رونالدو خوە ژ ریال مەدرید تورە دکەت
ئەڤرۆ نیوز:
کارگێریا یانا ریال مەدرید یا بەردەوامە ل سەر سیاسەتا خوە د بازارێ ڤەگوھاستنا یاریکەران دا و د ڤی بیاڤی دا راپورتێن روژنامەڤانی خویا دکەن کو یانا ریال یا ب نیازە دەستا ژ یاریکەرێ خوە سێرجیو راموسی بەردەت.
ل دووڤ راپورتەکا روژناما ئاس یا ئسپانی یاریکەرێ یانا ریال یێ پرتوگالی کریستیانو رونالدوی حەفتیا خوە یا بێ دەنگیێ ب دووماھی ئینا و پەیوەندیەکا تەلەفونی ب ھەڤالێ خوە سێرجیو راموسی کریە ژبو زانینا راستیا بابەتی و ڤەگوھاستنا وی بو مانچستەر یونایتد و دووڤدا رونالدوی دلگرانیا خوە ل ھەمبەر کارگێریا یانێ و ڤان بزاڤێن وان و ژێ خواستیە ئەف یاریکەرێ دلسوزی بو یانێ ھەی بمینت و دەستا ژێ بەر نەدەن.
ژلایەکێ دووڤە روژناما دەیلی میل یا ئێنگلیزی ئاشکەراکریە کو بھایێ فروتنا سێرجیو راموسی ٦٥ ملیون یورونە ب تایبەت پشتی یانا مانچستەر حەزا خوە دیارکریە بو ب دەستڤە برنا ڤی یاریکەری و ئارمانجا ریال ئەوە جارەکا دی گەنجینا خوە ب ڤی کوژمێ پارەی دەولەمەند بکەت و دەلیڤە بو دورست بیت ھەڤبەستێ ل گەل چەند یاریکەران ئیمزا بکەت.