ئهڤرۆنیوز:
جێگرێ سهرۆكێ كۆمسیۆنا بلند یا ههلبژارتنان ل عیراقێ راگههاند، جڤاتا وهزیران داخوازا دیاركرنا ژڤانهكی بۆ ههلبژارتنێن جڤاتێن پارێزگههێن عیراقێ كریه ول ڤێ حهفتیێ دێ ژڤانێ ههلبژارتنان هێته دیاركرن.
رزگار حاجی، جێگرێ سهرۆكێ كۆمسیۆنا ههلبژارتنان ل عیراقێ گۆت” مه نڤیسارهك ئاراستهی جڤاتا وهزیرێن عیراقێ كربوو وتێدا مه داخوازا ئهنجامدانا ههلبژارتنێن جڤاتێن پارێزگههان كربوو وجڤاتا وهزیران ژی بهرسڤا مه دایه كو ژڤانهكی بۆ ههلبژارتنان دیار بكهین، ئهم ژی دێ ل ڤێ حهفتیێ كۆمبوونا خوه ئهنجام دهین بۆ دیاركرنا ژڤانهكی ودانانا خشتهكی بۆ وان ههلبژارتنان، چونكی ئهم پێتڤی شهش ههتا ههشت ههیڤانه، بهلێ ب گشتی دئهڤ سالهدا دێ ههلبژارتنێن جڤاتێن پارێزگههان هێنه ئهنجامدان”.
ئەڤرۆ نیوز:
ێچیرڤان بارزانی سەروک وەزیرێن ھەرێما کوردستانێ ئەڤرۆ ئێڤاری ل رۆژا دوشەمبی ٧-١-٢٠١٩ پێشوازی ل ستیڤ ڤاگن قونسلێ گشتی یێ ئەمریکا ل ھەرێما کوردستانێ کر.
د دیدارەکێ دا بەحس ل پەیوەندیێن ھەرێما کوردستانێ و ئەمریکا د قوناغا بوری و نوکە دا ھاتە کرن دیسان پێشخستنا ڤان پەیوەندیان، ھەر د ڤێ دیدارێ دا دانوستاندن ل دۆر رەوشا ئابوریا ھەرێما کوردستانێ و رەوشا ئاوارە و پەنابەران ھاتە کرن.
ديسان دا بەحس ل رەوشا سیاسیی یا ھەرێما کوردستانێ ھاتە کرن و روناھی خستە سەر بزاڤێن پێکئینانا کابینەیا نوو یا حوکمەتا ھەرێما کوردستانێ و چاکسازی و دووماھی پێشھاتێن پەیوەندیێن ناڤبەرا بەغدا و ھەرێمێ دا.
ژلایێ خوە ڤە ستیڤ ڤاگن سوپاسیا حوکمەتا ھەرێمێ ل دۆر وان ھاریکاریێن وان بۆ ئاوارە و پەنابەران کر دیسان تەکست ل سەر ھاریکاریا ھەولێر و بەغدا و کومەلگەھا نیڤدەولەتی کر.
ئهڤرۆ نيوز، نيوار محهمهد سهليم:
بهپرسێ راگههاندنا پهروهردا رۆژههلات راگههاند كو پهروهردا وان دێ دهست ب بهلاڤكرنا پارێ چاڤدێرێن ئهزموونان (گشتی و نیشتیمانی) یێن (خولا ئێکێ و دوويێ) یێن سالا خواندنێ 2017-2018 كهت”.
نيوار عهبدولعهزيز، بهرپرسێ راگههاندنا پهروهردا رۆژههلات، بۆ ئهڤرۆ نيوز: “پشكا ئهزموونان داخوازێ ژ رێڤهبهريێن بنگههێن ئهزموونان دكهت بۆ وهرگرتنا پارێ چاڤدێریێ سوبههی رۆژا سێشهمبی رێکهفتی 8ى كانوونا دويێ 2019 سهرهدانا وان بكهن”.
بهرپرسێ راگههاندنا پهروهردا رۆژههلات ئاماژه ب وێ چهندێ ژى كر كو بۆ وهرگرتنا پارێ چاڤدێریێ پێدڤیه رێڤهبهرێ بنگههی ئاماده بیت بۆ وهرگرتنێ.
ئەڤرۆ نیوز:
ئەڤرۆ ل رۆژا دوشەمبی ٧-١-٢٠١٩ ل سەلاحەدین سەروک مەسعود بارزانی پێشوازی ل سەروکێ بزاڤا عەتا و راوێژکارێ ئاسایشا نشتیمانیا عیراقێ فالح فەیاز کر و د دیدارەکێ دا بەحس ل دۆر بارودوخێ سیاسی یێ عیراقێ ھاتە کرن.
د ڤێ دیدارێ دا ھەردو لایان بەحس ل بارودوخێ سیاسی یێ عیراقێ ھاتە کرن و دووماھی پێنگاڤێن تمامکرنا حوکمەتا نوو یا عیراقێ ھاتە گوتوبێژ کرن، دیسان ھەردو لا تەکست ل ھەماھەنگیا ھەردو لایان بۆ سەرخستنا پروسەیا سیاسی یا عیراقێ و چارەسەرکرنا کێشەیان کر
ئەڤرۆ نیوز، لەزگین جوقی:
سەرۆکێ ئێکەتیا سەندیکا کریکارێن کوردستانێ لقی دھۆکێ دیار کر کو د سالا بوری دا رەوشا کرێکاران یا باش نەبوو و گۆت: “د سالا ٢٠١٨ێ دا ٢٣٢ ئاریشێن کرێکاران یێن ھاتینە تۆمارکرن، ژوان ژی ١٨٦ ئاریشە ھاتینە چارەسەرکرن”.
عیسا نسری، سەرۆکێ ئێکەتیا سەندیکا کریکارێن کوردستانێ لقی دھۆکێ د کونگرەکێ رۆژنامەڤانی دا دیار کر کو ل پارێزگەھا دھۆکێ ٢٦ ھزار و ٢٠٣ کرێکار بووینە ئەندام ل سەندیکایێ، ژوان ژی ٣٧٠ ئافرەتن و ٧٠ کرێکارێن بیانی نە و گۆت: “د سالا بۆری دا ل سەرانسەری پارێزگەھا دھۆکێ دو کرێکاران گیانێ خوە ژدەستداینە و ١٢ کرێکار ژی برینداربووینە”.
ناڤھاتی ئاماژە دا وێ چەندێ کو ژ سەرجەمێ ٢٣٢ ئاریشێن کرێکاران یێن ل سەندیکایێ ھاتینە تۆمارکرن، ٤٤ ژوان ماینە ھەلاویستی و چارەسەر نەبووینە و یێن دی ژی ھەموو چارەسەر بووینە و گۆت: “شەش ھزار و ٤٢٣ پرۆژێن دابینکری ل دھۆکێ ھەنە و ژ سەرجەمێ ٢٦ ھزار کرێکاران ١٤ ھزار و ٧٥٧ کرێکار د دابینکرینە”.
سەرۆکێ ئێکەتیا سەندیکا کریکارێن کوردستانێ لقی دھۆکێ خویا کر کو ھەتا نوکە ١٥٤ کرێکار ل پارێزگەھا دھۆکێ ھاتینە خانەنشینکرن و گۆت: “د سالا ٢٠١٨ێ دا ب تنێ دو کرێکار ل پارێزگەھا دھۆکێ ھاتینە خانەنشینکرن، ھەروەسا چەندین لژنە بۆ پشکنینا جھێن کاری ل سەندیکایێ ھەنە و بەردەوام بۆ دابینکرنا مافێن کریکاران کاردکەن”.
ئهڤرۆ نیوز:
ئهڤرو سپێدێ 7/1/2019 ب ئامادهبونا دكتور باسل جوقی نوێنهرێ پارێزگهها دهوكێ رێ و رهسمێن گوهرینا رێڤهرێ رێڤهبهریا ئهندازیارری یا هونهری هاتنه گێران تێدا ئهندازیار دیندار محمدسلیم صدیق وهكو رێڤهبیهرێ نوی ب وهكالهت ل شوینا ئهندازیار ابراهیم مستهفا تاها هاته دانان.
بهراهیێ باسل جوقی نوێنهرێ پغارێزگهها دهوكێ ئاماژه كره وێ چهندێ كو گوهرین ل ههر جههكی پێنگاڤهكا باشه بو پێشڤهبرنا كاری و سوباشی و دهست خوشیا ئهندازیار ابراهیم مستهفا تاها كر بو وی كارێ دڤان سالێن بوریدا بو دامهزراندنا رێڤهبهریا نافبری و كارێ ژ ههژی یێ بجهئینای و هیڤیا سهركهفتنی بو خاست ل ههر جههكێ كاری لێ بكهت، ههروهسا داخازا سهركهفتنێ بو رێڤهبهرێ نوی خواست و بهرههڤیا كارگێریا پارێزگههێ بوههفكاری وهاریكاری كرنا وی بو پێشڤهبرنا كارێ و خزمهتكرنێ دوپاتكر.
ژلایێ خوڤه رێڤهبهرێ بهرێ پیروزباهی ل رێڤهبهرێ نوی كر و هیڤیا سهركهفتنێ بو خواست و بهرههڤیا خو دیار بو ههر پشتهڤانی و ههفكاریهكا پێدڤی بیت بو سهركهفتنا كارێ رێڤهبهرێ نوی.
ههروهسا رێڤهبیهرێ نوی ژی سوز دا بهردهواتم بیت ل سهر تمامكرنا كارێ رێڤهبهرێ كهڤن و مفا وهرگرتن ژشیان و شارهزایا رێڤهبهرێ كهڤن و تهمامكهرێ كارێ بوری بیت بو خزمهتكرنا باژێرێ دهوكێ .
ههژی كوتنێ یه رێڤهبهریا ئهندازیاری و هونهری ل 29/10/2012 هاتیه دامهزراندن بو خزمهتكرنا كارێ ئهندازیاری و هونهری بو رێڤهبهریێن پارێزگههێ .
ئهڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا سێکشهمبى رێکەفتی 8ی کانوونا دويێ 2019ێ ئەسمان دێ ئهورهكێ باراناوى بيت و بهفر و باران دێ بارن و ئاستێ باران بارينێ دێ ژ پارێزگههێن دى زێدهتر بيت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئهسمان ئهورهكێ باراناوى بيت و بهفر و باران دێ بارن و ئاستێ باران بارينێ دێ ژ پارێزگههێن دى زێدهتر بيت.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 20کم دا و ماوێ دیتنێ ژی دێ د ناڤبەرا 8 بۆ 10کم دا بیت، پلێن گەرمێ ژی دێ د ناڤبەرا 4 بۆ 9 پلان دا بن.
ئەڤرۆ نیوز، لەزگین جوقی:
رێڤەبەرێ نەفت و گازێ ل پارێزگەھا دھۆکێ دیار کر کو رۆژانە ئەو گازا سپی یا حوکمەتا عیراقێ بۆ ھەرێما کوردستانێ دابینکری ژ وێ رێژێ رۆژانە سێ تانکەرێن گازا سپی کو دبیتە ١٠٨ ھزار لتر دگەھنە دھۆکێ و گۆت: “ئەم رۆژانە گازا سپی پتر ژ ڤێ رێژێ ل سەر وەلاتیان بەلاڤ دکەین بۆ نموونە دوھی رۆژا ٦/١/٢٠١٩ی بتنێ ١٢٠ ھزار لێترێن گازا سپی بۆ زاخۆ ھاتینە ھنارتن، ژ بلی دھۆکێ ئەو رێژێن ل بەردەست ئەم ل گەل وێ گازا سپی یا رۆژانە بۆ مە دھێت پێ زێدە دکەین و ل سەر وەلاتیان بەلاڤ دکەین”.
محسن تەھا، رێڤەبەرێ نەفت و گازێ ل پارێزگەھا دھۆکێ بۆ ئەڤرۆ نیوز دیار کر کو پشتی پرۆسا بەلاڤکرنا گازا سپی ل دەڤەرێن چیایی ب دووماھیی ھاتی ل سەنتەرێ دھۆکێ و ئاکرێ و زاخۆ دەست ب بەلاڤکرنێ ھاتیەکرن، د قووناغا ئێکی دا نێزیکی ٢٠ ھزار کوبوونان ل سەر وەلاتیان بۆ وەرگرتنا گازا سپی ھاتینە بەلاڤکرن و نوکە ئەڤ ٢٠ ھزارە بەر ب دووماھیێ ڤە دچن و گۆت: “نوکە مە دەست ب قووناغەکا دی کریە و د ڤێ قووناغێ ژی دا ٢٠ ھزار کوبوون بۆ وەرگرتنا گازا سپی ب رێیا قایمقامیان ل سەر وەلاتیان ھاتینە بەلاڤکرن”.
ناڤھاتی ئاماژە دا وێ چەندێ کو ھەتا نوکە نێزیکی ٤٢ ھزار کوبوونان بۆ وەرگرتنا گازا سپی ل سەر وەلاتیێن قەزایێن دھۆک و ئاکری و زاخۆ ھاتینە بەلاڤکرن و گۆت: “سستی د پرۆسا بەلاڤکرنا گازا سپی دا نینە ئەم ھیڤی دکەین دەمێ وەلاتیێن دھۆکێ و زاخۆ کوبوونێن خوە وەردگرن ل ھەر جھەکێ بیت ب زوترین دەم بچن بەھرا خوە ژ گازا سپی وەرگرن، چونکو ھەکە زوو چوون کووبوون وەرگرتن و گازا خوە ببەن بێ گومان دێ پرۆسا بەلاڤکرنا گازا سپی بلەزتر لێ ھێت و ئەم ژی دێ شێن قووناغەکا دی یا کووبوونان برێیا قایمقامیان بەلاڤ کەین”.
ئەڤرۆ نیوز، مەحمود نھێلی:
قایمقامێ قەزا ئامێدیێ بۆ ئەڤرۆ نیوز دیارکر کو ژ بەر بارینا بەفرێ د دەمێ چەند دەمژمێرێن بوری دا ئاریشا ھاتنوچوونێ ل ھندەک جھان دروستبوویە ب تایەبتی ژی ل ناحیا چەمانکێ و ناحیا کانی ماسێ.
ئیسماعیل مستەفا، قایمقامێ قەزا ئامێدیێ بۆ ئەڤرۆ نیوز دیار کر کو ئەڤە ژ دوھی ب شەڤ وەرە پێلەکا بارینا بەفرێ ب سەر دەڤەرێ دا گرتیە و بوویە ئەگەرێ گرتنا رێ یێن سەرەکی یێن سنوورێ قەزا ئامێدیێ و گۆت: “تیمێن رامالینا بەفرێ یێن رێڤەبەریا پاراستنا رێک و پران ل سەر پاقژکرنا جادێن دەرڤە یێن سنوورێ قەزا ئامێدیێ د بەردەوامن”.
ناڤھاتی دیار کر کو ژ بەر بەردەوامیا بارینا بەفرێ ئەڤرۆ سپێدێ ریێن چەند جھان ھاتبوونە گرتن و ل پەیمانگەھێ قوتابی یێن دەرڤە نەشیانە دەوامێ بکەن و ھەروەسا ل ھندەک جھان بۆ دەمێ چەند دەمژمێرەکان جادە ھاتبوونە گرتن و گۆت: “ئەگەرێ وێ ژی ڤەدگەریت بۆ بارینا بەفرێ ب شێوەکێ بەردەوام و تیمێن رامالینێ ھەتا جھەکی پاقژ دکەن جھەکێ دی دھێتە گرتن”.
قایمقامێ قەزا ئامێدیێ خویا کر کو تیمێن رامالینا بەفرێ نوکە دکاری دانە و پرانیا جادان ھاتینە ڤەکرن و یێن مایی ژی دێ ل دەمەکی نێزیک ھێنە ڤەکرن.
ژ ئالیێ خوە ڤە دا ھاشم یەحیا، بەرپرسێ پشکا کەشناسیا ئامێدیێ دیارکر کو د ٢٤ دەمژێرێن بوری دا ل سەنتەرێ قەزا ئامێدیێ ٦ سەنتیمێن بەفرێ و د ئەڤ سالە دا ٦٩٥ ملیمێن بارانێ بارینە و ل کانی ماسێ ژی ٢١ سەنتیمێن بەفرێ بارینە و ل سەرسنکێ زێدەباری بارینا بەفرێ و سەرجەمێ بارینا بارانان ژی یێن ئەڤ سالە دبنە ٩٧٥ ملیم.
نيشاندان