ئهڤرۆ نیوز:
رێكخراوا ساخلهمیا جیهانێ دهربارێ پاش خستنا حهجا ئیسال ل گهل سعودیێ د دانوستاندنێ دایه.
رێكخراوا ساخلهمیا جیهانێ ل گهل سعودیێ د دانوستاندنێ دایه دهرباری پاش خستنا حهجا ئیسال و بریاره ل چهند رۆژێن بهێت برارهكا پێدڤی بۆ ئهڤێ چهندێ بهێته دان.
سالانه رێژهكا زۆر ژ موسلمانان ب مهبهستا ئهنجامدانا حهجێ، سهرهدانا سعودیێ دكهن، بهلی ب ئهگهرێ بهلاڤبوونا ڤایرۆسێ كورونایێ وهك سالێن بوری موسلمان نهشێن سهرهدانا سعودیێ بكهن.
ئهڤرۆ نیوز:
وهزیرا چاندنێ و ژێدهرێن ئاڤێ یا حكومهتا ههرێما كوردستانێ دروستكرنا بوردێ پێشڤهبرنا چاندنێ راگههاند.
بێگهرد تالهبانی وهزیرا چاندنێ و ژێدهرێن ئاڤێ یا حكومهتا ههرێما كوردستانێ راگههاند جارا ئێكێ یه بوردهك ل ههرێما كوردستانێ بهێته دروستكرن بۆ پێشڤهبرنا بیاڤی چاندنێ، گرنگیا ئهڤی بوردی سهرۆك وهزیر و جێگرێ وی و چهند وهزارهتهكێن پهیوهندیدار پشكدارن تێدا و ئارمانج ژێ پێشڤهبرنا بیاڤێ چاندنێ یه ل ههرێما كوردستانێ.
وهزیرا چاندنێ ئهو چهنده ژی دازانین ب رێكا ئهڤی بوردی پلان دهێنه دارشتن بۆ گوهورینا كهتوارێ چاندنێ ل ههرێما كوردستانێ و گرنگی دان ب خوارنی و ئاسایشا ئاڤێ.
ئەڤرۆ نیوز،عەلی حاجی:
ئەڤرۆ ل رۆژا پێنچ شەمبێ رێکەڤتی ١١/٦/٢٠٢٠ ل بەرامبەر سایلویا زاخۆ ل سەر وێ پشکا وەرگرتنا گەنمێ جۆتیارێن زاخۆ ژلایێ حکومەتا عێراقێ ڤە خرڤەبوونەکا نەرازی بوونێ ئەنجام دان. ل دەست پێکێ دا جۆتیارەکێ زاخۆ بناڤێ محەمەد یوسڤ گۆت : د ئەڤ سالە دا بتنێ رەزامەندی ل سەر وەرگرتنا ١٢ هزار تەنێن گەنمی وەک پشکا جۆتیارێن زاخۆ هاتیە دەست نیشان کرن و ئەڤە ژی رێژەیەکا گەلەک کێمە بۆ باژێرێ زاخۆ بەرامبەر دا ل باژێرێن دیتر رێژەیەکا زێدەتر هاتیە دەست نیشان کرن و ل سالا بوری ٢١ هزار تەن بون و ئەڤ سالە پشکا زاخۆ هاتیو ب نیڤیکرن لەورا ئەم ئامادەنینن وێ پشکا هاتیە دەست نیشان کرن گەنمێ خوە رادەست بکەین و دێ ترۆمبێلێن خوە هێلینە د سرا ترۆمبێلان دا رێکێ نادەینە چ کەسەکی ژی بەرهەمێ خوە رادەست بکەت، ژبەر کو غەدرەیەکا سور و سور ل زاخۆ دهێتە کرن.
جۆتیارەکێ دیتر بناڤێ خالێ حەسەن دیار کر داخازا مە ژ پارێزگەها دهۆکێ ئەوە پشکا بەرهەمێ مەیێ گەنمی زێدە بکەت هەکە ئەو پشکا هاتیە دەست نیشان کرن ژلایێ حکومەتا عێراقێ ڤە کو رادەستی سایلویێ بکەم ئەو پشکا دیتر یا گەنمێ خوە چ لێبکەم دڤێت پاشی وێ پشکێ باڤێژم لەورا هێڤیدارم د زووترین دەم دا پشکا گەنمێ جۆتیارێن زاخۆ بهێتە زێدە کرن.
ل دور ئاریشەیا جۆتیارێن زاخۆ رێڤەبەرێ چاندنێ گۆت : ئەڤ پشکا هاتیە دەست نیشان کرن نەیا چاڤەرێ کری بوو مە هزر زێدەتر دکر ژ ڤێ پشکا هاتیە دەست نیشان کرن لەورا دێ هەولدەین زووترین دەم دا چارەیەکەکێ بۆ ڤێ کێشەیێ ببینن .
ئهڤرۆ نیوز:
بریاره ئهڤرۆ دانوستاندنێن ستراتیژی دناڤبهرا عیراق و ئهمریكا دهست پێ بكهن كۆ ئێك ژ خالێن دیار چارهنڤیسا هێزێن بیانی یه ل عیراقێ.
هیشام داود راوێژكارێ سهرۆك وهزیرێ عیراقێ راگههاند ئهمریكا وهلاتهكێ گرنگه و عیراقێ ژی پێدڤی ب وێ چهندێ ههیه پهیوهندیێن جودا جودا ل گهل وهلاتێن گرنگ ههبن كۆ خودان هێزهكا ئابووری نه.
راوێژكارێ سهرۆك وهزیرێ عیراقێ ئهو چهنده ژی راگههاند حكومهتێن ئێك دیڤ ئێكێن عیراقێ داخازا هاریكاریا سهربازی ژ ئهمریكا دكرن، بهلێ ئهڤرۆ حكومهتا مستهفا كازمی تهئكید دكهت كۆ شیانێن سهربازی و ئهمنی یێن پێدڤی ههنه بۆ بهرهنگاربوونا ههر ئالوزی و رهوش و تیرۆرێ ببن، عیراقێ پێدڤی ب وێ ژمارهیا زۆرا هێزێن ئهمریكا نینه.
هیشام داود راوێژكارێ سهرۆك وهزیرێ عیراقێ ئهو چهنده ژی دازانین حكومهتا عیراقێ هزر ل وێ چهندێ دكهت دهم هاتیه خشتهیهك بۆ مانا هێزێن سهربازی ل سهر ئاخا وێ بهێته دانان، بهلێ پهیوهندیێن دوستانه و هاریكاری دبیاڤێ مهشق و لههڤگوهارتنا زانیاریێن ههوالگری و بهرهنگاربوونا تیرۆرێ دناڤبهرا عیراقی و ئهمریكا دا بهردهوام بن.
ئەڤرۆ نیوز:
رێڤەبەریا گشتی یا ساخلەمیا دهۆکێ راگەهاند: پێنج نەخۆشێن دی یێن کۆرۆنا یێ ل دهۆکێ، پشتی وەرگرتنا چارەسەریێ ب تەمامی چێبووینە.
هەروەسا گۆتیە: پێنج نەخۆشێن دی یێن ڤایرۆسێ کۆرۆنا یێ ل دهۆکێ کو ئەڤە چەندین رۆژە ل نەخۆشخانێ هاتبوونە نڤاندن، پشتی هەموو پشکنین بۆ هاتینە کرن، دیاربوویە کو ب تەمامی چێبووینە و هاتنە رەوەنەکرن بۆ مال.
ئەڤرۆ نیوز:
سەرۆکاتیا پەرلەمانێ کوردستانی دیار دکەت کو پشتی پشکنین بۆ چەندین کارمەند و ئەندامێن پەرلەمانی هاتیە کرن ئەنجامێ پشکنینان دیار دکەت کو هندەک کەس تووشی کۆرۆنایێ بووینە، ژ بەر هندێ ژی نها هەموو چالاکیێن پەرلەمانی بۆ ماوەیێ ١٤ رۆژان هاتینە راگرتن.
سەرۆکاتیا پەرلەمانێ کوردستانێ هەروەسا داخواز ژ هەموو ئەندامێن پەرلەمانێ کوردستانێ ژی دکەت کو د زووترین دەم دا پشکنینا کۆرۆنایێ ئەنجام بدەن.
ئەڤرۆ نیوز، نەوزاد هلۆری:
پشتى سال و نیڤا ژ قهدهغهكرن و گرتنا بازاڕ و جهێن گهشتوگۆزارى ل هاڤینگهها ئاڤا مارك یا سهر ب ناحیا شێلادزێ، ئەڤرۆ وێڤه ههموو ئهو جهه هاتنه ڤهكرن، رێڤهبهرێ نڤیسینگهها گهشتوگۆزارا ئامێدیێ ژى دیاركر كو رێنمایێن كۆرۆنایێ دێ ل هاڤینگهها ئاڤا مارک هێنەبجهكرن، بهلێ وهكو رێنمایێن جههتێن ئهمنى ئهو مولهت داینه.
زیاد رێكانى، خودانێ ئێك ژ جهێن گهشتوگۆزارى و خارنگههێن ئاڤا مارك بو ئەڤرۆ نیوز گۆت: پشتى مە كۆمبوونهك ل گهل جهێن شولهژێ ل شێلادزێ کری وتێدا داخوازکری کۆ رێکێ بدەن مە بچینە سەر کارێن خوە و بازاڕ و جهێن خوه یێن گوزارى ڤهكهن، سوپاس بو خودێ دوماهیێ ئەوان رێ ب مە دا.
زێدهتر گۆت: ڤهكرنا رێیا دێ ب گورهى هندهك رێنمایان و ل بهر چاڤ وهرگرتنا سهلامهتیا گیانێ وهلاتیان بیت، بەلێ هێشتا جارێ رێنما بومە نەهاتینە رەوانەکرن.
حهمید ئامێدى، رێڤهبهرێ نڤیسینگهها گهشتوگۆزارا ئامێدیێ بۆ ئهڤرۆ نیوز گۆت: ئهڤه سال و نیڤه هاڤینگهها ئاڤا مارك هاتینه گرتن و نوكه بریار هاتیهدان كو بهێنه ڤهكرن، بێگومان دروسته و ئهو مولهتدارن بو ڤهكرنا جهێن خوه ژبهركو پێشتر جهێن گهشتوگۆزارێ ل دهڤهرا ئامێدیێ ڤهكرى بوون، ئهو ههر د گرتى بوون و پهیوهندى ب بابهتێن ئهمنى ڤه ههبوو نهك كۆرۆنایێ، بهلێ دیسان ژبهر رێنمایێن پاراستنا وهلاتیان ژ كۆرۆنایێ دێ جارێ گرتى بن و ل گهل ڤهكرنا ههموو جهێن گهشتوگۆزار ئهو ژى دێ ڤهبن و گهشتیار دشێن قهست بكهنێ، ئانكو وهكو ئهمنى جهێن شولهژێ رێ ب واندایه، بهلێ وهكو ساخلهمیى هێشتا مایه.
هاڤینگهها ئاڤا مارك كو دكهڤیته دهڤهرا رێكان یا سهر ب ناحیا شێلادزێ، رێكهفتى 26/1/2029 هاتبونه گرتن و ههتا نوكه ژى دگرتى نه، د نوکە دا رێ ب خودان دوكان و بازاڕ و جهێن گهشتوگۆزارى دا بچنه سهر كارێن خوه، بالهفرێن توركیا ددهما بورى دا چهندین جاران بۆردمانا دهورۆبهر و نێزیك هاڤینگهها ئاڤا مارك كریه، جهێن شولهژێ ژ بهر سلامهتیا گیانێ وهلاتیان ههموو ئهو جهه گرتبوون.
هاڤینگهها ئاڤا مارك 25كم دكهڤیته باكوورێ رۆژئاڤایێ شێلادزێ و نێزیكێ 15 جهێن گهشتوگۆزارى ههنه و پترى 50 كهسان تێدا كاردكهن، پێشتر روژانه دناڤبهرا 300 بو 600 ترومبێلان رۆژانه سهردان بو دكر.
ئهڤرۆ نیوز:
ب بریارا سهرۆك كۆمارێ توركیا پۆستێن 41 پارێزگاران ل تهڤایا توركیا گوهارتن كۆ 18 پارێزگار ژ پۆستێن وان هاتنه دور خستن.
ئهڤرۆ 10/6/2020 ل سهر داخازیا وهزارهتا ناڤخۆیا توركیا، رهجهب تهیب ئهردوغان سهرۆك كۆمارێ توركیا، جهگوهارتنا 23 پارێزگاران كر، د ههمان دهم دا 18 پارێزگار ژی ژ پۆستێن وان هاتنه دوورخستن و پارێزگارێن نوو ل جهێن وان هاتنه دانان.
لگۆری میدیایێن توركیا گوهورینێن ل پۆستێن ناڤ پارێزگههان و باژێرڤانیان دێ بهردهوام بیت دا ل دهمێن بهێت ب بریارهكا دی یا سهرۆك كۆمار گوهورینێن دی بهێنه ئهنجام دان.
ئهڤرۆ نیۆز، عهزیز ههورامی:
ئهمڕۆ له مهرزی پشته سهر بهپارێزگای ههڵهبجه، ههردوو پارێزگاری ههڵهبجه و كرماشان كۆبوونهوه، ڕایان گهیاند، ڕێكهوتوون مهرزێكی نوێ بازرگانی بكرێتهوه سهعاتی كاركردن له مهرزی پشته زیاد بكرێت.
هوشەنگ بازوەند، پارێزگاری کرماشان له كۆنگرهیهكی ڕۆژنامهنوسی رایگەیاند، ئهمڕۆ له كۆبونهوهمان لهگهڵ ئازاد تۆفیق پارێزگاری ههڵهبجه ڕێكهوتنێكی نوێمان كردووه لهوهی پێوهندی بازرگانی زیاتر پهرهپێبدهین، لهوهی ههردوولا ههوڵهكانیان چڕكهنهوه بۆ بهرهنگاربوونهوهی ڤایرۆسی كۆرۆنا له مهرزهكان و نهبێته هۆكاری ست بوونی پێوهندی بازرگانی.
ههروهها وتیشی، ڕێكهوتووین كاركردنی سهعاتهكانی بازرگانی له مهرزی پشته و شۆشمێ تهوێڵه زیاد بكرێت و بهپێ ئهو ڕێكهوتنهی ههشمانه مهرزی سازان بكرێتهوه ئێمه ئێستا ئامادهین. ئاماژهی بهوهشكرد، ئهم ڕێكهوتنهی ئهمڕۆ له نێوان پارێزگاری كرماشان و ههڵهبجه واژو دهكرێت دهبێته پتهوكردنی پێوهندییهكانی ههرێمی كوردستان و ناوچهی ڕۆژئاوای ئێران كه ناوهندهكهی پارێزگای كرماشانه.
نيشاندان