ئهڤرۆ نيوز:
جێگرێ سهرۆكێ پهرلهمانێ كوردستانێ راگههاند، پرۆژێ چاكسازيێ و زێدهكرنا داهاتى دێ ل دهمهكێ نێزيك ژلايێ حوكمهتا ههرێما كوردستانێ بۆ پهرلهمانى هێته هنارتن.
هێمن ههورامى: حوكمهت دێ پرۆژێ چاكسازيێ بۆ پهرلهمانى هنێريت
نووترين نووچه
- نێچیرڤان بارزانی دوپاتیێ ل سەر بهایێن هەڤپشك یێن ئازادیێ و دیموكراسیێ دكەت
- نێچیرڤان بارزانی ل دەوحە پشكداری د بەهییا میرێ بەرێ یێ قەتەرێ دا كر
- مەسرور بارزانی سەرەخۆشیێ ل شێخ نەهرۆ كەسنەزانی دكەت
- نڤیسینگەها سەرۆكێ حوكمەتا هەرێمێ: حوكمەتا هەرێما كوردستانێ دێ بەردەوام بیت ل سەر رووبڕووبوونا گەندەلیێ و سەروەرییا یاسایێ
- 20 مەهـ ل سەر هەلبژارتنان دەرباز بووینە و چو بەهانە بۆ راگرتنا پەرلەمانی نەماینە
- سەرۆك بارزانی هەڤخەمییا خۆ بۆ حوكمەت و گەلێ قەتەرێ دەربڕی
- لیندزی گراهام پشتەڤانەكێ وەفادار و دۆستەكێ ب بها یێ گەلێ كوردستانێ بوو
- حوكمەتا هەرێما كوردستانێ د بەرهنگاربوونا گەندەلیێ دا پێگیرییا خۆ ب كارنامەیا خۆ سەلماند
- فەرهاد ئەترووشی: مە نڤیسار بۆ دامەزراندنا هەمیشەیی یا 70 هزار فەرمانبەرێن گرێبەست ئاراستەی بەغدا كریە
- بایكۆتكرنا پەرلەمانی دژاتیكرنا سووندا یاسایییە و تاوانەكا مەزنە بەرانبەر گەلێ كوردستانێ
سهرهكى نووترين نووچه
فەھیم عەبدولا: دێ ب ھووری چاڤدێریا ڤی پرۆژەی کەین
ئەڤرۆ نیوز، نیوار محەمەد سەلیم:
ئهڤرۆ رۆژا ئێکشەمبی 22ی ئیلۆنا 2019ێ، جڤاتا پارێزگەھا دھۆکێ کۆمبوونا خوە یا ھژمارە (101) ل ھۆلا جڤاتێ گێرا و تێدا گەنگەشەیا چاوانیا کارکرنا سیستەمێ (سمارت میتر) یێ کارەبێ ب ئامادەبوونا ستافێ وەزارەتا کارەبێ و سەرپەرشتکارێن پرۆژەی کر و ژ لایەکێ دژی ڤە بەردەوامی دا گەنگەشەیا خوە ل سەر رەوشا کەرتێ پەروەردێ.
د ڤێ کۆمبوونا دا و تەوەرێ ئێکێ لژنا وەزارەتا پەروەردێ یا کو سەرپەرشتیا پرۆژەی دکەت روونکرن ل سەر چاوانیا کارکرنا وی و سیستەمی بەرچاڤی ئەندامێن جڤاتا پارێزگەھێ و سەرۆکاتیا وێ کرن و پاشان ژی گەنگەشە ل سەر بابەتی ھاتە کرن.
پاشان ژی د کۆنگرەکێ رۆژنامەڤانی دا، فەھیم عەبدولا حەمۆ، سەرۆکێ جڤاتا پارێزگەھا دھۆکێ بەحس ل گرنگیا ڤی پرۆژەی کر و دا زانین کو ل دووڤ گۆتنێن شاندێ مێڤان ل جڤاتێ دێ پرۆژەکێ سەرکەفتی بیت و ھەتا رادەکێ باش دێ رەوشا کارەبێ ل ھەرێما کوردستانێ بەر ب باشتر ڤە بەت.
ژ لایەکێ دی ڤە ئەندازیار محەمەد ئەحمەد سەرپەرشتێ پرۆژێ پیڤەرێ زیرەک ل وەزارەتا کارەبێ بەحس ل گرنگیا ڤی پرۆژەی کر و دا زانین کو ب گۆرەی ڤی پرۆژەی ئێدی کارەب ناھێتە دزین و دێ ب وەکھەڤی ل سەر وەلاتیان ھێتە بەلاڤکرن.
ئاشکەرا ژی کر کو ھەکە وەلاتیەک پارێ کارەبێ نەدەت ژی ژێ ناھێتە بڕین، ب تنێ دێ ژمارا ئەمپێرێن کارەبێ ھێتە کێمکرن و گۆت: “سۆزا وێ چەندێ نادەین کو دێ کارەب بیتە 24 دەمژمێری، بەلێ دێ رەوشا کارەبێ گەلەک باشتر لێ ھێت”.
دا زانین ژی کو ل ھەولێر ئەڤ تۆڕە بۆ زێدەتری 19 ھزار پشکداران ھاتیە گرێدان و سلێمانیێ ژی دەست ب دانا ڤان پیڤەران ھاتیە کرن و ل دھۆکێ ژی ئەڤی پرۆژەی دەست پێ کر و سالەک و شەش ھەیڤان دێ ڤەکێشیت ھەتا ب دووماھی دھێت و 300 ملیۆن دۆلار بۆ ھاتینە تەرخانکرن.
محەمەد ئەحمەد دەربارەی گرنگیا ڤی پرۆژەی ژی بۆ وەلاتیان دا زانین کو وەلاتی چو پارەی نادەن و بھایێ کارەبێ ژی ل سەر وەلاتیان ناھێتە زێدەکرن و ھەر وەکو بەری نھا دێ ھێتە وەرگرتن کو دبیتە 15% ژ تێچوویێ ل کارەبێ دھێتە مەزاختن.
د بەرسڤا پرسیارەکێ دا ل دۆر وێ چەندآ ھەکە کارەب بۆ 24 دەمژمێری دێ چ ل رەوشا موالیدان ھێتە کرن، فەھیم عەبدولا، سەرۆکێ جڤاتا پارێزگەھا دھۆکێ راگەھاند کو د ماوەکی دا وان خودانێن موالیدان مفایەکێ زۆر وەرگرتیە ھەکە نھا وەکو پێدڤی مفای ژ وان موالیدان وەرنەگرن ژی و گۆت: “کەسێ چو گرێبەست ل گەل خودانێن موالیدان نینن، ھەردەما کارەب دروست بوو، کارێ مە ژی دآ ل گەل وان ب دووماھی ھێت”.
د تەوەرێ دی یێ کۆمبوونا جڤاتا پارێزگەھا دھۆکێ ژی دا، بڕیار ھاتە دان چەند رێنما بۆ فرۆشگەھێن قوتابخانان بھێنە دەرکرن و دووڤچوونا زێدەتر ل سەر ئاڤاھیێن قوتابخان بھێتە کرن.
سهرۆكاتیا جڤاتا وهزیرێن ههرێما كوردستانێ بریارهكا نوو دهردكهت
ئهڤرۆ نیوز:
ل دۆر ئهنجامدانا پرۆژان و تمامكرنا وانو مهزاختنا پارهى بۆ پێدڤیان، جڤاتا وهزیرێن ههرێما كوردستانێ نڤیسارهك دهركر و داخوازهكێ ژ فهرمانگههان دكهت.
ل دووڤ نڤیسارهكا سهرۆكایهتیا جڤاتا وهزیرێن ههرێما كوردستانێ ئاماژه ب وێ چهندێ هاتیه كرن كو ههموو ئهو نڤیسارێن پێشتر هاتینه بلندكرن بۆ مهزاختنا پارهى، دووباره بۆ بهێنه هنارتن.
د وێ نڤیسارێ دا دیاركریه، ژبهر كو وهزیرێن كابینا نههێ یا حوكمهتا ههرێما كوردستانێ ژ نوو دهست بكاربووینه و بۆ وێ چهندێ د ئاگههداربن ل دۆر نڤیسار و بابهتێن گرنگ، پێدڤیه دوباره نڤیسار بهێنه هنارتن.
ئاماژه هاتیه كرن ژى كو ئهو نڤیسارێن بهرى دهست بكاربوونا كابینا نوو یا حوكمهتێ یێن ئاراستهى سهرۆكاتیا جڤاتا وهزیران هاتینه كرن ب تایبهت بۆ ئهنجامدانا پرۆژان یان مهزاختنا بودجا زێده بۆ تمامكرنا پرۆژان ب تایبهت ئهو پرۆژێن ژبهر قهیرانا دارایى هاتینه راگرتن، یان ئهو نڤیسارێن پێگیریا دارایى ل سهر حوكمهتێ دروست دكهت، پێدڤیه دووباره بهێنه ڤهخواندن و پێداچوون تێدا بهێته كرن.
جڤاتا وهزیران دووپات دكهت ژى، بۆ هناتنا نڤیساران و دخوازیان، پێدڤیه ل دووڤ گرنگى و ئهولهویهتێ بیت ل گهل بهرچاڤكرنا رهوشا دارایى یا ههرێمێ و وێ بارگرانیا كهفتیه ستوویێ حوكمهتێ، تاكو ب شێوهكێ گونجاى و ب گۆرهى پێدڤیێ بریار ل دۆر بهێنه دان.
محهمهد شوكرى: ئێدى پرۆژێن وهبهرهێنانێ دێ بۆ خهلكێ ههژار وكێم دهرامهت بن
ئهڤرۆ نیوز:
سهرۆكێ دهستهیا وهبهرهێنانێ ل ههرێما كوردستانێ، محهمهد شوكرى، راگههاند كو هاندانا وهبهرهێنهرێن كوردستانێ ددهن كو ژ نوكه و پێدا پرۆژێن وهبهرهێنانێ بۆ خهلكێ كێم دهرامهت و ههژاران بیت، دیاركر ژى كو كێشهیا چهند پرۆژێن وهبهرهێنانێ هاته چارهسهركرن.
محهمهد شوكرى، سهرۆكێ دهستهیا وهبهرهێنانێ ل ههرێما كوردستانێ گۆت” ژ نوكه و پێدا ئهولهویهتا كارێن مه د پرۆژێن ئاكنجیبوونێ دا بۆ وهلاتیێن كێم دهرامهته و هاندانا وهبهرهێنهران ددهین كو پرۆژێن خوه ب قستێن درێژ خایهن و كوالیتیا باش و بهایێ گونجاى دروست بكهن و بدهن كرێچیان و خهلكێ كێم دهرامهت”.
سهرۆكێ دهستهیا وهبهرهێنانێ زیدهتر بۆ مالپهرێ فهرمیێ پارتى دیموكراتى كوردستان گۆت” ب مهرهما چارهسهركرنا كێشا وان وهلاتیێن كو پێشتر یهكهیێن ئاكنجیبوونێ ل وان پرۆژان كریبوون كو كێشه تێدابوو، نوكه كێشا چهند پرۆژان هاتیه چارهسهر كرن و كارێ جدى دكهین بۆ وێ چهندێ كێشێن ههموو پرۆژێن دى ژى چارهسهر بن و وهلاتى مافێن خوه وهربگر”.
دیاركر” نوكه چهند وهبهرهێنهران پرۆژه پێشكێشى دهستهیا وهبهرهێنانێ كرینه و دێ خواندن بۆ وان پرۆژان هێته كرن و پاشى مۆلهتا كاركرنێ پێ هێته دان”.
سەرۆک بارزانی پێشوازیێ ل بەرپرسەکێ عیراقێ دکەت
ئەڤرۆ نیوز:
ئەڤرۆ سەرۆک مەسعود بارزانی پێشوازی ل نەسیر ئەلعانی سەرۆکێ دیوانا سەرۆکاتیا کۆمارا عیراقێ کر و د کۆمبوونێ دا بەحسێ رەوشا سیاسی یا دەڤەرێ ب گشتی و یا عیراقێ ب تایبەتی هاتە کرن.
د کۆمبوونێ دا سەرۆک بارزانی نێرینێن خوە ل دۆر رەوشا نها یا عیراقێ و چارەکرنا ئاریشێن د ناڤبەرا هەولێرێ و بەغدایێ دا ژی دیار کر.
جڤاتا پارێزگەها دهۆکێ دێ ل دۆر سیستەمێ سیمکارتی یێ کارەبێ کۆم بیت
ئەڤرۆ نیوز، نیوار محەمەد سەلیم:
بڕیارە سوبەهی رۆژا ئێکشەمبی رێکەفتی 22ی ئیلۆنا 2019ێ جڤاتا پارڕزگەها دهۆکێ کۆمبوونا خۆ یا ئاسایی یا ژمارە (101) ئەنجام بدەت ل دۆر پروژێ (سمارت میتر ) و شێوازێ جێبەجێکرنێ و مفایێ ڤی پروژەی د کونترولکرنا مەزاختنا کارەبێ دا.
ئەڤ کۆمبوونە دێ ل دەمژمێر 11:00ی سپێدێ بیت ب ئامادەبوونا لایەنێن شولەژێ.
هەردیسان کۆمبوون دێ تەوەرەکێ دێی یێ گەلەک گرنگ ب خۆ ڤە گریت کو دانا چەند بڕیارایە ل سەر کۆمبوونا رۆژا چارشەمبی یا بۆری ل دۆر سیستەمێ پەروەردێ و ئاڤاهیێن قوتابخانا و کرێگرتنا حانوتان و تشتێن تێڤە دهێنە فرۆتن.
ئەڤرۆ نیوز هژمارا ماموستا و قوتابی و قوتابخانێن پارێزگەها دهۆک بەلاڤ دکەت
ئەڤرۆ نیوز، نەوزاد هلۆری:
پارێزگهها دهۆك پێكهاتیه ژ حهفت قهزا و 24 ناحیا و پتری 800 گوندێن ئاڤەدان، رێڤهبهریهكا گشتى و 10 رێڤهبهریێن پهروهردهى ل سنورێ پارێزگهها دهۆك ههنه، ئەڤ سالە بو خواندنا 2019-2020 دێ ئامارا پەروەردێ بڤی رەنگی بیت.
1- هزار و 604 ناڤهندێن خواندنێن پهروهردهى ههنه كو ئهو ژى
– 61 باخچێن زاروكان.
– هزار و 252 قوتابخانێن بنهڕهتى.
،- 255 قوتابخانێن ئامادهیى.
– 15 قوتابخانێن ناڤنجى.
– حهفت پهیمانگههـ.
– نههـ قوتابخانێن خواندنا بلهز
2- ل سنوورێ پارێزگهها دهۆك 489 هزار قوتابى ههنه
3- هەر ل سنوورێ پارێزگهها دهۆك 93% قوتابخانان ب دو و سێ شێفتى، دهوامێ دكهن.
4- دیسان 26 هزار و 627 ماموستا كو وانان هزار و311 ماموستا گرێبهست و وانهبێژن ههنه
5- چوار هزار و 729 فهرمانبهر ل كهرتێ پهروهدهى سنوورێ پارێزگهها دهۆك ههنه
ل بارا قوتابخانێن کەرتێ تایبەت، بڤی رەنگی یە.
– 16 باخچێن زاروكان.
– 14 قوتابخانێن بنهڕهتى.
– حهفت قوتابخانێن ئامادهى.
– نههـ پهیمانگههـ.
ل کەمپێن ئاوارە و پەنابەران ژی بڤی رەنگی یە.
– 29 هزار و 823 قوتابى ل قوتابخانێن بنهرهتى و ئامادهیی دناڤ كهمپێن ئاواران دا دخوینن
– 736 ماموستا ل قوتابخانێن ئاواران ههنه
– 12 هزار و 832 قوتابى ل قوتابخانێن بنهرهتى و ئامادهیی دناڤ كهمپێن پهنابهرێن رۆژئاڤایێ كوردستانێ دا دخوینن
– 209 ماموستا ل قوتابخانێن پهنابهرێن رۆژئاڤایێ كوردستانێ ههنه
دپلانانا حوكمهتا ههرێما كوردستانێ دایه كو ددهما چوار سالێن داهاتى ل سنوورێ پارێزگهها دهۆكێ 237 قوتابخانێن بنهرهتى درۆست بكهت.
یانا دهۆك گرێبهستا پیشهكارهكێ ئهمریكی ئیمزاكر
ئەڤرۆ نیوز، محەمەدعەلی نوری:
كارگێریا یانا دهۆك یا وهرزشی بفەرمی گرێبەست دگەل یاریزانێ پیشهكارێ ئهمریكی كرێس جۆنسۆن بۆ ماوێ ئێك وهرز ئیمزاكر، ژبۆ پشكداریێ دگهل تیما باسكت بۆلا یانا دهۆك بۆ وهرزێ نوو یێ خولا پلا نایابا عیراقێ، ئهوا بریاره ههڤركیێن وێ ل 25ێ ڤێ ههیڤێ بهێنه ئهنجامدان و یانا دهۆك دێ یاریا خوه یا ئێكێ ژ خولێ دگهل یانا ختوت ل باژێرێ بهغدا كهت. یاریزانێ ناڤهاتی درێژاهیا وی 196 ســم و دژیێ 28 سالی و یاری بۆ یانا کوبـا قوبرس و سلوڤی یا سلوڤینی کریە
مهسرور بارزانى:كهرتێن پهروهردێ وخواندنا بلند ئهركێن بهراهیێ یێن حوكمهتا ههرێمێ نه
ئهڤرۆ نیوز:
مهسرور بارزانى، سهرۆكێ حوكمهتا ههرێما كوردستانێ و سهرۆكێ بوردێ ئهمیندارێن زانكۆیا ئهمریكى ل دهۆكێ، ئهڤرۆ پێنجشهمبى 19/9/2019 د ئێكهمین ئاههنگا دهرچوویێن خۆلا ئێكێ یا وێ زانكۆیێ پهیڤهك پێشكێش كر.
د پهیڤا خوه دا مهسرور بارزانى گۆت” خوهشحالم وهكو دهرچوویهكێ زانكۆیا ئهمریكى ل ڤێرێ پشكدار ببم، د دهمێ پێنج سالێن بۆرى دا ڤێ زانكۆیێ پێشكهفتن ب خوهڤه دیتیه وبوویه هیڤیا نهڤیێن داهاتى”.
ههڤدهم سوپاسیا سهرۆكێ زانكۆیێ كر و راگههاند، د رهوشهكا دژوار دا شیا گرنگیێ ب پێشخستنا زانكۆیێ و پرۆسا خواندنێ و پێگههاندنێ نهڤیێن مه بكهت”.
سهرۆكێ حوكمهتا ههرێما كوردستانێ سوپاسیا نێچیرڤان بارزانى سهرۆكێ ههرێما كوردستانێ ژى كر و گۆت” سوپاسیا برایێ خوه نێچیرڤان بارزانى دكهم دهمێ ئهو سهرۆك وهزیران بوو، پشتهڤانیا خواندنا بلند هاتیه كرن”.
مهسرور بارزانى سوپاسیا سهرۆك بارزانى ژى كر كو ل دهمهكێ دژوار دا سهركردایهتیا ههرێما كوردستانێ كر و ل بن یبهرا خهبات و قوربانیدانا وى دا، نهڤیێن مه پێگههشتن”.
ئاماژه ب وێ چهندێ ژى كر كو ئهڤ زانكۆیه ل دهمهكێ كێم دا پێشكهفتنهكا مهزن ب خوهڤه دیتیه و نوكه 645 قوتابى یێن ههین.
دووپاتكر ژى كو ئێك ژ ئهركێن حوكمهتێ گرنگیدانه ب كهرتێ خواندنا بلند و بلندكرنا ئاستێ ڤهكۆلینێن زانستى ل ههرێما كوردستانێ ودێ گرنگیهكا تایبهت ب پێشخستنا وى كهرتێ دهین.
https://www.youtube.com/watch?time_continue=1&v=iOCLuYj71Kk
وەزارەتا نافخوه رۆهنكرنهكێ بەلاڤ دکەت
ئەڤرۆ نیوز:
وهزارهتا نافخوه ل ههرێما كوردستانێ د رۆهنكرنهكێ دا بهلاڤكر، ئەڤرۆ پێنجشەمبی ١٩-٩-٢٠١٩ ل دەمێ ھاتنا مەحمود سەنگاوی ئەندامێ مەکتەبا سیاسیی یا ئێکەتیا نیشتمانی یا کورستانێ بۆ پارێزگەها ھەولێرێ، ل زاڵگەهەکا دۆلا سماقۆلێ روودانەکا نەخواستی روودایە کو ھیچ بڕیار و راسپاردەک ل پشت نەبوویە. لەوما بۆ نههێلانا نیگەرانیا مەکتەبا سیاسی یا ئێکەتیا نیشتمانیا کوردستانێ ورێ گرتن ل دوبارە بوونا ڤان جۆرە روودانان، دێ ڤەکۆلینەکا هوور ئەنجام دەین و خەلکێ کوردستانێ پشت راست دكهین كو ھەموو ھەولێن مە ل رێگا و بانان بۆ دابینکرنا ئەمنیەتێ و سەر و سامانێ وەلاتیانە.
نيشاندان
WP Facebook Auto Publish Powered By : XYZScripts.com