهزيرێن عيراقێ ژى ڤه ههيه، چونكى دهمێ چهنده ههيڤانه عهبادى دبێژيت كو دێ مووچێ وهزارهتێن پهروهردێ وساخلهميێ هنێريت، ڤێ چهندێ ژى وهكر كو داراييا ههرێمێ مووچێ مامۆستايان بهلاڤ نهكهت.
نيشاندان