ئەڤرۆ نیوز:

جڤاتا پارێزگەها هەولێرێ دیار دکەت کو ڤایرۆسێ کۆرۆنا بلەز د ناڤ خەلکی دا بەلاڤ دبیت و ژ بەر هندێ ژی دڤێت وەزارەتا ساخلەمیێ و ئالیێن دی یێن پەیوەندیدار بەرنامێ خوە ب گوهۆرین و خوە بۆ هەر روودانەکا نەخواستی ئامادە بکەن.

جڤاتا پارێزگەها هەولێرێ داخواز ژ وەزارەتا ساخلەمیێ ژی دکەت کو گەلەک بنگەهێن نوو یێن ساخلەمیێ بۆ نەخوشێن کۆرۆنایێ بهێنە ئامادەکرن، چونکو هەکە وەسا نەبیت رەنگە کۆنترۆلکرنا کۆرۆنایێ یا ب ساناهی نەبیت. ژ بەر هندێ ژی باشترە بەرهەڤیێن تەمام بۆ کۆنترۆلکرنا کۆرۆناهیێ بهێنە کرن.

ئەڤرۆ نیوز:

ب هەلکەفتا ٤٥ سالیا دامەزراندنا ئێکەتی نشتیمانی کوردستان، مەکتەبا سیاسی یا پارتی پیرۆزباهیێ ل ئێکەتیێ دکەت و داخواز ژی دکەت کو بزاڤەکا جدی بهێتە کرن دا ئاریشێن نها ل هەرێما کوردستانێ بهێنە چارەسەر کرن.

مەکتەبا سیاسی یا پارتی دیار دکەت کو دەڤەر ب گشتی بەر ب گوهۆرینێن مەزن ڤە دچیت و رەوشا نها یا ئالۆز ل کوردستانێ ژی وەسا دخوازیت کو هەموو ئالی پێکڤە بزاڤا هندێ بکەن کو ئاریشێن نها چارەسەر بکەن، ژ بەر هندێ ژی پێدڤیە هەموو هێز و ئالیێن سیاسی ل کوردستانێ هەست ب بەرپرسیاریا خوە ل هەمبەر خەلکی کوردستانێ بکەن دا قۆناغا نها یا هەستیار بهێتە دەرباز کرن.

ئەڤرۆ نیوز:

وەزارەتا پەروەردێ بریار دا قوتابی و خویندکارێن قۆناغا 12 ئامادەیی، ب هەموو پشکێن خوەڤە، ئەوێن دەرچووین و دەرنەچووین، دێ داخلی ئەزموونێن گشتی (ویزاری) بن، پێدڤی ناکەت ئەزموونێن وەرزێ دویێ ئەنجام بدەن.

ئالان حەمەسەعید وەزیرێ پەروەردێ یێ هەرێما کوردستانێ د فەرمانەکا ویزاری دا راگەهاند: کو ئاماژە ب کۆمبوونا جڤاتا وەزارەتا پەروەردێ دایە، ل رۆژا شەمبی 30-5-2020 ژ بەر سلامەتیا قوتابیان و کێمکرنا قەرەبالغێ ل ناڤەندێن ئەزموونان، پشتی وەرگرتنا نووترین هەلسەنگاندنا ڤێ رەوشێ ژ لایێ وەزارەتا ساخلەمیێ، کو ل 30-5-2020 ئاراستەی وان هاتیە کرن، وان ئەڤ بریارە داینە: