د داخویانیەكێ دا سەرۆكێ فدراسیۆنا كوردستانێ دیار كر فدارسیۆنا پایسكلڤانێن ئاسیا ب فەرمی ڕازیبوونە هەولێرا پایتەخت مێڤاندارییا قارەمانییا ئاسیا بۆ ئاستێن جودا یێن كوڕ و كچ بۆ بەریكانەیا چیایی بكەت، ئەوا د هێتە چاڤەڕێ كرن هەڤڕكیێن وێ ل دەستپێكا سالا 2028ێ بهێتە ئەنجامدان.
زێدەتر هشیار فەریق د داخویانیەكێ دا بۆ ئەڤرۆ گۆت: پشتی لژنەیا بەریكانەیا ل فدراسیۆنا پایسكلڤانێن ئاسیا ل سەر بادەكا ئیراقێ بۆ مێڤانداریكرنا قارەمانییا ئاسیا یا بەریكانەیان ل جهێن چیایی ڕازیبوویی، ب فەرمی فدراسیۆنا ئاسیا ڕازەمەندی دایە ل هەولێرا پایتەخت بهێتە كرن ئەوا بڕیارە هەڤڕكیێن وێ ل دەستپێكا سالا 2028ێ، ئەڤچەندە ژی دبیتە دەستكەڤتەكێ دیرۆكی بۆ ڤێ یاریێ و هەموو وەرزشڤانێن پایسكلان، ئەوا دێ ب پشكدارییا هژمارەكا مەزن یا یاریزانێن كوڕ و كچ ل سەر ئاستێن هەلبژارتییان یێن وەلاتێن ئاسیایی بن.
هەروەسان ناڤهاتی گۆت: بادەكا ئیراقێ بۆ مێڤانداریێ ب هەڤكارییا بەرپرسێن هەرێما كوردستانی بوون ئەوێن ب سۆپاسی ڤە پشتەڤانیەكا باش ل فدراسیۆنا ئیراقێ و ئاسیا كری كو هەموو ئەو خالێن فدراسیۆنێ شیاین بجهـ بینن تایبەت یێن گرێدایی ب ڕێكخستنێ و مێڤانداریكرنێ و ژێرخانەیا وەرزشی، ئەڤە ژی دەستكەڤتەكێ دییە بۆ وەرزشا ئیراقێ و كوردستانێ، پێنەڤێت ئەڤ قارەمانییە بۆ جارا ئێكێ یە ل ئیراقێ دهێتە كرن، ژبەر سرۆشتێ جوان و چیایێن كوردستانێ ڕازەمەندی هاتە دان.
ژلایەكێ سەرۆكێ فدراسیۆنا پایسلڤانێن ئیراقێ گۆت: بۆ ڤێ روودانا دیرۆكی دێ كارنامە و پلانێن باش هێنە دانان، بەرهەڤكرنا باشترین یاریزان ژلایێ دەرۆنی و ئاستی و هەڤڕكیێ ڤە، دیسان پلان بۆ چاوانییا ڕێكخستنا قارەمانیێ، پێنەڤێت ئەڤە هەموو ژی ب پشتەڤانییا لایەنێ كوردستانی، دڤێت ئەم سۆپاسییا بەرپرسێن وەرزشی و حوكمی یێن هەرێما كوردستانێ بكەین ژبەركو ب رۆلەكێ كاریگەر و ئەگەرێن سەركەڤتنا ڤێ بادەكا مێڤانداریێ بوون.
فدراسیۆنا پایسكلڤانان یا ئاسیایی هەولێرا پایتەخت بۆ قارەمانیێ هەلبژارد
نيشاندان