ئهڤرۆ نیوز:
جێگرێ وهزیرێ دهرڤهیێ ئهمریكا بۆ كارۆبارێن رۆژههلاتا ناڤین راگههاند: پێدڤیه عیراق بهرژهوهندیێن مه ب پارێزیت.
دیڤید شینكهر جێگرێ وهزیرێ دهرڤهیێ ئهمریكا بۆ كارۆبارێن رۆژههلاتا ناڤین د پڕێس كۆنفرانسهكی دا داخاز ژ حكومهتا عیراقێ كر كۆ بهرژوهندیێن وهلاتێن مه ب پارێزیت، عهسائیب ئههل حهق ب بهرپرس دزانین ژ هێرشێن بۆ سهر بهرژهوهندیێن مه هاتینهكرن.
دیڤید شینكهر ئهو چهنده ژی دا زانین عهسائیب ئههل حهق ب بهرپرس دزانین ژ ئهوان هێرشێن هاتینه كرن بۆ سهر بهرژهوهندێن مه، ههروهسا نوكه حزبوللا عیراقێ گهفه بۆ سهر هێزێن ئهمریكا د ناڤ ئاخا عیراقێ دا.
ئهڤرۆ نیوز:
ئهندامهكێ جڤاتا نوونهرین عیراقێ ل لژنا دارایی راگههاند: ل سهر گیرۆكرنا موچهیێ فهرمانبهرێن كوردستانێ ل گهل وهزیرێ دارایی كۆمبوون و رایا وهزیرێ داراییێ عیراقێ ئاشكراكر .
د.ئهحمهد سهفار ئهندامێ لژنا دارایی یا جڤاتا نوونهرێن عیراقێ راگههاند: رۆژا 27/2/2020 ل گهل فوئاد حسێن وهزیرێ دارایی یێ عیراقێ كۆمبوون ل سهر گیرۆكرنا موچهیێ فهرمانبهرێن ههرێمێ، ب ئهگهرێ ئاریشهیهكا ئیداری كۆ ب رێكا رێڤهبهرێ گشتی دروست ب بوو، وهزیرێ دارایی ب مه راگههاند فهرمان دهركهتیه و ئاریشه چارهبوو و پشت راستی دا فهرمانبهران بۆ هنارتنا موچهیێ وان.
ئهندامێ جڤاتا نوونهرێن عیراقێ راگههاندژی چ ئاریشهیێن سیاسی نهبوون بهلكو ئاریشهیهكا هونهری ههبوو، ب ئهگهرێ رۆژێن بهێنڤهدانێ بوون، بریاره فهرمانا مهزاختنا پارهیی هاتیه دان، داكو رۆژا ئێكشهمبا بهێت بۆ لقێ ههولێرێ یا بهنكا ناڤهندیا عیراقێ بهێته رهوانهكرن بۆ پارڤهكرنا موچهیێ فهرمانبهران.
ئهڤرۆ نیوز:
جێگرێ سهرۆكێ ئهركان بۆ مهشق و ئوپراسیونان ل ههرێمێ راگههاند: وهك پێنگاڤا خۆپاراستنێ ژ ڤایرۆسێ كورونا و مه داخاز ژ ههڤپهیمانان كر بۆ ماوهیێ ههفتهیهكێ مهشقێن پێشمهرگهی بهێنه راوهستاندن، پاشی لگۆری رهوشێ بریارێن نووی دهربكهڤن.
لیوا قارهكان كهمال جێگرێ سهرۆكێ ئهركان بۆ مهشق و ئوپراسیونان راگههاند: بریار بۆ رۆژا 1/3/2020 ژلایێ ههڤپهیمانان دهست ب مهشقێن فهوجان بهێتهكرن، لێ وهك پێنگاڤا خۆ پاراستنێ وهزارهتێ بریار دا پرۆسهیا مهشقان ل تهڤایا بنگههێن مهشقێن سهر ب وهزارهتا پێشمهرگهی بۆ ماوهیهكی بهێنه راوهستاندن.
جێگرێ سهرۆكێ ئهركان بۆ مهشق و ئوپراسیونان ئهو چهنده ژی راگههاند: ب ههماههنگی ل گهل سهنتهرێ مهشقا ههڤپهیمانان ل كوردستانێ (ktcc) بریار هاته دان ب راوهستاندنا تهڤایا پرۆسهیێن مهشقێن هێزێن پێشمهرگهی ل بنگهه و فێرگههێن مهشقێن سهر ب وهزارهتا پێشمهرگهی بۆ ماوهیێ ههفتیهكێ پاشی لگۆری رهوشێ بریارهكا نوو بۆ ئهڤێ چهندێ دهین.
لیوا قارهكان كهمال جێگرێ سهرۆكێ ئهركان بۆ مهشق و ئوپراسیونان دا زانین ئهو بریار قوتابیێن كۆلیژا سهربازی ل زاخۆ و قهلاچولان بخوڤه ناگریت، چونكو نوكه ژمارهیا قوتابیان ل وان ههردو فێرگههان مهشقێ دكهن، بۆ ماوهێ زێدهتری ههیڤهكێیه هاتینه راگرتن، ههكه ههر بریارهك ههبیت، ژلایێ وهزارهتا بهرهڤانیا عیراقێ ڤه دهێته دان چونكو ئهو كولیژ سهر ب وهزارهتا ناڤبری ڤهنه.
ئەڤرۆ نیوز:
وەزارەتا ناڤخۆیا هەرێمێ ڕاگەهاند بەلاڤکریە، کو ئیمزایا وەزیرێ نافخوە رێبەر ئەحمەدی ل سەره و تێدا، داخواز ژ وەلاتیان کریە کو هاتنوچوونێ د ناڤبەرا باژێران دا کێم بکەن.
ئەڤرۆ پێنجشەمبی ٢٧ شواتا ٢٠٢٠ وەزارەتا ناڤخوە یا حوکمەتا هەرێما کوردستانێ د ڕاگەهاندنەکێ دا بەلاڤکریە، داخوازێ ژ وەلاتیێن هەرێما کوردستانێ دکەین دەرباری خوە پاراستن ژ ڤایرۆسێ کۆرۆنا ڕێنما و بڕیارێن حوکمەتا هەرێمێ بەرچاڤ وەربگرن.
هەروەسا ئەو ژی گۆتیە، دەربارەی دەڤەرێن کوردستانی یێن دەرڤەی هەرێمێ ب تایبەت پارێزگەها کەرکوکێ داخواز دکەین وەلاتی ڕێنمایێن خوە پاراستنێ ژ ڤایرۆسێ کۆرۆنا جێبەجێ بکەن.
ئەڤرۆ نیوز، عەزیز هەورامی:
مهسرۆر بارزانی سهرۆك وهزیرانی ههرێمی كوردستان ڕایگهیاند، ههرێمی كوردستان ئامادهكارییهكان بۆڕوبهڕوبونهوهی كۆرۆنا له پێش وڵاتانی ترهوهین، وتهبێژی وهزارهتی تهندروستی دهڵێ، سهرۆك وهزیران تهواوی وهزارهته كانی ڕاسپاردووه هاوكاری وهزارهتی تهندروستیبن له ڕوبهڕوبونهوهی ڤایرۆسی كۆرۆنا و نوێنهری ئهنجوومهنی وهزیرانیش ئهندامه له ئهنجوومهنی باڵای ڕوبهڕوبونهوهی ڤایرۆسی كۆرۆنا.
محهممهد خۆشناو وتهبێژی وهزارهتی تهندروستی حكوومهتی ههرێمی كوردستان، بە ئەڤرۆ نیۆزی ڕاگەیاند:” سهرۆك وهزیران مهسروور بارزانی تهواوی وهزارهتهكانی ڕاسپاردووه هاوكاری وهزارهتی تهندروستی بن له ڕوبهڕوبونهوهی ڤایرۆسی كۆرۆنا و نوێنهری ئهنجوومهنی وهزیران له ناو ئهنجوومهنی باڵای ڕوبهڕوبونهوهی ڤایرۆسی كۆرۆنایه، بوودجهیهتی تایبهتیشی تهرخانكرد بۆ ڕوبهڕوبوونهوهی پهتای كۆرۆنا و بوودجهكه له سهرئاستی وهزارهت و پارێزگاكان سهرف دهكرێت، بۆدجهكه بۆ دابینكردنی ئامێر و هۆشیاری سهرفدهكرێت”.
27/2/2020 سهرۆك وهزیران مهسروور بارزانی ئهو ئهوسهنتهری بهسهركردهوه له پارێزگای ههولێر دابینكراوه بۆ ههرئهگهرێكی بوونی حاڵهتی نهخۆشی ڤایرۆسی كۆرۆنا،ڕایگهیاند: كوردستان ئامادهكارییهكان بۆ ڕوبهڕوبونهوهی كۆرۆنا له پێش وڵاتانی ترهوهین، وهتهبێژی وهزارهتی تهندروستی دهڵێ، سهرۆك وهزیران بهردهوام لهگهڵ وهزارهت لهسهرخهته بۆ ئهوهی بتوانن باشترین شێوه پلانهكان جێبهجێ بكرێن، ڕێگهش نهدرێت ڤایرۆسی كۆرۆنا بگاته كوردستان”.
محهممهد خۆشناو دهڵێ:” بهبڕیاری سهرۆك وهزیران وهزیری تهندروستی ڕۆژانه كۆنگرهیهكی ڕۆژنامهنوسی دهبێت، بۆ ئهوهی هاوڵاتیانی كوردستان ئاگاداری ههنگاوهكانی وهزارهتبن بۆ ڕوبهڕوبونهوهی كۆرۆنا و ئێمه لهكوێ ئهو پهتاییهن.
لهپارێزگای سلێمانی نهخۆشخانهیهكی تایبهت به ڤایرۆزی كۆرۆنا كراوهتهوه تهواوی ئهجیزه تهندروستییهكانی بۆ دابینكراوه، له پارێزگای ههڵهبجهش نهخۆشخانهیهك تایبهت دهكرێت به ڤایرۆسی كۆرۆنا و حكوومهتی ههرێمی كوردستان پلانی تۆكمهی داناوه بۆ ڕوبهڕوبونهوهی ئهو ڤایرۆسه.
ناوبراو دهڵێ:” حكوومهت و پهرلهمان كار لهسهر دروستكردنی دامهزراوهی دهرمان و خۆراك، بۆ كۆنتڕۆڵ كردنی تهواوی دهرمان و خۆراك و ڕێگهنهدان به دهرمان و خۆراكی بهسهرچوو له بازاڕهكان”.
ههروهها وتیی:” بهبڕیاری سهرۆك وهزیران دهستكراوه به تهواوكردنی تهواوی ئهو نهخۆشخانه و بنكهی تهندروستیانهی كه له 85% كارهكانیان تهواو بووه تهواو دهكرێن، بوودجهی تهواویان بۆ دابینكراوه”.
ئەڤرۆ نیۆز، قائید میرۆ:
بسپۆرەکێ زانستێن سیاسی ئاماژەکر، کورد پشکداریێ نەکەن حوکمەتا عێراقێ سەرناگریت و عێراقێ پێدڤی ب حوکمەتەکا نیشتیمانی ھەیە بۆ چارەسەرکرنا ئاریشەیان.
دکتۆر سالح مەلا عومەر، بسپۆرێ زانستێن سیاسی بۆ ئەڤرۆ نیۆز دیارکر” ئەگەر بھێت و کورد پشکداریێ د حوکمەتا نوویا عێراقێ دا بسەرۆکایەتی محەمەد عەلاوی نەکەن، ئەڤە بێگومان دێ حوکمەتەکا لاوازبیت و تەمەنێ ئەڤێ حوکمەتا نوو درێژ نابیت، چونکە حوکمەتێن دیژی فەشەل ئینایە و عێراق کەفتیە د چەندین قەیرانێن دژواردا، لەوڕا عێراقێ پێدڤی ب حوکمەتەکا بھێز یا نیشتیمانی ھەیە بۆ چارەسەرکرنا ئاریشەیان.
ئەڤی بسپۆرێ زانستێن سیاسی ئاشکراکر” بەری نوکە کورد و عەرەبێن سونەژی پشکداری حوکمەتا عێراقێ بووینە و ژبەر نەدانا مافێن وانا سەرکەفتی نەبووینە حوکمەتێن بۆری.
دکتۆر سالح مەلا عومەر دبێژیت” ھەگەر حوکمەتەکا بھێز نەھێتە پێک ئینان ئەڤە دێ ھێشتا قەیرانێن زێدەتر ل عێراقێ پەیدابن، بتایبەتی بەحسێ ھەلبژارتنێن بەروەخت دھێتەکرن، بەلێ حوکمەتا لاوازبیت نەشێت بەرھەڤیان بۆ رێڤەچوونا ھەلبژارتنێن بەروەخت بکەت.
ئهڤرۆ نیوز، لهزگین جوقی:
رێڤهبهریا گشتی ساخلهمیا پارێزگهها دهۆكێ دگهل زانایێن ئاینێ ئیسلامێ كۆمبوونهك بهرفرهه ئهنجامدا ل سهر رێكارێن خوه پاراستنا وهلاتیان ژ ڤاپرۆسی كۆرۆنا.
د. رهعهد عبدالرهحمان،ربهرپرسی پشكا پشتگیریا ساخلهمیا رێڤهبهریا كارۆباریێن خوه پاراستنا ساخلهمیێ ل دهۆكێ دیاركركو مه وهكو ساخلهمیا دهۆكێ دهست ب ههویێن مهزن یێن هوشیاریا وهلاتیان كریه دناڤ كهمپین ئاواران و جهێن قهرهبالغ ل ڤێ جاری ژی مه ب فهردیت دگهل زانایێن ئاینی ژی كۆمبونهكێ ئهنجام بدهین ئهوژی ب ریێا خوه ل رۆژا ئهینێ دگهل مه دا دهست ب هوشیاركرنا وهلاتیان بكهن ژ مهترسیا ڤایرۆسی كورونا كو ههتا نوكه چ حالهتهك نهبوویه لێ خوه پاراستن گهلهك باشتره داكو ئهڤ ڤایرۆس بهلاڤ نهبیت و خهلكێ مه ههموو ریێا دگهل مه دا بهرههنگاریا ڤێ ڤایرۆسی بكهن.
مهلا جیهاد بێسفكی، سهرۆكێ لقێ دهۆك یێ ئێكهتیا زانایێن ئاینێ ئیسلامێ دیاركركو ل رۆژا ئهینێ دێ زانایێن ئاینێ ل سهر مینبهران بهحسێ خوه پاراستنێ ژ ڤایرۆسێ كورونا كهن ئهم ههموو پێكڤه دێ بهرههنگاریا ئهڤێ ڤایرۆسی كهین داكو كۆنترول لسهر بهێته كرن.
ئهڤرۆ نیوز:
سهرۆكێ حكومهتا ههرێما كوردستانێ راگههاند: دێ ههموو كاران كهین بۆ ئهوێ چهندێ وهلاتیێ مه یێ پاراستی بیت، هیڤیدارم ژ وهلاتیان ژی پێگیری رێنمایین ساخلهمیێ بن.
مهسرور بارزانی سهرۆكێ حكومهتا ههرێما كوردستانێ ئهڤرۆ سهنتهری چارهكرنا ڤایرۆسێ كورونا ل باژێرێ ههولێری ڤهكر و راگههاند: ل ههموو پارێزگههان نهخوشخانهیێن تایبهت ب ڤایرۆسێ كورونا هاتینه دانان وهك بهرههڤكاری بۆ بهرهنگاربوونا ڤایرۆسی، تا نوكه چ حالهتێن نهخوشیا ڤایرۆسێ كورونا ل ههریمێ نههاتیه توماركرن، چهند حالهتهكێن گۆمانلێكری ههبوون، لێ ههمی د باش بوون، لهورا دێ ههموو كارهكی بۆ پاراستنا وهلاتیان كهین.
بارزانی سهرۆكێ حكومهتا ههرێما كوردستانێ ئهو چهنده ژی دیاركر بهرههڤكاری ل ههرێما كوردستانێ ل پێشیا پرانیا وهلاتێن دهڤهرێ یه و ئهڤه ژی جهێ دهستخوشیێ یه و داخازێ ژ وهلاتیان دكهین ههڤكاریا ستافێ نوژداری بن و خو ژی ب پارێزن.
ئهڤرۆ نیوز:
حكومهتا سعودیێ ب ئهگهری كورونایێ دوماهی بریار ل سهر چوونا عهمرهیێ بۆ ئهوی وهلاتی دا.
ئهڤرۆ ئاژانسا نوچهگههانیا سعودیێ واس كۆ بریارا حكومهتا سعودیێ بهلاڤكریه، لگۆری ئهوێ بریارێ سعودیێ چوونا عومرێ و سهرهدانكرنا مزگهفتا پێغهمبهری(س) بۆ باژیرێ مهدینێ ب شێوهیهكێ دهمكی راوهستاندن، بهلی د وێ راگههاندنێ دا ئاماژه ب دهمێ دوماهی هاتنا راوهستاندنی نهدایه.
ئهو بریارا سعودیی ب ئهگهرێ بهلاڤ بوونا ڤایرۆسێ كورونا ل چهندین وهلاتێن جیهانێ وهك بزاڤهك بۆ رێگرتن ژ تووشبوون ب وێ ڤایرۆسێ.
نيشاندان