تەکنۆلۆژییێن ناسینا دەنگی و گوهۆڕینا دەنگ بۆ دەق، هه‌رده‌م وەک داهێنانەکا گرنگ بۆ ئاسانکرنا ژیانا ڕۆژانە یا مرۆڤان هاتیینە پێشکێشکرن. لێ، شێوازێ ئاخفتنا مرۆڤان د دانوستاندنێن ڕاستەقینەدا زۆرجاران ژ یاسایێن نڤیسینێ جودایە.
دەمێ مرۆڤ ب ره‌نگه‌كێ سروشتی دئاخڤیت، ئەو چەندەکا ئاساییە کو د ئاخفتنا خۆدا لێکچوونێ بکەت، بۆ ماوەیەکێ درێژ رابوەستیت، په‌یڤێن پڕكرنێ بکاربینیت یان د ناڤەڕاستا ڕستەیەکێ دا واتایا وێ بگوهۆڕیت.
ئەگەر ئەڤ خەلەتیه‌ د دانوستاندنه‌كا ته‌ یا ڕاستەوخۆ دا تێێنه‌گەهشتنێ چێنەکەن، دەمێ بەرنامەیەکێ وەک «وه‌رگێرانا گووگل»ی هەمان ئاخفتن بۆ وەرگێڕانێ ژ زمانەکی بۆ زمانەکێ دی دگوهۆڕیت، دکارن ببنە کێشەیەکا راستەقینە و کاریگەریێ ل سەر دروستیا وەرگێڕانێ بکەن.
بۆ چارەسەرکرنا ڤێ کێشەیێ، کۆمپانیایا «گووگل» چەند مەهەک بەرێ، تایبەتمەندییەک پەرە پێدا بۆ پاقژكرنا ئاخفتنێن دەنگی ل سەر کیبۆردا فەرمی یا وێ، «Gboard».
ئەڤ تایبەتمەندییە تۆمارێن دەنگی شلۆڤه‌ دکەت، دودلی و په‌یڤێن زێدە ژێ دئێخیت و پەیامێ ب شێوەیەکێ ڕێکخستی و پەیوەندیدار ئامادە دکەت، پێش دەنگی بگوهۆڕیتە دەقێ نڤیسینێ.
پشتی سەرکەفتنا ئەزموونی، دیارە ئەندازیارێن کۆمپانیایێ ل سەر پەرەپێدانا چارەسەرەکا وەک وێ کار دکەن، بەلێ ئەڤ جارە ب تایبەتی بۆ بەرنامێ «گووگل وه‌رگێران»ه‌ ل سەر ئامێرێن ئەندرۆیدێ.
ئەڤ داهێنانە پشتی شیکارییا کۆدێ ژێده‌ری یێ ئێک ژ نووترین نووکرنێن بەرنامەیا «گووگل وه‌رگێران» بۆ سیستەمێ ئەندرۆیدێ هاتییە دەرخستن.
د دەمێ شیکارییا کۆدی دا، چەندین بەش و ڕووکەرێن هێشتا ل قووناغا پەرەپێدانێ دا هاتینە دۆزین، یێن ئاماژە ب تایبەتمەندییەکا نوو دکەن، یا ب ناڤێ «هاریكاریا زیرەک» (Smart Assist) دهێتە ناسین.
ئامانجا سەرەکی یا ڤێ تایبەتمەندییێ ئەوە کو وەک قووناغەکا ناڤبری کار بکەت؛ واتە دەنگێ تۆمارکری یێ ب مۆبایلێ شیکار بکەت، په‌یڤێن زێدە و هندەک خەلەتییێن ئاخفتنێ ڕێ بێخیت، پاشی دەقەکا پاککرنی و ڕێکخستی بۆ سیستەمێ وەرگێڕانا گووگلێ بهنێریت.
ب ڤی ره‌نگی، دهێته‌ چاڤه‌رێكرن وەرگێڕان ب ره‌نگه‌كێ دروستتر رامانا مەبەستا ئاخفتنێ بگەهینیت.
ب گۆره‌یی زانیارییێن هاتینە دەرخستن، بکارئینەر دکارن د ناڤبەرا دو شێوازان هەلبژێرن:
– وەرگێڕانا په‌یڤ ب په‌یڤ: پاراستنا شێوازێ ئاخفتنا ئەسلی و وەرگێڕانا وێ ب شێوەیەکێ نزیک ژ دەقێ سەرەکی.
– شێوازێ هاریكاریا زیرەک: پاقژكرنا وشەیێن زێدە و ڕێکخستنا ئاخفتنێ، دا رامانا ڕستەیێ ژبەر خەلەتییێن ئاخفتنێ یان راوەستانێن نەگونجای نەچیتە دەست.
ئەڤ هەلبژارتنە دشێت ب تایبەتی بۆ وان کەسان گرنگ بیت، یێن ب شێوەیەکێ ڕاستەوخۆ ل رێیا دەنگی د گەل کەسانێن زمانەکێ دی ئاخڤن.
هەرچەندە ئەڤ پەرەپێدانە نوودارە، لێ هێشتا چەند پرسیارێن گرنگ هەنە. هه‌تا نوکە، دەمێ فەرمی یێ به‌لاڤکرنا تایبەتمەندییێ نەهاتییە دیارکرن و ناهێته‌ زانین ئەرێ دێ بۆ هەمی بکارئینەران بەردەست بیت یان تەنێ بۆ کۆمەکەکا دیارکری.
هەروەسا، هێشتا یا ڕوون نینە ئەرێ پرۆسێسکرنا دەنگی پێدڤی ب پەیوەندیا ئینتەرنێتێ هەیە، یان دشێت ئێكسه‌ر ل سەر مۆبایلێ بهێتە بجهئینان.
ل گەل ڤێ چەندێ، دیارە کو تایبەتمەندییا نوو دێ تەنێ ل شێوازێ دانوستاندنێ یێ «گووگل وه‌رگێران» دا بەردەست بیت؛ ژ به‌ر هندێ، ب گوره‌ی زانیارییێن نها، ناهێتە بکارئینان دەمێ دەقێن درێژ دهێنە خواندن یان بەلگەنامەیێن نڤیسینێ دهێنە وەرگێڕان.
ئەگەر ئەڤ تایبەتمەندییە ب شێوەیەکێ فەرمی بهێتە به‌لاڤکرن، دشێت پێنگاڤێن نوو بن بۆ باشترکرنا وەرگێڕانا دەنگی و کێمکرنا خەلەتییان د گفتوگۆیێن چەند زمانان دا.

ژ نیشانێن کو بۆ «یوتیوب» دیار دکەن گرنگیا تە ب ڤیدیۆیەکێ، و ئەگەر ڤیدیۆیەک د لیستا ناڤەرۆکێ دا بۆ تە دیار بوو، لێ تو حەز ناکەی گرنگیا خوە پێ دیار بکەی ب ڤەکرنا وێ، وێ گاڤێ کلیکێ ل ئایکۆنا سێ خالان بکە ل گۆشیەکا خوارێ یا راستێ یا کارتا ڤیدیۆیێ، پاشی /Not interested» هەلبژێرە.
پشتی وێ، کلیکێ/Tell us why» بکە، پاشی «ئەز حەز ژ ڤێ ڤیدیۆیێ ناکەم/I don›t like this video» هەلبژێرە.
لێ د گەل وێ ژی، دێ ڤیدیۆێن چەنالی بەردەوام بن ل دیاربوونێ ئەگەر ناڤەرۆکەکا دی پێشکێش بکەت کو ل گەل گرنگیێن تە ب گونجێت لەورا، ئەگەر تو حەزناکەی ڤیدیۆێن وێ جارەکا دی ببینی، وێ گاڤێ «چەنالی پێشنیاز نەکە/Don›t recommend channel» هەلبژێرە.
هەروەسا مفادارە کو تو چەنالێن تە تێدا سه‌بسکرایب کرین و سه‌بسکرایبا وان چەنالان ژێ ببەی یێن کو تە نە مای گرنگیێ پێ بدەی. ئەڤە رێیا وێ یە:

1- ئەپلیکەیشنا «یوتوب» ڤەکە.
2- کلیکێ ل «سه‌بسکرایبکرن/Subscriptions» بکە ل لیستا خوارێ.
3- کلیکێ ل «هەمی/All» بکە ل گۆشکا ژووری یا راستێ.
4- کلیکێ ل ئایکۆنا زەنگلێ بکە ل دەڤ چەنالی.
٥-«ژێبرنا سه‌بسکرایبێ/Unsubscribe» ژ لیستێ هەلبژێرە.
رێکخستنا تۆمارا گەڕیان و بینینێ
«یوتوب» هەروەسا پشتێ ب تۆمارا گەڕیان و بینینێ بۆ دیارکرنا وان ڤیدیۆیان یێن کو پێشنیاز دکەت بۆ تە دەستپێکێ هندەک تشتان ژ تۆمارا گەڕیان و بینینێ ژێ ببە بۆ هندێ کا ئەڤە دێ پێشنیازان باشتر کەت یان نە، ئەڤە رێیا وێ یە:
1- ئەپلیکەیشنا «یوتوب» ل سەر مۆبایلا خوە ڤەکە.
2- کلیکێ ل «تو/You» بکە ل گۆشکا خوارێ یا راستێ یا شاشێ.
3- کلیکێ ل «رێکخستن/Settings» بکە ل گۆشکا ژووری یا راستێ.
4- کلیکێ ل «رێڤەبرنا هەمی تۆمارێ/Manage all history» بکە.
5- کلیکێ ل نیشانا X بکە ل دەڤ تۆمارا گەڕیانێ یان تۆمارا بینینێ.

هه‌كه‌ پێشنیازێن نەگونجای بەردەوام بوون ل دیاربوونێ پشتی ژێبرنا تۆمارا بینینێ، دڤێت تو پەنایێ ببەی بۆ بژاردا گشتگیرتر ئەو ژێبرنا هەمی تۆمارێ یە و بۆ ژێبرنا تۆمارا بینینێ ل سەر «یوتوب»، ڤان خالان بجهبینە:
1- ئەپلیکەیشنا «یوتوب» ل سەر مۆبایلا خوە ڤەکە.
2- کلیکێ ل «تو» بکە ل گۆشکا خوارێ یا راستێ یا شاشێ.
3- کلیکێ ل «رێکخستن» بکە ل گۆشکا ژووری یا راستێ.
4- کلیکێ ل «رێڤەبرنا هەمی تۆمارێ» بکە.
5- کلیکێ ل «ژێببە/Delete» بکە.
6- «ژێبرنا هەمی دەمان/Delete all time» هەلبژێرە.