ئەڤرۆ نیوز:
وەزارەتا ساخلەمیا عیراقێ راگەهاند: د دەمێ ٢٤ دەمژمێرێن بوری دا هزار و ٩٢١ حالەتێن نوویێن توشبوون ب کۆرۆنایێ و هزار و ٦٧٠ حالەتێن چێبوونێ و ٩٦ حالەتێن وەغەرکرنێ هاتینە تۆمار کرن.
ساخلەمیا عیراقێ: هزار و 921 کەسێن دی تووشی کۆرۆنایێ بوون
نووترين نووچه
- مەزلووم عەبدی بۆ نێچیرڤان بارزانی: سوپاس بۆ پشتەڤانییا تە یا بەردەوام ل مافێن كوردان
- سەرۆكێ هەرێمێ و سەرۆكێ دەم پارتی ل دۆر پرۆسێسا چارەسەریێ: نابیت ئەڤ دەرفەتە ژ دەست بچیت
- نێچیرڤان بارزانی و بالیۆزێ فینلەندایێ دوپاتیێ ل سەر بهێزكرنا پەیوەندییان دكەن
- پێدڤییە مافێن كوردێن سووریێ بهێنە پاراستن
- پێدڤییە ڕێز ل مافێن دستووری و شایستەیێن دارایی یێن كوردستانێ بهێتە گرت
- ڕ ێبەر ئەحمەد: داعش ب دووماهی نەهاتییە و گەفێن وێ یێن ماین
- شێروان دوبەردانی: د پڕۆژەیاسایا بودجەیا 2027ێ دا ب دەهان مین بۆ هەرێما كوردستانێ هاتینە چاندن
- ب ڕێكا دانوستاندنان كار بۆ بنەجهكرنا پشكا دادی یا هەرێمێ د بودجەی دا دكەین
- سەرۆك بارزانی و سوودانی ڕەوشا سیاسی یا ئیراقێ و دەڤەرێ گەنگەشە كر
- كلیلا چارەسەریا كێشەیێن هەولێرێ و بەغدایێ بجهئینانا دەستوورییە و بێی وێ كێشە چارەسەر نابن
سه‌ره‌كى نووترين نووچه
وەزارەتا ساخلەمیا هەرێمێ: 267 کەسێن دی تووشی کۆرۆنایێ بوون
ئەڤرۆ نیوز:
وەزارەتا ساخلەمیا هەرێما کوردستانێ دیار کر: کو 12 تووشبوویێن دی ب کۆرۆنایێ مرن و و 267 کەسێن دیتر ژی تووشی وی ڤایرۆسی بوون، هەروەسا د دەمێ شەڤ و رۆژەکێ دا، دو هزار و 426 پشکنینێن کۆرۆنای هاتینە ئەنجامدان، کو زۆرترین پشکنین ل سلێمانیێ بووینە و لدووڤدا ل دهۆکێ و هەولێرێ.
هەروەسا گۆتیە: ئەو 267 تووشبوویێن هاتینە تۆمار کرن، 31 ژ وان ل هەولێرێ، 129 ل سلێمانیێ، 78 ل گەرمیان، 20 ل راپەرین، حەفت ل هەلەبجە و دو ژی ل دهۆکێ.
12 تووشبوویێن دی ژی وەغەر کریە، کو دو کەس ژ وان ل هەولێرێ، هەشت ل سلێمانیێ و دو ژی ل گەرمیان.
هەروەسا 172 تووشبوویێن دی چێبووینە، کو 70 ژ وان ل هەولێرێ، 54 ل سلێمانیێ، 33 ل گەرمیان، 10 ل راپەرین و پێنج ژی ل هەلەبجە.
پولیسێن دهوکێ: دو کەس هاتینە کوشتن
ئەڤرۆ نیوز، عەلی حاجی :
هێمن سلێمان پەیڤدارێ پولیسێن پارێزگەها دهوکێ بۆ دەزگایێن راگەهاندنێ دیار کر د روودانێن جودا دا ل ناحیا باتێلێ و قەزا زاخۆ دو کەس هاتنە کوشتن و تاوانبارێن هەر دو روودانا هەتا نوکە نەهاتینە دەستەسەر کرن بەلێ تاوانبار هاتینە نیاسین.
زێدەتر هێمن سلێمان گۆت: (روودانا ئێکی ل دەمژمێر ٨ی سپێدێ یا تەرمێ زەلامەکێ ل گوندێ کانی عەرەب یا سەر ب قەزا سێمێلی ڤە هاتیە دیتن و ئێکسەر مەفرەزێن پولیسێن نەهێلانا گونەهباریان ل قەزا سێمێلی چوونە جهی روودانێ و پشتی دیفچوون هاتیە کرن کو دیار بوویە کەسەک بناڤێ قاسو محەمەد خوە جهێ گوندێ ناڤهاتی یە و هاتیە کوشتن و کەسێ تاوان ژی کری هاتیە نیاسین و پولیسان ژی دەست ب لێگەریانێ کری یە دا کو بکوژی دەستە سەر کرن).
ناڤبری دیار ژی کر کەیسێ دویێ ل ل زاخۆ بوو دەمژمێر ١:٠٠ی نیڤرۆ ل بەردەم دادگەها زاخۆ کەسەکێ ٣٥ سالی ب سێ گولەیان هاتیە کوشتن و ئەو کەسێ هاتیە کوشتن دیار بوو چەندین کەیسێن دیتر ل سەر بوون و د قوناغا دادگەهکرنێ دا بوو و بەلێ خوەشبەختانە پشتی ڤەکولینێ پولیسان شیان بکوژێ وێ روودانێ دیار و ئاشکرا بکەن و ناسناما وی دیار بکەن و ل دووف یاسای سزادانێ دێ سەرەدەری دگەل دا هێتە کرن .
باژێرێ سلێمانیێ دێ حەفتیەکێ بێ ئاڤ بیت
ئەڤرۆ نیوز:
ئامانج جەلال بەرپرسێ راگەهاندنا رێڤەبەریا ئاڤا سلێمانیێ راگەهاند کو بۆریا ئاڤا سەرچنار ل ناڤ باژێرێ سلێمانیێ شکەستیە و ژ بەر هندێ ژی بۆ ماوەیێ حەفتیەکێ ئەو نەشێن ئاڤێ بگەهیننە مالان و گۆت: (بێگومان دێ بزاڤێ کەین کو د زووترین دەم دا ئاریشا ئاڤێ چارەسەر بکەین، لێ مخابن شکەستنەکا بۆریەکا وەسا مەزن و دروستکرنا وی کارەکێ بچووک نینە).
ناڤهاتی دیار کر ژی هندەک تاخێن سلێمانیێ و قەزایێن دەوروبەرێن وێ ئاریشا وان یا ئاڤێ نابیت لێ پرانیا تاخێن سلێمانیێ ژ بەر شکەستنا وێ بۆریا ئاڤێ دێ بێ ئاڤ مینن.
کەسەک هاتە کوشتن هه‌مبه‌ر دادگه‌ها زاخۆ
ئەڤرۆ نیوز،عەلی حاجی :
بەرپرسێ راگەهاندنا ساخلەمیا زاخۆ بۆ ئەڤرۆ نیوز دیار کر ل بەر دەرگەهێ دادگەها زاخۆ گەنجەکێ زاخۆ کەفتەر بەر دەست درێژیا گولەیان و ب پشتی سێ گولە ڤێکەتین گیانێ خوە ژ دەستدا.
زێدەتر ئەمیر عەلی گۆت : ئەو روودان ل نێزیکی دەمژمێر ١٢:٣٠ نیڤرۆ روودایە دەما کەسەک ل بەر دەرگەهێ دادگەها تێهەلچوونا زاخۆ دکەڤیتە دەست درێژیا گولەیێن کەسەکێ نەنیاس ڤە و سێ گوللە ڤێ دکەڤن و گیانێ خوە ژ دەست دەت و تەرمێ وی ژی بۆ نەخوشخانا پزیشکیا داد هاتیە رەوانە کرن و پولیسێن زاخۆ ژی پەرێن ڤەکولینێ بۆ کێشەیێ ڤەکرینە.
شانده‌كێ په‌رله‌مانێ كوردستانێ دووڤچوونا جهێن توپبارانێن توركیا دكه‌ت
ئه‌ڤرۆ نیوز،عه‌لی حاجی :
ب مه‌ره‌ما دووفچوونا زه‌ره‌ر و زیانێن ده‌ڤه‌رێن زاخۆ كو ئه‌وێن دهێنه توپباران كرن و شه‌رێ دناڤبه‌را هێزێن په‌كه‌كێ و سوپایێ توركیا،شانده‌كێ په‌رله‌مانێ كوردستانێ سه‌ره‌دانا ده‌ڤه‌رێن سنوری كرن ل ناحیێن باتیفا و ده‌ركارێ و سه‌ره‌دانا قائیمقامیا زاخۆ كرن . حكمه‌ت محه‌مه‌د گه‌ودا سه‌رۆكێ لژنا پێكهاتی ل دور بوردومانێن ده‌ڤه‌را زاخۆ د داخویانیه‌كێ دا بۆ ده‌زگایێن راگه‌هاندنێ گۆت: ئه‌ڤ لژنه‌یه ل دووڤ داخازیا په‌رله‌مانێ كوردستانێ هاتیه پێك ئینان پشتی كو توپباران و شه‌رێ دناڤبه‌را سوپاپێ توركیا و هێزێن په‌كه‌كێ ل سنورێ ده‌ڤه‌را زاخۆ و چه‌ند ده‌ڤه‌ره‌كێن دیترێن كوردستانێ دژوارتر لێهاتین و ژ نێزیك ڤه دێ سه‌ره‌ده‌نا هه‌ردوو ناحیێن باتیفا و ده‌ركارێ كه‌ین دا كو بزانین زه‌ره‌ر و زیانێن وان ده‌ڤه‌ران چنه و پاشی ب رێیا راپورته‌كێ ئه‌م راده‌ستی سه‌روكاتیا په‌رله‌مانێ كوردستانێ بكه‌ین و سه‌ره‌دانێن مه نه‌به‌س دێ بۆ ده‌ڤه‌رێن سنوریێن ده‌ڤه‌را زاخۆبن به‌لكو دێ بۆ وان هه‌می سنوران بن یێ كو دهێنه توپباران كرن.
ل دور شه‌رێ سوپایێ توركیا وپه‌كه‌كێ د ناڤ ئاخا هه‌رێما كوردستانێ دا ناڤبری گۆت : وه‌كو لژنا هاتیه پێك ئینان ژی ئه‌م داخازێ ژ هه‌ردوو هێزان دكه‌ین شه‌رێ خوه دناڤ سنورێ ئاخا كوردستانی ڤه‌گوهێزنه دناڤ ئاخا خوه دا ژبه‌ر كو ده‌ڤه‌رێن مه چو په‌یوه‌ندیه‌ك ب كێشه‌یا دناڤبه‌را هه‌ردوو هێزان دا نینه . ل دوماهیێ گۆت ژی : توپبارانا به‌رده‌واما سوپایێ توركیا و ئیرانێ بویه ئه‌گه‌ر زه‌ره‌ر و زیانه‌كا مه‌زن به‌ر ب وه‌لاتیان كه‌ڤتی یه له‌ورا دبیت زووترین ده‌م دا ئه‌ڤ توپبارانه بهێته راوه‌ستاندن ژبه‌ر كو وه‌لاتیێن سڤیل زه‌ره‌مه‌ندێن ئێكانه‌نه ژوێ توپبارانێ و ئه‌ڤ لژنه ژ سێ لژنه‌یان هاتیه پێك ئینان كو ژ لژنه‌یێن پێشمه‌رگه و نافخۆ و ئاسایش و هه‌ر دیسان لژنه‌یا په‌یوه‌ندیان ل په‌رله‌مانێ كوردستانێ هاتیه پێك ئینان .
په‌یڤدارێ سه‌رۆك وه‌زیری: داخازێ ژ ئاسایشا نێڤ ده‌وله‌تی پینگاڤێن پێدڤی بۆ پاراستنا سه‌قامگیریا عیراقێ پاڤێژیت
ئه‌ڤرۆ نیوز:
په‌یڤدارێ سه‌رۆك وه‌زیرێ عیراقێ داحاز ژ توركیا دكه‌ت ده‌ملده‌ست هێرشێن خوه را بوه‌ستینن و جڤاكا نێڤ ده‌وله‌تی پێنگاڤێن پێدڤی بهاڤێژن.
ئه‌حمه‌د مولا ته‌لال په‌یڤدارێ سه‌رۆك وه‌زیرێ عیراقێ راگه‌هاند ده‌مه‌كه هێزێن توركیا ده‌ست هێرشان كریه بۆ سه‌ر ئاخا عیراقێ و حكومه‌ت ژی ئه‌وان كاران ره‌ت دكه‌ت، كۆ زیانێ ب په‌یوه‌ندیێن دناڤبه‌را هه‌ردو وه‌لاتان دده‌ت، له‌ورا داخازا ده‌ملده‌ست توركیا هێرشێن خوه رابوه‌ستینیت، بۆ سه‌ر سه‌روه‌ر و گیان و مالێ وه‌لاتیێن عیراقی، د نامه‌یه‌كا ب زمانه‌كێ توند راده‌ستی بالیوزخانه‌یا توركیا كریه و د ئه‌وێ نامه‌یێ دا ته‌ئكید ل سه‌ر چه‌سپاندنا مافێ عیراقێ بۆ ره‌تكرنا ئه‌وان ده‌ست درێژیێ و راوه‌ستاندنێ و په‌نایێ بۆ چارچوڤه‌یێ یاسایی و به‌لگه‌نامه‌یێن نێڤ ده‌وله‌تی به‌ت.
په‌یڤداری سه‌رۆك وه‌زیرێ عیراقێ ئه‌و چه‌نده ژی دیاركر هه‌ر كاره‌ساته‌كا مرۆڤی مادی دروست بیت توركیا ژێ به‌رپرسیاره، ئه‌و ده‌ستدرێژی و به‌زاندنا سه‌روه‌ریا عیراقێ دكه‌ت، له‌ورا داخازێ ژ جڤاكێ نێڤ ده‌وله‌تی ئاسایشا نێڤ ده‌وله‌تی دكه‌ین پێنگاڤێن پێدڤی بۆ پاراستن و سه‌قامگیریێ ل ده‌ڤه‌رێ پشته‌ڤانیا عیراقێ بۆ پاراستنا ئاخاوێ بكه‌ت.
تۆپخانا سۆپایێ تورکیا دەڤەرا بەرواری بالا تۆپباران کر
ئەڤرۆ نیوز، زنار تۆڤی:
بەری دەمەکێ تۆبخانێن سوپایێ تورکیا چیایێ شارانیێ و دەوروبەرێن گوندێ بێدوهێ ل سنورێ ناحیا کانی ماسێ، یا سەر ب قەزا ئامێدیێ ڤە تۆپباران کرن.
سەربەست سەبری ئاکرەیی رێڤەبەرێ ناحیا کانی ماسێ بۆ ئەڤرۆ نیوز دیار کر: پشتی ئێڤاریا ئەڤرۆ شەمبیێ، تۆپخانا سۆپایێ تورکی چیایێ شارانیێ و گوندێ بێدوهێ ل ناحیا کانی ماسێ تۆپ باران کرینە، لێ وێ تۆپبارانێ چ زیانێن گیانی نەبووینە، لێ ترس ل دەف خەلکێ پەیدا کریە.
هەروەسا گۆت ژی: ئەڤرۆکە فرۆکێن سۆپایێ تورکی گوندێ سپیندارێ ل ئالیێ دی یێ روووبارێ زێی بۆمبە بارانکریە، لێ زیانێن وێ بۆمبە بارانکرنێ نەهاتینە زانین.
تورکیا چیایێ شارانیێ تۆپباران دکەت
پتر ژ سەد کەسێن دی ل عیراقێ ب کۆرۆنایێ جانێ خوە ژ دەست دان
نيشاندان
WP Facebook Auto Publish Powered By : XYZScripts.com