ئەڤرۆ نیوز:
ئەڤرۆ سەرۆک مەسعود بارزانی پێشوازی ل برۆنۆ ئۆبێر بالیوزێ فرەنسا ل عیراقێ کر و د هەڤدیتنەکێ دا بەحسێ رەوشا دەڤەرێ، عیراقێ و کوردستانێ هاتە کرن.
هەر د ڤێ کۆمبوونێ دا بەحسێ رەوشا سووریێ و کوردێن رۆژئاڤایێ کوردستانێ هاتە کرن و سەرۆک بارزانی دلگرانیا خوە ل هەمبەر پێشهاتێن دووماهیێ ل سووریێ و کارتێکرنا وێ ل سەر کوردێن رۆژئاڤایێ کوردستانێ دیار کر.
ئهڤرۆ نيوز:
دۆنالد ترهمپ سهرۆكێ ئهمريكا د تويتهكى دا دهربارهى ڤهكێشانا هێزێن خوه ژ رۆژئاڤايێ كوردستانێ و رۆژههلاتا فرات دياركريه ئهو دێ ل جههكى شهرى كهن كو مفا بۆ وان ههبيت.
د ڤى تويتى دا هاتيه برياربوو هێزێن ئهمريكا بۆ ماوێ 30 رۆژان ل سووريێ بمينن لێ مانا هێزێن مه ل ڤى جهى دێ مه بهر ب شهرهكێ كوور و نهديار بهت، و دهمێ هاتيمه واشنتون داعش ل دهڤهرێ خوهدخار لێ شياين زوو 100% خيلافهتا تيرورستێن داعش بشكێنينن لهورا نێزيكى سێ سالان دهربازبووينه و دهم هاتيه ژ ڤى شهرێ بێ دووماهى دهركهڤين و سهربازێن خوه ڤهگهرينه وهلاتێ خوه ژ بهركو ئهم دێ ل جههكى شهرى كهين مفا بوو مه ههبيت و بۆ سهركهفتنێ دێ شهرى كهين توركيا و ئوروپا، سووريا، ئيران، عيراق، روسيا و كورد ژى دڤێت ل ڤى بارودوخى تێبگههن.
د پشكهكا دى يا ئاخفتنا خوه دا ترهمپى دياركر ئهو 7000 ميل ژ داعش دوورن و دوباره دێ داعش شكێنينن ئهگهر نێزيكى وان بن.
دهۆك، لهزگین جۆقى:
رێڤهبهرێ گشتی ساخلهمیا پارێزگهها دهۆكی دیاركركو تیمهكا نۆشدارێن ئهمریكێ پتر ژ 50 نشتهگهریان بۆ وهلاتیان ل دهۆكێ ئهنجامدان ب سهدان نهخۆش هاتینه دیتن دی بهردهوام بن لسهر پێشكیشكرنا خزمهتێن ساخلهمیێ بۆ وهلاتیان و مهشقدانا ستافی ساخلهمیا دهۆكێ واری زانستی نوو یێ نۆشداری دا.
د. نزار عصمهت، رێڤهبهرێ گشتی ساخلهمیا پارێزگهها دهۆكێ دیاركركو ههڤكاریا ناڤبهرا زانكۆیا ئهمریكی ل كوردستانێ و ساخلهمیا دهۆكێ ب پشتهڤانیا رێكخراوان GSMSG كو بهردهوام پشتهڤانیا ساخلهمیی دكهن ب ههڤكاری دگهل دهزگههی بارزانی یێ خێرخوازی ئهڤ چهندین جارا تیمێ نۆشدارێن ئهمریكی سهرهدانا مه دكهت بۆ وی چهندی خزمهتا خهلكێ بكهن و پشتهڤانیی ل كهرتی تهندروستی بكهن د وارێ فێركرنا زانستی نوشداری دا ژی ههڤكاریا مه دكهن ل ڤێ جار ژی 40 نۆشدار و پهرستاران ژ ئهمریكا قهستا كوردستانێ كرن ژوانا ژی 30 نۆشدار و پهستار ل دهۆكێ خزمهتی دكهت ئهڤه چهند رۆژن خزمهتی ئهنجام دهن.
تهكهز كركو شاندی نۆشدارێن ئهمریكێ ههتا رۆژا 12/10/2019 دێ بهردهوام بن ل سهر پێشكیشكرنا خزمهتێن تهندروستی بۆ وهلاتیان وچهندێن نهخۆش چارهسهر كرینه و نشتهگهری ئهنجامداینه ئهڤ رێكهڤتنا مه ههی بۆ وی چهندی یه بشین ئاستی پهرستاری باشتر بكهین وچهندێن نهخۆشین دگمهن یێن چارهسهریا وان زۆر زهحمهت بتایبهتی ژی نهخۆشین دلی و بربرا پشتی و نهخۆشین مێشكی و پهنچهشیری چارهسهر بكهن و نۆشدارێن دهۆكێ ژی فێر بكهن ل سهر زانستی نوو یێ نۆشداری.
د. نزار گۆت: تیمێ ئهمریكێ ل سهر ههموو نهخۆشخانێن دهۆكێ هاتینه دابهشكرن ل نهخۆشخانا ئازادی و تهنگاڤیان و هیڤی ونهخۆشخانا زارۆكبوونی ههروهسا سهنتهرێن ساخلهمی و قهستا ناڤ كهمپێن ئاواران كرینه چهندین نهخۆش چارهسهركرینه ل ناڤ كهمپان ب سهدان نهخۆش هاتینه دیتن و پتر ژ 50 نشتهگهریان بۆ وهلاتیان ئهنجامداینه وبهردهوام یێ راهینانا دكهن بۆ پهرستارێن دهۆكێ ل پاشهرۆژی ژی ل بهره كو ههڤكاری دگهل مهدا پتر ئاستی پهرستاری باش بكهین.
سهرۆكێ زانكۆیا ئهمریكێ و سهرۆكی شاندی نۆشدارێن ئهمریكی ژی پهیڤ پێشكیشكرن وسوپاسیا ههڤكاریا ساخلهمیا دهۆكێ كرن بۆ وی پشتهڤانیا ل نۆشدارین ئهمریكێ دكهن پێخهمهت گههاندنا خزمهتێن ساخلهمیێ بۆ وهلاتێن ل دهۆكێ.
ئهڤرۆ نيوز، نيوار محهمهد سهليم:
لژنا پهروهرده و خواندن و ئهوقاف و كاروبارێن ئاينى ل جڤاتا پارێزگهها دهۆكێ ئهڤرۆ پێشوازيا شاندهكێ پهروهردێ كر ل دۆر رهوشا قوتابخانێن ئههلى ل پارێزگهها دهۆكێ.
جمبهد شوكرى، سهرۆكا لژنا پهروهرده و خواندن و ئهوقاف و كاروبارێن ئاينى ل جڤاتا پارێزگهها دهۆكێ بۆ ئهڤرۆ نيوز گۆت: “ئهڤرۆ لژنا پهروهردێ شاندهكێ تايبهتمهند ژ پهروهردێ ل دۆر باخچه و قوتابخانه و پهيمانگههێن ئههلى يێن لوكال و نێڤدهولهتى مێڤانى جڤاتێ كربوون و تێدا دانوستاندن ل سهر رهوشا وان هاته كرن”.
زێدهتر گۆت: “د ڤێ كۆمبوونێ دا ب رژدى بهحس ل سهر وان رێنمايان هاته كرن يێن وهزارهتێ دهركرين دا كو ب هوورى دووڤچوونێ ل سهر بكهين و ههر خالهكا نههێته بجهئينان ب گورهيى قانوونێ سهرهدهريێ ل گهل بكهين، ژ بهر كو بهرى نها بهرهلاييهك ههبوو، ههماههنگى ژى د ناڤبهرا وهزارهتا پهروهردێ و رێڤهبهريێن پهروهردا نهبوو. نها لژنهك هاتيه پێكئينان بۆ دووڤچوونا ڤى كارى و كارێ وێ ئهڤ ساله ل سهر دو لژنان هاتيه پارڤهكرن لژنهك بۆ دووڤچوونا باخچه و قوتابخانێن بنهرهت و لژنهك ژى بۆ ئامادهيى و پهيمانگههان”.
ئاشكهرا ژى كر كو ههر د ڤێ روونشتنێ دا كو فههيم عهبدولا، سهرۆكێ جڤاتا پارێزگهها دهۆكێ، تهكست ل سهر وێ چهندێ هاته كرن كو دێ كۆمبوونێن ههردو لايهنان د بهردهوام بن و پێكڤه دێ سهرهدانا وان قوتابخانان ژى كهن دا كو ژ نێزيك هايدارى رهوشا وان و كێماسيێن وان ببن.
جمبهد شوكرى دياركر ژى كو نها ل پارێزگهها دهۆكێ 9 قوتابخانێن ئههلى دهست ب وهرگرتنا قوتابيان كريه و مۆلهتا كاركرنێ نينه.
ههر د ڤێ كۆمبوونێ دا، سهرۆكێ جڤاتا پارێزگهها دهۆكێ، فههيم عهبدولا پشتهڤانيا خوه يا تهمام بۆ ڤێ پرۆسێ دياركر و گۆت: “يا ب گۆرهى قانوونێ د شيان دابيت دێ كهين ژ پێخهمهت سهركهفتن و رێكخستنا ڤان رهنگهك قوتابخان”.
ئهڤرۆ نيوز، نيوار محهمهد سهليم:
لژنا پێشهسازى و وزێ و سامانێن سرۆشتى ل جڤاتا پارێزگهها دهۆكێ ئهڤرۆ رۆژا دوشهمبى رێكهفتى 7ى چريا ئێكێ 2019 مێڤانداريا ههرێ ئێك ژ قايمقامێ كۆچكا پارێزگههێ و سهرۆكێ لژنا نهفت و كانزايان و رێڤهبهرێ بهلاڤكرنا بهرههمێن سۆتهمهنيێ ل دهۆكێ كر.
عهبدولسهمهد تێلى، سكرتێرێ جڤاتا پارێزگهها دهۆكێ كو د ههمان دهم دا سهرۆكێ لژنا پێشهسازى و وزه و سامانێن سرۆشتى يه، د داخۆيانيهكێ دا بۆ ئهڤرۆ نيوز راگههاند كو ئهڤ كۆمبوونه ل دۆر ئامادهكاريێن پارێزگهها دهۆكێ بوون ل دۆر بهلاڤكرنا گازاسپى.
سهرۆكێ لژنا ناڤبرى زێدهتر گۆت: “ههر ديسان د ڤێ كۆمبوونێ دا بهحس ل وێ چهندێ ژى هاته كرن كا ئهو گازا ل ئهڤ ساله ل سهر مواليدان هاتيه بهلاڤكرن ب چ رهنگ بوو”.
ئاماژه ب وێ چهندێ ژى كر كو ههر د وێ كۆمبوونێ دا، دووڤچوونا شێوازێ دانا مۆلهتێن پانزينخان هاته كرن كا چاوان دهێنه دان، “ژ بهر كو ل دووڤ پێدڤياتيێ ناهێنه دانان، ل هندهك جهان گهلهك يێن زێده بووين و هندهك جهان ژى د پێدڤى نه و نههاتينه دانان”.
تهوهرێ دووماهيێ ژى يێ ڤێ كۆمبوونێ ب گۆرهيى داخۆيانيا عهبدولسهمهد تێلى ل دۆر بابهتێ پالاوگههێن نهقانوونى بوو، پشتى ب گۆرهيى بڕيارهكا جڤاتا وهزيران هاتينه دايخستن كا چهند پێگرى پێ هاتيه كرن سهرهراى وێ چهندێ كو نها هێزهك ژى بۆ رێگريكرنێ ل وێرێ بنهجهـ كريه.
د ڤێ كۆمبوونێ دا، ماجد سهيد سالح سهرۆكێ لژنا سۆتهمهنيێ ل كۆچكا پارێزگهها دهۆكێ ئاشكهرا كر كو وهكو پارێزگههـ ئهوان ههموو ئامادهكارى بۆ بهلاڤكرنا گازا سپى كرينه و ب تنێ مايه گازا سپى گازا سپى بگههيت”.
ئاشكهرا ژى كر كو ئهڤ ساله ههر زوو لايهنێن شولهژێ ئاگههدار كرينه و بههرا پارێزگههێ ل دووڤ پێدڤياتيێ بۆ وان دياركريه، بهلێ دبيت دشيانێن حوكمهتا ههرێمێ دا نهبيت، “پێدڤيه حوكمهتا عيراقێ گازا سپى بۆ وهلاتيان دابين كهت كا چاوان ل بهغدا ژى بۆ وهلاتيان دابين دكهت”.
نهڤهشارت ژى كو ئهو پێشبينى دكهن دڤێ حهفتيێ دا ههتا حهفتيا بهێت، بڕيار ل سهر مهزاختنا گازێ بۆ ههرێما كوردستانێ بهێته كرن و پشتى وێ ب چهندهكا كێم بگههيته ههرێما كوردستانێ و دهست ب بهلاڤكرنا وێ بهێته كرن.
ژ لايێ خوه ڤه محسن تاها، رێڤهبهرێ بهلاڤكرنا بهرههمێن سۆتهمهنيێ ل پارێزگهها دهۆكێ ئاشكهرا كر كو نها گازا سپى ل بهر دهست نينه ل سهر وهلاتيان بهلاڤ بكهن و گۆت: “سالێن بۆرى رۆژانه تشتهكێ كێم دهات و د هاتنه بهلاڤكرن، بهلێ ئهڤ ساله وهسان ژى هێشت نههاتيه”.
پارێزگهها دهۆكێ پێدڤى ب 60 مليۆن ليترێن گازا سپى ههيه ههكه بۆ ههر خێزانهكێ 200 ليترێن گازا سپى بهێنه دابينكرن.
ئهڤرۆ نیوز، نهوزاد هلۆرى:
هێزێن ئهمریكا ل رۆژئاڤایێ كوردستانێ دێ هێنه ڤهكێشان و سهرۆكاتیا توركیا ژى بهردهوامه ل سهر ههرهشهیێن خوه بو هێرشكرنا لسهر رۆژئاڤایێ كوردستانێ. شهڤا بورى دونالد ترامپ سهرۆكێ ئهمریكا و رهجهب تهیب ئهردوگان سهرۆكێ توركیا د پهیوهندیهكا تێلهفونى دا و بهحس ل دوماهى گورانكاریێن باكوورێ سوریا (رۆژئاڤایێ كوردستانێ كر).
سكرتێرێ كوچكا سپى یا ئهمریكى بهحس ل ناڤهروكا پهیوهندیا سهرۆكێ ئهمریكا و توركیا دكهت و دیاركر كو هێزێن ئهمریكا دێ ل باكوورێ سوریا ل دهڤهرێن سنوریێن دناڤبهرا توركیا و سوریا ڤهكێشیت، ئهڤه تایبهتى پشتى داوى هاتنا شهرێ ل گهل تیرورستێن داعش، دێ ههموو هێزێن خوه ل باكوورێ سوریا(رۆژئاڤایێ كوردستانێ ) ڤهكێشیت، ئهمریكا پشتهڤانیا هێرشێن توركیا بو سهر رۆژئاڤایێ كوردستانێ ژى ناكهت.
ب گورهى پێزانینێن چهند میدیاێن توركیا، نوكه راهێنان ب هێزێن توركى بو سهر رۆژههلاتێ فوراتێ دكهت، ئهڤه ددهمهكێ دایه كو ههرشهیێن توركیا بو سهر باكوورێ سوریا و رۆژئاڤایێ كوردستانێ د بهردهوامن. نهتهوهیێن ئێكگرتى دیاركر كو شهرێ ل باكوورێ سوريا دێ بیته سهدهما پێلهكا مهزن یا ئاواره و پهنابهرێن دهڤهرێ و كارهساتێن مروى دێ هێنه ئهنجامدان.
ئەڤرۆ نیوز:
وەزارەتا خواندنا بلند و ڤەکۆلینێن زانستی چەندین بڕیار دەربارەی خواندنا ماستەر و دکتۆرایێ و وەرگرتنا قوتابییان ل زانکۆیان دان.
وەزارەتا خواندنا بلند و ڤەکۆلینێن زانستی یا حوکمەتا هەرێما کوردستانێ دوهی ب سەرۆکاتیا دکتۆر ئارام محەمەد، وەزیرێ خواندنا بلند و ڤەکۆلینێن زانستی کۆم بوو و د کۆمبوونێ دا بڕیارا کاراکرنا سەنتەرێن زمانی بۆ پێداچوونا مەرج و رێنمایێن زمانێ ئنگلیزی یێن خواندنا ماستەر و دکتۆرایێ دا.
وەزارەتێ هەروەسا بریار ل سەر مەرج و رێنمایێن خواندنا ماستەر و دکتۆرایێ ژی دایە، لێ ناڤەرۆکا رێنماییان پشتی پێداچوونەکا هوورتر، دێ هێتە بەلاڤکرن و هەروەسا ناڤەڕۆکا ئەنجامێن وەرگرتنا قوتابییان ل زانکۆ و پەیمانگەهان ژی کو ژ ئالیێ وەزارەتێ ڤە هاتییە پەسەندکرن، دێ ل دەمەکێ نێزیک هێتە راگەهاندن.
ههولێر، نهوزاد هلۆرى:
بریاره ئهڤرۆ روژا دووژهمبى رێكهفتى 7/10/2019 ل دهمژمێر 10:00ێ سپێدێ ل ههولێرێ كونگرێ 12ێ یا ئهمینداریا گشتى یا مێشهڤانێن عهرهبى ب پشكداریا هژمارهكا زۆرا هنگهڤانێن كورد و عهرهب و بیانى ب رێڤهبچیت، ل پارێزگهها دهۆكێ ژى 39 مێشهڤان پشكدارن.
خورشید ئهحمهد، ئهندامێ لژنا بالا یێ كونگرێ 12ێ یا ئهمینداریا گشتى یا مێشهڤانێن عهرهبى بۆ ئهڤرۆ گۆت: (ب پشكداریا هژمارهكا زۆرا مێشهڤانێن كورد و عهرهب و جیهانى، ئهڤرۆ دهمژمێر 10:00ێ سپێدێ ل ههولێرێ دێ كونگرێ 12ێ یا ئهمینداریا گشتى یا مێشهڤانێن عهرهبى ب رێڤهچیت و دبیته ئێكهمین كونگرێ ئهمینداریا گشتى یا مێشهڤانێن عهرهبى كو ل كوردستانێ بهێته ئهنجام دان).
زێدهتر گۆت: (دكونگرهى دا ههموو تشتهكێ لسهر مێشان دێ هێته نمایشكرن مینا بهرههم، ئهندازیارى، نوژدارى و كهلوپهل، ئهڤه زێدهبارى چهندین ورگشوپ و سمینار و پهنهل و ڤهكولین ژى هێنه ب رێڤهبرن و پێشكێشكرن، ئهڤ یهك ژى پێنگاڤهكا باشه ل كوردستانێ بهێته ئهنجامدان).
ناڤبرى دیاركر ژى كو پێشتر ژى مێشهڤانێن كورد پشكدارى د كونگرێ ناڤهاتى ل وهلاتێن عهرهبى كریه و مێشهڤانێن كورد پلێن باش دهستخوڤه ئینایه و زێدهتر گۆت: (د كونگرێ 12ێ دا ل سنوورێ پارێزگهها دهۆك 39 مێشهڤان و كومپانیێن گرێداى كارێ وان پشكدارن و ئومێدهوارین كو مێشهڤانێن كورد و پارێزگهها دهۆك بشێن كارهكێ جوان و جیاواز بكهن).
دهێته زانین كو د كونگرێ 12ێ دا 11 وهلاتێن بیانى، 11 وهلاتێن عهرهبى ل گهل ههرێما كوردستانێ پشكدارن، پێكدهێن ژ 250 مێشهڤان و كومپانیێن گرێداى كارێ مێشهڤان و هنگڤینى، ل ههرێما كوردستانێ 84 مێشهڤان و كومپانى پشكدارن، كونگره دێ بۆ دهما سێ رۆژان یا بهردهوام بیت.
نيشاندان