ئەڤرۆنیۆز، سالار دۆسکی:

پشتی ل تورێن جڤاکی ھاتیە دیارکرن کو کەسەکێ دانعەمرێ بێ خودان ل کومەلگەھا کورا یا سەر ب ناحیا زاویتە ڤە دژیت و پێدڤی ب خودانکرنێ یە، سپێدەھی یا ئەڤرۆ 2/9/2019 ئەو پیرەمێرێ بێ خودان بۆ مالا دانعەمران ھاتە ڤەگوھاستن.

سەباح محەمەد عەلی، رێڤەبەرێ مالا دانعەمەران ل سپێدەھی یا ئەڤرۆ رۆژا دوشەمبی 2/9/2019 تایبەت بۆ ئەڤرۆ نیۆز ئاشکراکر کو ئەو دانعەمرێ ل کومەلگەھا کورا یێ بێ خودان گەھشتە مالا دانعەمران و چەندین پشکنینێن نوشداری بوو ھاتینەکرن، ستافێ ئەڤرۆ نیۆز ئامادەبوو ل دەمێ پێشوازیکرنا ڤی دانعەمری و ھەتا ژ سەرشویێ ژی زڤری .

رێڤەبەرێ مالا دانعەمران ئەو ژی ئاشکراکر کو رێکەفتی 7/8/2019 ھاتینە ئاگەھدارکرن کو دانعەمەرەک ل کومەلگەھا کوران بناڤێ(نەبی سەعدوللا) ھەیە و یێ بێ خودانە و حەزا ھاتنا مالا دانعەمەران ھەیە و مە دیارکر کو دەرگەە دڤەکرینە بۆ ھەر بێ خودانەکی، ب مەرجەکی کەفیلەک ھەبیت چنکو قانوون رێکێ نادەت چ کەسان بینە مالا دانعەمران بێ کەفیل چنکو ھەر دەمێ نەخوشیێ یان وەغەرکرنێ دا ئەو کەفیل بھێتە ئاگەھدارکرن، 19/8/2019 دو کەس ھاتن مە سێ پشکنین دانێ کو بۆ ڤی دانعەمری بکەن، بەری بھێتە مالا دانعەمران.

رێڤەبەرێ مالا دانعەمران ئەو ژی نە ڤەشارت کو ئەڤرۆ سپێدێ ژلایێ رێڤەبەریا گشتی یا چاڤدێری یا جڤاکی ھاتنە ئاگەھدارکرن کو دڤێت مالا دانعەمران بچیت وی دانعەمری بینت چنکو پێدڤی ب خزمەتێ یە و چ کەس و کارنین و ئەڤە 25 سالە بێ خودان دژیت و نەچاربووین چوینێ، نوکە ھەموو کارێن پێدڤی بۆ ھاتینەکرن و سەرشوویێ یە و نوشدار دێ ھێت و خوارنەکا پاقژ دێ بۆ ھێتە دابینکرن.

جھێ ئاماژەکرنێ یە کو (نەبی سەعدوللا) ژ دایک بوویێ 1953 یە ماوێ پتر ژ 25 سالانە ل کومەلگەھا کورا دژیت بێ خودان و چ کەس و کار نین و ئەڤرۆ رێورەسمەکێ ژ ھەژی دا بوو مالا دانعەمران ھاتە ڤەگوھاستن.

ئەڤرۆ نیوز ، عەلی حاجی:‏

پ، د، لەزگین عەبدی د داخویانیەکێ دا بۆ ئەڤرۆ نیوز دیار کر ب شێوەیەکێ فەرمی مە داخاز کری یە ‏خواندنا ئێڤاران ل زانکویا زاخۆ بھێتە ڤەکرن، ژ بەر کو مە چو زانکو و پەیمانگەھین ئەھلی ل باژێرێ ‏زاخۆ نین.‏

پروفیسور دکتور لەزگین عەبدی زێدەتر گوت ژی : بریارا وەزارەتا خواندنا بلند و ڤەکولینێن زانستی ل ‏دور نەڤەکرنا خواندنا ئێڤاران ل زانکویێن ھەرێمێ دبەرژەوەندیا زانکویا زاخۆ دا نینە،ژبەر کو ل باژێرێ ‏زاخۆ مە چو زانکیێن نەحکومی نین بتنێ زانکویا زاخۆیە،لەورا ب شێوەیەکێ فەرمی مە داخاز کری یە ‏خواندنا ئێڤاران ل زانکویا زاخۆ بۆ ئەڤ سالە ژی ھەبیت و یا بەردەوام بیت و من ب کەسایەتی ژی ئەڤ ‏چەندە دگەل وەزیری بەحسکری یە ، مە ئەو خال ژی بۆ دیار کرینە کو ژبەر چو ئەگەرەک ئەڤ ‏خوانجدنە بەردەوام بیت ل زانکویا زاخۆ،ئەم چاڤەرێ نە ل رێکەڤتی 5-9-2019 وەزارەتا خواندنا بلند و ‏ڤەکولینێن زانستی دکومبونا خوە دا ڤی بابەتی ئێکلا بکەت .‏

گۆتژی: مە پێدڤی یە کا مەزنب خواندنا ئێڤاران ھەیە ،ژبەر کو سالا بوری مە رێژەیەکا زور یا ‏قوتابیان وەرگرت بوو ل دەوام سپێدەھیان و ئەو چەندە ژی ببو بارگرانی،ھەکە ئەڤ سالە قوتابی ل ‏خواندنا ئێڤاران نەھێنە وەرگرتن،دێ بارگرانیەکا زێدەتر کەڤیتە سەر زانکویا زاخۆ و دێ رێژەیا ‏وەرگرتنا قوتابیان ل دەوام سپێدەھیان زێدەتر بیت،لەورا ئەم دگەل وێ چەندێ نە خواندنا ئێڤاران ‏ھەبیت بۆ ئەڤ سالە .‏