سێمێل، سالار محەمەد دۆسكی:

6-9

گولا مەزن لێ بوو دو جورێن دەهـ دیناراێن مەزن هەبوون و ئەڤێن پێنجان ژی گولێن مەزن لێ‌ بوو و ئێكسەر عەبدلخالقی دینارەكا دەهان ئینادەرێ‌ و رادەستی زەلامی كر و دینارا ب 10 ل گەلەك بوو و كەیفا برایێ‌ من گەلەك هات و مرۆڤێن مە ئەوێن ئەو ئینان شەهید بووینە، و ئەم ماوەكی ماین و ئەم ل عەلی خر ڤە بووین و پشتی كونگرێ‌ نەهێ‌ ئەم ماینە ل وێرێ‌ و خەلك ژی زێدەبوون و تایبەت شەرێ‌ ئیراق و ئیرانێ‌ گەلەك رەڤین و هاتن و ئەوێ‌ دەڤەرا كوردستانا توركیا و ئەوا گوندان گەلەك تەحمول نەكر و موختاری داخاز كر هەڤالێ‌ من بوو و موختارێ‌ چار گوندان بوو و دگۆتنێ‌ سادق درباس خودێ‌ ژێ‌ رازی بیت نەمایە وی دەمی خەلكی ژ بەر توركا نەشیا تەحملێ‌ بكەن و گۆت مە تەحمل نەمایە چونكە دێ‌ زیان گەهیتە مە و ئەگەر هەوە گۆتبا حزبێ‌ چارەك دیتبا و من گۆتێ‌ چمە خوار و ئەز هاتمە دەڤەرا بەرواری یا وی دەمی عرفان هروری بەرپرسێ‌ لژنا ئامێدیی و من بابەت گەهاندە و ئەوی گۆت دێ‌ كومەلگەهەكێ‌ ل گوندێ‌ ئورە دروست كەین، و كومەلگەهەكە دروستكر و ئاغەزەك ڕادەستی من كر و چوومە لقێ‌ من دوشكەك ژی ئینا و كومەكا پێشمەرگە دانە سەر دوشكێ‌ دا زێرەڤانیێ‌ بكەن، و ئەفە ل سالێن هەشتێیان بوو و 1983 بۆ 1984 و كومەلگەه مەزن دروست بوو و زێرەڤانی و پێشمەرگە و دناڤدا بازرگانی دروست بوو و كاودانێن ژیانێ‌ خوشتر لێ‌ هاتن و ماوەكێ‌ دەرباز بوو وی دەمی سەركردایەتی ل كوماتەیی بوو و توركا ژی گۆت دڤێت سەركردایەتی نەمینت ل كوماتەیی و حزب نەچار بوو سەركردایەتی ڤە گوهاست و كاڤلە گوندەك هەیە بێژنێ‌ قەسركێ‌ ل ناڤ بەرواری یا و چەند رۆژا ما ل وێرێ‌ ل سەر ئاڤێ و دوڤدا بارەگا ل زێوە شكان دروستكرو لقێ‌ ئێك هاتە وێ‌ دەڤەرێ‌ ، ل ئەوان رۆژان دا و بەری ئەم مالێن خوە ژ توركیا بینین خودێ‌ ژێ‌ رازی عەلی عوبەیدوللا ل گوندێ‌ زاویتە شەهید بوو، ماجد هات و گەلەك عاجز بوو و هەتا هاتی وەغەركر، و گۆت بتنێ‌ یێ‌ بریندار با ژی دا ب فرۆكێ‌ گەهینمە ئەنقرە و زارۆكێن وی چوونە ئیرانێ‌ و ئێك چوو روسی بخوە خاند و نوكە ژی كورێ‌ وی گوهدار ل دهۆكێ‌ یە و رزگار نوژدارە ل هەولێرێ‌ نوژدارێ‌ چاڤا نە و كچێن وی ل دەرڤەنە ژ مالێن شێخانە و كورد پەروەرن و نێزیكی مالا ئەنوەر مایی نە و ئەم ماین و دەمێ‌ گۆتی دێ‌ لق ژ كوماتەیی هێت و مە كورە بەردا و مە خوە ل گوندێن بەرواری یا بەلاڤەكرن و ئەم هاتینە گوندێ‌ خانكێ‌ ل ناڤ بەرواری یا و ئەم ماوەكی ماینە ل وی گوندی و سالا 1988ێ‌ ئەنفالان دەست پێكر.
هێشتا گۆت: ل سالا 1983 ل گوندێ‌ خانكێ‌ من ژیانا هەڤژینیێ‌ پێك ئینا وی دەمی گەلەك یا خوش بوو كوردینی چول و چیا و ژێهەلی و ژوردانی بوومن گەلەك یا خوش بوو وی دەمی چ مووچە نەبوو ل ڤێ‌ دووماهیێ‌ 10 بۆ 12 دیناران دانێ‌ مانێ‌ چ داهات نەبوو و ئەگەر گومركەك ل جهەكی هەبا، ل سالا 1988ێ‌ ئەم چووین وی دەمی لژنا محلی ل مەتینی بوو و ئەز هەمی گاڤا ل گەل وان بووم و ئەز چوومە وێرێ‌ من گۆتێ‌ چ بكەم وی دەمی من مالا خوە ژ خانكێ‌ ئینا بوو و ئەز هاتبوومە تیلەرێ‌ و ژڤان بوو خانیەكی ل وێرێ‌ ئاڤا بكەم و مە گوت بوومە خوشترە و ئەوان گوت ئەڤان رۆژان ژی هەمان ل وێرێ‌ بە و مستەفا مزیری ئەو بوون و دەمێ‌ ئەم هاتین نێزیكی جادێ‌ قافیلە ل دوڤ قافیلە گوند گوند هەمی تیلەرا دەربازبوون و ئەو چەند رۆژ بوو خەلك رەڤین و من گوتە هەڤژینا خوە دا ئەم ژی بچین وی دەمی من كچەك هەبوو و مە كەل و پەلێن خوە ل هێستركرن، و ئەم چووینە سەرەرو و ئەم چووینە پشتا ئورە نالە نالا بچیكا و زار زارا زارۆكان و هەتا رۆژا پاشتر ئەم ماینە، و دوڤدا ئەم دەرباز بووینە گوندێ‌ هوركو خەنوكا ل سنوری و ماوەكی مە شەهید ژی داینە وەكی شەهیدان حەجی قادو و شەهید زوراب و گەلەك شەهیدێن كوردستانێ‌ ل وێرێ‌ هاتینە ڤەشارتن، عەلی عوبەیدوللا ل زاویتە هاتە ڤەشارتن، بۆ ئەنفالان ئەم چووینە ئەلمینێ‌ و ئەوان گوندان و خەلك بەردەوام دهاتن و دكرنە گری و رۆژێن نەخوشێن ژیانا خەلكێ‌ مەبوون، و جەندمە و نەخوشی بوو، چەكێ‌ خوە هەمی مە ل هوركو خەنوكا هاڤێتنە سەرئێك وەكی بێدەری لێ‌ هات و هندەك ژی خەلكێ‌ دەڤەرێ‌ و توركان بخوە برن، بتنێ‌ روح قورتالكرن بوون و بیرا من ناهێت ئەم چەند رۆژا ماینە ل ئەرمینێ‌ و گەرەمینێ‌ و پێشتر ئەز هاتبووم و ئەم چووینە ئەوان گوندێن سەر سنوری مە بخوە ئەرزاق تینا بۆ زڤستانێ‌ و ئەز چووبووم و من براداەر هەبوون ل وێرێ‌ و فەردێن 50 و 100 كیلویێن برنجی و ئەرزاقی من كرین و من تینان و من كریبوون ل وێرێ‌ بووم و پشتی چەند رۆژا ماینە ل دەڤەرێ‌ مە نەدزانی دێ‌ مە كیڤە بەن و ئەم برینە ب تەنشت ئاشیتێ‌ ڤە و ئەم شەڤەكێ‌ ماینە و ئەز ناڤ را چوومە مالا دوستێن خوە و هەر ژ دوور ڤە خودێ‌ ژێ‌ رازی بیت مە دگۆتێ‌ دایكا كتان كرە گری و دیتم من گوتێ‌ فەردەكێ‌ شەكرێ‌ ل هسترێ‌ بكەن و دناڤ جەندرمادا من ئینا و مە ل دیاربەكر ل هەڤالان بەلاڤەكر.

سێمێل، سالار محەمەد دۆسكی:

5-9

دێ‌ پۆستی بەنە گوندێ‌ زاویتە ل توركا و دێ‌ پوستی راەستی محەمەد عەبدی كەن و ئەو پوستەچیێ‌ مەبوو و كاغەزا مە بر برە دەف محەمەد و ئەوی سپێدێ‌ بۆ ماجد چەلی بر وی دەمی دا سەید جەلال برایێ‌ سەید بورهانی یێ‌ تروانشی مالێن وا ل چەلێ‌ بوون و ئەو نڤیسەرێ‌ وی بوو چونكە وی دەمی ماجد چەلی بتنێ‌ توركی زانی و كوردی نەدزانی و بەرسفا كاغەزێ‌ دا گۆت بلا هەمی ل زاویتە بن و ل مالا بهێنە بەلاڤەكرن، و هەر ئێك دو ل مالەكێ‌ بن هەتا دەلیڤەك دهێتە روخساندن و ماوەك پێڤە چوو ئەم چووین دا چینە سەركردایەتیێ‌ و ئەم نێزیكی سەركردایەتیێ‌ بووین و ئەم زڤرینە هرورێ‌ و جارەكادی ئەم هاتینە زاویتە ل باكور ڤە و دەمێ‌ زڤرین و ماوەكێ‌ كێم دا و ب هزرا من ل سالا 1978 بوو عەلی عوبەیدوللا مایی و نەچار بوو ئەو ژی بهێتە دەڤەرێ‌ و برایێ‌ من و هندەك پێشمەرگێن دی چوونە مالا عەلی وی دەمی مالا عەلی ل مایێ‌ بوو و مالا وی ئینا زاویتە و دووڤدا برە گوندێ‌ رمتێ‌ و گوندەكێ‌ ئاسێ‌ بوو و زی ب زی حوكمەت نەچوویێ‌ و ئەم كومەك ل عەلی كوم ڤە بووین و گەلەك خوش بوو مرۆڤی سەركێشەك هەبیت، كادرێ‌ پێشكەفتی بوو و پەیوەندیێن وی ل گەل سەرۆك مەسعود بارزانی و ئدریس بارزانی و ماجد چەلی دئێكسەر بوون و ل دووماهیێ‌ پشتی كونگرێ‌ نەهێ‌ ل سەركردایەتیێ‌ بوو و ئەم لێ‌ خرڤەبووین، و ئەم جار و مارا چووینە سەركردایەتیێ‌ ل گەل عەلی و گەلەك جاران ژی ئەم چووینە جەولا دهاتینە دەڤەرا بەرواری ل گەل عەلی و ئەم بووینە نێزیكی 20 بۆ 30 مرۆڤان و ژ ئیرانێ‌ دهاتن، و رۆژ بۆ رۆژێ‌ بەرەف زێدەبوونێ‌ و ئەم هەمی گاڤا ل گەل بووین و مە بەحسێ‌ كاودان و شۆڕشێ‌ بۆ خەلكی دكر، هەمان دەم دایك و بابێن من هەر دو هاتنە نەفیكرن ژلایێ‌ حوكمەتا بەعس ڤە و هاتنە نەفیكرن بۆ دیوانیێ‌، و ئەگەر ئەز و هەر دو برایێن من و برایێ‌ من مەناف ژی هاتە دەستەسەركرن و دایك و بابێن گەلەك هەڤالێن مە هاتنە نەفیكرن وی دەمی مالا مە پیچ بوون، هەر دو ژن برایێن من وی دەمی مرۆڤێن مە زیرەك بوون و هەر وێ‌ شەڤێ‌ ئینانە مەمانێ‌، و دوڤدا دەربازكرنە سەرتەنگ و ئینانە زاخۆ، ودوڤدا ئینانە تیلە روی دەمی حوكمەتێ‌ تیلەر نەراكربوو و ئینانە سەرەرو و دو سێ‌ رۆژا ئەم ماینە ل هدێنە و مەتامن و خارزایێ‌ مە ل وێرێ‌ بوون و مە پرسیارا خێزانێن عەبدلخالقی وانا دكرن، كا هاتن یان نەهاتن و رۆژەكێ‌ ئەم ل چیایی بووین بەرسف گەهشتە مە كو عەیال گەهشتنە فلان جهی، و زڤراندنە ناڤ حوكمەتێ‌ و عەبدلخالق گەلەك عاجز بوو، و گۆت عەیالێن مە هاتنە ناڤ بەرواری یا و هندەكا زڤراندنە ناڤ حوكمەتێ‌ و گۆت بوان ناف دونان هەتا دوسێ‌ شەڤەكێن دی وی دەمی هوسا بوو یێ‌ ل گەل مللەتی یێ‌ خراب با دا شەڤا پاشتر هێن و دابەن ب عامودەكێ‌ ڤە كەن و دفنا وی برن و پێنچ دیناران ژی كەنە دەڤی دا و ئەم نەچار بووین بچین چونكە ئەو دو سێ‌ رۆژ بوو چاڤەرێی عەیالێ‌ وانا و ئەم نەچار بووین بچین و مەغرەب ئەم چووینە زاویتە ب شەڤ بوو و ئەم نێزیكی گوندی بووین قەرەقولەكا توركا بوو و برایەكێ‌ من ل ڤێرێ‌ بوو بناڤێ‌ تەیب و پێشتر ئەو هاتبوو كاروانی و ئەوی زانی قەرەقولا ل كیڤە و ئەم بەرا بورین و ئەم نەدیتین و ئەم چووینە مالەكێ‌ و ئەم غەریبین عاجزرین و شەپرزەینە و سەهاتنە مە و ژ بەر بەفرێ‌ گوندێ‌ زاویتە گەلەكێ‌ بەفرینە و خانیێن وی گوندی هەمی دو قاتن و ل گەل دەنگێ‌ سا ژنكەك دەركەفت و برایێ‌ من خودێ‌ ژێ‌ ڕازی سلافەكرێ‌ و ژنێ‌ گۆت هەوە خیرە و برایێ‌ من گۆتێ‌ مە محەمەدێ‌ عەبدی دڤێت و ئەم ژی نوزانین كی چیە؟، وێ‌ گۆت بۆچیە محویێ‌ عەبدی؟، گۆت دا ئەف شەڤە چینە وێرێ‌ و مە حەوینت و ئەڤ شەڤە نانەكێ‌ خوین، وێ‌ ژنێ‌ گۆت ما محویێ‌ عەبدی بتنێ‌ نان هەیە؟، ما مە نان نینە بدەینە هەوە؟، وەرنە دەف مە دوی گوندی دا ئەو یجاخ بهێزتر بوو یا ژنكێ‌ و حەفت هەش برا بوو و ئەم چووینە وێرێ‌ و دەمێ‌ ئەم روینشتین مە دیت دو بۆس ێ‌ مێهڤانان هەنە و مەبەرێ‌ خوە دایێ‌ رەنگێ‌ وا وەكی یێ‌ مەیە و ئەڤە خەلكێ‌ دەڤەرا مەنە و بخێرهاتنا مە كر و زەلامەكێ‌ سۆر و سپی بوو و بخێرهاتنا مە كر و شیف بۆ ئەوان مرۆڤان دروستكربوو، وەكی ڤێگاڤێ‌ بیرا من دهێت شیف بوومە ئینا ئەو دبێژنێ‌ كفتك و هەڤیر گوشت دونی دا قەلاند بوون، و ئەم هوسا برسی و مە خوار و ئەو زەلام زڤری و گۆت عەبدلخالقی وە دیارە هوون ژی رەڤینە وی گۆتێ‌ بەلێ‌ و گۆت وەرەقا حزبێ‌ هەوە ئینایە یان نە؟، عەبدلخالق رەحمەتی گۆت بەلی بەلێ‌ ئەز بێژم مە هەیە، دەركەفت ئەو ژی رەڤی بوون و ژ گوندێ‌ بێدهێ‌ بوون و ئەم ماینە ل وێرێ‌ و رۆژا دی پوستێ‌ مە گەهاندە ماجد چەلی ل چەلێ‌ و بەرسف دا و هەتا عەلی هاتی و دوڤداكونگرێ‌ نەهێ‌ دەستپێكر و هەڤالێن مە چوونە كونگرەی و عەلی بۆ ئەندامێ‌ لقێ‌ و ئەم ماینە ل وێرێ‌ گەل عەلی دا ژ بیر نەكەم ئەم دو رۆژا ماینە ل گوندێ‌ زاویتە ل باكورێ‌ كوردستانێ‌ و بەرسف هات بۆ موختاری گوتێ‌ ب حەوینن و ئەو گوند یێ‌ بەفرینە و ئاڤا تەزی یە و سەر ب قەزا چەلێ‌ ڤەیە، عەبدلخاق خودان كەسایەتی یە بۆ خەلكی دئاخفت كانیەكا مەزنە و بن گیزا و مەدیت زەلامەك هات یێ‌ ب شەل و شەپكانە و سلاڤكر و ئەوا نیاسی و ژ ئاشیتێ‌ دهات و پشتی روینشتی گۆت عەبدلخالق كیشكە؟، ئەوا گۆتێ‌ ئەڤە یە وی ئێكسەر گۆتێ‌ كاك عەبدلخالق مزگینی ل تە خێزانێن هەوە مرۆڤێن هەوە ژ هدێنە دەربازكرینە و ئیناینە مالا من ل ئاشیتێ‌ و یا ل بیرا من هندەك دەه دینار هەبوون.