قەیس وەیس:

پشتی بۆ ماوەیێ‌ نێزیكی مەهەك ژ ڕاوەستیانێ‌ فدراسیۆنا فوتبۆلا ئیراقێ‌ ژڤانێ‌ یاریێن گەڕا هەشتێ‌ ژ خولا ستێرێن ئیراقێ‌ دەستنیشانكرن ئەوا دێ‌ ل دوشەمبییا بهێت دەستپێبكەت، ئەڤ ڕاوەستیانە ژبەر پشكدارییا هەلبژارتیێ‌ ئیراقێ‌ د كۆپا عەرەبی دا و هەلبژارتیێ‌ ئۆلمپی د كۆپا كەنداڤی دا، د ڤی ماوەیێ‌ دا یانەیێن پشكدار ب نەچاری دەست ب پلانێن پێكگۆڕكرن ژبۆ مفا وەرگرتنا ڕاوەستیانا خولێ‌ و بەرۆڤاژی كارتیكرنا نەرێنی ل سەر ئاست و هونەرێ‌ یاریزانێن وان نەكەت.
یاریێن هەڤالینی و كەمپێ‌ نافخوە
هەرچار یانەیێن كوردستانی ئەوێن د خولا ستێرێن ئیراقێ‌ دا ب بەرنامەیێن جودا سەرەدەری دگەل ڕاوەستیانێ‌ كرن، دهۆكێ‌ چار یاریێن هەڤالینی ئەنجامداینە دو دگەل كەرخ و دو دگەل مووسلێ‌، پشتی هاتنا ڕاهێنەر عەبدولغەنی شەهەد ل جهێ‌ سلێمان رەمەزان و پێشتر یێ‌ بەرازیلی فاریاس ئەوێن هەردو ڕاهێنەران نە شیان چو سەركەڤتنان بینن عەبدولغەنی شیابوو د سێ‌ یاریێن دووماهیێ‌ دا سەركەڤتنەك و دو وەكهەڤییان بینت، دنوكە دا دهۆك ب پێنج خالان ژ سەركەڤتنەك و دو وەكهەڤییان ل ڕێزا 16ێ‌ دهێت و خودانا حەفت گۆل تۆماركرینە و 10 گۆل ل سەر هاتینە تۆماركرن.
بەرهەڤیێن زاخۆ جێوازتر بوون
ژلایێ‌ خوەڤە یانەیا زاخۆ بەرهەڤیێن جودا هەبووینە ژبەركو ژبلی خولا ستێرێن ئیراقێ‌ هزر د یارییا بهێت ژ كۆپا كەنداڤی ل سێشەمبییا بهێت دێ‌ دگەل یانەیا عەین یا ئیماراتی كەت ئەڤ یارییە دێ‌ ئێكلاكەر بیت بۆ مسۆگەر كرنا دەربازبوونێ‌ ژبەركو زاخۆ سەرێ‌ لیستێ‌ دهێت ب حەفت خالان و عەین ب پێنج خالان ڕێزا دویێ‌ دهێت، یانەیا زاخۆ یاریێن هەڤالینی دگەل مووسل و هەولێرێ‌ یاری كرینە، ئەنجامێن تیما یانەیا زاخۆ د خولا ستێرێن ئیراقێ‌ دا ب سەركێشیا یێ‌ قەتەری ویسام ڕزق گەلەك باش بووینە ئەوێن شیانین چار سەركەڤتن، وەكهەڤییەك و دو خوسارەتی بینن ب كۆمكرنا 13 خالان ڕێزا شەشێ‌ بهێن.
هەولێر سەرێ‌ لیستێ‌ یە
ل دووڤ دەنگۆباسێن بەلاڤبووی باسم قاسم ڕاهێنەرێ‌ هەولێرێ‌ ب هوشیاری سەرەدەری دگەل ڕاوەستیانا خولێ‌ كرییە ب دانانا كەمپەكێ‌ نافخۆ دگەل چەند یاریێن هەڤالینی دوور ژ دەزگەهێن ڕاگەهاندنێ‌، ئەڤچەندە ژی دا چو گڤاشتن ل سەر یاریزانان نەبیت، تیما یانەیا هەولێر سەرێ‌ لیستا خولا ستێرێن ئیراقێ‌ دهێت ب 19 خالان ژ شەش سەركەڤتن و ئێك وەكهەڤی بێ‌ خوسارەتی.
نەورۆز بزاڤێن ڤەگەڕاندنا هێزا خوە دكەت
ئەنجامێن تیما یانەیا نەورۆز بەرۆڤاژی پێشبینییان بوویە ئەوا نەشیایە د حەفت یاریێن بۆری دا ئاستێ‌ خوە باش بكەت و كەڤتبوو د رەوشەكا خراب دا، بتنێ‌ ئێك سەركەڤتن ئینابوو ئەوژی گەڕا ئێكێ‌ بوو ل یاریگەها یانەیا دهۆك بەرانبەر كارەبا ئەنجامدابوو، دووڤدا شەش خوسارەتیێن ل دووڤ ئێك ئینا پاشڤەچوو ڕێزا 18ێ‌ ب كۆمكرنا سێ‌ خالان، لێ‌ ڕاوەستیانا خولێ‌ باشترین دەلیڤەیە بۆ نەورۆز ب سەركێشییا ڕاهێنەرێ‌ خوە یێ‌ نوو و پێشتری وەرزەكی وەلی كو پلان و بەرنامە بۆ ڤەگەڕاندنا ئاست و ئەنجامێن تیمێ‌ بكەن و دبیت یا مفادار بیت ژ ڕاوەستیانا خولێ‌.
ڕێزبەندییا گشتی پشتی بۆرینا حەفت گەڕان ژ خولێ‌
1- هەولێر 19 خال.
2- دیالا 16 خال.
3- جەوییە 16 خال.
4- شورتە 15 خال كێمترییا یارییەكێ‌.
5- ئەلگەرمە 13 خال.
6- زاخۆ 13 خال.
7- ئەلغرافە 12 خال.
8- زەورا 11 خال كێمترییا یارییەكێ‌.
9- تەلەبە 11 خال.
10- ئەلكەرخ 11 خال.
11- مینا 10 خال.
12- مووسل نەهـ خال.
13- ئەمانەت بەغدا نەهـ خال.
14- نەفت نەهــ خال.
15- نەجەف شەش خال.
16- دهۆك پێنچ خال.
17- نەفت میسان چار خال.
18- نەورۆز سێ‌ خال.
19- كارەبا دو خال.
20- ئەلقاسم ئێك خال.

كەنگی یاریێن گەڕا هەشتێ‌ نە
فدراسیۆنا فوتبۆلا ئیراقێ‌ ب فەرمی حەفتییا بهێت دەستنیشان كرن ژبۆ ڤەگەڕیانا یاریێن خولێ‌ كو ژ چارچووڤەیێ‌ گەڕا هەشتێ‌ بڤی شێوەیی بهێنە كرن.
دوشەمبی 22-12-2025
دیالا- هەولێر، یاریگەها دیالا، دەمژمێر 6:30 شەڤ.
نەورۆز- ئەمانەت بەغدا، دەمژمێر 6:30 شەڤ.
مووسل- نەفت میسان، یاریگەها دهۆكێ‌، دەمژمێر چارێ‌ ئێڤاری.
ئەلكەرخ- ئەلغراف، یاریگەها كەرخ، دەمژمێر چارێ‌ ئێڤاری.
سێشەمبی 23-12-2025
دهۆك- نەجەف، یاریگەها یانەیا دهۆك، دەمژمێر 6:30 شەڤ.
نەفت- جەوییە، یاریگەها كەرخێ‌، دەمژمێر 6:30 شەڤ.
كارەبا- ئەلقاسم، یاریگەها نەجەف، دەمژمێر چارێ‌ ئێڤاری.
ئەینی 26-12-2025
ئەلگەرمە- زاخۆ، یاریگەها رومادی، دەمژمێر شەشێ‌ شەڤ.
رۆژا ئێكشەمبی 28-12-2025
زەورا- مینا، یاریگەها زەورا، دەمژمێر شەشێ‌ شەڤ.
وەحید رەشید: ڕاوەستیانا خولێ‌ دەلیڤەیا چارەسەركرنا هەر شاشیەكێ‌ بوو
لدۆر كارتیكرنا ئەرێنی و نەرێنی یێن ڕاوەستیانا خولێ‌ ل سەر ئاست و ئەنجامێن یانەیێن كوردستانی وەحید ڕەشید شرۆڤەكارێ‌ وەرزشی ل پارێزگەها دهۆكێ‌ و ڕاهێنەرێ‌ شارەزا یێ‌ فوتبۆلێ‌ بۆ رۆژنامەیا ئەڤرۆ بڤی شێوەیی گۆت: هەردەما د خولەكا جیهانی دا چالاكییەك دهێتە ڕاوەستاندن ژبەر هەر ئەگەركی بیت ئەو یانەیێن پشكدار دێ‌ پلانێن خوە یێن بۆ هەر یارییەكێ‌ گوهۆڕن كەنە پلانێن چاوانییا مفا وەرگرتنا ڕاوەستیانا خولێ‌ و نە بیت ئەگەرەك كو كارتیكرن ل سەر ئاست و دەرۆنێ‌ یاریزانان بكەن، بەلكو ب ئەنجامدانا یاریێن هەڤالینی و گوهۆڕینانا ڕاهێنانێن یارییان بۆ ڕاهێنانێن باشتر بەرهەڤی و چارەسەركرنا شاشییان.
ژلایەكێ‌ دووڤە ناڤهاتی گۆت: ب هیڤینە یانەیێن كوردستانی سەرەدەرییەكا باش ژ ڕاوەستیانا خولێ‌ كربیت، دبیت كارتیكرنا نەرێنی هەبیت تایبەت لایەنێ‌ دارایی و هندەك دەرۆنی، لێ‌ ئەرێنییا ڕاوەستییانا خولێ‌ پترە ژ نەرێنییا وێ‌، هەولێر سەرێ‌ لیستێ‌ یە و زاخۆ ڕێزێن باشە، دهۆك پشتی هاتنا عەبدولغەنی شەهەد ئەنجام ڤەگەریاینە و نەورۆز پێدڤی ڕاوەستیانێ‌ بوو، هیڤییا مە ئەوە مفا ژێ‌ هاتبیتە وەرگرتن.

رەمەزان زەكەریا

د داخویانیەكێ دا پەیڤدارێ یانەیا ئاكرێ یا وەرزشی ئاشكراكر ڕاهێنەرێ تیما یانەیا ئاكرێ هێوەر مستەفا ل خولەكێن دووماهیێ یێ تایمێ ئێكێ ژبەر كو دادڤانی پتر بەرژەوەندیا تیما مێهڤان بڕیار ددان ژبەرهندێ گازندەیا خو دەربڕی بۆ ئەگەرێ هندێ كارتا زەر بەرامبەری ڕاهێنەرێ یانەیێ بلند بكەت.
زێدەتر سوهەیب عەلی بۆ رۆژناما ئەڤرۆ گۆت : دادڤان ژی وەكی هەركەسەكی مروڤە لەوا ئەگەر بۆ هەر حالەتەكی دژی تیما مەبڕیار دابیت لەوڕا ئەم نابێژین غەدر، ژبەر كو كارتا زەر بەرامبەر ڕاهێنەرێ تیمێ و هەر هەروەسا كارتا سور بەرامبەری سەرپەرشتیارێ تیمێ بلند كر ژبەر هندێ مە نەوەكی سكالا بەلكو نەڕازیبوون كریە ب نڤیسارا فەرمی تاكو ئەڤ سزایە ل سەر ڕاببن.
ناڤهاتی خویاكر: ژبەركو بەهرا پتر یاریزانێن مە ئەوێن سەرەكی یاریێ دكەن تووشی هنگافتنێ بۆینە هەرچەندە ل یاریا بووری یاریەكا ئێكجار باش ئەنجام دا بەلێ ئەڤە ئەگەربوو توووشی خوسارەتیێ بووین، بۆ یاریا بهێت دێ بڕیار هێتە دانە ئەوا سوبەهی بەرامبەر پێشمەرگەیا هەولێرێ ل دووڤ دا بڕیار دێ هەبن ل سەر ستافێ هونەریێ یانەیێ.

یانەیا مانچستەر یۆنایتد یا ئنگلتەرایێ‌ شیا ستێرێ‌ بۆرنمۆس تایلەر ئادەم ڕازیكەت د ڤەگوهاستنێن زڤستانێ‌ دا گرێبەستا وان ئیمزا بكەت و بڕیارە پشتی چەژنێن سەرێ‌ سالێ‌ ئەڤ بابەتە ئێكلا بیت.یانەیا مانچستەر یۆنایتد یا ئنگلتەرایێ‌ شیا ستێرێ‌ بۆرنمۆس تایلەر ئادەم ڕازیكەت د ڤەگوهاستنێن زڤستانێ‌ دا گرێبەستا وان ئیمزا بكەت و بڕیارە پشتی چەژنێن سەرێ‌ سالێ‌ ئەڤ بابەتە ئێكلا بیت.رۆژنانەیادەیلی مێل یا بریتانی دیار كرییە مانچستەر یۆنایتدێ‌ نێچیرا خوە گرت پشتی دو سالێن بەردەوام ل سەر ڕازیكرنا وی، ل دووماهیێ‌ شیان بگەهنە ئارمانجا خوە و گەهشتییە ڕێكەڤتنەكا دەستپێكی بتنێ‌ بەندێ‌ زێدەكرنا مووچەیێ‌ یاریزانی مایە، ژبلی گرێبەستا وی كو دگەهیتە 40 ملیۆن پاۆنێن ئسترلینی، ئەڤچەندە هات پشتی بابەتێ‌ چوونا ستێرێ‌ وان یێ‌ بەرازیلی كاسیمیرۆ ئەوێ‌ داخوازا چوونێ‌ كری.

فدراسیۆنا فوتبۆلا كەنداڤی ب فەرمی ڕاگەهاند كۆپا كەنداڤی یا 2026ێ‌ ل سەر ئاستێ‌ هەلبژارتییان دێ‌ ل وەلاتێ‌ ئیراقێ‌ بیت و هەردو باژێرێن بەسرا و هەولێر بەربژارن، ئەوا بڕیارە ل دووماهییا سالا بهێت دەستپێبكەت.فدراسیۆنا فوتبۆلا كەنداڤی ب فەرمی ڕاگەهاند كۆپا كەنداڤی یا 2026ێ‌ ل سەر ئاستێ‌ هەلبژارتییان دێ‌ ل وەلاتێ‌ ئیراقێ‌ بیت و هەردو باژێرێن بەسرا و هەولێر بەربژارن، ئەوا بڕیارە ل دووماهییا سالا بهێت دەستپێبكەت.د كۆمبوونا خوە یا دووماهیێ‌ دا فدراسیۆنا فوتبۆلا كەنداڤی ب فەرمی ئیراق هەلبژارت بۆ مێڤانداریكرنا كۆپا كەنداڤی بۆ هەلبژارتیێن ل بن 23 سالی ئۆلمپی ئەوا بڕیارە ل دووماهییا سالا 2026ێ‌ بهێتە كرن، ل دووڤ ژێدەرێن ڕۆژنامەڤانی هەردو باژێرێن بەسرا و هەولێر هاتینە بەربژاركرن بۆ دەستنیشانكرنا ئێك ژ یاریگەهێن وێ‌.بڕیارە ل ناڤەڕاستا كانوونا دویێ‌ یا سالا بهێت كۆمبوونا ئێكێ‌ یا سالا 2026ێ‌ یا فدراسیۆنا كەنداڤی بهێتە كرن و تێدا ئێك ژ باژێرێن بەسرا یان هەولێر بهێتە دەستنیشان كرن بۆ قارەمانیێ‌، ئەڤچەندە ژی هاتیە پشتی ئەو پێشكەڤتنا وەرزشێ‌ ل هەرێما كوردستانێ‌ و سەقایێ‌ ئارام و هەبوونا ژێرخانەیا وەرزشی بوویە ئەگەرێن بەربژاركرنا پایتەختێ‌ كوردستانێ‌.ژلایەكێ‌ دووڤە دەنگۆیێ هاتیە بەلاڤكرن كو ژبەر هەبوونا جەماوەرەكێ‌ ئێكچار زوور ل یاریگەهێن هەرێما كوردستانێ‌ تایبەت، یانەیێن دهۆك، زاخۆ و هەولێر، فدراسیۆنا كۆپا كەنداڤی هەولێر وەكو بژاردەیەكا ب هێز دانایە بۆ مێڤانداریكرنێ‌، لێ‌ بەرپرسێن ئیراقێ‌ ڕژدن قارەمانی ل یاریگەهێن بەسرا بهێنە كرن ب بوهانا نێزكبوونا جهی بۆ وەلاتێن قەتەری و هەبوونا جەماوەرەكێ‌ مەزن.