ئهڤرۆنيوز:
نێچيرڤان بارزانى سهرۆك وهزيرێن ههرێما كوردستانێ، ئهڤرۆ دوشهمبى 8/1/2018 دكۆنگرێ خوهيێ رۆژنامهڤانى پشتى ب دووماهى هاتنا كۆمبوونهكا جڤاتا وهزيران، ل دؤر بريارا عيراقێ ب رێ نهدانێ ب كۆمپانيا كارگرۆپ كو ل كهركووكێ كاربكهت راگههاند، ئهو بريار دجهێ جوه دا نينه.
ئهڤرۆ، جڤاتا نوونهرێن عيراقێ بريارهك دهركر كو ب رێيا وهزارهتا پهترۆلا عيراقێ رێ ل كاركرنا كۆمپانيا كارگرۆپ ل كهركووكێ بهێته گرتن وهنارتنا پهترۆلێ تنێ ب رێيا كۆمپانيا سومۆ بيت.
سهبارهت وێ بريارا عيراقێ، نێچيرڤان بارزانى سهرۆك وهزيرێن ههرێما كوردستانێ، ئهڤرۆ دبهرسڤا رۆژنامهڤانهكێ دا، گۆت” ب ديتنا من ئهو برياره ب تمامى دجهێ خوه دا نينه، ئهو كۆمپانيانه يێن كهرتێ تايبهتن وب ديتنا من چو پێدڤى ب وێ چهندێ ناكهت جڤاتا نوونهرێن عيراقێ وێ بريارێ بدهت”.
ئهڤرۆ نيوز:
ژ ئهنجامێ ههرفينا ئاڤاهيێ نهخوشخانهكێ ل قهزا سێمێلێ كو ل قوناغا دروستكرنێ دابوو 10 كرێكار بريندار دبن.
عيسا نسرى سهرۆكێ سهنديكا كرێكارێن كوردستانێ لقێ دهۆك دياكر كو ئهڤرۆ بهرى نيڤرۆ ل دهمێ چيمهنتوكرنا ئاڤاهيێ نهخوشخانهكا كهرتى تايبهت، ئاڤاهى د ههرفيت و د ئهنجامدا 10 كرێكار بريندار دبن.
ئهڤرۆنيوز:
وهزارهتا دهرڤه يا ئيرانێ، ئهڤرۆ دوشهمبى 8/1/2018، داخۆيانيا بهرپرسهكێ ئيرانى رهتكر كو ههرێما كوردستانێ دهست دئالۆزيێن ئيرانێ دا ههبيت.
بەهرام قاسمی پهيڤدارێ وهزارهتا دهرڤه يا ئيرانى دكونفرانسێ رۆژنامهڤانيێ ههفتانه يێ خوه دا، ل دۆر داخۆيانى وئاخڤتنێن چهند بهرپرسهكێن لهشكرى وسياسى يێن ئيرانى ل دۆر ههبوونا دهستێ ههرێما كوردستانێ دئالۆزيێن ئيرانێ دا، گۆت” چو بهلگهك ل بهردهست نينه كو ههرێما كوردستانێ دهست دئالۆزيێن ئيرانێ دا ههبيت وگهلهك ب دوورى دبينم ئهو بزاڤهكێ دژى ئاسايشا نيشتمانى يا ئيرانى ئهنجام بدهن”.
موحسين رهزائى ئهميندارێ گشتيێ دهستنيشانكرنا بهرژهوهنديێن ئيرانێ راگههاندبوو” ل ههولێرێ پلان بۆ خوهپيشادانێن ئيرانێ هاتيه دانان و برێڤهبرن”.
ژلايێ خوهڤه، فهلاح مستهفا، بهرپرسێ پهيوهنديێن دهرڤه يێن ههرێما كوردستانێ دكۆمبوونهكێ دا ل گهل سیامەك بورهانی جێگرێ كونسۆلێ گشتيێ ئيرانێ ل ههرێمێ گۆتبوو” ههكه ئهميندارێ گشتيێ دهستنيشانكرنا بهرژهوهنديێن ئيرانێ ههر بهلگهك ههبيت ل سهر دهستێوهردانا ههرێمێ دخوهپيشادانێن ئيرانێ، بلا بهرچاڤ بكهت”.
ئهڤرۆنيوز:
فهلاح مستهفا بهرپرسێ پهيوهنديێن دهرڤه يێن ههرێما كوردستانێ راگههاند، داخۆيانيا ئهميندارێ گشتيێ دهستنيشانكرنا بهرژهوهنديێن ئيرانێ بهرۆڤاژى بنهما وقانوونێن نێڤدهولهتى يه بۆ پهيوهنديێن ههردولا.
فهلاح مستهفا، بهرپرسێ پهيوهنديێن دهرڤه يێن ههرێما كوردستانێ دكۆمبوونهكێ دا ل گهل سیامەك بورهانی جێگرێ كونسۆلێ گشتيێ ئيرانێ ل ههرێمێ زێدهتر گۆت” ههكه ئهميندارێ گشتيێ دهستنيشانكرنا بهرژهوهنديێن ئيرانێ ههر بهلگهك ههبيت ل سهر دهستێوهردانا ههرێمێ دخوهپيشادانێن ئيرانێ، بلا بهرچاڤ بكهت”.
مالپهرێ فهرميێ حوكمهتا ههرێمێ دياركر كو فهلاح مستهفاى ب فهرمى دلگرانى ونهرازيبوونا حوكمهتا ههرێما كوردستانێ گههانده كۆمارا ئيسلامى يا ئيرانێ سهبارهت داخۆيانيا موحسين رهزائى ئهميندارێ گشتيێ دهستنيشانكرنا بهرژهوهنديێن ئيرانێ، كو ل ههولێرێ پلان بۆ خوهپيشادانێن ئيرانێ هاتيه دانان و برێڤهبرن”.
فهلاح مستهفاى گۆت ژى” ئهو داخۆيانيه بهرۆڤاژى بنهما وقانوونێن نێڤدهولهتى نه بۆ پهيوهنديێن دو لايهنه، چونكى ئاخڤتنين وى چهند تۆمهتێن بێ بنهمانه وجارا ئێكێ ژى نينه ئهڤ تۆمهته ژلايێ مهزنه بهرپرسێن ئيرانێ دهێنه بهلاڤكرن”.
بهرپرسێ پهيوهنديێن دهرڤه يێن ههرێما كوردستانێ دياركر كو ڤێ داخويانيێ ب ههلويستهكێ نهگونجاى دبينين ودژى پهيوهنديێن ههرێما كوردستانێ وئيرانێ يه وحوكمهتا ههرێمێ دخوازيت پهيوهنديێن دۆستانه ل گهل ههموو وهلاتێن دهڤهرێ وجڤاكێ نێڤدهولهتى ههبن.
ئەڤرۆ نیۆز ، زنار تۆڤی:
سەرۆكێ حوکمەتا هەرێما كوردستانێ د كۆنگرەکێ رۆژنامەڤانیدا ئاشكرا كر،بۆ كۆمسیۆنا بلند یا سەربەخۆیا هەلبژارتن و ڕاپرسیێ ل هەرێما كوردستانێ، هەر تشتەکێ پێدڤی بیت ئەم دێ بۆ دابین كەین،داکو هەلبژارتنێن هەرێما كوردستانێ بهێنە ئەنجامدان و حەفتیا بهێت ژی دێ كۆمبوونەک دناڤبەرا پەرلەمانی و حوکمەتێ و كۆمسیۆنێ برێڤە چیت.
ئەڤرۆ دووشەمبیێ 8.1.208 نێچیرڤان بارزانی سەرۆكێ حوکمەتا هەرێما كوردستانێ د كۆنگرەکێ رۆژنامەڤانیدا گوت، كارەکێ باشە هەکە جڤاتا نوونەرێن عێراقێ،دووڤچوونێ بکەت بۆ وی دۆخێ ل خورماتوو هەی، هەروەسا كارێ مە ل گەل كۆمپانیا دیلۆت د پرۆسا هووربینیێ یا بەردەوامە و ل شەش هەیڤێن سالا 2017 هووربینی تێدا هاتیەکرن و هەکە بەغدا یا ئامادە بیت، ئەم ژی د ئامادەینە ب گفتوگۆ هەموو ژمارەیا بێخینە بەردەست.
بارزانی ئاشكرا كر ژی د كۆمبوونا دوهی دا ل گەل ئێکەتیێ نەگەهیشتینە چو ئەنجامان، بۆ پرسا دانوستاندنێ ژی ل گەل بەغدا،مە بەرسڤا سەرۆك كۆمارێ عێراقمێ دایە و مە نامەک هنارتیە بۆ دەست پێكرنا گفتوگۆیێ دناڤبەرا هەولێر و بەغدا دا.
دەربارەی پارێ گەنمێ جۆتیارێن هەرێما كوردستانێ سەرۆكێ حوکمەتێ راگەهاند، بەغدا ب گۆژمێ 700 ملیار دیناران قەردارێ جووتیارێن هەرێما كوردستانێ یە،مە پێ باشە پەیوەندیێن مە ل گەل سەرجەم لایەنان باش بیت.
مه ل گەل كۆمسیۆنێ گفتوگۆ كریە و هەر تشتەکێ وان بڤێت وەك پێداویستی دێ بۆ وان جێبەجێ كەین،هەروەسا بریارە ل حەفتیا بهێت كۆمبوونەک دناڤبەرا كۆمسیۆنێ و پەرلەمانی و حكوومەتێ دا بهێته کرن بۆ هەلبژارتنێن داهاتی یێن هەرێما كوردستانێ.
نێچیرڤان بارزانی سەرۆکێ حوکمەتا هەرێما کوردستانێ گوتیه ژی،تەعریبكرنا دەڤەرێن جهێ ناكۆكیێ جهێ نیگەرانیێ یە،لەورا چارەسەرەک هەیە ئەو ژی ماددێ 140 هیڤیدارین عێراق جێبەجێی بكەت،کو هەموو گەلێ عێراقێ دەنگ پێدایە.
نوکە پرسا هەلبژارتنێن هەرێما كوردستانێ و گفتوگۆیێن دناڤبەرا هەولێر و بەغدا دا گرنگترین بابەتێن هەرێما كوردستانێنە،لەورا دهێتە پێشبینی کرن،کو د چەند حەفتیێن داهاتیدا گفتوگۆیێن نەراستەوخۆ دناڤبەرا هەولێر و بەغدا دەست پێ بكەن.
ئهڤرۆنيوز:
سهرۆكێ جڤاتا خواندنا بلند ل ئيرانێ مههدى ئاويد راگههاند، خواندنا زمانێ ئينگليزى ل قوتابخانێن سهرهتايى يێن ب سهر دهولهتێ وكهرتێ تايبهت ڤه بهرۆڤاژى قانوون ورێنمايانه.
ل دووڤ دهنگوباسهكێ ئاژانسا سپۆتنيك يا رووسى، عهلى خامهنهئى رێبهرێ بلند يێ ئيرانێ ئاماژه كريه كو خواندنا زمانێ ئينگليزى دژيێ زارۆكينيێ دا رێخوهشكهره بۆ داگيركرنا كهلتۆرێ ئيرانێ ژلايێ رۆژئاڤاى ڤه.
ئاژانسا رووسى بهلاڤكريه ژه كو قهدهغهكرنا خواندنا زمانێ ئينگليزى ل قوتابخانێن سهرهتايى ل ئيرانێ دلگرانيا رايا گشتى يا ئيرانى ل دووڤ خوه ئينايه.
ئهڤرۆ نيوز:
نێچیرڤان بارزانی سهرۆك وهزيرێن ههرێما كوردستانێ ئهڤرۆ د كۆنگرهكێ رۆژنامهڤانى دا، پشتى كومبوونا جڤاتا وهزيران راگههاند: دێ ههموو كارئاسانيان كهين ئهگهر بهغدا يا رژد بيت ل سهر هنارتنا مووچێ فهرمانبهرێن ههرێمێ، ئهگهر حوكمهتا عيراقێ داتايێن هنارتنا نهفتا ههرێمێ بخوازيت، داتا د بهرههڤن.
نێچيرڤان بارزانى دياركر، پارێ هنارتنا نهفتا ههرێمێ تێرا مووچێ فهرمانبهرێن ههرێمێ ناكهت.
ئهڤرۆ نيوز:
رێڤهبهريا هاتنوچوونا پارێزگهها دهۆكێ راگههاند كو ب گۆرهى نڤيسارهكا وهزارهتا ناڤخۆ يا حوكمهتا ههرێما كوردستانێ دووماهى ژڤان بۆ تۆماركرنا ترۆمبێلێن تابلۆيێن بيانى 31ى كانوونا دويێ 2017 يه و پشتى وى ژڤانى دێ ئهڤ ترۆمبێله ب ههلوهشاندى هێنه هژمارتن.
عهقيدێ مافپهروهر، ئازاد تاها، بهرپرسێ پشكا پهيوهندى و راگههاندنێ ل رێڤهبهريا هاتنوچوونا پارێزگهها دهۆكێ د داخۆيانيهكێ دا بۆ ئهڤرۆ نيوز ئاشكهرا كر كو وهزارهتا ناڤخۆ ل حوكمهتا ههرێما كوردستانێ رێنمايهك دهركريه و بۆ ههموو رێڤهبهريێن هاتنوچوونێ ل پارێزگههێن ههرێمێ دهركريه كو تێدا دايه دياركر كو ترۆمبێلێن تابلۆيێن ئورۆپى ژ 1ى خزيرانا 2017 و مودێل 2000 و سهردا وب رهنگهكێ قانوونى ب رێيا دهرگههێن سنورى هاتينه ناڤ ههرێما كوردستانێ پێدڤيه بهێنه تۆماركرن.
عهقيدێ مافپهروهر گۆت: “دووماهى ژڤان بۆ خودانێن ڤان ترۆمبێلان 31ى كانوونا دويێ 2017يه و پشتى ڤى ژڤانى دێ ترۆمبێل ب ههلوهشاندى هێنه هژمارتن”.
بهرى نوكه حوكمهتا ههرێما كوردستانێ راگههاندبوو كو ئهو دێ ترۆمبێلێن تابلۆيێن ئورۆپى يێن مودێلا وان د سهر 2000ێ دا ژماره كهن و نوكه ژى ژڤانێ دووماهيێ يێ وێ ژمارهكرنێ ئاشكهرا كر.
ئەڤرۆ نیوز:
پشتی کو ھەڤسەرۆکێ ھەدەپێ ل زیندانێ راگەھاند ئەو د کۆنگرێ سیێ یێ پارتیا خوە دا بۆ ھەڤسەرۆکێ گشتی یێ پارتێ خوە بەربژار ناکەت نھا ھەدەپە بەرھەڤیان بۆ کۆنگرێ سیێ و قۆناغا پشتی دەمیرتاشی ئامادە دکەت و بەرپرسێن وێ پارتیێ ژی دبێژن ئەو رێزێ ل بریارا دەمیرتاشی دگرن.
پارتیا دیموکراتیک یا گەلان ھەدەپە کو نھا پرانیا سەرکردێن وێ ل زیندانێ دانە خوە بۆ کۆنگرێ سیێ و ھەلبژارتنێن داھاتی یێ تورکیا بەرھەڤ دکەت، ھەڤسەرۆکێ گشتی یێ پارتیێ سەلاحەدین دەمیرتاش د زیندانێ دایە و چەند رۆژ بەری نھا ژی راگەھاند کو ئەو خوە بۆ پۆستێ ھەڤسەرۆکاتیێ بەربژار ناکەت، بەرپرسێن ھەدەپێ ژی دبێژن ئەو رێزێ ل بریارا دەمیرتاشی دگرن.
جڤاتا گشتی یا ھەدەپێ دوھی داخۆیانیەک ل دۆر قۆناغا نوو و خەباتا پارتیا خوە و ھەلویستێ دەمیرتاشی بەلاڤ کر و د داخۆیانیێ دا ھاتیە دیار کرن کو “سەرەرای زۆلم و زۆرداریا حوکمەتا تورکیا و گرتنا سەرکردە و ئەندامێن پارتیا مە، لێ خەباتا مە بۆ ئازادی و دیموکراسیێ ل تورکیا دێ بەردەوام بیت، ھەڤسەرۆکێ پارتیا مە ناخوازیت جارەکا دی خوە بۆ پۆستێ ھەڤسەرۆکاتیێ بەربژار بکەت، ئەم ژ ڤێ بریارێ دلگرانین لێ د ھەمان دەمی دا ئەم رێزێ ل بریارا دەمیرتاشی دگرین، چونکو دەمیرتاشی ژی دڤێت ھندەک ھەڤالێن دی ل ڤی پۆستی کار بکەن”.
ل ئالیێ دی ھەفتیا بۆری ئەندامەکێ پەرلەمانێ تورکیا سەر ب ھەدەپێ ژی داخواز ژ پارتێن پارتێن کوردی ل باکورێ کوردستانێ کربوو کو پێکڤە بەرەیەکێ ئاڤا بکەن و پشکداریێ د ھەلبژارتنێن داھاتی یێ تورکیا دا بکەن و کوردێن باکور ژی دەستخوەشی ل ھەلویستی وی پەرلەمانتاری کرن و راگەھاندن کو ئەو یەک بۆ ئێکەتیا کوردان ل باکورێ کوردستانێ دێ بیتە دەستپێکەکا باش و دڤێت ھەموو ئالیەک بۆ ئێکەتیا نەتەوی کار بکەن.
ھەڤسەرۆکێ ھەدەپێ سەلاحەدین دەمیرتاش بەری نھا بۆ رۆژنامەکا تورکیا دیار کربوو کو ل ھەلبژارتنێن ڤێجارێ دێ دەنگێ پارتیا مە زێدەتر لێ ھێت، چونکو رۆژ ب رۆژێ گەلێن تورکیا پتر راستیا ئاکپارتیێ و شاشیێن وێ دبینن و دێ دەنگێ خوە دەنە پارتیا مە.
ھەروەسا ل گۆر راپرسیێن ھەتا نھا ل تورکیا ل دۆر ھەلبژارتنێن داھاتی یێن تورکیا ھاتینە کرن ژی نیشا ددەت کو دەنگێ ئاکپارتیێ وەکو بەرێ نامینیت و دێ کێم بیت، ئەگەرێ سەرەکی ژی بۆ رەوشا نھا یا تورکیا و گرتنا ب ھزاران رەوشەنبیر و سیاسەتمەداران ڤەدگەریت و پرانیا خەلکێ تورکیا دبێژن کو ئاکپارتی ل ئارمانجێن خوە دوور کەفتیە و ئاکپارتیا نھا ئەو ئاکپارتی نینە کو سۆزا خزمەتکرنێ دابوو ھەموو گەلێن تورکیا.
ھەروەسا ژ بەر دژبەراتیا ئەردۆگانی و پارتیا وی یا ل ھەمبەر ریفراندۆما ھەرێما کوردستانێ دھێتە پێشبینی کرن کو دەنگێ ئاکپارتیێ ل باکورێ کوردستانێ گەلەکێ کێم بیت و بەری نھا ژی چەندین ئەندامێن ئاکپارتیێ یێن ب ئەسلێ خوە کورد دەست ژ وێ پارتیێ بەردان و راگەھاندن کو ئاکپارتیێ بەری نھا دگۆت کورد برایێ مە نە، لێ نھا ژی ب ھەموو رەنگەکێ دوژمناتیا کوردان دکەت.
نيشاندان