گوھۆرین دێ د فوتسالا کچێن زێرەڤانیێ دا ھێنە کرن
ئەڤرۆ نيوز:
سەرپەرشتیا تیما فوتسالا کچان یا یانا زێرەڤانی دیارکر دێ ل ڤان نێزیکان چەند گوھۆرینان د پێکھاتیێ تیمێ دا کەن، بەری ھەڤرکیێن خولێ کوردستانێ دەستپێبکەن.
زێدەر دلفا عورفی د داخویانیەکا تایبەت دا بۆ رۆژناما ئەڤرۆ گۆت: ل ڤان نێزیکان دێ کومبونەکێ ل گەل کارگێریا یانێ کەین ل دۆر بابەتێ نووکرنا ھەڤبەستا ھژمارەکا یاریکەران، زێدەباری ئیمزاکرنا ھەڤبەستێ بۆ ماوێ زێدەتر ژ سالەکێ بۆ ھندەکێن دی و بھایێ ھەر ھەڤبەستا یاریکەرەکا کچ دێ لدووڤ شیانێن وێ ھێتە دیارکرن و ھەکە ھەر یاریکەرەک یا رازی نەبیت ل سەر وێ ھەڤبەستێ دێ مافی دەینێ بەر ب یانەکا دی بچیت.
سەرپەرشتا تیمێ ئەو چەندە ژی دیارکر نوکە تیم ب شازدە یاریکەران راھێنانێن خوە دکەت و ئەڤ ھژمارا یاریکەران گەلەک یا زێدەیە، لەورا پشتی ئەو کومبونەکێ ئەنجامدەن، دێ دەە ھەتا دوازدە یاریکەران بۆ پێکھاتیێ تیمێ ھێلن پێخەمەت پشکداریکرن د ھەڤرکیێن خولا ھەرێما کوردستانێ یا فوتسالا کچان دا.