د داخویانیەكێ دا ئالان فەرست عەلی یاریزانێ گەنج یێ پشتر ل تیما فوتبۆلا یانەیا دهۆكێ و هێرشبەرێ هەلبژارتیێ ئۆلمپیێ ئیراقێ دیار كر ئەوی ب فەرمی گرێبەستا یانەیا كەرخ یا بەغدایی ئێمزاكر خوە بەرهەڤكرن بۆ وەرزێ نوو یا خولا ستێرێن ئیراقێ ل سەر ئاستێ لاوان و پشكداری دگەل تیما پێشكەفتیان د هەمان خولێ دا.
زێدەتر ناڤهاتی گۆت: هەرچەندە من گەلەك حەز دكر بمینە ل گەل یانەیا خوە دهۆكێ و مالا من یا دویێ یە و هیچ شێوەیەكی من كۆژمەیێ گرێبەستێ بخوە نە كربوو خالا سەرەكی بەلكو دەلیڤە دان ب شیانێن من و پشتەڤانییا دەرۆنی بۆ من گرنگترین خال بوون، بەری گرێبەستا یانەیا كەرخ ئیمزابكەم ل گەل تیما لاوێن دهۆكێ بووم چاڤەڕێ بووم ل گەل تیما پێشكەفتیان د خولا ستێرێن ئیراقێ دا یاریێ بكەم، لێ مخابن ئەز هاتمە پشتگوهـ هاڤێتن و هیچ پووتە ب شیانێن من نە هاتە دان، نە چاربووم بەر ب یانەیەكا بەغدایی بچم و گرێبەستا وان ئیمزا بكەم.
ژلایەكێ دووڤە ناڤهاتی گۆت: ل سەر ئاستێ تازەپێگەهشتیان و لاوان ل گەل یانەیا خوە دهۆكێ بوویمە و پشكەكا تۆماركرنا گۆلان ژی تۆماركرینە، حەزا من ئەو بوویە ل گەل یانەیا خوە ئاستێ خوە باشتر لێبكەم هەتا بگەهمە تیما پێشكەڤتیان وەكو كوڕەكێ پارێزگەهێ خزمەتا یانەیا خوە بكەم، لێ ئەو دەمێ یاریزان دبینیت دێ هێتە پشتگوهاڤێتن و كارتیكرنێ ل سەر ئاستێ وی كەت نەچارە ل ڕێكەكا دی بگەڕیێت ژبۆ پاراستنا ئاستێ خوە و باشتر لێبكەت، یانەیا دهۆك مالا من یا دویێ یە و هەردەمی دەلیڤەیەك پەیدابیت بەرهەڤن دوبارە ڤەگەڕم خزمەتا یانەیا باژێرێ خوە بكەم.
ئالان فەرسەت: بۆ بلندكرنا ئاستێ خوە چوویمە بەغدا و هەردەمێ دەلیڤەیەك هەبیت دێ ڤەگەڕمە دهۆكێ
نيشاندان