ئەڤرۆ نیوز:
جوتیار عادل پەیڤدارێ حوکمەتا هەرێما کوردستانێ راگەهاند کو سوباهی دەست ب دابەشکرنا موچێ فەرمانبەرێن هەرێما کوردستانێ دهێتە کرن.
ئەو یەک د دەمەکێ دایە کو ئەڤرۆ بەغدا ٣٢٠ ملیار دینار بۆ هەرێمێ هنارتن و بەری نها ژی وەزیرێ دارایی یێ حوکمەتا هەرێما کوردستانێ دیار کربوو هەر دەمێ پارێ بەغدا بگەهیت دێ دەست ب دابەشکرنا موچێ مەها ٩ یێ فەرمانبەران هێتە کرن.
ئه‌ڤرۆ نیوز:
وه‌زیرێ دارایێ عیراقێ نڤیسارا مه‌زاختنا 320 ملیار دیناران وه‌ك پشكا موچه‌یێ هه‌رێما كوردستانێ ئیمزاكر.
د نڤیساره‌كێ دا كو رۆژا 13/10/2020 ژلایێ عه‌لی عه‌لاوی وه‌زیرێ دارایێ عیراقی ڤه هاتیه ئیمزاكرن، فه‌رمان هاتیه دان رێ و ئاوایێن ڤه‌گۆهاستنا 320 ملیار دیناران بۆ سه‌ر حسابا وه‌زاره‌تا دارای یا حوكمه‌تا هه‌رێما كوردستانێ ب رێكا به‌نكا هه‌ولێرێ یا به‌نكا ناڤه‌ندی یا عیراقێ بهێنه‌كرن.
د هێته چاڤه‌رێكرن ل نێزیكترین ده‌م دا پاره‌ی راده‌ستی وه‌زاره‌تا دارایی یا هه‌رێما كوردستانێ بهێته كرن و پرۆسه‌یا پارڤه‌كرنا مووچه‌یێ فه‌رمابنه‌رێن هه‌رێما كوردستانێ ده‌ست پێ بهێته‌كرن.
ئه‌ڤرۆ نیوز
پارێزگارێ دھۆکێ سالڤەگەرا ٢٨سالیا دامەزراندنا رادیویا دھوک پیروز دکەت.
د.عه‌لی ته‌ته‌ر پارێزگارێ دهۆكێ د راگه‌هاندنه‌كێ دا به‌لاڤكریه تێدا هاتیه بھەلکەفتا ٢٨ سالیا دامەزراندنا رادیویا دھۆک گەرمترین پیرۆزباھیان ئاراستەیی رێڤەبەر و کارمەند و ھەمی گوھدارێن رادیویا دھۆک دکەین.
پارێزگارێ دهۆكێ ئه‌و چه‌نده ژی د راگه‌هاندنا خوه دا به‌لاڤكریه كۆ بیست و ھەشت سالیا رادیویا دھۆک بوویە دەنگێ جەماوەر و خەلکێ پارێزگەھێ، ھیڤیدارین ل سەر پەیاما راستی و دروستیێ و گەھاندنا دەنگ و پەیاما وەلاتیان دبەردەوام بن، رولێ ھەوە دخزمەتکرنا خەلکی دا جھێ رێز و سوپاسیێ یە، و ھەر سەرفەراز بن.
ئەڤرۆ نیوز:
سەرۆکێ حوکمەتا هەرێما کوردستانێ مەسرور بارزانی د سەرەدانەکێ دا بۆ دەڤەرا راپەرین و دانانا بەرێ بنیاتێ بۆ پرۆژێ پرا دەربەندی رانیە راگەهاند کو هەرێما کوردستانێ و دەڤەرێ ب گشتی تووشی قەیرانەکا مەزن یا ئابووری هاتینە.
مەسرور بارزانی ئەو یەک ژی دیار کر حوکمەت ب هەموو رەنگەکێ کار دکەت دا خزمەتا وەلاتیان بکەت و بێگومان ئەرکێ سەرەکی یێ حوکمەتێ دابینکرنا موچێ فەرمانبەرێن هەرێما کوردستانێ یە و گۆت: (ب هەڤکاریا گەلێ کوردستانێ و هەموو ئالیەکێ دێ شێین ڤێ قۆناغا دژوار ژی پێکڤە دەرباز کەین).
ئەڤرۆ نیوز:
وەزارەتا ساخلەمیا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ٧٢٠ کەسێن دی ل هەرێما کوردستانێ تووشی کۆرۆنایێ بووینە و ٢٦ نەخوش ژی مرینە. هەروەسا ٣٩٦ نەخوش ژی چارەسەر بووینە.
ل پارێزگەها دهۆکێ ژی ٢٤٦ کەسێن دی تووشی کۆرۆنایێ بووینە و ١١ نەخوش ژی مرینە و هەروەسا ٢٠٢ نەخوش ژی چارەسەر بووینە.
ئه‌ڤرۆ نیوز:
وه‌زاره‌تا ساخله‌میا عیراقێ ئه‌و چه‌نده ره‌تكر كۆ هزر ل قه‌ده‌غه‌یا هاتنوچونێ بكه‌ت و داخاز ژ وه‌لاتیان كر كه‌مامان بكار بینن.
ب ئه‌گه‌رێ زێده‌بوونا ژماره‌یا توشبوویێن ڤایرۆسێ كورونایێ د عیراقێ دا، گۆتنه‌ك هه‌بوو كو وه‌زاره‌تا ساخله‌میا عیراقێ هزر ل ڤه‌گه‌راندنا قه‌ده‌غه‌یا هاتنوچونا ته‌ڤایی دكه‌ت، به‌لێ وه‌زاره‌تا ساخله‌میێ د به‌یاننامه‌یه‌كێ دا ئه‌و چه‌نده ره‌تكر و چ راستی ژی بۆ ئه‌وان گۆتنان نینه.
د به‌یاننامه‌یا وه‌زاره‌ا ساخله‌میا عیراقی دا هاتیه پێدڤیه وه‌لاتی كه‌مامان بكار بینن و دیر بكه‌ڤن ژ كۆمڤه‌بوونێن جڤاكی ژبو خو پاراستن ژ ڤایرۆسێ كورونایێ.
ئه‌ڤرۆ نیوز:
لگۆری دوماهی ئامارێن ل سه‌ر توشبوویێن كورونایێ ل جیهانێ، نێزیكی 28 ملیۆن و 362 هزار توشبوو ژ كورونایێ ساخ بوون.
لگوری نووترین ئامارێن هاتینه به‌لاڤكرن سه‌ر توشبوویێن ڤایرۆسێ كورونایێ ل سه‌ر ئاستێ جیهانێ زێده‌تری 37 ملیۆن و 755 هزار و توشبوویێن ڤایرۆسێ كورونایێ هاتینه توماركرن.
هه‌ر لگۆری ئه‌وێ ئامارا هاتیه راگه‌هاندن، نیزیكی 28 ملیۆن و 362 هزار توشبوویێن كورونایێ ساخ بووینه، ملیۆنه‌ك و 82 هزار كه‌سان ژی ب ڤایرۆسێ كورونایێ گیانێ خوه ژ ده‌ست دایه.
ئەڤرۆ نیوز:
ل پارێزگەها دهوكێ سێ كەس بۆ جارا دویێ تووشی ڤایرۆسێ كۆرۆنایێ بووینە.
حەمزە رەزیكی پەیڤدارێ رێڤەبەریا گشتی یا ساخلەمیا پارێزگەها دهوكێ بۆ ئەڤرۆ نیوز راگەهاند: د پێشهاتەكا نوودا ل سنورێ پارێزگەها دهۆکی، سێ كەس بۆ جارا دویێ تووشی كۆرۆنایێ بووینە، رەوشا دو ژ وان تووشبوویان یا ئاسایی بوویە، بەلێ نیشانێن نەخۆشیێ ل سەر تووشبوویێ سییێ د دژوار بووینە.
ئەڤرۆ نیوز:
وەزارەتا دارایی یا عیراقێ راگەهاند کو د چارچۆڤێ رێککەفتنا بەری نها یا د ناڤبەرا هەرێما کوردستانێ و بەغدا دا ئەڤرۆ وان ٣٢٠ ملیار دینار بۆ مووچێن فەرمانبەرێن هەرێما کوردستانێ رەوانەی هەولێرێ کرینە.
ئەو یەک د دەمەکێ دایە کو بەری نها د. جوتیار عادل پەیڤدارێ حوکمەتا هەرێما کوردستانێ دیار کربوو هەر دەمێ بەغدا ٣٢٠ ملیار دینار هنارتن دێ دەست ب دابەشکرنا مووچێ فەرمانبەرێن هەرێما کوردستانێ هێتە کرن.
ئەڤرۆ نیوز:
ئەڤرۆ ئێک شەمبی رێکەفتی 11/10/2020 کۆنسلێ وەلاتێ فەرەنسا ل ھەولێرێ سەرەدانا پارێزگەھا دھۆکێ کر و چەند پرۆژە ژ پێخەمەت خزمەتکرنا خەلکێ راگەھاندن.
د.عەلی تەتەر، پارێزگارێ دھۆکێ ل لاپەرێ خوە یێ تایبەت یێ (فەیسبۆک)ی بەلاڤ کریە و دیار کریە: “ئەڤرو رێککەفتی 11ی ئوکتوبەرا 2020ێ، خوشحالین بۆ جارا دووێ پێشوازی ل ئۆلیڤی دیکۆتینی کۆنسلێ گشتیێ کۆمارا فەرەنسا ل ھەرێما کوردستانێ ھاتیە کرن کو چەندین تەوەرێن گرێدایی رەوشا پارێزگەھا دھوکێ و پەیوەندیێن دگەل کۆنسلخانا کۆمارا فەرەنسا دان و ستاندن ل سەر ھاتییە کرن”.
پارێزگارێ دھۆکێ دۆپاتی ل وێ چەندێ ژی کریە: “کۆنسلێ فەرەنسا بۆ مە راگەھاند کو وی سەرەدانا پارێزگەھێ کریە ژ بۆ ئەنجامدانا چەندین پرۆژان ل پارێزگەھا دھوکێ ژ وان پروژەکێ سەخبێرکرنا ئاڤ و ئاڤ رێژان ب کوژمێ 15 ملیۆن یۆرۆیان کو دێ 500 ھزار کەس ژێ مفادار بن، ھەروەسا سەخبێرکرنا ئاڤا چەندین قوتابخانا کو 60 ھزار قوتابی دێ مفادار بن.
نيشاندان