ئهڤرۆنيوز:
سهرۆك وهزيرێن ههرێما كوردستانێ راگههاند، دانوستاندنێن ههولێرێ وبهغدا دێ دبهردهوام بن ودياركر كو ل دووڤ پێشبينيا مه پهيوهندى ل گهل بهغدا وسهرۆك وهزيرێن عيراقێ دێ باشتر بن.
نێچيرڤان بارزانى سهرۆك وهزيرێن ههرێما كوردستانێ، ئهڤرۆ چارشهمبى 17/1/2018 دكۆنگرێ رۆژنامهڤانيێ ههفتانه يێ خوهدا رۆناهى خسته سهر دووماهى پێشڤهچوونێن پهيوهنديێن دناڤبهرا بهغدا وههرێمێ دا.
نێچيرڤان بارزانى گۆت” پێشتر شاندهكێ ههرێما كوردستانێ سهرهدانا بهغدا كربوو، پاشى شاندهك ژ بهغدا ب سهرۆكاتيا مههدى عهلاق سهرهدانا ههرێما كوردستانێ كر، ل ههرێما كوردستانێ دناڤبهرا ههردولايهنان تيم هاتن دروستكرن بۆ بابهتێ فرۆكخانان ودهرگههێن سنورى وبابهتێن پهيوهنديدار ب وهزارهتا ناڤخوه وبهنداڤان”.
گۆت ژى” ههلسهنگاندنا مه ل جڤاتا وهزيران يا ئهرێنى يه وب ديتنا مه دهست پێكرنهكا گهلهك باشه بۆ چارهسهركرنا ههموو ئهو كێشێن دناڤبهرا ههرێما كوردستانێ وبهغدا ههين دچارچۆڤێ دستوورێ عيراقێ دا ، خوهشحالين ب ڤان روونشتنان وهيڤيدارين بگههينه ئهنجامهكێ باش كو دخزمهتا ههموو هاولاتيێن عيراقێ وكوردستانێ دابيت وئهو پهيوهنديێن دناڤبهرا مه دا ههين، بهێنه ئاساييكرن وبهێنه زێدهكرن ژى”.
سهرۆك وهزيرێن ههرێمێ ئاشكراكر ژى كو ل ڤان نێزيكان پهيوهندى ل گهل بهغدا ب گشتى وجڤاتا وهزيران وسهرۆك وهزيران ژى دێ باشتر بن، كونۆسا كۆمبوونێ يا هاتيه ئيمزاكرا ژلايێ بهغدا وههولێرێ ڤه وچاڤهرێ دهێته كرن سهرۆك وهزيرێن عيراقێ وى كونۆسى ئيمزار بكهت وئهوا دمينيت چهند بابهتێن پێكڤه گرێدانێنه كو ههموو داخوازى هاتينه بجهئينان وئێدى ئهوا دمينيت بابهتێ سياسى يه بۆ ڤهكرنا فرۆكخانان.
نێچيرڤان بارزانى دياركر” داخوازا ليستا مووچهخۆرێن ههردو وهزارهتێن پهروهردێ وساخلهميێ هاتبوو كرن، مه شاندێن خوه هنارتن بهغدا وكۆمبوون هاتن كرن، ئهڤرۆ ژى كۆمبوونهكا دى ل بهغدا يا ههى وهيڤيدارين بگههنه ئهنجامهكى”.
گۆت ژى” داخوزنامه يا گههشتيه مه بۆ سهرهدانا بهغدا، هێشتا مه بريار نهدايه كا ئايا دێ ئهز بئاماده بم يان نه، چونكى دبيت وى دهمى ئهم ل كۆنگرێ داڤۆس بين ول ههرێما كوردستانێ نهبين”.
نيشاندان