ئهڤرۆ نيوز، نيوار محهمهد سهليم:
بڕياره ئهڤرۆ رۆژا شهمبى ئهميندارێ گشتيێ ئێكگرتوو ئيسلامى كوردستان سهرهدانا پارێزگهها دهۆكێ بكهت و ل بارهگايێ ئێكگرتوو پارێزگارێ دهۆكێ ببينيت.
ب گۆرهى ژێدهرهكێ تايبهت بڕياره ئهڤرۆ سپێدێ ئهميندارێ گشتيێ ئێكگرتوو، سلاحهدين محهمهد بهائهدين، سهرهدانا پارێزگهها دهۆكێ بكهت.
ههر ئهوى ژێدهرى دا زانين ژى كو بڕياره چهند لايهنێن سياسى ل پارێزگهها دهۆكێ ببينيت و ب مهرهما پيرۆزباهى كرنێ بڕياره پارێزگارێ دهۆكێ ژى فهرهاد ئهترووشى ببينيت.
ئهڤرۆ نیوز، رۆژهات لوقمان:
بهرى دهمهكێ كهسهكێ نهنیاس هێرش كره سهر نڤیسینگهها سهرهكى یا تورا میدیایێ یا یا رووداوێ ل ههولێرێ و د ئهنجامدا (3) فهرمانبهرێن وێ برینداربووینه.
كهسێ هێرشى تورا میدیاى یا رووداوى كرى ب چهكێ نارنجوكێ هێرشا خوه ئهنجامدایه و د ئهنجامدا 3 فهرمانبهرێن وێ تورێ برینداربونه كو (2) زێرهڤان و فهرمانبهرهكێ ژ بهشێ پهیوهندیانه و رهوشا وان یا ساخلهمیێ یا باشه.
ههر ههمان دهم دا دهزگههێن ئاسایش و پولیس و بهرگریا شارستانى ل جهێ رویدانێ ئامادهبونه و جهێ رویدانێ كونترول كریه و تا نها ڤهكولینا رویدانێ دهێـته كرن.
ئەڤرۆ نیوز،زنار تۆڤی:
مهسعود بارزانى سهرۆكێ ههرێما كوردستانێ د پهيامهكێ دا راگههاند: داخوازا ههموو هێز و لايهنان دكهم كومبوونهكا تايبهت ب ريفراندومێ ئهنجام بدهن بۆ بريار دان ل سهر پێنگاڤێن داهاتى.
سەرۆکێ هەرێما کوردستانێ مەسعود بارزانی ئەڤرۆ رۆژا پێنجشەمبی پەیامەک بەلاڤکر و تێدا هاتیە،نابیت ئەو دەرفەتا نوکە هاتیە پێش ژ دەست بدەین،دۆخێ دەڤەرێ د قۆناغەكا نوو دا دەرباز دبیت،ب هەمی رەنگەکی گۆهرینێن مەزن دهێنە پێش،ئەڤرۆ پێگەهێ کوردستانێ ل ئاستێ نێڤدەولەتی ئاسوویەکێ روون هەیە.
هەروەسا گۆتیە ژی،بۆ مە دڤێ قۆناغێدا ژ مافێ چارەنڤیسازو و سەربەخۆیێ پیرۆزتر نینە،گەلێ کوردستانێ ل هەمبەر ئەزموون و قۆناغەکا هەستیار و چاڕەنڤیسازدایە،پێشمەرگەی ب پشتەڤانیا هەڤپەیمانان سەرکەفتنێن مەزن ل؛سەر؛تیرۆرستان بدەستڤەئیناینە،لێ مەترسی هەر یا مای،نابیت مافێ چارەنڤیساز بکەینە قوربانی ناکوکی و ململانێن ناڤخوەیی،هەروسا بارزانی ل سەر بابەتێ ریفراندۆمێ دێ دگەل لایەنێن سیاسی کومبیت و داخوازێ ژ هەمی هێز و لایەنێن سیاسی دکەت کو کودەنگ بن و داخوازا کومبوونێ ژلایەنێن سیاسی دکەت و دیارکریە بۆ پرسا ریفراندۆمێ پێدڤیە دگەل؛بەغدا ب رەنگەکێ برایانە گفتۆگۆیێ بکەین و بارزانی دیوانا سەرۆکاتیا هەرێمێ راسپاردیە بۆ بانگهێشتنا لایەنێن سیاسی.
ئهڤرۆ نيوز:
سۆپاسالارێ هێزێن پێشمهرگێ كوردستانێ رهت دكهت كو هێزێن پێشمهرگێ كوردستانێ رێ ل خهلكێ وان گۆندێن رزگاركرى گرت بيت ڤهگهرنه گوندێن خوه.
فهريق جهمال محهمهد سۆپاسالارێ هێزێن پێشمهرگێ كوردستانێ بۆ K24 راگههاند كو چو بڕيار ژ لايێ سهركرداتيا ههرێما كوردستانێ ڤه نههاتينه دان كو رێ ل خهلكێ دهوروبهرێن مووسل و گۆندێن رزگاركرى يێن پارێزگهها مووسل بگريت ههتا ڤهگهرنه سهر مال و حالێن خوه و دژى وێ چهندێ نه كارهكێ ژ وى رهنگى بهێته كرن.
ئهڤرۆ ئهندامهكێ جڤاتا پارێزگهها نهينهوا و فهرماندێ هێزێن نهوادر يێ سهر ب حهشهد شهعبى ڤه عهبدولرهحيم شهمهرى بۆ ميديايێن ناڤخۆى يێن عيراقى راگههاند كو هێزێن پێشمهرگهى رێ نادهن خهلكێ ئهوان گۆند و دهڤهرێن پارێزگهها نهينهوا ڤهگهرنه جهێن خوه كو هێزێن پێشمهرگهى ب هاريكاريا ههڤپهيمانێن نێڤدهولهتى كۆنترۆلكرينه.
ئهڤرۆ نيوز:
رێڤهبهريا پۆليسێن پارێزگهها دهۆكێ راگههاند كو شڤێدى دو جهێن قومارێ هاتنه گرتن و ههوا گرتنا جهێن قومارێ و دهستهسهركرنا قومارچيان دێ بۆ دهمهكێ نهديار يا بهردهوام بيت.
رائيدێ مافپهروهر هێمن سلێمان، بهرپرسێ پهيوهندى و راگههاندنێ ل رێڤهبهريا پۆليسێن پارێزگهها دهۆكێ بۆ ئهڤرۆ نيوز گۆت: “ماوێ سێ رۆژايه پۆليسێن دهۆكێ پشكا ههوار هاتنێ و چالاكيێن مهدهنى و هێزا ئاماده ههوا دهستهسهركرنا جهێن قومارێ و خودانێن وان و قومارچيان دهسپێكريه و ئهڤ ههوه ژى دێ ههتا دهمهكێ نهيار يا بهردهوام بيت”.
رائيدێ مافپهروهر زێدهتر گۆت: “دوهى رۆژا چارشهمبى رێكهفتى 22ى خزيرانا 2016ێ ئهوان دهست ب سهر دو جهێ قومارێ و خودانێن وان و هندهك قومارچيان دا گرتيه”.
بهرپرسێ پهيوهندى و راگههاندنێ ل رێڤهبهريا پۆليسێن پارێزگهها دهۆكێ دا زانين ژى كو ئهڤ كهسه ل دووڤ بڕيارا دادوهرى هاتينه دهستهسهركرن و دێ ب گۆرهى قانوونێ سهرهدهرى ل گهل وان هێته كرن.
ئهڤرۆ نيوز:
ل دهمژمێر 3:00ى سپێدههيا رۆژا پێنجشهمبى رێكهفتى 23ى خزيرانا 2016ێ ل 39 گۆندێن باكوورێ كوردستانێ رێگريا هاتنوچوونێ هاته راگههاندن.
واليێ ئامهدێ ژى د داخۆيانيهكێ دا راگههاند: بڕياره ل وان 39 گۆندان ئۆپهراسيۆنێن لهشكرى دژى پهكهكێ بهێنه ئهنجام دان و ژ بهر هندێ ژى ههلگرتنا رێگريا هاتنوچوونێ يا ديار نينه، ههتا كو وى دهمێ ئۆپهراسيۆن ب دووماهى دهێت.
دوهى ژى رێگريا هاتنوچوونێ ل سهر 25 گۆندان هاتبوو راگههاندن و پشتى ب دووماهى هاتنا ئۆپهراسيۆنێ قهدهغهيا هاتنوچوونێ هاته ههلگرتن.
ئەڤرۆ نیوز:
رێڤەبەرێ رێکخستنا پلێتێن ئاھێن خوارنێ ل پارێزگەھا دھۆکێ بۆ رۆژناما ئەڤرۆ دیار کر کو ل حەفتیا بھێت دێ دەست ب بەلاڤکرنا ئاھێن خوارنێ ل سەر وەلاتیان ھێتەکرن و گۆت: “ئەم چاڤەرێنە زەیت و برنج ژی بگەھن داکو ئەو ژی ل سەر وەلاتیان بھێنە بەلاڤکرن”.
حسێن سەبری، رێڤەبەرێ رێکخستنا پلێتین ئاھێن خوارنی ل پارێزگەھا دھۆکێ ئاشکرا کر کو ل حەفتیا بھێت دێ دەست ب بەلاڤکرنا ئاری و شەکرێ ھێتە کرن و نوکە پێنج ھزار تەنێن شەکرێ یێن گەھشتین و ب رێیا کۆمپانیا بەلاڤکرنا ئاھێن خوارنێ دێ دەست ب بەلاڤکرنێ ھێتەکرن، بەلێ ھێشتا دیارنەبوویە زەیت دێ کەنگی گەھیت، چونکی ئەم چاڤەرێ بەغداینە رەوانەیی ھەرێما کوردستانێ بکەت دا کو ل سەر خەلکی بەلاڤ بکەین و گۆت: “ل دووڤ پێزانینان ل حەفتیا بھێت برنج ژی دێ گەھیت و دێ ل سەر خەلکی بەلاڤ کەین”.
ناڤھاتی ئاماژە دا وێ چەندێ کو ھەر جۆرەکێ ئاھێن خوارنێ ل بەسرا یان ھەر پارێزگەھەکا دی یا عیراقێ بھێتە بەلاڤکرن دێ ھەموو پارێزگەھێن عیراقێ و ھەرێما کوردستانێ ئەو جۆرێ ئاھێن خوارنێ ھێتە بەلاڤکرن و گۆت: “نابیت ل پارێزگەھەکێ تشتەک بھێتە بەلاڤکرن و پاریزگەھەکا دی بمینت بێ بەھر ژ بەر ڤێ چەندێ چو جوداھی د ناڤبەرا دھۆکێ و بەسرا دانینە بۆ گەھشتنا جۆرێن ئاھێن خوارنێ”.
ئەڤرۆ نیوز:
حەمید عبداللە تاھا، رێڤەبەرێ سالویا روڤیا بو روژناما ئەڤرو دیار کر کو ل 7/6 سێ کارمەندێن سالویێ ھاتینە دەستەسەرکرن ژ لایێ ھێزێن ئەمنی ڤە ل دووڤ دا 12/6 ئەس ھاتمە دەستەسەرکرن ب ھندەک تومەتێن بێ بنەما ھاتمە گازیکرن بۆ دادگەھێ ئەڤە چەند رۆژ بۆ بەردەوام ڤەکۆلین دگەل من دھاتە ئەنجام دان.
گۆتژی: ” چو تومەتێن گەندەلیێ ژ لایێ من ڤە ل دادگەھێ دیار نەبووینە ئەڤرۆ ل زیندانێ ڤە ھاتمە بەردەوام ئەگەر گرۆڤە ل سەر من ھەبیت بەرھەڤم بچمە بەرامبەری دادگەھێ ئەگەر گرۆڤە ل سەر من ھەبن بەرھەڤم بھێمە زیندانی کرن”.
ناڤبری دیار کر کو ھەرسێ کارمەندێن دی یێن سایلویا رۆڤیا نەھاتینە بەردان حەتا نوکە دەستەسەرکرینە.
ئەڤرۆ نیوز:
شێخێ ھوزا شەمەر یا عەرەبان ل پارێزگەھا نەینەوا دیارکر، داعش ل سەر دەستێ ھەموو پێکھاتێن عیراقێ ب زووترین دەم ژ ناڤ چیت، چونکی داعشێ نە دینە و نە ئیمانە و چو رەفتارا کرێتە یا ل ھەمبەر مرۆڤاتیێ دکەت، لەورا وانا جە ل عیراقێ نابیت.
شێخ عەبدلکریم نەشمی ژ ھۆزا شەمەر بۆ رۆژناما ئەڤرۆ گۆت: ئازادرکرنا مووسل ژ دەستێ داعش دکەڤیتە سەر چێبوونا رێککەفتنەکا سیاسی د ناڤبەرا پێکھاتێن وی باژێری دا و کا ب چو رەنگ و شێوە پشتی ئازادکرنێ دێ ھێتە برێڤەبرن و ئەو شاشیێن بەری داگیرکرنا مووسل دوبارە نەبنە ڤە و دووڤ دا دێ ھێتە ئازادکرن
زێدەباری وێ چەندێ گۆت: داعش نامینت چونکە نە ئاینە نە ئولە و ئەڤە ھندەک جەردەجینە و ب زووترین دەم دێ کونترۆل ل سەر ھێتەکرن، و ئێدی جە وان ل عیراقێ نینە، چو جوداھی د ناڤبەرا شیعە و سنان و کورد دا نینە، ئەم ھەموو عیراقی نە و ئێکین و براینە، ئەم پاشەرۆژەکا گەش بۆ مووسل دبینین.
شێخێ ھۆزا عرەب دیارکر: مە نەڤێت حەشەد شەعبی پشکداریێ دئازادکرنا موسل دا بکەت، لێ مەدڤێت پێشمەرگە پشکداربیت چونکە ئەوان ژن و زارۆیێن مە پاراستینە و مە باوەری ب ھێزا پێشمەرگێ کوردستانێ ھەیە، دێ ب گیانەکێ برانە رەفتارێ ل گەل ئازادکرنا مووسل کەن.
ھەروەسا گۆت: دبینم پێشمەرگە و حەشەدا نشتیمانی و ھێزێن ھوزێن عەرەب ل گەل ھەڤپەیمانان دێ شێن مووسل کونترۆل کەن، و ئەڤ ھەموو ھێزە دێ شێن ھەتا رادەکێ باش داعش ل ناف مووسل ژناڤ بەن، ئەز باوەرناکەم نوکە مووسل بھێتە ئازادکرن چونکە ھێشتا رێککەفتنەکا سیاسی ل سەر ئازادکرنا مووسل و برێڤەبرنا مووسل پشتی داعش نەھاتیەکرن، دیسا ھەموو ھوزێن عەرەب نوکە ل ناف مووسل ھەەنە و بتنێ ھۆزا شەمەر نەبیت.
عەرەبێن شەمەر: مە باوەری ب پێشمەرگەی ھەیە و پشکداریا حەشدا شەعبی قەبوول ناکەین
ئەڤرۆ نیوز:
شێخێ ھوزا شەمەر یا عەرەبان ل پارێزگەھا نەینەوا دیارکر، داعش ل سەر دەستێ ھەموو پێکھاتێن عیراقێ ب زووترین دەم ژ ناڤ چیت، چونکی داعشێ نە دینە و نە ئیمانە و چو رەفتارا کرێتە یا ل ھەمبەر مرۆڤاتیێ دکەت، لەورا وانا جە ل عیراقێ نابیت.
شێخ عەبدلکریم نەشمی ژ ھۆزا شەمەر بۆ رۆژناما ئەڤرۆ گۆت: ئازادرکرنا مووسل ژ دەستێ داعش دکەڤیتە سەر چێبوونا رێککەفتنەکا سیاسی د ناڤبەرا پێکھاتێن وی باژێری دا و کا ب چو رەنگ و شێوە پشتی ئازادکرنێ دێ ھێتە برێڤەبرن و ئەو شاشیێن بەری داگیرکرنا مووسل دوبارە نەبنە ڤە و دووڤ دا دێ ھێتە ئازادکرن
زێدەباری وێ چەندێ گۆت: داعش نامینت چونکە نە ئاینە نە ئولە و ئەڤە ھندەک جەردەجینە و ب زووترین دەم دێ کونترۆل ل سەر ھێتەکرن، و ئێدی جە وان ل عیراقێ نینە، چو جوداھی د ناڤبەرا شیعە و سنان و کورد دا نینە، ئەم ھەموو عیراقی نە و ئێکین و براینە، ئەم پاشەرۆژەکا گەش بۆ مووسل دبینین.
شێخێ ھۆزا عرەب دیارکر: مە نەڤێت حەشەد شەعبی پشکداریێ دئازادکرنا موسل دا بکەت، لێ مەدڤێت پێشمەرگە پشکداربیت چونکە ئەوان ژن و زارۆیێن مە پاراستینە و مە باوەری ب ھێزا پێشمەرگێ کوردستانێ ھەیە، دێ ب گیانەکێ برانە رەفتارێ ل گەل ئازادکرنا مووسل کەن.
ھەروەسا گۆت: دبینم پێشمەرگە و حەشەدا نشتیمانی و ھێزێن ھوزێن عەرەب ل گەل ھەڤپەیمانان دێ شێن مووسل کونترۆل کەن، و ئەڤ ھەموو ھێزە دێ شێن ھەتا رادەکێ باش داعش ل ناف مووسل ژناڤ بەن، ئەز باوەرناکەم نوکە مووسل بھێتە ئازادکرن چونکە ھێشتا رێککەفتنەکا سیاسی ل سەر ئازادکرنا مووسل و برێڤەبرنا مووسل پشتی داعش نەھاتیەکرن، دیسا ھەموو ھوزێن عەرەب نوکە ل ناف مووسل ھەەنە و بتنێ ھۆزا شەمەر نەبیت.
ئەڤرۆ نیوز:
قانوونا بەرەھنگاربوونا تیرۆرێ ئێکە ژ گرنگترین قانوونێن ژلایێ پەرلەمانێ کوردستانێ ھاتیە دەرکرن، و تایبەتمەندیەکا وێ قانوونێ ئەوە، ھەر دو سالا جارەکێ ژلایێ پەرلەمانی ڤە دھێتە درێژکرن و ھەیڤا داھاتی ژی دێ قانوون ب دووماھی ھێت و پێدڤی ب دۆبارە درێژکرنێ ھەیە، جێگرێ سەرۆکێ لیژنا نافخۆ لپەرلەمانێ کوردستانێ ژی دبێژیت، جڤاتا شورایا ھەرێمێ و قانوونێن کارگێڕی دەستھەلات ھەنە ب کارێ درێکرنا دەمێ وێ قانوونی رابیت.
نازم کەبیر، جێگرێ سەرۆکێ لیژنا نافخۆ و ئاسایشێ بۆ رۆژناما ئەڤرۆ گۆت” قانوونا بەرەھنگاربوونا تیرۆرێ ل ھەرێما کوردستانێ قانوونا ژمارە سێ یە و لسالا 2006ێ ژلایێ پەرلەمانێ کوردستانێ ھاتیە دەرکرن، کو ھەر کریارەکا تیرۆرستی و کەسەکێ دەست د تیرۆرێ و گروپێن تیرۆرستی دا ھەبیت، ئەڤە دێ گورەی ئەڤێ قانوونێ ھێتە سزادان و سەرەدەری دگەلدا دھێتەکرن، لێ مخابن کۆمبوونێن پەرلەمانی ھاتینە راگرتن و دڤێت ئالیەتەک بھێتە دیتن، ھەتا ڤالاھیا قانوونی چێ نەبیت، ژبەرکو ئەو قانوونەکا زۆرا گرنگە و ھەرێما کوردستانێ بخوە د شەڕێ تیرۆرێ دایە، ددەمێ نوکە پتری ھزار کیلۆمەترا مە سنۆر ل گەل چەکدارێن داعش ھەیە، یاکو دڕەنترین گروپا تیرۆرستیە لسەر ئاستێ جیھانێ، مە وەک لیژنا نافخۆ لایەنێن پەیوەندیدار لدۆر ڤێ چەندێ ئاگەھدارکرینە، ئەڤ قانوون ب دو رێیا دھێتە دێ بەردەومای پێ ھێتە کرن، یا ئێکێ جڤاتا شورایا ھەرێما کوردستانێ بڕیارێ لدۆر درێژکرنێ بدەت، یا دویێ حوکمەت ب قانوونێن کارگێڕی بڕیارێ لدۆر دەربکەت.
کەبیر گۆتژی” حوکمەتا ھەرێما کوردستانێ ئەف دەستھەلات ھەنە رێیەکا قانوونی بگریتە بەر، ھەتاکو بۆ دەمێ دو سالێن دی قانوونا بەرەنگاربوونا تیرۆرێ بھێتە درێژکرن و بەردەوامبیت، چونکە رەوشا نوکەیا ھەرێم و دەڤەر بگشتی تێدا دەربازدبن، ئەف رەوشە پالدەرە بھەر رێیەکا ھەبیت نابیت ھەرێما کوردستانێ بکەڤیتە ڤالاھیا قانوونی، ئەم ھەموو یێت دبینین تیرۆر مەترسیەکا سەرەکی یە بۆ سەر ھەرێما کوردستانێ، ئەز وەسا دبینم دێ ئاریشە ھێتە چارەسەرکرن و چو رێگری نابن بۆ بەردەوامیدان ب قانوونا بەرەنگاربوونا تیرۆرێ.
نيشاندان