ئەڤرۆ نیوز:
نێچیرڤان بارزانی سەرۆکێ هەرێما کوردستانێ پێشوازی ل ماکسیم ماکسیمۆڤ بالیۆزێ گشتی یێ روسیا ل عیراقێ کر و د روونشتنەکێ دا بەحسێ پێشڤەچوونا پەیوەندیێن هەرێما کوردستانێ و روسیا هاتنەکرن.
بالیۆزێ روسیا راگەهاند کو وان دڤێت پەیوەندیێن خوە ل گەل هەرێما کوردستانێ د بیاڤێ سیاسی و ئابووری دا بهێزتر بکەن.
سەرۆکێ هەرێما کوردستانێ ژی راگەهاند کو هەرێما کوردستانێ دڤێت پەیوەندیێن خوە ل گەل روسیا ژ بلی وزێ د بیاڤێن دیتر دا ژی بەر ب پێش ببەن.
ئەڤرۆ نیوز:
ئهڤرۆ سێشهمبى، بەهائەدین نوری، سکرتێرێ بهرێ یێ حزبا شیوعیا ئیراقى ل سلێمانیێ، د ژیێ 93 سالیێ دا ل نهخۆشخانا ئهنوهر شێخه ب پهژیكا كۆرۆنایێ وهغه ركر، كو بهرى چهند رۆژان توشى كۆرۆنایی ب بوو.
بەهادین نوری، سەركردەكێ دیار یێ بزاڤا چەپێ ل كوردستانێ و ئیراقێ بوو، ل سالا 1927 ل گوندێ تەکێی قەرەداغ ژ دایکبوویە، ل سالا 1946 د ژ یێ 19 سالیێ دا چوویە ناڤ رێزێن حزبا شیوعییا ئێراقى.
ل سالا 1949، پشتى سێدارەدانا “فەهد” ى دامەزرێنەر و سكرتێرێ وێ حزبێ، بەهائەدین نوری، دبیتە سکرتێرێ حزبا شیوعییا ئێراقێ، ل سالا 1953 دهێته گرتن و فەرمانا سێدارەدانێ بۆ دەردكهڤیت، بهلێ نههاته سێدارهدان.
بەهائەدین نوری، ل سالا 1994 بزاڤا ئازادیخوازێن کوردستانێ دامەزراندیه.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ٤١٥ کەسێن دی ل هەرێما کوردستانێ تووشی کۆرۆنایێ بووینە و هەروەسا١٤ نەخوشێن کۆرۆنایێ ژی مرینە.
ل گۆر ئامارا وەزارەتا ساخلەمیێ ١٩٨ نەخوشێن کۆرۆنایێ ژی ب تەمامی چارەسەر بووینە.
ل پارێزگەها دهۆکێ ژی ١٧١ کەسێن دی تووشی ڤایرۆسێ کۆرۆنایێ بووینە و هەروەسا دو نەخوش ژی مرینە ٣١ نەخوشێن کۆرۆنایێ ژی ب تەمامی چارەسەر بووینە.
ئەڤرۆ نیوز:
ب ئامادەبوونا وەزیرێن پەیوەندیدار، پەرلەمانێ كوردستانێ دێ كۆچكرنا گەنجان بۆ دەرڤهى وهلاتى گوتۆبێژ كهت و دێ خواندنا ئێكێ بۆ دو پێشنیارێن قانوونى كهت.
ئەڤرۆ دوشەمبی، 30/11/2020 پەرلەمانێ كوردستانێ دێ كۆم بیت، لدووڤ بەرنامێ کارى، کۆمبوونا ئەڤرۆ یا پەرلەمانی دێ خواندنا ئێكێ بۆ پێشنیازا قانوونا پەروەردێ و خواندنێ ل هەرێما کوردستانێ و پێشنیازا قانوونا راستڤهكرنا ئێكێ یا زانکۆیێن تایبەت هێته كرن.
هەروەسا دێ خواندنێ و گوتۆبێژێ ل سهر هەردو راپۆرتێن لژنا پەیوەندیان و رەڤەندا کوردستانێ و لژنا رهوشهنبیری و جڤاكێ مەدەنی و وەرزش و لاوان، سەبارەت ب کۆچكرنا گەنجان بۆ دەرڤەی وهلاتى ب ئامادەبوونا وەزیرێن پەیوەندیدار ل حکومەتا هەرێما کوردستانێ كهت.
ئهڤرۆ نیوز:
ریڤهبهرێ پۆلیسێن هەولێرێ راگەهاند، بکوژهكپشتى یازده ژ تاوانا خوه ل هەولێرێهاته دهستهسهركرن کول سالا 2009 تاوانهك كریه و تا نها خوه رادهستى هێزێن ئهمنى نهكربوو.
عەمید دلێر نەجاڕ،رێڤهبهرێ پولیسێن هەولێرێئاشكرا كر،ژیێ وىتاوانبارى36 سالن و ل دهمێ گرتنا وى دا، دهست ب سهر ترۆمبێلا وى دا هاتیه گرتن، دهبانجهیهكا ژ جۆرێ كلۆك و كلاشینكۆفهك ژى د گهل دا هاتینه گرتن.
عەمید دلێر نەجار ئاشكرا ژى كر، ئهو تاوانبار نها ب بریارا دادوهرى دهستهسهركرییه و ڤهكۆلین د گهل دا دهێنه كرن.
ئهڤرۆ نیوز:
ئێكهتییا نشتیمانییا كوردستانێ و تهڤگهرا گۆرانێ ئهڤرۆ سات یازدهیێ سپێدێ ل دهباشان دێ كۆمبن و پرسا لامهركهزییا سلێمانیێ بابهتێ سهرهكی یێ كۆمبوونێ یه.
ل گۆر زانیاریێن دهۆك نیوز، ئێكهتییا نشتیمانییا كوردستانێ و تهڤگهرا گۆرانێ ئهڤرۆ سات یازدهیێ سپێدێ دێ ل دهباشان كۆمبن، كۆمبوون ب شێوهیهكێ گرتی و دوور ژ راگههاندنێ هێت كرن، لێ ل گۆرهى زانیارییان بابهتێ سهرهكی یێ كۆمبوونێ پرسا لامهركهزییهتا سلێمانیێ و پاشخستنا مووچهی و نهرازیبوونا خهلكی یه.
لاهۆر شێخ جهنگی و باڤل تالهبانی، ههڤسهرۆك و ئهندامێن مهكتهبا سیاسی یا ئێكهتیێ و ژ ئالیێ گۆرانێ ژی ڤه عومهرێ سهید عهلی و ههژمارهكا ئهندامێن گۆرانێ د پشكدارن و كۆمبوون ل سهر داخوازیا پاڤل تالهبانییه كو بهرییا سێ رۆژان داخواز ژ عومه سهید عهلی كربوو.
ههروهها بریاره ب دهستپێشخهریا ئێكهتیێ، كۆمبوونا سێ قۆلی د ناڤبهرا پارتی، ئێكهتی و گۆرانێ ل سهرۆكاتییا ههرێما كوردستانێ د چهند رۆژێن بهێت دا بهێـت كرن.
ئهڤرۆ نیوز:
چهكدارێن رێكخستنا بۆكۆحهرام و داعش ل رۆژئاڤایێ ئهفریقیا، هێرشێن خۆه بۆ سهر وهلاتیێن دهڤهرێن نایجیریا چڕكرینه و د هێرشهكێ دا ل سهر باژێرێ مایدۆگۆرى 43 جۆتیار سهربڕین.
ل گۆرهى نووچهیهكێ ئاژنسا فرانس پرێس، چهكدارێن بۆكۆحهرام هێرش كرییه سهر ههژمارهكا شڤان و ماسیگران و قهسابخانهیهكا نوى ل باژێرێ مایدۆگۆرى ل باكورێ رۆژههلاتێ وى وهلاتى دروست كرییه.
ل گورهى ژێدهرێن نافخۆ یێن نایجیریا، چهكدارێن داعش هێرش كرییه سهر ههژمارهیهكا جوتیارێن كێلگههێن چهلتۆك ل باژێرێ مایدۆگۆرى و 43 كهس سهربڕینه و 6 كهس ژى برینداربووینه.
داعش و بۆكۆحهرام، ئهو جۆتیار ب سیخۆریێ بۆ حكومهتا نایجیریا و گرۆپێن ناڤخوهیى ب دژى رێكخستنێن خۆه تومهتبار دكهن.
باباكۆرا كۆلۆ، ئهندامێ ئێك ژ گرۆپێن چهكدار یێن ناوچێ كو لایهنگرێ حكومهتا نایجیریا یه، دیتنا تهرمێ 43 كهسان ب سهربڕى دوپاتكر و ئاشكهراكر، ئهو جارا ئێكێ نینه داعش و بۆكۆحهرام هێرشێن ب ڤى شێوهى ل دهڤهرێ دكهن.
وى سهركردهى ئاشكهرا ژى كر، ئهو كهسێن هاتینه كوشتن خهلكێ ویلایهتا سۆكۆتۆ بوون ل باكورێ رۆژئاڤایێ وى وهلاتى، ب مهبهستا پهیداكرنا كارى نێزیكى هزار كیلومهتران برینه و ل جهێ كارێ خۆه هاتینه سهربڕین.
ل ههیڤا بوورى د دو هێرشێن جودا یێن رێكخستنا داعش 22 جۆتیار ل ههمان دهڤهر سهربڕیبوون.
ئهڤرۆ نیوز:
بالیۆزخانهیا ئهمریكا ل بهغدا هێرش و توندوتیژیێن دژى خوهنیشاندهران ل باژارێ ناسریه ل باشۆرێ ئیراقێ شهرمزار كرن.
بالیۆزخانهیا ئهمریكا ل بهغدا ل سهر پێگههێ خوهیێ فهرمى ل سهر تۆرا فهیسبووكى ئاشكرا كر،ویلایهتێن ئیكگرتى یێن ئهمریكا ئهو كریار و هێرش و توندوتیژیێن دژى خوهنیشاندهرێن ئاشتییانه ل باژارێ ناسریه سهنتهرێ پارێزگهها زیقار شهرمزار دكهن.
بالیۆزخانهیا ئهمریكا ل بهغدا ئاشكرا كر، د ناڤا سیستهمێ دیمۆكراسى دا چ جهـ بۆ كارێن توندوتیژیێ نینن، بۆ سزادانا بهرپرسێن وێ كهیسێ ژى دهنگێ خوه دئێخن بال دهنگێ جڤاكا ناڤدهولهتى و پێدڤیه حكومهتا ئیراقێ ژى پاراستنا خوهنیشاندهران ب ستۆیێ خوهڤه بگریت.
ئهڤرۆ نیوز:
بریتانیا وهكو وهلاتێ ئێكێ بریاره ل رۆژا حهفت یا مهها بهێت دهست ب بهلاڤكرنا ڤاكسینا دژى كۆرۆنایێ بكهت.
رۆژنامهیا فاینهنشیال تایمز یا بریتانى ژ زارێ هندهك بهرپرسێن حكومهتا بریتانیا ئاشكرا كرییه، بریاره رۆژا حهف یا مهها بهێت بریتانیا وهكو وهلاتێ ئێكێ ل جیهانێ دهست ب بهلاڤكرنا ڤاكسینا دژى كۆرۆنایێ بكهت.
بهرپرسێن بریتانى ئاشكرا ژى كرییه، دهمهكێ گهلهك نێزیك ڤاكسینا ههردو كۆمانیێن فایزهر و بایۆنتیك دێ گههیته دهستێ وان و ل حهفتى مهها بهێت دێ بهلاڤ كهن، ئانكو پشتى ههشت رۆژێن دى دێ بكارئینن.
ل گۆرهى ئاگاهییان بریتانیا نۆت ملیۆن ڤاكسین كرینه و بكارئینانا وێ ژى ژ ئالیێ سازیا دهرمانان ل ئێكهتییا ئهورۆپا و وهزارهتا ساخلهمیا بریتانیا دهستویرداینه و تا نها كارتێكرنا وى ڤاكسینى ژ سهدێ نۆت و پێنج پشتراست بوویه.
نهدیم زههاوى ژى ژ ئالیێ بۆریس جۆنسۆن، سهرۆكوهزیرێن بریتانیا وهكو وهزیرێ دابینكرن و بهلاڤكرنا وى ڤاكسینى هاتیه دهستنیشانكرن، بریاره ژى تا هاڤینا بهێت پرۆسهیا بهلاڤكرن و بكارئینانا وى ڤاكسینى بهردهوام بیت.
نيشاندان