ئهڤرۆ نيوز:
پشتى دووهى روونشتنا جڤاتا نوونهرێن عيراقێ ل دۆر ههلبژارتنان بۆ ئهڤرۆ هاتيه پاشخستن، بهرى دهمهكێ كێم ب پتريا دهنگێن نوونهران، رۆژا دهستنيشانكرى بۆ ههلبژارتنان ل عيراقێ هاته پهسهندكرن.
زێدهتر…
نووترين نووچه
- سەرۆك بارزانی: ب چو ڕەنگەكی ڕێ ناهێتە دان هەرێما كوردستانێ ببیتە پەناگەهەك بۆ گەندەلكاران
- سەرۆكێ هەرێمێ و سەرۆكێ دەستەیا دەستپاكیێ یا فیدرال ب هێزكرنا هەماهەنگیێ گەنگەشە كر
- دەرهینانا سووریێ ژ لیستا تیرۆرێ پێنگاڤەكا گرنگە
- وەزیرێ نەفتا ئیراقێ پشكا نەفتا خاڤ یا هەرێما كوردستانێ زێدە ناكەت
- وەزارەتا پێشمەرگەی: ئەركێ سەربازی یێ هێزێن ئەلمانیایێ ل هەرێما كوردستانێ ب دووماهی هات
- دو خواندنێن جودا بۆ رەوشا نها یا رۆژئاڤایێ کوردستانێ دهێنە کرن
- هیڤیدارم ئەڤ هەلكەفتا پیرۆز خێر و خۆشی و دادیێ بۆ دەڤەرا مە ب دەست بینیت
- بیرەوەرییا ژ دایكبوونا پێغەمبەری (س.خ) دەلیڤەیا نووژەنكرنا مرۆڤدۆستیێ یە
- بیرەوەرییا ژدایكبوونا پێغەمبەری (س.خ) ل هەموو ئالییەكی پیرۆز بیت
- ئەنفال پیلانەكا ڕەش بوو بۆ گوهۆڕینا دیموگرافییا كوردستانێ، لێ گەلێ مە سەركەفت
سهرهكى نووترين نووچه
سهرۆكێ جڤاتا پارێزگهها دهۆك بهحس ل مان و نهمانا ئێكگرتوو د حوكمهتێ دا دكهت
ئهڤرۆ نيوز:
سەرۆکێ جڤاتا پارێزگهها دھۆکێ دیار کر، ھەرچەندە ڤەکێشانا یەکگرتوویێ ژ حوکمەتا ھەرێمێ ئەم گەلەک دلگرانکرینە، لێ ھێشتا زوویە بڕیارەکێ ل دۆر پۆستێن وان د ناڤ کارگێریا پارێزگەھا دھۆکێ دا بھێتە دان.
فەھیم عەبدوللا، سەرۆکێ جڤاتا پارێزگهها دھۆکێ تایبەت بۆ ئەڤرۆ راگەھاند، ڤەکێشانا یەکگرتوویێ ئەم گەلەک دلگرانکرینە، ھەرچەندە ئەم رێزێ ژی ل بریارا وان دگرین، مەسەلا پۆستێن وان د پارێزگەھا دھۆکێ ژی دا ھێشتا زوویە بڕیارێ ل سەر بدەین، چونکو نھا چاڤێ مە ل کەش و ھەوایێ سیاسی یە و گۆت: “یەکگرتوویێ 24 پۆست وەکو رێڤەبەرێن گشتی و رێڤەبەر و رێڤەبەرێن فەرمانگەھان ل پارێزگەھا دھۆکێ وەرگرتینە، نھا ژی ئەو پۆست ھەر د دەستێ وان دانە و ئەو ب رێڤە دبەن”.
فەھیمی ئاشکرا ژی کر، ئەڤ لایەنێن ھەتا نوکە خوە ژ حوکمەتا ھەرێما کوردستانێ ڤەکێشاین چو پێگوھۆر و بەدیلێن باشتر ڤێ نینن، ئەڤ گڤاشتنا ئەو دکەن ب تنێ د بەرژەوەندا عەبادی و حوکمەتا عیراقێ دایە بۆ لاوازکرنا پێگەھێ کوردستانێ و ب تنێ رەڤینە ژ بەرپرساتیا وەلاتیان و گۆت: “ئەم وەکو فراکسیۆنا پارتی دپێگیرین ب بەرپرسیاتیێن خوە و تەحەمولا ھەموو ئاستەنگ و نەخۆشیان دکەین و رەوش بگەھیتە چو ئاست ژی دێ ھەر د خزمەتا وەلاتیێن خوە دا بین”.
ئەڤرۆ لیژنا چاڤدێریا دارایی دێ ژ بەغدا گەھیتە ھەرێما کوردستانێ
ئهڤرۆ نيوز:
ب مەرەما ھووربینیێ د لیستا مووچێ فەرمانبەرێن پەروەردێ و ساخلەمی دا بڕیارە ئەڤرۆ رۆژا 22ى كانوونا دويێ 2018 لیژنا چاڤدێریا دارایی ژ بەغدا سەرەدانا ھەرێما کوردستانێ بکەت، پەیڤدارێ وەزارەتا کاروبارێن شەھید و ئەنفالکریان ژی دیار کر کو د ڤێ حەفتیێ دا ئەو ژی دێ لیستا بەنە بەغدا ب مەرەما مەزاختنا مووچەی.
فوئاد عوسمان، پەیڤدارێ وەزارەتا شەھید و ئەنفالکریان بۆ رۆژناما ئەڤرۆ ئاشکرا کر کو وەزارەتا کاروبارێن شەھید و ئەنفالکریان ڤێ حەفتیێ دێ لیستا مووچێ شەھید و زیندانیێن سیاسی بۆ بەغدا ھنێریت و لیستا مووچێ وەزارەتێ دێ ب زمانێ عەرەبی بۆ حەیدەر عەبادی سەرۆک وەزیرێن عیراقێ و پەرلەمانێ عیراقێ ھێتە ھنارتن و گۆت: ”پێشبینی دھێتەکرن مینا لیستا وەزارەتێن پەروەردە و ساخلەمیێ بەغدا لیژنا ھووربینیێ پێکبینیت و پشتی پێداچوونێ مووچە بھێتە مەزاختن”.
ژ ئالیێ خوە ڤە ژی د. ڤیان جاف، نوونەرا وەزارەتا ساخلەمی بۆ مووچەی بۆ رۆژناما ئەڤرۆ ئاشکرا کر ئەو ژ ئالیێ بەغدا ڤە ھاتینە ئاگەھدارکرن کو بڕیارە ئەڤرۆ رۆژا 22ى كانوونا دويێ 2018 لیژنا چاڤدێریا دارایی ژ بەغدا سەرەدانا ھەرێما کوردستانێ بکەت و ھووربینیێ د لیستا مووچێ فەرمانبەرێن ھەر دو وەزارەتێن پەروەردە و ساخلەمیێ دا بکەت و گۆت: “ئەم ژی بۆ ڤێ چەندێ د بەرھەڤین کو ھەموو ئاسانکاریان بۆ لیژنێ بکەین ژ پێخەمەت مەزاختنا مووچێ فەرمانبەران”.
بسپۆرەکێ روسی: روسیا خیانەت ل کوردان کر و ئەمریکا ژی بێدەنگە
ئهڤرۆ نيوز:
بسپۆرەکێ روسیا ل دۆر ئۆپەراسیۆنا تورکیا ل سەر عەفرینێ دیار دکەت کو دەمەکە د ناڤبەرا روسیا و تورکیا دا ل دۆر عەفرینێ پیلان ھەبوو و روسیا ل ھەمبەر ئدلیبێ رێ دا تورکیا ل عەفرینێ دەست ب ئۆپەراسیۆنێ بکەت و ئەمریکا ژی ژ بەر بەرژەوەندیێن خوە بێدەنگە و ئەمریکا دخوازیت شەرێ کورد و تورکان بەرفرەھتر ببیت.
ئانتۆن مادراسۆڤ بسپۆرێ روسی یێ کاروبارێ رۆژھەلاتا ناڤین بۆ رۆژناما ڤزگلاد یا وی وەلاتی دیار کریە کو ئۆپەراسیۆنا عەفرینێ کو نھا تورکیا برێڤە دبەت ژ ئەنجاما پەیمانەکا نھێنی یە د ناڤبەرا روسیا و تورکیا دا، چونکو روسیا باش دزانیت تورکیا ب چو رەنگەکێ قەبوول ناکەت یەپەگە ل باکورێ سووریێ ب ھێز کەڤیت و پشتی کو ئەمریکا دیار کری دێ ھێزەکا سی ھزار کەسی وەکو پاسەڤانێن سنوری ژ ھێزێن کوردی و ھێزێن سووریا دیموکراتیک ئاڤا کەت ڤێ یەکێ بەھانەکا باش بۆ تورکیا دروست کر دا دەست ب ھێرشا ل سەر عەفرینێ بکەت و گۆت: (روسیا ل ھەمبەر وەرگرتنا ئدلیبێ رێ دا تورکیا دا دەست ب ئۆپەراسپۆنا عەفرینێ بکەت، چونکو چەکدارێن ئەلنوسرا و گرۆپێن دی یێن سەر ب لەشکرێ ئازاد کو تورکیا پشتەڤانیێ ل وان دکەت ژ ئدلیبێ بەرێ خوە دانە عەفرینێ و روسیا دخوازیت ھێزێن بەشاری ژی بنگەھێن ستراتیژی یێن ئدلیبێ کۆنترول بکەن و ژ بەر ھندێ ژی روسیا سەربازێن خوە ژ عەفرینێ ڤەکێشان).
بسپۆرێ روسی ل دۆر ھەلویستێ ئەمریکا ژی دیار دکەت کو بەری نھا ئەمریکا دیار کربوو کو وان چو ھێز ل عەفرینێ نینن و ئەو ھەلویستێ ئەمریکا وەسا کر کو تورکیا پتر جەسارەت وەربگریت و بەرێ خوە بدەتە عەفرینێ، ئانکۆ ئەمریکا ژی ل ھەمبەر ئۆپەراسیۆنا عەفرینێ بێدەنگ ما و تورکیا ژی ب ھەموو ھێزێن خوە ل عەفرینێ ددەت کو ل گۆر زانیاریان ھەتا نھا گەلەک خەلکێ سڤیل ژی جانێ خوە ژ دەست داینە.
بەری نھا ژی ئالدار خەلیل سەرکردێ تەڤدەمێ دیار کربوو کو روسیا چەندن جاران داخواز ژ مە کربوو کو ئەم عەفرینێ رادەستی رژێما سووریێ بکەین لێ ئەو یەک ژ ئالیێ ڤە مە ھاتبوو رەت کرن.
ل ئالیێ دی پرانیا ئاژانسێن جیھانی بەحسێ ئۆپەراسیۆنا تورکیا یا ل سەر عەفرینێ دکەن و دبێژن کو ھێزێن جیھانێ چەک دانە کوردێن سووریێ دا شەرێ داعشێ بکەن و پشتی داعش ژناڤچوو نھا ژی رێ بۆ تورکیا خوەش دکەن کو ھێرشی باژارێن وان بکەت و بێدەنگیا جڤاکێ نێڤدەولەتی ژی دەلیڤە بۆ تورکیا خوەش کریە کو ب فرۆکێن شەری مالێ وەلاتیێن سڤیل ل عەفرینێ بۆمبەباران بکەت.
ل ئالیێ دی سەرۆک کۆمار و سەرۆک وەزیرێن تورکیا ژی راگەھاندن کو ل گۆر بەرنامێ مە دڤێت د دەمەکێ نێزیک دا ھەموو بنگەھێن تیرۆرستان ل عەفرینێ بھێنە پاقژ کرن و مە دڤێت ھەموو جیھان ژی بزانیت کو ئارمانجا مە داگیرکرنا ئاخا سووریێ و کوشتنا وەلاتیێن سڤیل نینە و مە دڤێت رێکخراوا تیرۆرستی یا یەپەگێ ژناڤ ببەین.
ل ئورۆپا و کوردستانێ گەلێ کورد نەرازیبوونا خوە ل ھەمبەر ئۆپەراسیۆنا تورکیا ل سەر عەفرینێ نیشا ددەن، چاڤدێرێن سیاسی ژی رەخنێ ل ھەلویستێ کوردان ل باکورێ کوردستانێ دگرن، چونکو ب سەد ھزاران وەلاتیێن کورد ژ بەر باژێرێ قودسێ ل ئامەدێ خوەنیشادان کرن لێ ژ بەر عەفرینێ ھەتا نھا چو خوەنیشادان نەھاتینە کرن، ھەتا کورد ل باکور دەنگێ خوە ل ھەمبەر زۆلما ئەردۆگانی بلند نەکەن و دەست ب خوەنیشادانان نەکەن دێ تورکیا ژی ل سەر ھەلویستێ خوە یێ نھا ل ھەمبەر رۆژئاڤایێ کوردستانێ بەردەوام بیت.
گرێبەستێن 22 ھزار فەرمانبەران دێ ھێنە نووکرن
ئەڤرۆ نيوز:
وەزارەتا دارایی یا ھەرێما کوردستانێ دوھی فەرمانا نووکرنا گربەستا فەرمانبەرێن گرێبەستێن ھەرێما کوردستانێ دەرکر.
ل گۆر زانیاریێن رۆژناما ئەڤرۆ، فەرمانا وەزیرێ دارایی دوھی ئاراستەی ھەموو وەزارەتێن پەیوەندیدار کر بۆ وێ چەندێ کار پێ بھێتە کرن و ھەموو گرێبەست بھێنە نووکرن.
22 ھزار فەرمانبەرێن گرێبەست یێن ل ھەرێما کوردستانێ ھەین و وەزارەتا دارایی بەری نوکە رێنمایێن نووکرنا گرێبەستێن وان بەلاڤکربوون.
گهنجهك چار كهسان ژ خێزانا خوه دكوژیت
ئهڤرۆ نیۆز،عهزیز ههورامی
ل دووڤ پێزانینێن ئهڤرۆ نیوز، گهنجهكێ پارێزگهها ههلهبجه ب رێیا چهكى، 4 كهسان ژ خێزانا خوه دكوژیت، ل دووڤ ژێدهرێ ئهڤرۆ نیوز، ڤى گهنجى تهقه ل ههموو خێزانا خوه كریه و بوویه ئهگهرێ گیان ژ دهستدانا ههر ئێك ژ دایك و باب و برا و خوشكا وى و ب تنێ كهسهك ژ خێزانێ وى رزگار دبیت.
نێچیرڤان بارزانی ل گهل سهرۆك پهرلهمانێ ئیرانێ كۆم بوو
تو چ ژ باژێرێ عهفرینێ دزانى
ئهڤرۆ نیوز ، نهوزاد هلۆرى:
باژێرێ عهفرینه ئێكه ژ باژێرێن سهر ب پارێزگهها حهلهب و دكهڤیته دچارچوڤێ رۆژئاڤایێ كوردستانێ ، و ناڤهندا عهفرین بخوه ژى دكهڤیته گوشا باشوورێ روژئاڤایێ سنوورێ سووریا ل گهل توركیا ، سنووداره ل گهل دهشتا كویر ل نێزیك رووبارێ رهش ، و ل باشوورا وێ ژى هێلا شهمهندهفرێ یا بناڤ مار كو ژ گورهپانا بناڤ مهیدان ئهكبهس بو كس بخوڤه دگریت ، و رۆژههلاتێ وێ ژى دهشتا ئهعزازه و باكوور ژى سنوورداره ل گهل دهڤهرا چیایى ب تایبهتى چیایێ سهمعان. عهفرین ئێكه ژ دهڤهرێن چیایى كو دناڤبهرا 700 بو 1269مهتران ل ئاستێ دهریایێ بلنده و بلندترین جهێ وێ ژى بناڤێ گرێ مهزن دهێته بناڤكرن كو پارچهكه ژ زنجیره چیایێ تورس ل سوریا ، رووبهرێ وێ ژ روژئاڤایێ 55كم و بلنداهیا وێ ژلایێ باشوورى بو باكوورى 75كم و رووبهرێ گشتیێ وێ سێ هزار و 850م2 ، و ب شێوهیهكێ گشتى 2% ژ سهرجهم ئاخا وهلاتێ سوریا بخوڤه دگریت. هژمارا ئاكنجیێن ناڤهندا عهفرینێ 50 هزار كهسایه و ژ پێنج ناحیا پێكدهێت كو ئهو ژى ناحیێن ” شێران ، شێخ حهدید ، جندریس ،راجو ، بلبل و مهعبهتلى ” ، ئهڤه سهرهراى كو پێكدهێت ژ 366 گوندان ، و ب گورهى ئامارا سالا 2014 هژمارا گشتى یا عهفرینێ ب ههموو ناحى و گوندهوارێن خوڤه 172 هزار و 95 كهسه و پرانیا وان ژى كوردن. عهفرین ژ روویێ ئابوورى ڤه پێگهههكێ ب هێز و گرنگ ههیه و كهش و ههوایهكێ گونجاى ههیه و رێژهیهكا باش یا بهفرێ سالانه دباریت ، و دهڤهرهكا گرنگه دوارێ چاندنێ دا و پێكدهێت ژ دهشت و چیا و دولێن گرنگ و ئاخهكا قهله و باش ههیه بو چاندنا دهخل و دان و دهرامهت و داروبارێ فێقى و جوراوجۆر و ناڤداره ب دارا زهیتوونان و قامیشێ شهكرێ و دارێن ترى ب شێوهیهكێ ل ههموو گوندهوارێن عهفرینێ دارا زهیتوونێ ههیه ب شێوهیهكێ گشتى دارێن زهیتوونان عفرینێ دگههنه نێزیكێ 10 بو 13 ملیون داران بڤى رهنگى ئهگهر زهیتونێن عهفرینێ لسهر ئاكنجیێن وێ بهێنه دابهشكرن دێ ههر وهلاتهكێ عهفرینێ 66 دارێن زهیتوونان بهردكهڤن. ههر چهند ب چهندین رویان ڤه عهفرین دهڤهرهكا ستراتیچى و گرنگه و ئێكه ژ دهریێن ههرى گرنگ بو بازرگانى و ئابوورى و رێیا گههشتنا دهریا سپى یه ، بهلێ ئهگهر ئهم ژ روویێ چاندنێ ڤه بهحس ل دارا زهیتوونان بكهین دێ بینین كو ژ روویێ چاندنا زهیتوونان ڤه عهفرینیان روولهكێ بهرچاڤ ههیه ب تایبهتى د درۆستكرنا زهیتا زهیتوونان و هناردهكرنا زهیتونان بو ههموو جیهانێ. دارا زهیتوونان دیروكهكا گرنگ و دویر ههیه ، و چێروكا ههبوونا وێ ژى خهیالیه و گرێدایه ب كهلتوور و فهرههنگا عهفرینیان و دبێژن دارا زهیتوونێ عهفرینیان دپارێزن ژ لههیان و دهرگههێ سهرهكیێ ههبوونا ئاشتیێ و پێكڤهژیانا نهتهوهى و ئولى بوویه ل دهڤهرێ و گهشهپێدان و ئارامى و دلخوشیهكا زور دناڤبهرا خهلكێ دهڤهرێ درۆستكریه و ئاخا عهفرینێ بهێز و بهرهكهت كریه ، و چێروكا راستیا زهیتونا عهفرینێ ژى دزڤریت بو پیروزیێن ههموو ئاینێن ئهسمانى دهما كو بهحسا زهیتونا عهفرینێ دكهن و د دوماهى ئاین ژى دا پێغهمبهرێ خودێ محهمهد سلاڤێت خودێ لسهر بن ل بارا زهیتوونێ دبێژیت : (كلوا الزیت وادهنوا به فإن فیه شفاو من سبعین داو منها الجژام ) ئانكو زهیتوونان بخون ، روونێ زهیتوونان دهرمانه بو حهفتێ نهخوشیان ژ وانان ژى نهخوشیا جزامێ. دكونگرهیا نیڤدهولهتى یا سالا 1969 ل باژێرێ لوك یا ئیتالى كو تێدا نوژدارێن ئیتایا و یونان و فهرهنسا و تونس و یوگوسلافیا و ئیسپانیا و چهندان وهلاتێن دن دهریا سپى و ناڤهراست ڤهكولینێن بیولوجى و نوژدارى ل زهیتا زهیتوونان كر و ههمووان ئهو یهك پهسهندكر كو زهیتا زهیتونان باشترین زهیته بو خوارنێ و بكارئینانێ. ژبهركو سوریا ( عهفرین ب تایبهتى ) ناڤداره ب زهیتوونان ، زهیتونا وان بو گهلهك وهلاتێن مینا یونان هاته ڤهگوهاستن ئهو ژى ب رێیا بازرگانیا دهریایى ، دوڤدا بو پرانیا وهلاتان هاته ڤهگوهاستن ، و ئهڤ یهك ژى بویه سهدهم كو عهفرینى زێدهتر گرنگیێ ب زهیتوونێ بدهن ، و نها ژ سهرجهمێ 67 ملیون دارێن زهیتوونان ، 10 بو 13 ملیون دكهڤنه عهفرینێ.
ماوێ هنارتنا مووچەی ژلایێ بەغداڤە هاتە ئاشکرا کرن
ئەڤرۆ نیوز ، زنار :
پەرلەمانتارەکی لیژنا دارایی ل پەرلەمانێ عێراقێ دەمێ هنارتنا مووچێ فەرمانبەران ژلایێ بەغداڤە ئاشکرا دکەت.
ئەحمەد حاجی رەشید بریاردەرێ لیژنا دارایی ل پەرلەمانێ عێراقێ ئەڤرۆ ئێکشەمبی 21 کانوونا دویێ 2018 دیارکریە،کو بەغدا هەتا دوماهیا ڤێ هەیڤێ دێ مووچەی هنێریت،هەکە نەهنارت دێ ل دەستپێکا هەیڤا شوواتێ هنێریت.
گوت ژی،پشتی وەزارەتا ساخلەمیێ و پەروەردێ دێ هووربینی د لیستێن مووچەی یێن وەزارەتێن دیتر ژی دێ دەستپێکەن.
پترى 200 قوتابيان چاڤهرێ ڤهكرنا ئامادهيێ نه
ئەڤرۆ نیوز:باسم قاسم شنگالی
ژبەر نەدانا كریا قوتابیان، پهروهردا مووسلێ قوتابخانەكا قوتابیێن شنگال و زوومار ل دهۆكێ داخست.
قوتابخانا ئامادەیا پەرستاری ب زمانێ ئەرەبی يا سەر ب رێڤەبەریا گشتی یا پهروهردا پارێزگەها نهينهوا ڤە كو دەوام و پشكێن ناڤخۆهیی یێن كچان و جهێ وان ل ئوتێلا شندۆخا ل پارێزگەها دهۆكێ یە،كو پتری(200) قوتابیێن شنگال و زوومار ل قوتابخانێ دخوونن، ل هەفتیا بۆری هاتیە داخستن و هەتا نوكه نەهاتیە ڤەكرن.
چالاكڤانێ مەدەنی”ریاز ئەلسەعداوی” بۆ ئەڤرۆ نیوزگۆت:”ئەڤە پتر ژ هەفتیەكێ یە ژبەر نەدانا كریا قوتابیان یا ئوتێلێ، ئهو قوتابخانه ژلایێ پەروەردا نهينهوا ڤە هاتیە داخستن و نوكه قوتابی دمالێن خوه دانە و چاڤەرێ دكهن كریا جهێ لێ ئاكنجی بهێتە دان داكو جارەكا دی ڤەگەرنە قوتابخانێ و دەست ب خواندنا خوه بكەن”.
گۆت ژی” پتر ژ(200) قوتابیێن كچ یێن قەزا شنگالێ و ناحيا زومار ل ڤێ قۆتابخانێ دخوونن و ئەڤە سالا وان یا دووماهيێ یە”.
نيشاندان
WP Facebook Auto Publish Powered By : XYZScripts.com