ئهڤرۆ نيوز:
بهایێ نهفتێ ئاستهكێ نوو توماركر و ههر بهرمیلهكى 52 دولار دهرباز كرن.
د مامهلا ئهڤرۆ ئێڤارى دا بهایێ ئێك بهرمیلا نهفتا برێنت گههشته 52 دولار و 44 سهنتان و بهرمیلا نهفتا تكساس یا ئهمریكى ژى گههشته 51 دولار و 12 سهنتان.
پشتى ئهرزانبوونا نهچاڤهرێكرى یا بهایێ نهفتێ ل ههیڤا تمووزا سالا 2015 ، ئهڤه نێزیكى ماوێ سالهكێ یه، ئێكهمین جاره نهفت بگههته سهر 50 دولاراندا.
ئهڤرۆ نيوز:
بالیوزێ كهنهدا ل عیراقێ برونو ساكومانى د دیدارهكێ دا ل گهل سهرۆك بارزانى راگههاند: پێشمهرگه ب وان پێدڤیێن لوجیستى یێن كێم، ئازایهتیهكا بێ وێنه نیشادایه، بێگومان ل جیهانێ دێ بیته ناسناما كوردستانێ و هێمایێ ئازایهتیێ.
برونو ساكومانى ئاماژه ب وێ یهكێ كر كو ئهركى وى ل عیراقێ وهكو بالیوز دێ ب دووماهى هات و خوهشحالیا خوه نیشادا كو د ماوێ سێ سالێن بوورى دا ئاستێ پهیوهنیێن ناڤبهرا ههرێم و كهنهدا ب رهنگهكێ بهرچاڤ پێشكهفتى نه و دهرفهتا پێشخستنا زێدهتر لێ دهێته كرن.
د بهرامبهر دا، سهرۆك بارزانى هیڤیا وێ یهكێ بۆ ساكومانى خواست كو د كارێ خوه یێ داهاتى دا یێ سهركهفتى بیت و خوهشحالیا خوهژى بۆ بهرهڤ پێشبرنا پهیوهندیێن ناڤبهرا ههرێم و كهنهدا نیشادا و سوپاسیا وهلاتێ كهنهدا كر كو د چارچوڤێ ههڤپهیمانیا نێڤدهولهتى ل دژى داعش ههڤكاریا كوردستانێ كرى و رۆلێ كهنهدا د شهرێ دژى تیرورێ دا بلند نرخاند.
ئەڤرۆنیۆز ،سالار دۆسکی:
پەیڤدارێ دەستەیا گەشت و گوزارێ حوکمەتا ھەرێما کوردستانێ ئاشکراکر کو بەرھەڤی بۆ ئینان گەشتیاران دھێنەکرن ل جەژنا رەمەازنێ و ھەر دوھی دەست ب ئەڤان بەرھەڤیان ھاتەکرن.
نادر روستی پەیڤدارێ دەستەیا گەشت و گوزارێ ھەرێما کوردستانێ بۆ ئەڤرۆ نیۆز گۆت: ب شێوەکێ ڤدیو کونفرانس کوبوونەکا ھەڤپشک دناڤبەرا سەرجەم رێڤەبەرێن گشتیێن گەشت و گوزارێ ل دھۆک و ھەولێر و سلێمانی و گەرمیان دا و ب سەرپەرشتیا دەستەیا گەشت و گوزارێ ھاتەکرن و ھەموو رێڤەبەرێن گشتی ب رێکا ئەنترنێتی و ب دەنک و رەنگ بەرھەڤی کومبوونێ ب بوون و دچارچووڤێ کومبوونێ دا کومەکا بابەتان ل ھاتنە گەنگەشەکرن و کومەکا بریاران ھاتنەدەرکرن..
روستی ئاشکراکر ژی کو دچارچووڤێ کونفرانسی دا چەندین بریار ھاتنەدەرکرن، ژوانا گرنگی بەرھەم ئینانا گەشتیاران ب رێکا گرۆپێن گەشتیاری، گرنگی زێدەتر ب بابەتێ ئینان گەشتیاران بھێتەدان، بەرھەڤی بھێنەکرن بۆ ئینان گەشتیاران ل رۆژانێ جەژنا رەمەزانێ دا و بڤێ چەندێ رێکخەری ل گەل بازرگانان بھێتەکرن و گرنگی ب فەرمانبەرێن ژێھاتی و خودان خزمەت و چالاک بھێتەدان و ھەتا 27/ 9 بھێنە خەلاتکرن .
ئهڤرۆ نيوز:
چهكدارێن پارتيا كرێكارێن كوردستانێ “پهكهكه” ل سنورێ ههلهبچه سهر و باجێ ژ خهلكێ دهڤهرێ وهردگرن، بهرپرسهكێ پارتى ژى دبێژيت: “ئاگههدارى لڤينێن پهكهكێ ينه ل سنورێ ههلهبچه”.
فازل بهشارهتى، بهرپرسێ لقا 12 يا پارتى ديموكراتى كوردستان، بۆ مالپهرێ فهرميێ پارتى ديموكراتى كوردستان گۆت: “ماوێ چهندێ رۆژايه مهفرهزهيهكا چهكدارێن پهكهكێ هاتينه گۆندێ هاوار ل رۆژههلاتێ باژێرێ ههلهبچه و زالگهههك دانايه و سهر و باجێ ژ خهلكێ دهڤهرێ ژ كاسبكار و خهلكێ دهڤهرێ وهردگرن، ژ لايێ رێكخستنێن خوه ژى ئاگههدارى لڤين و بزاڤێن پارتيا كرێكارێن كوردستانێ ينه ل وى سنورى”.
بهشارهتى گۆتژى: “ژ بهر كو ئهم وهكو لقێ 12 لايهنهكێ حزبى نه ل وى سنورى، مه دهست د كێشێ وهرنهداينه، چونكو هێزێن ئاسايش و پۆليس و دژى تيرۆرێ يێ ل پارێزگهها ههلهبچه ههين و پێدڤيه ئهو رێگريێ ل وى كارێ چهكدارێن چهكهكێ بكهن”.
ئەڤرۆ نیوز، زنار تۆڤی:
پشتی کو دوھی ئێکەتیێ لیژنەیێن خوە پێکئیناین بۆ گفتوگو کرنێ دگەل لایەنێن سیاسی ئەڤڕۆ رۆژا چارشەمبی بزاڤا گۆران ل باژێرێ سلێمانیێ لیژنەیەکا ھەڤبەش پێکئینا کو شەش کەسان پێک دھێت بۆ سەرکردایەتیا ھەڤبەش دگەل ئێکەتیا نیشتیمانیا کوردستانێ،کو پێکھاتینە ژ رێکخەرێ گشتیێ وێ حزبێ نەوشیروان مستەفا و عومەرێ سەید عەلی و ئیسماعیل نامق و محەمەد تەوفیق رەحیم و عوسمان حاجی مەحمود و سامال عەبدۆلا.
ئەڤرۆ نیوز:
بڕیارە ئێکەمینێن زانکۆیان ل سەر ئاستێ ھەرێمێ ل دەمەکێ نێزیک بھێنە دامەزراندن، ئەندامەکا لژنا پەروەردێ ژی دبێژیت، بتنێ ئیمزایا سەرۆک وەزیرێن ھەرێما کوردستانێ مایە و ھەموو رێکارێن دامەزراندنێ ب دووماھی ھاتینە.
شوکریە شێخانی، ئەنداما لژنا پەروەردێ و خواندنا بلند ل پەرلەمانێ کوردستانێ بۆ رۆژناما ئەڤرۆ ئاشکرا کر کو دووڤچوونا وان یا بەردەوامە بۆ دامەزراندنا یەکەمێن ل سەر ئاستێ ھەرێما کوردستانێ کو بڕیارە حوکمەتا ھەرێما کوردستانێ قوتابیێن ئێکەم و دووەم و سێیەمێن زانکۆیێن ھەرێما کوردستانێ ب دامەزرینیت و گۆت: “بەری چەند رۆژان مە نڤیسارەک دایە سەرۆکاتیا جڤاتا وەزیرێن ھەرێما کوردستانێ و ل دووڤ پێزانینێن گەھشتینە لژنا پەروەردێ ھەموو رێکارێن قانوونی و کارگێڕی تمام بووینە و بتنێ مایە سەرۆک وەزیرێن ھەرێمێ ئیمزا بۆ دامەزراندنا وان بکەت”.
ناڤھاتیێ ئاماژە دا وێ چەندێ کو ئەڤ بڕیارە ژ بلی ئێکەمینێن زانکۆیێن حوکمەتێ ئێکەمینێن زانکۆیێن ئەھلی ژی ب خوە ڤە دگریت و چاڤەرێ دھێتەکرن ل دەمەکێ نێزیک بھێنە دامەزراندن، بەلێ ھەتا نوکە ھژمارا وان نەھاتیە زانین و گۆت: “مە داخوازەکادی ژی یا ژ جڤاتا وەزیران ھەی، ئەو ژی دامەزراندنا دەرچوویێن ھەر دو کۆلیژێن دەرمانسازی و ددانسازیە، چونکی ھەتا نوکە دەرچوویێن وان کۆلیژان ل سەرانسەری ھەرێما کوردستانێ نەھاتینە دامەزراندن و دەمەکێ درێژە چاڤەڕێی حوکمەتێ دکەن بۆ دامەزراندنێ و بڕیارە ناڤێن واناژی بھێنە پەسەندکرن ل سەرۆکاتیا جڤاتا وەزیران و بھێنە دامەزراندن”.
ئهڤرۆ نيوز:
تهقينهك ل دهڤهرا ميديات يا سهر ب پارێزگهها مێردين ڤه ل باكوورێ كوردستانێ روودا و ههتا نوكه زيان نههاتينه زانين.
ئاژانسا ئهنادۆل يا توركى بهلاڤكريه كو تهقينهك د رێيا ترۆمبێلهكا مينرێژكرى دا ل بهر دهرگههێ ئاسايشا دهڤهرا ميديات يا سهر ب پارێزگهها مێردين ڤه روودا.
ب گۆرهى رۆژناما حوريهت ژى تهقين ل دهمژمێر 11ى بهرى نيڤرۆ هاتيه ئهنجام دا و ل دهمێ تهقينێ شهر د ناڤبهرا گهريلايێن پهكهكێ و هێزێن ئهمنى شهر روودا.
پشتى وێ تهقينێ ژى ژمارهكا زۆر يا ئهمبۆلانسان چوونه جهێ روودانێ.
.jpg)
.jpg)
ئهڤرۆ نيوز:
رێڤەبەرێ چاڤدێریا بازرگانی ل دھۆکێ دیارکر کو وان شەش بنگەھێن چاڤدێریێ ل قەزا و ناحیێن پارێزگەھا دھۆکێ داناینە بۆ ھندێ چاڤدێریا کەل و پەلێن خوارنی َبکەن ھەر ژ دەمێ پشتی نیڤرۆ ھەتا بەری بانگێ مەغرەب.
عەبدوللا ئیبراھیم، رێڤەبەرێ چاڤدێریا بازرگانی ل دھۆکێ بۆ رۆژناما ئەڤرۆ دیار کر کو وان شەش بنگەە ئامادەکرینە و تیمێن وان بەردەوام دێ دوڤچوونا بازاری کەن ژ وانا تیمێ کەل و پەلێن خوارنێ یێن ماوێن وان ب سەرڤەچووی و تیمێ سەپاندنا سزایان، ھەروەسا تیمێ نەبلندبوونا بوھاییان و تیمێ زەرزەواتی و گۆت: “ھندەک تیم ژی ھاریکاریا ئاسایشا ئابووری دکەن، جارا ئێکێ کەسێ سەرپێچیێ دکەت دێ ب کوژمەکێ پارەی ھێتە سزادان، پاشان دێ غورامە زێدەتر لێ ھێت ھەتا دگەھیتە رادێ داخستنا جھێ کاری”.
ئەڤرۆ نیوز:
رێڤەبەرێ گشتیێ کاروبارین ئێزدیان دیارکر کو رەخنێن دژوار ل بان کی مون سکرتێرێ گشتیێ نەتەوەیێن ئێکگرتی گرتن و داخوازا روونکرنەکێ ژێ دکەن ل سەر وێ داخویانیا تێدا راگەھاندی کو جڤاکێ ئێزدی ل عیراقێ 45 ملیون دولار وەکو فدیە یێن داینە رێکخراوا تیرۆرستی داعش بۆ رزگارکرنا کچ و ژنێن ئێزدی.
خەیری بوزانی، رێڤەبەرێ گشتیێ کاروبارین ئێزدیان بۆ ئەڤرۆ گۆت: “سوپاس بۆ باری ! جارەکا دێ ئێزدی ل بیرا تە ھاتن بەلێ چەوا ! ئەم بیژین ھەمووچین و توێژیێن فەرمی و نەفەرمی و ئەھلی داخوازا ژی ھاتەکرن ھاوارا ئێزدیان بھێن بەرامبەر وان تاوانێن بەرامبەرجڤاکی ئیزدیان ھاتینەکرن ژ کوشتنی و سەبرینێ و بیێ سروشینکری و رەڤاندنێ ھەروەسا تۆ دلگرانیی بەرامبەر پێگھاتان ئەرێ تو زانی رێکخراوا تیرۆرستیا داعش پتر ژ 6389 کچ و ژنێن ئێزدی ب سەبی کردووە و ھەتا نوکە ژی پتر ژ 3797 ژن و زەلامێن ئێزدی دەستێن داعشێ داماینە مخابن ھەتا نوکە نەتەوەیێن ئێکگرتی چو پێنگاڤ نەھاڤێیتینە بەرامبەر وی زورداریا تیرۆرستان ل سەر ژن و زارۆیێن ئێزدی کری ھەوە چوھەلوەیست نەبوویە”.
بوزانی گۆتژی: “داخویانیا بان کی مون ئێزدی ژ قوربانیدانی کرنە جەلاد، ھوون بیژن ئێزدیان 45 ملیون دولار یێ داینە تیرۆرستان بۆ رزگارکرنا کچ و ژنان ھوون بیژن ئێزدی یێ بووینە سەرچاڤی دارایی یا تیرۆرستان، ڤان تومەتا ئێزدی تووشی سەرسورمانێ کرن ب تایبەتی ژی دەمێ ئەو داخویانیی ژ لایی کەسەکێ ڤە بیت سکرتیرێ گشتیێ نەتەوەیێن ئێەکگرتی بیت”.
ئاشکراکر ژی کو پێدڤیە ھوون روون و ئاشکرا بکەن کا چەوا و گەنگی و کێ ئەو پارە وەرگرتنیە و ژ کێ وەرگرتینە و میکانزما مەزاختنێ چەوا بوو و بەروڤاژی داخویانیا بان کی مون ب تۆمەت دانین بۆئیزدیان.
خەیری دبیژت: “ئیزدیان و نڤیسینگەھان رەڤاندیان داخوازا ھاریکاری ژ چو دەولەت و لایەنان نەکریە ب تنی نڤیسینگەھا سەرۆکێ حوکمەتا ھەرێما کوردستانی ئەم داخوازی دکەین ڤەکۆلینێ بابەتی دا بھێتەکرن بھێتە ئاشکرا کرن بۆ رایا گشتیا جیھانی و ئێزدیخانی.
ئەڤرۆ نیوز:
دناڤخۆیا زاخۆ دا 10 ھزار پارچە زەڤی نەھاتینە ئاڤاکرن، سەرۆکێ باژێرڤانیا زاخۆ راگەھاند د ماوەیێ شازدە سالێن باژێرڤانیێ دا وەلاتیان 8840 سەرپیچی ل سەر مۆلکێ گشتی کرینە و گۆت: “پێداچوون د ھەموو وان ئاڤاھیان دا دھێتە کرن”.
ئەندازیارێ مافپەروەر بژار مۆنیب، سەرۆکێ باژێرڤانیێ زاخۆ بو رۆژنامەیا ئەڤرۆ دیارکر زێدەگاڤی ل سەر مۆلکێ حوکمەتێ کارتێکرنەکا خراب ل رەۆشا پێشکەفتنا کریە و دیمەنەکێ نە شارستانی ب سیمایێن باژێری ڤە دیار بوویە، نۆکە ھزار پارچە زەڤی د نافخۆیا زاخۆ د ڤالانە نەھاتینە ئاڤاکرن و گۆت: “د ماوەیێ شازدە سالێن بووری دا نوکە زاخۆ خۆدانا 8842 ئاڤاھیێن سەرپێچی یە، دووڤ دا ژمارەکا ژ وان مفا ژ بریارا حوکمەتێ وەرگرتن کو 3500 خانی ھاتینە تاپۆکرن، ھەروەسا 2000 ئاڤاھی ژی نھۆ دناڤ زاخۆ دا دراوەستیاینە جھێ وان ل داھاتی دێ بیتە کەسکاتی یان ژی بەرپرۆژەیەکێ حوکمی دکەڤن.
محەمەد ئێحسان، وەلاتیەکێ تاخێ تلکەبەرێ یە ئاشکرا کر کو زێدەتریا تاخێن سەرپێچکار خەلکی ھەژار تێدا ئاکنجی بووینە، ژبەر ھندێ ژی حوکمەت وەکو پێدڤی چاڤدێری و خزمەتکاریێن پێدڤی بۆ وان دابین ناکەن.
گۆتژی: “حوکمەت بو خەلکی ماری ب سەری دگرن، بۆ بەرپرسان ژ کوریێ پێڤە دگرن، ژبەر ب تنێ ل دۆرێن خابیری دا 50 ھزار مەترێن عەردی سەرپێچی ل سەر ھەنە.
ئەندازیار بژار مۆنیب تەکەز کر ماستەر پلانا باژێری زاخۆ ژ لایێ کومپانیا ڤوسینگ یا ئەلمانی ڤە ب دوماھیک ھاتیە، نەخشە ژی پەسند بوویە، ئانکۆ زاخۆ یا نھۆ ژمارا ئاڤاھیێن وێ گەھشتە یێن د سالا 2030 دا و گۆت: “بۆ زێدەگاڤیان نۆکە مە 368 ھۆشداری داینە خەلکێ، ھەروەسا ژی 71 سکالا ل دادگەھێ ھاتینە تۆمارکرن، ھەردیسا ژی 270 ئاڤاھی ھاتینە ھەرفاندن.
نيشاندان