ئهڤرۆ نيوز:
سهرۆك وهزيرێن توركيا راگههاند: دو دهرگههێن دى يێن سنورى دێ د ناڤبهرا وهلاتێ وان و ههرێما كوردستانێ دا هێنه ڤهكرن و ل گهل دهرگههێ ئيبراهيم خهليل دێ بنه سێ.
بينالى يلدرم، سهرۆك وهزيرێن توركيا د ههڤديتنهكا تلهڤزيونى يا وهلاتێ خوه دا راگههاند كو ل گهل مهسعود بارزانى سهرۆكێ ههرێما كوردستانێ دانوستاندن ل سهر بهێزكرنا پهيوهنديێن ئابوورى يێن ناڤبهرا ههرێما كوردستانێ و توركيا كريه ب تايبهت ژى د وارێ وزێ دا.
يلدرم گۆتژى: “بۆ ب هێزكرنا پهيوهنديێن ئابوورى، دو دهرگههێن دى يێن سنورى يێن فهرمى دێ د ناڤبهرا ههردو لاي%D
ئهڤرۆ نيوز:
پێنج ئهندامێن فراكسيۆنا ئێكهتيێ ل جڤاتا پارێزگهها سلێمانيێ فراكسيۆنهكا نوو دروستكر ژ ئهگهرێ نهرازيبوونا وان ژ گوهۆڕينا كانديدێ حزبا وان بۆ وهرگرتنا پۆستێ سهرۆكێ جڤاتا پارێزگههێ.
بهرى نيڤرۆيا ئهڤرۆ ل جڤاتا پارێزگهها سلێمانيێ گوهۆڕين د پۆستێن پارێزگار و جێگر و سهرۆكێ جڤاتێ و جێگرێ وى د ناڤبهرا ئێكهتى و گۆڕان دا هاته كرن و بۆ ڤێ مهرهمێ ژى چهند ئهندامێن جڤاتێ ل سهر ليستا ئێكهتيێ نهرازيبوون دهربڕى.
محهمهد رهسۆل ئهندامێ فراكسيۆنا ئێكهتێ ل جڤاتا پارێزگهها سلێمانيێ بۆ رۆژنامهڤانان گۆت: “ژ ئهگهرێ وێ چهندێ كو ئهكرهم شهريف نهبوو سهرۆكێ جڤاتا پارێزگهها سلێمانێ و د دهمهكى دا ئهو پێشتر كانديد بوو دێ دهست ژ ئێكهتيێ بهردهن”.
ئاڤان جهمال ئهندام ل فراكسيۆنا ئێكهتى ل جڤاتا پارێزگهها سلێمانيێ بۆ خهندان گۆت: “ل گهل ئهكرهم شهريف و نياز ئهحمهد و محهمهد رهسۆل و سهباح فهتاح دێ فراكسيۆنهكا نوو دروست كهن و ژ فراكسيۆنا ئێكهتى جودا بن”.
ئهكرهم شهريف ژ پشكا ئێكهتيێ ل دهمێ دهست ژ كاركێشانا وى خستيه بهر دهنگدانێ نهرازيبوونهكا دژوار دهربڕى ب بههانهيا وێ چهندێ كو “كودهتايهكا سپى بوو دژى وى” و هۆلا جڤاتا پارێزگههێ ب جهـ هێلا.
گۆتژى كو ئهو كانديد بو بۆ وهرگرتنا پۆستێ سهرۆكێ جڤاتێ، بهلێ د كۆمبوونێن بنڤه بنڤه ئهو هاته گوهۆڕين و كهسهكێ دى ل جهێ وى هاته دانان.
ئهڤرۆ نيوز:
ئهڤرۆ پارێزگار و جێگرێ پارێزگارى ل گهل سهرۆكێ جڤاتێ و جێگرێ وى ل پارێزگهها سلێمانيێ هاتنه گوهۆڕين ب گۆرهى وێ رێكهفتنا د ناڤبهرا ههر ئێك ژ بزاڤا گۆڕان و ئێكهتى نشتيمانى كوردستان.
د ڤان گوهۆڕينان دا، بڕيار ئهكرهم شهريف جێگرێ سهرۆكێ جڤاتا پارێزگهها سلێمانيێ وهكو سهرۆكێ جڤاتا پارێزگههێ بهێته دانان، بهلێ ژ نيشكهكێ ڤه ئهڤ چهنده هاته گوهۆڕين و ئازاد محهمهد ههر ژ پشكا ئێكهتيێ وهكو سهرۆكێ جڤاتێ هاته دانان و دهنگێن پێدڤى ب دهست ڤه ئينان.
ئهكرهم شهريف ژ پشكا ئێكهتيێ ل دهمێ دهست ژ كاركێشانا وى خستيه بهر دهنگدانێ نهرازيبوونهكا دژوار دهربڕى ب بههانهيا وێ چهندێ كو “كودهتايهكا سپى بوو دژى وى” و هۆلا جڤاتا پارێزگههێ ب جهـ هێلا.
گۆتژى كو ئهو كانديد بو بۆ وهرگرتنا پۆستێ سهرۆكێ جڤاتێ، بهلێ د كۆمبوونێن بنڤه بنڤه ئهو هاته گوهۆڕين و كهسهكێ دى ل جهێ وى هاته دانان.
ئهڤرۆ نيوز:
چهندهكێ بهرى نوكه ب دهنگێن 23 ئهندامێن جڤاتا پارێزگهها سلێمانيێ دهست ژ كاركێشانا ئاسۆ فرهيدۆن پارێزگارێ سلێمانيێ هاته پهسهندكرن و ههڤال ئهبۆ بهكر وهكو پارێزگارێ سلێمانيێ ل جهێ وى هاته ههلبژارتن.
ههر ديسا ب 22 دهنگان ئازاد محهمهد ئهمين ژ پشكا ئێكهتيێ بۆ پۆستێ سهرۆكێ جڤاتا پارێزگێ هاته ههلبژارتن و ئهنوهر تاهر ژ پشكا گۆڕان بۆ پۆستێ جێگرێ سهرۆكێ جڤاتێ هاته ههلبژارتن.
ل دهمێ دهنگدانا ڤان كهسان گهلهك ژ ئهندامێن جڤاتێ نهرازيبوونا خوه دياركر و دا زانين كو ئهڤ پرۆسه نهيا قانوونى يه.
بۆ دهستبكاربوونا پارێزگارێ سلێمانيێ ب رهنگهكێ قانوونى پێدڤيه سهرۆكێ ههرێما كوردستانێ ئميزا بكهت، بهلێ گۆڕان قهبوول ناكهت سهرۆكێ ههرێمێ ئيمزا بكهت ب بههانهيا وێ چهندێ كو نوكه ههرێما كوردستانێ سهرۆك نينه و پێدڤيه جێگرێ ئيمزا بكهت و ئهڤه ژى بوويه جهێ نهرازيبوونێ د ناڤ لايهنێن سياسى دا.
ئهڤرۆ نيوز:
ب گۆرهى ژێدهرهكى ژ ناڤ فراكسيۆنا ئێكهتى نشتيمانى كوردستان ل جڤاتا پارێزگهها سلێمانيێ، ئێكهتى نشتيمانى كوردستان كانديدێ خوه بۆ جهێ ههڤال ئهبۆبهركر سهرۆكێ جڤاتا پارێزگهها سلێمانيێ گوهۆڕى.
د دهمهكى دا كو بڕيار بوو ئێكهتى ئهكرهم شهريف بۆ پۆستێ سهرۆكێ جڤاتا پارێزگهها سلێمانيێ كانديد بكهت، ئهوان ئازاد محههمد وهكو بهربژێر بۆ وى پۆستى ههلبژارتيه دا كو ل جهێ وى بهێته دانان.
ئەڤرۆ نيوز:
ژێدەرەکێ سیاسیێ بلند ل کوردستانێ ئاماژێ ب بزاڤەکا ئێکەتی نیشتمانی کوردستان بۆ رێگری کرنێ ل ھناردەکرنا پەترۆلا کەرکووکێ ب رێیا بۆریا کوردستانێ بۆ بەندەرێ جەیھان یێ تورکی دکەت.
مالپەرێ (عەرەبییە جەدید) ل سەر زارێ ژێدەرەکێ سیاسیێ بلند ل ھەرێما کوردستانێ، ل دووڤ باسنیۆز، بەلاڤکریە” مەکتەبا سیاسی یا ئێکەتی نیشتمانی کوردستان ب تایبەتی ھیرۆ ئیبراھیم ئەحمەد، ئەنداما مەکتەبا سیاسی، دڤێت پەترۆلا کەرکووکێ ب رێیا ھەرێما کوردستانێ بۆ بەندەرێ جەیھان یێ تورکی نەھێتە ھەناردەکرن، ئاخڤتنێن وەزیرێ پەترۆلا عیراقێ ژی ل دۆر پەترۆلا کەرکووکێ ئاماژەیە ب رێککەفتنا ئێکەتی نیشتمانی کوردستان و حوکمەتا عیراقێ”.
مالپەرێ ناڤبری، ھیرۆ ئیبراھیم ئەحمەد، ب کەساتیەکا خودان دەستھەلات ھژمارت و دیارکر” ئەو کەسایەتیا ب دەستھەلات دناڤ ئێکەتیێ دا، داخواز ژ حەیدەر عەبادی، سەرۆک وەزیرێن عیراقێ کریە، فشارێ بێخیتە سەر ھەولێرێ، بۆ راگرتنا ھناردەکرنا پەترۆلا کەرکووکێ ب رێیا بۆریا پەترۆلێ کوردستانێ، ھەرچەندە حوکمەتا ھەرێما کوردستانێ ناخوازیت چو حزبەک مایێ خوە د کاروبارێن وەزارەتا سامانێن سروشتی بکەت، بەلێ ئێکەتی نیشتمانی کوردستان وێ چەندێ رەت دکەت کو دەستێوەردانێ دکەت”.
وی مالپەری ئەوژی ئاشکرا کر کو ئێکەتی نیشتمانی کوردستان پەیوەندیێن خوە بۆ فشار دروستکرنێ بکاردئینیت، بۆ وێ چەندێ پەترۆلا کەرکووکێ ب رێیا ئیرانێ ھەناردەی دەرڤە بکەت.
ل دۆر وێ چەندێ، عەلی ھالۆ، ئەندامێ لژنا سامانێن سروشتی د پەرلەمانێ کوردستانێ دا ژ فراکسیۆنا پارتی بۆ باسنیۆز گۆت” بزاڤەکا مەزن ژلایێ حوکمەتا عیراقێ ڤە دھێتە کرن بۆ راگرتنا پەترۆلێ، بەلێ ئەڤە بۆ ناچیتە سەری” ھالۆی خویاکر ژی” بەلێ دەمێ چەند ھەیڤانە ھناردەکرنا پەترۆلێ ژ کەرکووکێ ھاتبوو راگرتن، نوکە ژی ئەو ئێکلایەنە نەشێن بریارێ بدەن، چونکی د بەرژەوەندیا خەلکێ کەرکووکێ یە کو پەترۆل بھێتە ھناردەکرن”.
ڤی پەرلەمانتاری رۆھنکر ژی” تێناگەھین بۆچی ئاخڤتنێن ڤێ دووماھیێ یێن وەزیرێ پەترۆلێ عیراقێ ھاتینە گوھۆڕین، ددەمەکی دا وان ل سەر وێ پرسێ بودجا ھەرێما کوردستانێ بری”.
ئهڤرۆ نيوز، نيوار محهمهد سهليم:
بهرپرسێ راگههاندنێ ل رێڤهبهريا بهرهڤانيا باژێرى ل دهۆكێ راگههاند كو ئهڤ ساله 32 كهس د ئاڤێ دا خهندقينه و 12 ژ وان ل ڤێ ههيڤێ بووينه كو چار ژى ژ وان كچ بووينه.
رائيدێ مافپهروهر بێوار عهبدولعهزيز، بهرپرسێ راگههاندنێ ل رێڤهبهريا بهرهڤانيا باژێرى ل دهۆكێ، د داخۆيانيهكێ دا بۆ ئهڤرۆ نيوز گۆت: “ئهڤ ساله 32 كهسان ژ ئهگهرێ خهندقين د ئاڤێ دا گيانێ خوه ژ دهست دايه”.
رائيدێ مافپهروهر زێدهتر گۆت: “د ڤێ ههيڤێ ب تنێ ژى دا، 12 كهسان گيانێ خوه ژ دهست دايه و ژ وان ژى چار كچ بووينه كو دو ژ وان ژى خووشكێن ئێك بووينه”.
بهرپرسێ راگههاندنێ ل رێڤهبهريا بهرهڤانيا باژێرى ل دهۆكێ دا زانين ژى كو گهلهك ژ ئهڤ كهسێن گيانێ خوه ژ دهست داين ئاوارهنه، “ب تنێ ل كهمپا خانكێ پێنج كهسان گيانێ خوه ژ دهست دايه ب ئهگهرێ خهندقين د ئاڤێ دا”.
ئهگهرێ ڤێ چهندێ ژى بۆ وێ ئێكێ ڤهگهراند كو ل دهڤهرێن وان زێدهتر ئاڤێن گرتى نه و ل دهۆكێ زێدهتر رووبارن و هێزا مهلهڤانيكرنێ گهلهك زێدهتره ژ يا د ئاڤێن گرتى دا ههين.
ئهگهرهكێ دى يێ نقۆمبوونێ بۆ وێ چهندێ ژى ڤهگهراند كو گهلهك جاران د ئاڤا رووباران دا شوكێن گرتنا ماسيان هاتينه دانان و خهلك دكهڤيتێ و نهشێن ب دروستى مهلهڤانيا بكهن و د خهندقن، “هندهك جهـ ژى د دروست نينن بۆ مهلهڤانيكرنێ و مه هێما ژى داناينه كو ل وان جهان زڤرۆك ههنه يان ژى گهلهك دكوورن و نهجهێ مهلهڤانيكرنێ نه”.
رائيدێ مافپهروهر بێوار عهبدولعهزيز نهڤهشارت ژى كو تيمێن وان يێن نقومڤانان ل گهل جهێن سهر رووباران هاتينه دانان بهلێ ئهو نهشێن ل ههموو جهان ب درێژاهيا رووباران تيمێن خوه بهلاڤ كهن، ب تنێ ئهو جهـ نهبن يێن خهلك گهلهك قهست دكهتێ ژ بهر درێژاهيا رووبهرێ رووباران و كێميا كارمهندێن وان.
ئهڤرۆ نيوز:
مهسعود بارزانى سهرۆكێ ههرێما كوردستانێ ل ئهنقهرهيا پايتهختێ توركيا دهبارهى ناڤهرۆكا كۆمبوونا ل گهل بهرپرسێن وى وهلاتى، د كۆنگرهكێ رۆژنامهڤانى دا پهيامهك بهلاڤكر و راگههاند كو گوهۆڕينێن مهزن يێ ب رێڤه.
ههرديسا سهرۆكێ ههرێما كوردستانێ دا زانين كو ئهو ل سهر چاوانيا روو ب رووبوونا داعش و ههڤرابووين ل سهر چاوانيا روو ب رووبوونا وێ و ههبوونا قوتابخانێن گولهن ل ههرێما كوردستانێ كو ب رهنگهكێ وهسان رێكهفتين زيان نهگههيته قوتابيێن ههرێما كوردستانێ.
بارزانى تهكست ل سهر وێ چهندێ ژى كر كو دوهى كۆمبوونێن گهلهك بهرههمدار ل گهل بهرپرسێن توركيا ههبوون و بهحسا پهيوهنديێن دو قولى يێن ههرێما كوردستانێ و توركيا كر.
دهربارهى قووناغا ئاشتيێ ژى ل توركيا سهرۆكێ ههرێما كوردستانێ گۆت: “د بێ هيڤى نينين ژ قووناغا ئاشتيێ ل توركيا و هيڤيدارين ئهڤ پرۆسه جارهكا دى دهست پێ بكهتهڤه”.
ئهڤرۆ نيوز:
نهوشيروان مستهفا رێكخهرێ گشتيێ بزاڤا گۆڕأن و هێرۆ ئيبراهيم ئهحمهد، ئهنداما مهكتهبا سياسى يا ئێكهتى نشتيمانى كوردستان ل گهل فراكسيۆنێن خوه ل جڤاتا پارێزگهها سلێمانيێ يێ د كۆمبوونێ دا.
ب گۆرهى پێزانينێن هاتينه بهلاڤكرن، كۆمبوون ل مهكتهبا سياسى يا ئێكهتى ب رێڤه دچيت و بۆ خوه ئامادهكرنێ يه بۆ كۆمبوونا رۆژا پێنجشهمبى 25ى تهباخا 2016ێ يا جڤاتا پارێزگهها سلێمانيێ كو بڕياره پۆستێ پارێزگارى د ناڤبهرا ئهوان دو حزبان دا بهێته لێكگوهۆڕين ب گۆرهى ئهو رێكهفتنا ههى كو ههڤال ئهبۆ بهكر پۆستى وهربگريت.
نيشاندان