غەریب یووسف مزووری

دەمێ‌ ئەم سالڤەگەڕا (65) سالیا شۆرشا مەزنا ئیلۆنێ‌ ساخ دكەین، گەلەك تشت دهێنە بیرا مرۆڤی، لێ‌ یا ژ هەموویان گرنگتر ئەو بوو ئیرادە و دلسۆزیا پێشمەرگەی د وی سەردەمی دا كو ژیان هەتا ڕادەیەكی یا ب زەحمەت بوو، هەروەسا چەكێ‌ پێدڤی ژی بۆ ئەنجامدانا شەڕی و تۆماركرنا داستانان ل بەر دەست نەبوو، لێ‌ ژبەر دلسۆزی و وەفادریا وان بۆ ڕێبازا بارزانیێ‌ نەمر و كوردایەتیێ‌ یا بهێز بوو شیان داستانان تۆماربكەن و پشتا دوژمی بشكێنن، چنكو بەری دەستپێكرنا شۆڕشا ئیلۆنی دوژمی وەسا هزردكر كو پێشمەرگە و شۆڕش نەمان و ئێدی ئەو دێ‌ ب كەیفا خۆ سەرەدەریێ‌ دگەل كوردان و دۆزا وان یا ڕەوا كەن, لەورا بۆ بنگۆڕكرنا خەونێن دوژمنان بارزانیێ‌ نەمر كار بۆ بەرپاكرنا شۆڕشێ‌ كر و ل د دەمەكێ‌ كێم دا فەرماندە و سەركردێن خۆ هنارتنە هەموو دەڤەرێن كوردستانێ‌ و پشتی ئەنجامدانا هژمارەكا كۆمبوونان دگەل سەرۆك هۆز و ماقیل و كەسانێن كورد پەروەر هەموو ل سەر وێ‌ چەندێ‌ ڕازیبوون كو پێدڤیە جارەكا دی بلەز دەست ب شۆڕشێ‌ بهێتە كرن، لەورا بلەز بەرهەڤی بۆ هاتە كرن و بارزانیێ‌ نەمر پلانا دەستپێكرنا شۆڕشێ‌ دانا و ئێدی ل هەر دەڤەرەكێ‌ پێشمەرگە كەفتنە د ئامادەباشیێ‌ دا و درۆشمێ‌ وان هەر ئەو بوو (یان كوردستان یان نەمان) و پشتی دەمژێر (سفر) بۆ دەستپێكرنا شۆڕشێ‌ هاتیە دانان ل رۆژا (11) ئیلۆنا سالا (1961) ب سەرپەرشتیا راستەوخۆیا بارزانیێ‌ نەمر شۆڕشێ‌ دەستپێكر و ل هەموو سەنگەران ئاگر بەردا بن پێن دوژمنان، هەلبەت ل وی دەمی چەكەكێ‌ سڤك و سادە ل بەر دەستێن پێشمەرگەی هەبوو، دوژمنی ژی چەكەكێ‌ گران و مەزن ل بەر دەست بوو، وەك (فرۆكە و تۆپ و تانك و زریپۆش و … هتد) لێ‌ ژبەركو ئیرادەیا پێشمەرگەی یا بهێز بوو، هەروەسا ب دلسۆزانە شەڕدكر، لەورا هەر زوو شكەستن كەفتە ناڤ رێزین دوژمنی و كەلەخێن ب سەدان سەربازێن عیراقی مانە ل بەرۆكێن شەڕی و هژمارەكا زۆر ژی هاتنە ئێخسیركرن، ژبلی ئەو سەربازێن چەكێ‌ خۆ داناین و ب ڕەڤا خۆڕا نەگەهشتین، لەورا هەر زوو شۆەڕەش ب سەركەفت و دەنگوباسێن سەركەفتنا شۆڕشێ‌ و پێشمەرگەی گەهشتنە هەموو جیهانێ‌ و گەلەك كەنالێن ڕاگەهاندنێ‌ مەزن یێن دەنگوباسێن سەركەفتنا شۆڕشێ‌ بەلاڤكرن، هەروەسا گەلەك پەیامنێرێن بیانی گەهشتنە دەڤەرێن ئازادكری و وان ب خۆ ب چاڤێن خۆ سەركەفتنێن پێشمەرگەی دیتن و دیمەن تۆماركرن، هەروەسا دیدار دگەل فەرماندە و سەركردێن لەشكەری و پێشمەرگەی كرن و سەركەفتنا پێشمەرگەی ل هەموو جیهانێ‌ دەنگڤەدا و ئێدی ئەو سەركەفتن بۆ هێڤێنێ‌ شۆڕشا گولانێ‌ و سەرهلدانا پیرۆز، كو د ئەنجامدا بۆ جارا ئێكێ‌ ئەم كورد بووینە خودان پەرلەمان و حكومەت و هندی ئەم كورد د ژیانێ‌ دا مابین خۆ ب قەردارێن پێشمەرگەی د دانینن، چنكو هەكە پێشمەرگە و پارێزڤان نەبان دبیت ئەڤ ئازدیا نوكە ئەم تێدا دژین مە نەبا.
ل دووماهیێ‌ بڤێ‌ هەلكەفتا پیرۆز، سالڤەگەڕا (65) یا دەستپێكرنا شۆڕشا مەزنا ئیلۆنێ‌ ئەم سەرێ‌ ڕێز و قەدرگرتنێ‌ بۆ هەموو شەهیدان ب تایبەت ژی بارزانیێ‌ نەمر و ئدریسێ‌ هەردەم زیندی د چەمینین و بژیت كورد و بژیت كوردستان و مرن و سەرشۆڕی ژی بۆ هەموو دوژمنان.

غەریب یوسف مزووری

هەلبەت ئەڤرۆ 16/8/2026 رۆژەكا دیرۆكی یە د مێژژوویا گەلێ‌ مەدا، چنكو د ڤێ‌ رۆژێ‌ دا مە دو بیرهاتنێن گەلەك گرنگ هەنە كو هەتا كورد مابن ژبیرناكەن و دێ‌ شانازیێ‌ پێ‌ كەن، یا ئێكێ‌ سالرۆژا دامەزراندنا پارتی دیمۆكراتی كوردستانە كو بەری (80) سالان ل سەر دەستێ‌ رێبەرێ‌ مللەتێ‌ كورد (مەلا مستەفا بارزانی) هاتیە دانان و یا دویێ‌ ژی رۆژا ژدایكبوونا سەرۆك و مەرجەعێ‌ كوردان (مەسعود بارزانی) یە و ژیێ‌ وی ژی بوو(80) سال، چنكو دوێ‌ رۆژا پارتی هاتیە دامەزراندن، هەر ل وێ‌ رۆژێ‌ سەرۆك (مەسعود بارزانی) ژی ژ دایكبوویە، لەورا ژدایكبوونا سەرۆكی و دامەزراندنا پارتی دوێ‌ رۆژێ‌ دا گەلەك گرنگیا خۆ هەیە و كوردێن دلسۆز سالانە دێ‌ ڤان هەردو بیرهاتنان پێكڤە ساخكەن.
دامەزراندنا پارتی دیمۆكراتی كوردستان ل (16) تەباخا سالا (1946) ئێك ژ پێدڤیێن گرنگ بوو كو بهێتە هەبوونێ‌، چنكو نەمر مستەفا بارزانی ل وی دەمی هەست پێ دكر كو زۆری یا ل كوردان دهێتەكرن و دوژمن یێن بزاڤێ‌ دكەن ناسنامەیا كوردی نەهێلن، لەورا بارزانی هزر د دامەزراندنا پارتی دا كر و د كاودانەكێ‌ سەخت و دژوار دا پارتی دامەزراندن و ئەم دشێن بێژین، هەر ژ رۆژا دامەزراندنا پارتی بەرێ‌ بنیاتی بۆ دامەزراندنا دەولەتا كوردی ژی هاتیە دانان، لەورا د (80) سالێن بۆری دا دوژمن و نەحەزان دژایەتییا پارتی كریە دا دەولەتبوون بجه نەهێت، لێ‌ خەم و خەیالا وان یا خاڤە، چنكو پارتی یا ل دویڤ نەخشە و پلانێن رێكخستی كاردكەت و هەر پارتی بوو رێبەریا شۆڕشا مەزنا ئیلۆنێ‌، پاشی شۆڕشا 26 گولانێ‌ كری كو وان هەردو شۆِرشان رێخۆشكرن پەیداكر كو سەرهلدانا بهارا سالا 1991 بهێتە كرن و د دووڤدا پەرلەمان و حوكمەتا هەرێما كوردستانێ‌ هاتنە پێك ئینان و ئەڤە هەموو بەرهەمێ‌ خوین و خەباتا پارتی دیمۆكراتی كوردستانە، ب تایبەت ژی شەهیدێن سەربلند كو ئەڤرۆ ئەم هەموو ل بن سایا خوینا وان پا پیرۆز ب ئازادی دژین، لەورا ئەز یێ‌ گەشبینم كو دەولەتبوون یا نێزیكە و ئەڤ چەندە دێ‌ ل سەر دەستێن پیرۆزێن سەرۆك بارزانی هێتە ئەنجامدان و ئەم هەموو دزانین هەكە خیانەتا (16) ئوكتۆبەرێ‌ و فرۆتنا كەركووكا دلێ‌ كوردستانێ‌ نە با كو ژلایێ‌ ئێكەتیێ‌ و هندەك نەحەزێن دی ڤە پلان بۆ هاتبوو دانان نوكە بەری چەندین سالان ئەم دەولەت بووین.
ل دووماهیێ‌ ب هەلكەفتا بۆرینا (80) سالان ل دامەزراندنا پارتی دیمۆكراتی كوردستان، هەروەسا (80) سالیا ژ دایكبوونا سەرۆك بارزانی ئەم سەرێ‌ رێز و نەوازشێ‌ بۆ هەموو شەهیدێن كورد و كوردستانێ‌ و سەروەرێ‌ وان بارزانیێ‌ نەمر و ئدریسێ‌ هەردەم ساخ دچەمینین و داخوازا ژیەكێ‌ درێژ و ساخلەمیەكا باش بۆ سەرۆك بارزانی دكەین، بژیت كورد بژیت پارتی مرن و شەرمزاری بۆ دوژمن و خاكفرۆشان.

غەریب یوسف مزووری

پشتی نسكۆیا سالا (1975) رژێما ئیراقێ‌ یا وی سەردەمی وەسا هزر دكر كو ئێدی كورد نەمان و شۆڕش ب دووماهی هاتن، لێ‌ نەزانین پشتی بۆرینا كێمتر ژ سالەكێ‌ دێ‌ شۆڕش دەستپێكەتە ڤە و ناڤودەنگیا كوردان و پێشمەرگەی ل هەموو جیهانێ‌ بەلاڤ بیت، لەورا بۆ دەستپێكرنا شۆڕشا 26 گولانا سالا 1976 ب سەرپەرشتیا بارزانیێ‌ نەمر ئامادەكاریێن باش هاتنە كرن و ل باژێرێ‌ نەغەدە ل رۆژهەلاتێ‌ كوردستانێ‌ هژمارەكا كۆمبوونان ل گەل (مەسعود بارزانی و ئدریس بارزانی و ئەسعەد خۆشەڤی) هاتنە كرن و پلانەكا باش بۆ دەستپێكرنا شۆڕشێ‌ هاتە دانان و ل سەر فەرمانا مەلا مستەفا بارزانی دو سەركردە هاتنە دەستنیشانكرن كو بچنە دەڤەرا بەهدینان دا بەرهەڤیێن شۆڕشێ‌ بكەن، ئەو ژی هەردو خودێ‌ ژێرازیان (كەریم شنگاری و جەوهەر نامق سالم/سەلیم سۆرانی) بوون، پشتی دگەل هژمارەكا پێشمەرگەی سنۆر دەربازكرین و هاتینە دناڤ ئاخا كوردستانێ‌ دا پەیوەندی ب (حەجی عومەر شەتونسی) كرن و چوونە بارەگایەكێ‌ پێشمەرگەی و ل وێرێ‌ دەست ب كۆمبوون و دیتنێن خۆ ل گەل خەلكێ‌ دەڤەرێ‌، هەروەسا دگەل پێشمەرگەی كرن، هەروەسا سەرەدانا چەند خەباتكەر و ریهیسپی و ماقیلێن دەڤەرێ‌ كرن و گۆتنە وان ل سەر فەرمانا (بارزانیێ‌ نەمر) جارەكا دی دێ‌ دەست ب شۆڕشێ‌ هێتە كرن و تشتێ‌ هەرە باش ئەوە هەموویان بەرهەڤیا خۆ بو دوبارە دەستپێكرنا شۆڕشێ‌ كرن و گۆتن (ئەم ب سەر و مالێ‌ خۆڤە بۆ شۆڕشێ‌ دحازرین) پشتی بەرهەڤیەكا باش و دەستنیشانكرنا رۆژەكێ‌ بۆ دەستپێكرنا شۆڕشێ‌، كو ئەو ژی 26 گولانێ‌ بوو، ل چەند میحوەران شۆڕشێ‌ دەستپێكر، هەرچەندە ل وی دەمی بتنێ‌ چەكێ‌ سڤك د دەست پێشمەرگەی دا بوو، لێ‌ ژبەركو ئیرادەیا وان بۆ شۆڕشێ‌ و ڕێبازا پیرۆزا بارزانی یا بهێز بوو، شیان دربەكێ‌ مەزن ل سوپایێ‌ ئیراقێ‌ بدەن و چەندین ئەفسەر و پلەدار و سەربازێن وان هاتنە كوشتن و كەلەخێن وان ل مەیدانێن شەڕی مان، هەروەسا هژمارەكا زۆر ژی ژێ‌ هاتە ئێخسیكرن و پشتی چەكێن وان ژێ‌ هاتینە وەرگرتن ل سەر فەرمانا (بارزانیێ‌ نەمر) هەموو ئێخسیر هاتنە ئازادكرن، هەر ل وی دەمی شەهیدێ‌ سەركرە (سامی شنگاری) دگەل كۆمەكا پێشمەرگەی درێكا سوریێ‌ دا گەهشتنە ناڤ رێزێن پێشمەرگەی و ئاگرێ‌ شۆرشێ‌ گەشتر لێ‌ هات و پتریا كەنالێن راگەهاندنێ‌ یێن جیهانی، ژوانا (دەنگێ‌ ئەمریكا و مونتیكارلۆ) دەنگوباسێن دەستپێكرنا شۆڕشێ‌ و سەركەفتنێن پێشمەرگەی بەلاڤكرن، هەروەسا پەیامنێرێن چەندین كەنالێن جیهانی ژی ب رێكێن جودا خوە گەهاندنە ناڤ شۆڕشێ‌ و راپۆرت و دیدار ل سەر سەركەفتێن پێشمەرگەی چێكرن، لەورا دشێم بێژم شۆڕشا 26 گولانێ‌ بۆ هێڤێنێ‌ ئەڤرۆ یێ‌ گەلێ‌ كوردستانێ‌ و كاروانێ‌ شۆڕشێ‌ یێ‌ بەردەوام بوو و رۆژ بۆ رۆژێ‌ گەشتر و بهێزتر لێ‌ دهات، هەتا گەهشتیە سەرهلدانا پیرۆزا سالا (1991) و د ئەنجامدا بۆ جارا ئێكێ‌ پەرلەمان و حكومەتا هەرێما كوردستانێ‌ هاتنە پێك ئینان و ئێدی درێژی ب خەباتا مەدەنی هاتە دان و ئەڤرۆ ئەم تێدا دژین بەرهەمێ‌ شۆڕشا گولانێ‌ و شۆڕشا ئیلۆنێ‌ و هەموو شۆڕشێن دی یێن كوردستانێ‌ یە، كو ب خوینا هزارەها پێشمەرگەی هاتیە رزگاركرن و ئەڤرۆ هەموو خەلكێ‌ مە ل هەرێما كوردستانێ‌ یێ‌ ب ئازادانە دژین و سەركردایەتیا مە ژی ب رێبەریا مەرجەعێ‌ كوردان سەرۆك (مەسعود بارزانی) یێ‌ كاری بو راگەهاندنا دەولەتا كوردی دكەن و ئەم ب باوەرین ل سەر دەستێ‌ پیرۆزێ‌ سەرۆك بارزانی دێ‌ وێ‌ رۆژێ‌ ژی ب چاڤێن خۆ بینین،
ل دووماهیێ‌ ب هەلكەفتا بۆرینا (50) سالان ل سەر دەستپێكرنا شۆڕشا گولانێ‌ ئەم سەرێ‌ رێز و نەوازشێ‌ بۆ شەهیدێن كوردستانێ‌ و سەروەرێ‌ وان بارزانیێ‌ نەمر و ئدریسێ‌ جانەمەرگ دچەمینین و داخوازا ژیەكێ‌ درێژ و ساخلەمیەكا باشتر بو سەرۆك بارزانی دكەبن.

غەریب یوسف مزووری

ل دەستپێكێ‌ شانازیێ‌ ب خۆ دبەم كو وەك پێشمەرگەیەك ل سالا (1964) ل گوندێ‌ دێرێ‌ كو ل وی دەمی بارەگایێ‌ بارزانی ل وێرێ‌ بوو، بۆ جارا ئێكێ‌ ب دیتنا ئەندازیارێ‌ ئاشتیێ‌ شەهید (ئدریس بارزانی) شادبووم و هەتا رۆژا چوویە وەغەرێ‌ كو ل 31/1/1987 بوو، ئەز ئێك ژ وان كەسێن نێزیكی وی بووم و ب راستی ژی شەهید ئدریس نەبەس سەركردە بوو، بەلكو رێبەر ژی بوو، چنكو قوتابیەكێ‌ زیرەكێ‌ قوتابخانەیا بارزانی بوو، بۆ زانین ل گەل گەهشتنا من بۆ دەف نەمر (ئدریس بارزانی) ئەز بوومە پرەكا پەیوەندیێ‌ د ناڤبەرا مەكتەبا سیاسیا پارتی دیموكراتی كوردستان و نەمر ئدریس بارزانی، هەروەسا مەسعود بارزانی، ئانكو هەر نامەیەكا هەبا ئەز دا گەهینمە نەمر(ئدریس بارزانی) یان (مەسعود بارزانی) بۆ زانین ل وی دەمی پتریا هاتن و چوونا مە ب پییان بوو، و دەمێ‌ من نامەیەك یان پۆستەیەك دگەهاند دا خوە ل هیڤیا بەرسڤێ‌ گرم، پاشی جارەكا دی دا ب بەرسڤە زڤڕمەڤە جهێ‌ ئەز ژێ‌ هاتیم و ئەو بۆ من بەس بوو كو ئەو باوەری داینە و ئەڤە ژی شانازیەكا دی یە ب دەست هەموو كەسان ناكەڤیت.
ژ بیرهاتن و رۆژێن خۆش من ل گەل وان بۆراندین، ئێك ژ وان ل هەیڤا ئیلۆنا 1965 بوو كو نەمر(مەلا مستەفا بارزانی) ژبۆ هەلبژارتنا سكرتێرێ‌ حزبێ‌ و لژنە و كۆمیتەیا ناڤەندی، چوویە دەڤەرا قەلادزێ‌، هەروەسا دەمێ‌ ل سالا (1965) دانوستاندن ل گەل حوكمەتا ئیراقێ‌ تێكچووین، بارەگایێ‌ بارزانی ل گەل شەهید ئدریس و مالا وی چوونە دەڤەرا (بالەكایەتی) ل دۆلا بالەیان ل وێرێ‌ ئاكنجی بوون، پشتی ماوەیەكی جارەكا دی مەكتەبا سیاسی چوو گوندێ‌ (هەلشۆ) و من بەردەوام پۆستە دگەهاندنە ئدریسێ‌ جانەمەرگ و هەكە ئەو یێ‌ حازر نەیا من ددانە دەستێ‌ مەسعود بارزانی و چو جوداهی د ناڤبەرا وان دا نەبوون، چنكو هەردویان وەك تیمەكێ‌ هەڤپشك كارێن حزبێ‌ ب رێڤەدبرن، هەروەسا هاریكاریا نەمر مەلا (مستەفا بارزانی) دكرن و ل وی دەمی هندەك جاران حەفتیێ‌ دو جاران بۆ گەهاندنا نامەیان ئەز دچوومە زۆزانێن (حاجی ئومران) هەروەسا بۆ هەمان كار ئەز دچوومە بارەگایێ‌ هێزا (رزگاری) ل نێزیك گوندێ‌ سنۆرداش و هێزا (خەبات) ل پێنجوین، بۆ زانین ل وان سالێن ئەز ل گەل بەردەوام دەرگەهێ‌ شەهید ئدریس بارزانی بۆ هەر كەسەكی یێ‌ ڤەكری بوو، ئانكو دیتنا وی یا ب ساناهی بوو، بۆ هەر ئاریشەیەكێ‌ یان داخوازیەكێ‌ چارەیەك بۆ دكر و نەدهێلاچو جاران كەسەك بێ‌ ئۆمێد ژ دەف وی دەركەڤیت و هەتا رۆژا چوویە وەغەرێ‌.
ل دووماهیێ‌ ب هەلكەفتا بۆرینا (39) سالان ل سەر وەغەركرنا ئدریسێ‌ جانەمەرگ سەرێ‌ رێز و قەدرگرتنێ‌ بۆ بابێ‌ رۆحیێ‌ نەتەوەیا كورد بارزانیێ‌ نەمر و ئدریسێ‌ هەردەم زێندی و هەموو شەهێدێن كوردستانێ‌ دچەمینم.

غەریب یوسف مزووری

هەلبەت ئەڤرۆ رۆژەكا گەلەكا گرنگ و دیرۆكی یە ل دەف هەموو مللەتێ‌ كورد، ب تایبەت ژی ل دەف پێشمەرگە و سەركردە و لایەنگرێن پارتی دیموكراتی كوردسان، چنكو وەكی ئەڤرۆ بەری (64) سالیا شۆڕەشا مەزنا ئیلۆنێ‌ ب سەركێشی و رابەریا بابێ‌ مەزن مەلا مستەفایێ‌ بارزانی دەستپێكر و پێشمەرگە شیاین ب چەكەكێ‌ سڤك، بەلێ‌ ب ئیرادەیەكا مەزن داستانەكا دی تۆماربكەن و پشتا سەربازێن وی دەمی یێن ئیراقێ‌ بشكێن و ل هەموو میحوەران ب سەدان كەلەخێن دۆژمنی كەفتنە د مەیدانا شەڕی دا، هەروەسا هژمارەكا زۆرا سەربازان هاتنە ئێخسیركرن و هژمارەكا ژوێ‌ زۆرتر ژی ب رەڤا خوەڕا نەگەهشتن و مەیدانێن شەڕی چولكرن و تووشی شكەستن و شەرمزاریێن زۆر بوون.
دیارە بۆ ڤی شەڕی حكومەتا ئیراقێ‌ یا وی سەردەمی بەرهەڤیێن خوە یێن باش كربوون و هەر چو جۆرەكێ‌ چەكی یێ‌ سڤك و گران دوی شەڕی دا بكارئینا، چنكو مەرەما وان پێ‌ ئەوە ئیرادەیا گەلێ‌ كورد و پێشمەرگەی نەهێلن و كار ژبۆ هندێ‌ ژی دكر كو چو تشتەك ب ناڤێ‌ كورد یان كوردستان نەهێلن، هەروەسا دووماهیێ‌ ب شۆڕەشا كوردی و پێشمەرگەی بینن، هەروەسا كوردستان هەموو، ب تایبەت ژی ئەو دەڤەرێن پێشمەرگە و شۆڕەش لێ‌ هەین بكەڤنە بن دەستێن وان، لێ‌ وەكو مە ئاماژە پێكری ب سەركێشی و رابەریا بابێ‌ مەزن (مستەفا بارزانی) خەون و پلانێن وان ل گەل وان كرنە د گۆڕی دا و چریسكا شۆڕەشا ئیلۆنێ‌ گەهشتە هەموو گوند و دەڤەرێن كوردستانێ‌ و رۆژ بۆ رۆژێ‌ ئەو چریسك گەشتر لێ‌ هات، چنكو بەردەوام خەلكەك گەهشتە ناڤ رێزێن شۆڕەشێ‌ و ئێدی نەبەس ل گوند و دەڤەرێن رزگاركری، بەلكو ل هەموو باژێران ژی خەلكەكی پەیوەندی ب رێزێن شۆڕەشێ‌ كرن و د بەرهەڤ بووت ب سەر و مالیژ خوە بەڕەڤانیێ‌ ژ شۆڕەشێ‌ بكەن، ژبۆ هندێ‌ كو رۆژ بۆ رۆژێ‌ ئیرادەیا گەلێ‌ كورد گەشتر لێ‌ بهێت، ژ بۆ هندێ‌ كو زۆری نەمینیت و كەرامەتا مللەتێ‌ كورد بهێتە پاراستن و ل ڤێرە من دڤێت بێژم ل هەموو باژێر و گوندان پشتەڤانیەكا باش ل شۆڕەشێ‌ هاتە كرن و پتریا ئەو كەسێن دهاتن چەكێ‌ خوە ژ مالا خوە دئینان و ب وەریەكا بەرز بێی كو هزرەكێ‌ ب‌و سەربازێن دوژمنی بكەن دچوونە بەرۆكێن شەڕی و بۆ قوربانی و شەهید بوونێ‌ دبەرهەڤ بوون، ژلایێ‌ خوە ڤە بارزانیێ‌ نەمر ژی بەردەوام ل سەر خەت بوو و خولەك بۆ خولەكێ‌ ئاگەهی ل سەر هەموو میحوەرێن شەڕی هەبوو، هەروەسا چەندین سەركردە و پێشمەرگەیێن قەهرەمان ژی ل گەل دا بوون و هاریكاریا وی دكرن د گەهاندنا هەر پێزانیەكێ‌ دا، لەورا شیاین د ماوەیەكێ‌ كێمدا شیان سەركەفتنێن مەزن ل سەر دوژمنی تۆماربكەن و ئەڤ ئازدایا نوكە ئەم تێدا كو بەرهەمێ‌ وێ‌ حكومەت و پەرلەمانێ‌ كوردستانێ‌ یە، بەرهەمێ‌ خوین و خەباتا پێشمەرگەیێن شۆڕەشا ئیلۆنێ‌ هەروەسا شۆڕەشا گولانێ‌ و سەرهلدانا بهارا سالا 1991 یە و ئەڤ هەموو ژی ب خەبات و خوینا شەهیدان هاتیە هەبوونێ‌، لەورا دڤێت ئەم هەموو وەكی بیبیكا چاڤێن خوە و باشتر ژی ڤان دەستكەفتان ب پارێزین، چنكو ئەڤرۆ ژی دەستهەلاتا ئیراقێ‌ ئەوێن ل بەغدا حوكمی دكەن، ب هاریكاریا چەند وەلاتێن دەوروبەر و هندەك گرۆپ و هێزێن خوە فرۆش یێ‌ بزاڤێ‌ دكەن قەوارەیێ‌ هەرێما كوردستانێ‌ ب ئێكجاری نەهێلن یان ژی لاواز بكەن ژبۆ هندێ‌ دا كو هەرێم ژی بكەڤیتە بن دەستەلاتا وان و وەكی خوە رەفتارێ‌ ل گەل بكەن و گرۆڤەژی بۆ ڤێ‌ چەندێ‌ برسیكرنا خەلكێ‌ كوردستانێ‌ یە ب نە هنارتنا مووچەیێ‌ فەرمانبەران و بۆدجەیێ‌ هەرێما كوردستانێ‌ كو د دستۆرێ‌ ئیراقێ‌ دا ب مافەكێ‌ رەوایێ‌ گەلێ‌ كورد هاتیە قەبوولكرن، لێ‌ نوكە حكومەتا ئیراقێ‌ خوە ژێ‌ ڤەدزیت، لێ‌ ژبەركو مە سەرۆك و سەركردەكێ‌ حەكیم هەیە، ئەو ژی سەرۆك (مەسعود بارزانی) و سەركردایەتیا پارتی و حكومەتا هەرێما كوردستانێ‌ یە، هەروەسا دلسۆزی و خۆڕاگریا خەلكێ‌ مە یێ‌ قەهرەمانە، ئەم د پشت راستین سەركەفتن هەر بەهرا مە كوردانە و وەكو هەرجار سەرتیرێن دوژمنان و هەموو خۆفرۆش و دارو دەستەكێن وان دێ‌ ب عەردی كەڤن و دارا دەولەت بوونێ‌ دێ‌ گەهیتە بەرهەمی.
ل دووماهیێ‌ هزار سلاڤ ل سەر گیانێ‌ بارزانیێ‌ نەمر و هەموو شەهیدێن كوردستانی بن، روی رەشی و شەرمزاری بۆ دوژمنان.

غەریب یوسف مزووری

وەك پێشمەرگەیەك ل سالا (1964) ل گوندێ‌ دێرێ‌ كو ل وی دەمی بارەگایێ‌ بارزانی ل وێرێ‌ بوو، بۆ جارا ئێكێ‌ ب دیتنا شەهیدێ‌ جانەمەرگ (ئدریس بارزانی) شادبووم و هەتا رۆژا چوویە وەغەرێ‌ كو ل 31/1/1987 بوو، ئەز ئێك ژوان كەسێن نێزیكی وی بووم و ل هەموو خۆشی و نەخۆشیێن وی بەردوام ل گەل بووم و خوە ب دلخۆش و سەرفراز دبینم كو بۆ دەمێ‌ چەندین سالان د خزمەتا وی دا بووم و هەتا ئەز ژی دچمە وەغەرێ‌ وان رۆژ و سالان ژبیرناكەم یێن من ل گەل وی بۆراندین، چنكو ب راستی شەهید ئدریس سەركردە و رێبەر بوو، هەروەسا قوتابیەكێ‌ زیرەكێ‌ قوتابخانەیا بارزانی بوو، چنكو ب دروستی حەزژێكەرێ‌ كوردستانێ‌ و ئاخ و هەوایێ‌ وەلاتێ‌ خوە بوو، هەروەسا هەموو هیڤی و ئۆمێدێن وی ئەو بوون كوردستانەكا سەربەخوە ببینیت.
بۆ زانین ل گەل گەهشتنا من بۆ دەف نەمر (ئدریس بارزانی) ئەز بوومە پرەكا پەیوەندیێ‌ دناڤبەرا مەكتەبا سیاسیا پارتی دیموكراتی كوردستان و نەمر ئدریس بارزانی، هەروەسا مەسعود بارزانی، ئانكو هەر نامەیەكا هەبا ئەز دا گەهینمە نەمر(ئدریس بارزانی) یان (مەسعود بارزانی) بۆ زانین ل وی دەمی پتریا هاتن و چوونا مە ب پیان بوو، و دەمێ‌ من نامەیەك یان پوستەیەك دگەهاند دا خوە ل هیڤیا بەرسڤێ‌ گرم، پاشی جارەكا دی دا ب بەرسڤە زڤڕمەڤە جهێ‌ ئەز ژێ‌ هاتیم و جارەكا دی دێ‌ بێژم ئەز ب كارێ‌ خوە گەلەكێ‌ دلخۆش بووم، چنكو ئەز گەنجەكێ‌ خوین گەرم بووم و هەر ئەو بۆ من بەس بوو كو ئەو باوەری داینە و ئەڤە ژی شانازیەكا دی یە ب دەست هەموو كەسان ناكەڤیت.
ژ بیرهاتن و رۆژێن خۆش من ل گەل وان بۆراندین، ئێك ژوان ل هەیڤا ئیلۆنا 1965 بوو كو نەمر(مەلا مستەفا بارزانی) ژبۆ هەلبژارتنا سكرتێرێ‌ حزبێ‌ و لژنە و كۆمیتەیا ناڤەندی، چوویە دەڤەرا قەلادزێ‌، هەروەسا دەمێ‌ ل سالا (1965) دانوستاندن ل گەل حكومەتا ئیراقێ‌ تێكچووین، بارەگایێ‌ بارزانی ل گەل شەهید ئدریس و مالا وی چوونە دەڤەرا (بالەكایەتی) ل دولا بالەیان ل وێرێ‌ ئاكنجی بوون، پشتی ماوەیەكی جارەكا دی مەكتەبا سیاسی چوو گوندێ‌ (هەلشۆ) و من بەردەوام پوستە دگەهاندنە ئدریسێ‌ جانەمەرگ و هەكە ئەو یێ‌ حازر نەیا من ددانە دەستێ‌ مەسعود بارزانی و چو جوداهی دناڤبەرا وان دا نەبوو، چنكو هەردویان وەك تیمەكێ‌ هەڤپشك كارێن حزبێ‌ ب رێڤەدبرن، هەروەسا هاریكاریا نەمر مەلا (مستەفا بارزانی) دكرن و ل وی دەمی هندەك جاران حەفتیێ‌ دو جاران بۆ گەهاندنا نامەیان ئەز دچوومە زۆزانێن (حاجی عۆمران) هەروەسا بۆ هەمان كار ئەز دچوومە بارەگایێ‌ هێزا (رزگاری) ل نێزیك گوندێ‌ سنۆرداش و هێزا (خەبات) ل پێنجوین، بۆ زانین ل وان سالێن ئەز ل گەل بەردەوام دەرگەهێ‌ شەهید ئدریس بارزانی بۆ هەر كەسەكی یێ‌ ڤەكری بوو، ئانكو دیتنا وی یا ب ساناهی بوو، بۆ هەر ئاریشەیەكێ‌ یان داخوازیەكێ‌ چارەیەك بۆ دكر و نەدهێلاچو جاران كەسەك بێ‌ ئۆمێد ژ دەف وی دەركەڤیت و هەتا رۆژا چوویە وەغەرێ‌ كو مرنا وی یا سروشتی بوو، لێ‌ حكومەتا ئیراقێ‌ یا وی دەمی بۆ خوە كرە ناڤ و دراگەهاندنا خوە دا گۆت فرۆكەیێن مە ئەو كوشتیە، لێ‌ دراستی دا درەوەكا ب شاخ بوو، چوو راستی بۆ نەبوون.
ل دووماهیێ‌ ب هەلكەفتا بۆرینا (38) سالان ل سەر وەغەركرنا ئدریسێ‌ جانەمەرگ ئەز سەرێ‌ رێز و قەدرگرتنێ‌ بۆ بابێ‌ رۆحیێ‌ نەتەوەیا كورد بارزانیێ‌ نەمر و ئدریسێ‌ هەردەم زێندی و هەموو شەهێدێن كوردستانێ‌ دچەمینم و هیڤیا من ئەوە ل نێزیك ئەم ب دیتنا دەولەتا كوردستانێ‌ ل سەر دەستێ‌ سەرۆك و مەرجەعێ‌ كوردان بەرێز سەرۆك (مەسود بارزانی) شاد ببین.

غه‌ریب یوسف مزوورى
پشتى ل سالا (1975) شۆڕشا ئیلۆنێ تووشى شكه‌ستنێ بووى، سه‌ركردایه‌تیا ئیراقێ یا وى سه‌رده‌مى وه‌سا هزردكر كو ئێدى كورد و شۆڕشا كوردى نه‌مان و ئه‌و دێ ب كه‌یفا خوه‌ سه‌رده‌ریێ ل گه‌ل كه‌ن، ئانكو وان چاوا بڤێت دێ وه‌سا بیت، لێ نه‌زانین دێ هه‌ر زوو دێ هزرێن وان یێن گه‌نى هه‌لوه‌شیێن و جاره‌كا دى دێ شۆڕش شین بیته‌ڤه‌، له‌ورا پشتى بۆرینا چه‌ند هه‌یڤه‌كێن كێم جاره‌كا دى بارزانیێ نه‌مر بهێز هاته‌ مه‌یدانێ و به‌رهه‌ڤیێن شۆڕشا گولانێ كرن، ل ده‌ستپێكێ بارزانیێ نه‌مر بڕیار دا هنده‌ك كادر ژ وان پێشمه‌رگه‌یێ دێرین (كه‌ریم شنگارى و شه‌هید جه‌وهه‌ر نامق سالم، كو ل وى ده‌مى ب (سه‌لیم سۆرانێ) یێ به‌رنیاس بوو، بچنه‌ د ناڤ خه‌لكى دا ل ده‌ڤه‌را به‌هدینان و ب هاریكاریا شه‌هیدێ سه‌ركرده‌ (ئه‌سعه‌د خۆشه‌ڤى) ده‌ست ب شۆڕشێ بكه‌ن و پشتى به‌رهه‌ڤى بۆ هاتینه‌ كرن ل 26 گولانا 1976 چریسكا شۆڕشێ گه‌ش بوو، و ل هه‌موو میحوه‌ران ئاگر ب سه‌ر سه‌رێ دۆژمنان دا به‌ردا و شكه‌ستن و ره‌ڤین كه‌فته‌ دناڤ رێزێن سۆپایێ ئیراقێ چنكو هژماره‌كا زۆر ژێ هاتنه‌ كوشتن و ب ده‌هان كه‌له‌خ ل میحوه‌رێن شه‌رى بجه هێلان، بۆ زانین ل وى سه‌رده‌مى سۆپایێ ئیراقێ ب هه‌موو جۆرێن چه‌كێ گران و سڤك و ب پشكداریا هزاران سه‌ربازان ل به‌ر سنگێ شۆڕشێ راوه‌ستان و شه‌ڕێ پێشمه‌رگه‌ى كرن، لێ ژبه‌ركو ئیرادا پێشمه‌رگه‌ى یا ب هێزبوو ب هژماره‌كا كێم ژى شیان گۆرزێن گران ل دوژمنى بده‌ن و سه‌ركه‌فتنێن مه‌زن تۆماربكه‌ن و ئێدى شه‌ڕ یێ به‌رده‌وام بوو، پشتى چه‌ند سالان بارزانیێ نه‌مر ژبۆ چاره‌سه‌ریێ چوو وه‌لاتێ ئه‌مریكا و سه‌رۆك مه‌سعود بارزانى ژى ل گه‌ل چوو، ئێدى بارێ گران كه‌فته‌ سه‌ر ملێن شه‌هیدێ سه‌ركرده‌ (ئدریس بارزانى) و وه‌كو فه‌رمانده‌كێ ده‌ستهه‌ل هاته‌ مه‌یدانێ و سه‌رپه‌رشتیا شۆڕشێ كر و ئێدى شۆرشا گولانێ ده‌نگڤه‌دا و ل هه‌موو كه‌نالێن راگه‌هاندنێ یێن جیهانى په‌سنا شۆڕشێ هاته‌ كرن و شۆڕشا گولانێ به‌رێ بنیاتى بۆ سه‌رهلدانا پیرۆز دانا و د ئه‌نجامدا په‌رله‌مان و حوكمه‌تا هه‌رێما كوردستانێ هاتنه‌ پێكئینان و ژ سالا 1991 وه‌ره‌ ئه‌م كیان و خودان قه‌واره‌كێ سه‌ربه‌خوه‌ینه‌، لێ هێشتا هیڤیێن مه‌ مه‌زنترن، چنكو ئه‌م خودان سه‌رۆكێ بهێزین، ئه‌و ژى سه‌رۆك مه‌سعود بارزانى یه‌ و ئه‌ز ب باوه‌رم ل سه‌ر ده‌ستێن وى دێ ده‌وله‌تا كوردى ژى هێته‌ راگه‌هاندن و ئه‌ز وه‌ك پێشمه‌رگه‌ یێ پشت راستم كو هه‌ر ده‌ستكه‌فته‌كێ بو كوردان هه‌بیت دێ ل سه‌ر ده‌ستێن سه‌رۆك مه‌سعود بارزانى و پارتى دیمۆكراتى كوردستان ب ده‌ستڤه‌هێن، چنكو به‌س ئه‌ون یێن ب شێوه‌یه‌كێ راسته‌قینه‌ خه‌باتێ ژبۆ ب ده‌سنڤه‌ئینانا مافێن كوردان دكه‌ن و پتریا حزب و لایه‌نیێن دى ئه‌و دلسۆزى ل ده‌ف نینه‌ و پتریا دیڤه‌لانكێن ده‌وله‌تێن دى نه‌ و هندى ژوان دهێت یێن به‌ربه‌ست و ئاسته‌نگان هه‌رێما كوردستانێ په‌یدا دكه‌ن. نه‌مرى و سه‌رفه‌رازى بۆ هه‌موو شه‌هیدێن رێبازا رزگاریخوازا كوردستانێ و سه‌روه‌رێ وان بارزانیێ نه‌مر و ئدریسێ هه‌رده‌م زیندو، مرن و شه‌رمزارى بۆ هه‌موو دوژمن و نوكه‌ر و خاكفرۆشێن كورد و كوردستانێ بن.

غه‌ریب یوسف
ئه‌ڤرۆ هه‌لكه‌فته‌كا نه‌خۆش و خه‌مناكه‌ د دیرۆكا ملله‌تێ كورد دا، ب تایبه‌ت ژى د دیرۆكا پارتى دیمۆكراتى كوردستانێ دا، چنكو وه‌كى ڤێ رۆژێ به‌رى (37) سالان دلێ مه‌زنێ شه‌هیدێ هه‌رده‌م ساخ (ئدریس بارزانى) ژ لێدانێ راوه‌ستیا و گه‌هشته‌ كاروانێ نه‌مران و خوه‌ خۆشحال دبینم كو بۆ ده‌مێ چه‌ندین سالان ئه‌ز ل گه‌ل وى بووم و ئێك ژ كه‌سێن نێزیكى وى بووم و هه‌تا به‌رى وه‌غه‌ركرنا وى ژى ب پازده‌ خۆله‌كان ئه‌ز ل خزمه‌تا وى بووم.
نیاسینا من دگه‌ل شه‌هید ئدریس بارزانى ب ڤى ره‌نگى بوو، ل سالا 1964 ئه‌ز بوومه‌ پێشمه‌رگه‌ و چوومه‌ د ناڤ رێزێن شۆڕه‌شێ دا، هه‌ر ل ده‌ستپێكێ ب دیتنا شه‌هید (ئدریس بارزانى) شادبووم و هه‌تا رۆژا وه‌غه‌ركرى وه‌ك كه‌سه‌كێ نێزیك ئه‌ز دگه‌ل بووم و هندى ئه‌ز نوكه‌ په‌سنا وى بكه‌م هه‌ر كێمه‌، چنكو ئه‌و قوتابیێ خواندگه‌ها بارزانى بوو، هه‌مى سه‌خله‌تێن سه‌ركردایه‌تیێ ل ده‌ف هه‌بوون، هه‌روه‌سا به‌رێز (مه‌سعود بارزانى) ژى كو ئه‌و ژى ده‌رچوویێ وێ قوتابخانێ بوو ئه‌وا ژلایێ نه‌مر (مه‌لا مسته‌فایێ بارزانى) هاتیه‌ دانان.
د شۆڕه‌شێ دا باره‌گایه‌ك ب ناڤێ (باره‌گایێ بارزانى) ل ده‌ڤه‌را رانیا ل گوندێ (دێرێ و سه‌ركه‌پككا) هاته‌ دانان و ئه‌ز ژلایێ ژلایێ مه‌كته‌با سیاسى پارتى دیمۆكراتى كوردستان ڤه‌ هاتمه‌ ده‌ستنیشانكرن بۆ ئینان و برنا پۆسته‌ و نامه‌یان د ناڤبه‌را باره‌گایێ بارزانى و مه‌كته‌با سیاسى ڤه‌، پشتى ماوه‌كى باره‌گا هاته‌ ڤه‌گوهاستن بۆ ده‌ڤه‌را باله‌كایه‌تى و مه‌كته‌با سیاسى ژى هاته‌ ڤه‌گوهاستن بۆ ده‌ڤه‌را قه‌لادزێ، پاشان ل سالا 1965 حوكمه‌تا ئیراقێ هێرش كر و مه‌كته‌با سیاسى هاته‌ ڤه‌گوهاستن بۆ گوندێ (هه‌لشۆ) كو ئه‌و ژى دبن هنده‌ك كه‌پران ڤه‌ بوو، پاشان مه‌كته‌با سیاسى هاته‌ ڤه‌گوهاستن بۆ گوندێ (ئاشان و قرناقه‌وا) ل ده‌ڤه‌را دۆلێ، پشتى چه‌ند هه‌یڤان هاته‌ ڤه‌گوهاستن بۆ (گه‌لى به‌دران) كو دبێژنێ (دۆلا ناڤ ده‌شت) هه‌تا سالا 1966 باره‌گایێ بارزانى بره‌ پشتا گوندێ (وه‌سانێ) پاشان بۆ كویستانێن (حاجى عومران) ل وێرێ ئاكنجى بووین، بۆ زانین هاتن و چوونا من ژى هه‌موو پێیان بوو هنده‌ك جاران ب چه‌ند ده‌مژمێران و هنده‌ك جاران ژى ب چه‌ند رۆژا ئه‌ز دهاتم و دچووم بۆ گه‌هاندنا پۆسته‌ى و ئه‌و پۆسته‌ من دگه‌هاندنه‌ ئدریس بارزانى یان مه‌سعود بارزانى و من به‌رسڤێن وان ژى دئینان و دبرن، هه‌روه‌سا هنده‌ك جاران من (به‌خشینه‌) ژى دگه‌هانده‌ هێزێن رزگارى كو گوندێ په‌رگه‌لا بوو ل بن چیایێ پیره‌مه‌گرۆن و هێزا خه‌بات ژى ل پێنجوین بوو، هه‌تا سالا (1966) ئه‌ڤ چه‌نده‌ یا به‌رده‌وام بوو پاشى دانوستاندن دناڤبه‌را حوكمه‌تا ئیراقێ یا وى سه‌رده‌مى و باره‌گایێ بارزانى دا ده‌ستپێكرن و هه‌تا سالا (1969) یا به‌رده‌وام بوو، به‌لێ دیاربوو كو مه‌ره‌ما حوكمه‌تا ئیراقێ یا باش نه‌بوو، چنكو ل هه‌یڤا شه‌ش 1966 سوپایێ ئیراقێ هێرش ئینا سه‌ر هێزێن پێشمه‌رگه‌ى و چیا هندرین ستاند، له‌ورا مه‌لا مسته‌فا بارزانى ئدریس بارزانى راسپارد كو ئه‌و ب خوه‌ سه‌رپه‌شتیا شه‌ڕى بكه‌ت و د ماوێ دو رۆژ و دو شه‌ڤان دا هێزێن پێشمه‌رگه‌ى جاره‌كا دى شیاین چیایێ هندرین ژ ده‌ستێن سوپایێ ئیراقێ بینه‌ ده‌ر و هێزێن دوژمنى گه‌له‌ك كوشتى و بریندار دان و هژماره‌كا زۆرا چه‌كێ وان ژى كه‌فته‌ به‌ر ده‌ستێن پێشمه‌رگه‌ى، هه‌ر ل سالا (1969) ل باره‌گایێ بارزانى هێزه‌ك هاته‌ پێك ئینان و ئه‌و هێز چوون كۆمپانیا گازێ ل كه‌ركووكێ تۆپبارانكر و شه‌هێدێ سه‌ركرده‌ (سامى شنگارى) سه‌رپه‌شتیا وێ كریارێ دكر و پشتى زیانێن زۆر ب هێزین ئیراقێ كه‌فتین جاره‌كا دى حوكمه‌تا ئیراقێ نه‌چار بوو داخوازا دانوستاندنێ ژ بارزانیێ نه‌مر بكه‌ن، ئه‌و بوو ل سالا 1969 حوكمه‌تێ بڕیاردا دهۆك ببیته‌ پارێزگه‌ه، كوهه‌تا وى ده‌مى وه‌ك قه‌زا سه‌ر ب پارێزگه‌ها موسل ڤه‌ بوو، هه‌تا سالا 1974 دانوستاندن د به‌رده‌وام بوون و بارزانیێ نه‌مر ئدریس بارزانى هنارته‌ به‌غدا و گۆته‌ حوكمه‌تا ئیراقێ ئه‌ردێ ئیراقێ نه‌ده‌نه‌ ئیرانێ، پاشان حوكمێ ئۆتۆنۆمى دا كوردان، لێ ب مخابن ڤه‌ مه‌ره‌مێن وان دپاقژ نه‌بوون له‌ورا ده‌ست ب پیلانان كر، ژوانا ل سالا 1972 ل ده‌ڤه‌را حاجى عومران ب رێكا هنارتنا هنده‌ك مه‌لا بزاڤا تیرۆكرنا مه‌لا مسته‌فا بارزانى هاته‌ كرن، لێ سوپاس بۆ خودێ بارزانى ژ وێ پیلانێ رزگار بوو، دویڤ دا پیلانه‌كا نێڤده‌وله‌تى بۆ دژایه‌تیكرنا شۆڕه‌شێ و مه‌لا مسته‌فاى هاته‌ دان و هنده‌ك ئه‌ردێ ئیراقێ كو دگۆتنێ گزریتێن مه‌زن و بچووك ب سه‌رپه‌رشتیا ئه‌مریكا دانه‌ ئیرانێ و وه‌زیرێن ده‌رڤه‌ یێن جه‌زائیر و ئه‌مریكا دگه‌ل ئیرانێ و سه‌دام ئه‌و چه‌نده‌كرن، له‌ورا جاره‌كا دى شه‌ڕى ده‌ستپێكر و دا كو زیان ب پێشمه‌رگه‌ى و خه‌لكێ كوردستانێ نه‌كه‌ڤن بارزانیێ نه‌مر فه‌رمان دا كو بزڤڕینه‌ ڤه‌، ئه‌و بوو ئه‌م بووینه‌ په‌نابه‌ر ل (توركیا و ئیرانێ و سوریێ) و هنده‌ك ژى زڤڕینه‌ڤه‌ و خوه‌ راده‌ستى ئیراقێ كرن، ل سالا 1976 ل ئاوه‌رایێ رۆژه‌كێ مسته‌فا بارزانى ل بن خیڤه‌تێ یێ روینشتى بوو گۆته‌ ئدریس بارزانى و مه‌سعود بارزانى و ئه‌سعه‌د خۆشه‌ڤى شۆڕه‌شا مه‌ دێ یا به‌رده‌وام بیت و دێ پتر بهێزكه‌ڤین، له‌ورا كادرێن پارتى جاره‌كا دى ده‌ست ب رێكخستێن خۆ كرن و ل ناڤ خه‌لكى گه‌ڕیان و گۆته‌ وان جاره‌كا دى دێ چریسكا شۆڕه‌شێ گه‌ش بیت و ئه‌ڤ چه‌نده‌ هاته‌ كرن، لێ مخابن بارزانیێ نه‌مر تووشى نه‌خۆشیێ بوو، له‌ورا ژ بۆ چارسه‌ریێ بره‌ ئه‌مریكا و مه‌سعود بارزانى ژى دگه‌ل چوو، له‌ورا بارێ گران كه‌فته‌ سه‌ر ملێن ئدریس بارزانى و وى ژى ب شاره‌زاى شۆرش بڕێڤه‌به‌ر و یێ سه‌ركه‌فتى بوو، رۆژه‌كێ ئدریس گۆته‌ من دڤێت هنده‌ك كه‌سان ببه‌یه‌ كوردستانێ و هنده‌ك جاران ب فه‌رمى و هنده‌ك جاران ژى ب قه‌چاغى ئه‌م هاتین و كارێ خوه‌ ئه‌نجام دا هه‌تا رۆژا چوویه‌ به‌ر دلوڤانیا خودێ مه‌زن ئه‌ز وه‌ك كه‌سه‌كێ نێزیك هه‌رده‌م دگه‌ل دا بووم، و بۆ من جهێ شانازیێ بوو ده‌مێ ل سالا 2013 من مه‌دالیا بارزانى وه‌رگرتى و ئه‌ڤ چه‌نده‌ بۆ من مه‌زنترین باوه‌رنامه‌ بوو و هه‌تا مرنێ دێ شانازیێ پێ به‌م.
بۆ زانین من قوتابخانا بنه‌ره‌تى ل مه‌كته‌با سیاسى خواندیه‌ و یا ناوه‌ندى دگه‌ل شه‌هید ئه‌سعه‌د خۆشه‌ڤى و یا ئاماده‌ى دگه‌ل شه‌هید ئدریس بارزانى و باوه‌رنامه‌یا دووماهیێ ژى قوتابخانا سه‌رۆك مه‌سعود بارزانى وه‌رگرتیه‌.

غه‌ریب یوسف
ب تنێ چه‌ند رۆژه‌كێن كێم یێن مایین خه‌لكێ ئیراقێ ب گشتى و یێ هه‌رێما كوردستانێ ب تایبه‌تى، دێ به‌ر ب سندۆقێن ده‌نگدانێ ڤه‌ چن و نوونه‌رێن خوه‌ بۆ په‌رله‌مانێ ئیراقێ هه‌لبژێرن و یا ئاشكرایه‌ كو ئه‌ڤ هه‌لبژارتنه‌ دێ گه‌له‌ك دگرنگ بن بۆ هه‌موو خه‌لكێ ئیراقێ، ب تایبه‌ت ژى یێ هه‌رێما كوردستانێ، چنكو خه‌لك دێ ده‌نگێن خوه‌ ده‌ن و ئه‌وێن وان دڤێن دێ هه‌لبژێرن، له‌ورا ژ مه‌ هه‌موویان دهێته‌ خواستن ل وێ رۆژێ ئه‌م هه‌موو ب خێزانڤه‌ به‌ر ب سندۆقێن ده‌نگدانێ ڤه‌ بچین و ب وژدان وى كه‌سى هه‌لبژێرین یێ كو ئه‌م بزانین دێ ل به‌غدا به‌ڕه‌ڤانیێ ژ مافێن كوردان كه‌ت، ب تایبه‌ت ژى مادێ 140 و كێشا پێشمه‌رگه‌ى و پترۆلێ و مووچه‌ و بۆدجا هه‌رێما كوردستانێ و گه‌له‌ك بابه‌تێن دى كو ئه‌ڤه‌ هه‌موو ژ مافێن ره‌وایێن ملله‌تێ كوردن، لێ سه‌رێ چه‌ندین سالانه‌ ده‌ستهه‌لاتدارێن به‌غدا كێشه‌یان چێدكه‌ن و ناهێلن ده‌ستوور جهێ خوه‌ بگریت، له‌ورا پێدڤیه‌ ئه‌و كه‌سێن دچنه‌ به‌غدا شه‌ڕى ژبۆ ڤێ چه‌ندێ بكه‌ن و شه‌ڤ و رۆژان بكه‌نه‌ ئێك دا مافێن كوردان ب ده‌ستڤه‌بینن، هه‌روه‌سا دا پێگه‌ها هه‌رێما كوردستانێ باشتر ب پارێزن و رۆژ بۆ رۆژێ به‌ر ب پێشڤه‌ڤه‌ ببه‌ن و ئه‌ز ب باوه‌رم بتنێ به‌ربژارێن پارتى دیمۆكراتى كوردستان ل به‌غدا دێ شێن ب ئه‌مانه‌ت و دلسۆزانه‌ كارى ژبۆ وێ چه‌ندێ كه‌ن و پتر ژ هنده‌ك لیست و قه‌ورارێن دى كه‌نه‌ خودان و ب چو ره‌نگان ناهێلن پێگه‌ه و ده‌سته‌كه‌فتنێن هه‌رێما كوردستانێ بكه‌ڤنه‌ د بن مه‌ترسیێ دا و دێ ب رح و گیانێ خوه‌ به‌ره‌ڤانیێ ژێ كه‌ن.
هه‌لبه‌ت بۆچى من گۆت به‌ربژارێن پارتى، چنكو من باوه‌ریه‌كا مۆكم یا بهێز و شیانێن وان هه‌ى و هه‌موو كه‌سێن ژێگرتى و بژاره‌نه‌ و دێ ب دلسۆزانه‌ كارێ خوه‌ ئه‌نجامده‌ن و ب چو ره‌نگان سازشێ ل سه‌ر ماف و ده‌ستكه‌فتێن ملله‌تێ كورد ناكه‌ن و ئه‌زێ گه‌شبینم كو خه‌لكێ كوردستانێ ب گشتى و یێ پارێزگه‌ها دهۆكێ ب تایبه‌تى پتر ژ جاران دێ چنه‌ بنگه‌هێن ده‌نگدانێ و ده‌نگێ خوه‌ ده‌نه‌ نوونه‌رێن خوه‌ یێن دروست و ئه‌زێ گه‌شبینم ژى كورسیێن پارتى ل به‌غدا دێ زێده‌تر لێ هێت، چنكو خه‌لكه‌كى ل ناڤه‌راست و ژێریا ئیراقێ ژى پارتى و سه‌رۆك بارزانى یێ نیاسى و دزانن ئه‌و یێ ل سه‌ر رێبازه‌كا دروست دچن و ژدل بۆ ملله‌تى دكه‌ن، له‌ورا به‌رهه‌ڤیا خوه‌ دیاركرینه‌ كو ل وان ده‌ڤه‌ران ژى ده‌نگێن خوه‌ بده‌نه‌ به‌ربژارێن پارتى و ئه‌ز ب ئه‌نجامێن باش یێ گه‌شبینم، له‌ورا دوباره‌ داخوازێ ژ ده‌نگده‌رێن دهۆكێ دكه‌م كو ل رۆژا هه‌لبژارتنان ب گه‌شبینى ڤه‌ بۆ پاشه‌رۆه‌كا گه‌شتر هه‌رن ده‌نگێ خوه‌ بده‌نه‌ به‌ربژارێن پارتى و گوهێ خوه‌ نه‌ده‌ گۆتنێن هنده‌ك لایه‌ن و قه‌وارێن دى یێن سیاسى، چنكو سۆز و گۆتنێن وان دبێ بنه‌مانه‌ و ئه‌و خه‌ما سه‌رۆك بارزانى و ئه‌ندام په‌رله‌مانێن پارتى ژ قه‌وارێ هه‌رێما كوردستانێ دخۆن و شه‌ڤ و رۆژان بۆ پێشڤه‌برنا وێ كار دكه‌ن چو كه‌س و لایه‌نێن دى چو جاران نه‌شێن وێ چه‌ندێ بكه‌ن.

غه‌ریب یوسف
پشتى ل سالا 1975 ب پیلانه‌كا نێڤده‌وله‌تى شۆڕه‌شا مه‌زنا ئیلۆنێ تووشى شكه‌ستنێ بووى، دوژمن و نه‌حه‌زان وه‌سا هزركرن كو ئێدى شۆَڕه‌ش نه‌ما و تۆڤێ كوردان شوین نابیت، لێ نه‌زانین ب سه‌ركێشى و رابه‌ریا مه‌لا مسته‌فایێ بارزان ب ده‌مه‌كێ كێم جاره‌كا دى شۆَره‌شه‌كا نوو ده‌ستپێكر، ئه‌و ژى شۆڕه‌شا بیست و شه‌شى گولانێ بوو ل سالا 1976 و ئه‌وێ شۆڕه‌شێ به‌رێ بنیاتى بۆ سه‌رهلدانێ دانا، هه‌روه‌سا بۆ هێڤینه‌ك كو په‌رله‌مان و حكومه‌تا هه‌رێما كوردستانێ بهێنه‌ هه‌بوونى و نوكه‌ یێ كارى بۆ ده‌وله‌تبوونێ دكه‌ن.
هه‌لبه‌ت پشتى رێكه‌فتنا خیانه‌تكاریا جه‌زائیر هه‌تا راده‌كى جۆره‌ بێ ئۆمێده‌یه‌ك ل ده‌ف هنده‌ك كه‌سان په‌یدا بوو لێ بارزانیێ نه‌مر و ئدریسێ جانه‌مه‌رگ و مه‌سعود بارزانى و هه‌موو سه‌ركردایه‌تا پارتى هه‌ر زوو كار ژبۆ هندێ كرن دا جاره‌كا دى شۆڕه‌شێ زیندى كه‌نه‌ڤه‌ و كه‌یف و گرنژینێ بێخنه‌ سه‌ر لێڤێن هه‌موو كوردان و پشتى چه‌ندین كۆمبوون و رونشتنان سێ پێشمه‌رگێن قه‌هره‌مان هاتنه‌ ده‌ستنیشانكرن دا جاره‌كا دى به‌رهه‌ڤیان بۆ ده‌ستپێكرنا شۆڕه‌شێ بكه‌ن، ئه‌و ژى (جه‌وهه‌ر نامق سالم و كه‌ریم شنگارى و ئه‌سعه‌د خۆشه‌ڤى) بوون، پشتى ل سه‌ر سنۆرێن عیراقێ و توركیا ده‌ست ب گه‌ڕیان و كۆمبوونێن خوه‌ كرین ل گه‌ل خه‌لكێ باژێرك و گوندان ئه‌و ئاگه‌هداركرن كو جاره‌كا دى دێ شۆڕه‌ش ده‌ستپێكه‌ته‌ڤه‌ و ب خۆشحالى ڤه‌ پتریا خه‌لكێ كوردستانێ به‌رهه‌ڤیا خوه‌ دیاركرن و دیاركرن ئه‌و ب هه‌موو شیانێن خوه‌ ڤه‌، هه‌روه‌سا ب مال و نانێ خوه‌ دێ پالپشت و پشته‌ڤانێن پێشمه‌رگه‌ى بن، هه‌روه‌سا دڤێت ژبیرنه‌كه‌ین كو (حه‌جى عه‌مه‌ر شه‌تیونسى) پشته‌ڤان و پالده‌ره‌كێ بهێز بوو بۆ دوباره‌ ده‌ستپێكرنا شۆڕه‌شێ و رۆلێ وى دشۆَڕه‌شا گولانێ دا ناهێته‌ مانده‌لكرن، هه‌لبه‌ت ده‌مێ شۆڕه‌شا بیست و شه‌شى گولانێ ده‌سنپێكرى پێشمه‌رگه‌ى چو چه‌كێ وه‌سا یێ ب هێز نه‌بوو كو به‌رسنگێن فرۆكه‌ و تانك و توپێن دوژمنى بگریت، چنكو عیراقا ل وى سه‌رده‌مى چه‌كه‌كێ بهێز و پێشكه‌فتى هه‌روه‌سا هژماره‌كا زۆرا سه‌ربازان هه‌بوو، لێ ژبه‌ركو ئیرادا پێشمه‌رگه‌ى یا بهێز بوو ئه‌و چه‌ند بۆ ئه‌گه‌ر كو دوژمن خوه‌ ل به‌ر سنگێ وان نه‌گریت و دئه‌نجامدا هژماره‌كا زۆرا سه‌ربازێن عیراقى هاتنه‌ كوشتن و ئێخسیركرن، هه‌روه‌سا چه‌كه‌كێ زۆر ژى كه‌فته‌ ده‌ستێن پێشمه‌رگه‌ى و ئه‌ڤ چه‌نده‌ بۆ ئه‌گه‌ر زێده‌تر چریسكا شۆڕه‌شێ گه‌ش بیت و ئێدى جاره‌كا دى هیڤى و ئومێدن بۆ خه‌لكێ كوردستانێ چێبوونه‌ ڤه‌ كو جاره‌كا دى كورد ڤه‌ژین و ئێدى شۆڕه‌شا گولانێ بوو هێڤنێ ده‌ستپێكرنا سه‌رهلدانا پیرۆز هه‌روه‌سا دانانا په‌رله‌مان و حكومه‌تا هه‌رێما كوردستانێ كو ئه‌ڤرۆ ب ئازادانه‌ ئه‌م یێ ل بن سیبه‌را ئالایێ كوردستانێ دژین و ب وێ هیڤیێ ینه‌ ده‌وله‌تا كوردى ژى بهێته‌ راگه‌هاندن دا ئێدى ئه‌م كورد ژ هه‌موو نه‌خۆشى و كاره‌ساتان رزگارببینن.
ل دووماهیێ ب هه‌لكه‌فتا بۆرینا چل و پێنج سالان ل سه‌ر ده‌ستپێكرنا شۆڕه‌شا مه‌زنا ئیلۆنێ سه‌رێ رێز و نه‌وازشێ بۆ هه‌موو شه‌هیدێن كورد و كوردستانێ ب تایبه‌ت ژى بارزانیێ نه‌مر و ئدریسێ جانه‌مه‌رگ دچه‌مینیین و هیڤیا مه‌ ژ خودێ مه‌زن ئه‌وه‌ هه‌موو شه‌هێدێن مه‌ ب به‌هه‌شتا خوه‌ یا به‌رین شاد بكه‌ت و بژیت كورد و كوردستان، نه‌مرى و سه‌ر شۆرى بۆ هه‌موو دوژمنان.