سالار محەمەد دۆسكی:

8-11

د دووڤدا حوكمەت راوستیا یێن قەدشێ‌ راوستیان و نەهاتن و ئەوێن دەربازبووین ژی چوون و نەزڤرین و كاك تەمەر ئەو دەرباز بوون 24- 25/8 /1988ێ‌ یە و ئەم هاتین پشتا وێ‌ كەپرێ‌ روینشتین و ئەم چ ژ كاودانا نوزانین و ئەڤە چیە و چنینە و ئەم د گوهشی بووین ومە چ ئامیرێن پەیوەندیێ‌ و نە تەلەڤزیون و نە رادیو نە لاسركی نەبوون كو هایداری رەوشا دەڤەرێ‌ و دەنگ و باسا بین و كاودانێن مە نەباش بوون، مە دیت دو زەلامێن بوتیا ژ ئەوی گەلیكی هاتن و سلاڤكرن و كاك تەمەر گۆتێ‌ كەرەم بكەن و ئەوا گۆت بخودی هەڤژینا جەبار هەمزیكی چوو بەر رەحما خودێ‌ و جەبار هەمزیكی پێشمەرگە بوو و ئەو چەند هەیڤەك بوو كەڤت بوو كەمینەكێ‌ و شەهید ب بوو، و ژنكا شەهید جەبار هەشت بۆ نەهـ زارۆكان هەنە و یا چلكدارە و ژیێ‌ زارۆكێ‌ دووماهیێ‌ نێزیكی 20 رۆژانە، رەوشا خەلكی بەرەڤ ئالوزیێ‌ چوو و دەمێ‌ ئەڤ لەشكرێ‌ مەزنێ‌ دوژمنی دیتی و خەلكێ‌ دەوارێن خوە بەرهەف دكەن و دەنگو بلند بوو و خەلكێ‌ بەرهەڤیا دكەن دێ‌ بخوە رەڤن و بەرەف سنوری وەلاتێ‌ توركیا دێ‌ ب رێ كەڤن، وەك پێشتر مە ئاماژە پێكری ئەڤان كاودانان دا ئەوێ‌ ژنێ‌ زارۆكێن وێ‌ دبچوویكن و یێ‌ دكەنە گری و هەمان دەم توپەك ب نیڤەكا وا دكەڤیت و ئێكسەر ئەو ژن شەهید دبیت و ئەو زارۆك مابێ خودان، عارف بادی فەرمان دا جەنازێ‌ وێ‌ ژنێ‌ بینە ژوورەكا گوندی و گۆت نوكە شەڤە ئەم نەشێین چ لائێتا هەل بكەین و هەتا دبیتە سپێدە دێ‌ جەنازێ‌ وێ‌ ڤەشێرین و عارف گۆتی بلا هندەك ژنك بهێن بوومە ئەڤێ‌ ژنێ‌ بشون و ژنكا گۆتی بخودێ‌ مە چ جارا مری نەشیشتی نە و عارفی گۆتێ‌ بەری نوكە یا ساخ بوو ل دەڤ هەوە بۆچی هوون نا شوون پا ژنكە و ئەگەر زەلام با ئەم دا شووین، ئێكسەر عارفی گۆتە ئەوا ژنكا بخودێ‌ ئەز ناهێلیم ئێك ژ هەوە دەربازبیت هەتا هوون ئەڤێ‌ ژنكێ‌ نەشوون و ئەو ژن رابوون ب شیشتن و كفنكرنا وێ‌ ژنێ‌ و ب سەرۆبەركر و ئەو چوون، كورەكێ‌ جەبار هەمزیكی ژیێ‌ وی 12 سال بوو ئەو ل گەل مامەكێ‌ خوە چووبوو، زارۆكێن دی هندەكا برنە قەدشێ‌ مامەكێ‌ وا ل وێرێ‌ بوو و حوكمەت پێ‌ حەسیا ئەو مام ژی ل ئەنفالان چوو و مانە بێ‌ خودان و نوزا كێ‌ ئەو زارۆك خودانكرن، تەمەری گۆت ئەوی جەنازی ڤەشێرن و خوە بلند بكەنە سەرێ‌ مەتینی و نەمینە ل دەڤەرێ‌ نەكو حوكمەت دور هەوە بزڤریت و پشتی مە جەنازێ‌ ئەوێ‌ ژنێ‌ ڤەشارتی ئەم ب سەركەفتینە سەرێ‌ مەتینی، هەمان دەم قاسدەك بوومە ژ لژنا محلی هات ل گەلیێ‌ بێشیلێ‌ گوت هوون هەر دو رێكخراو هەرنە سەر دەرجا بیكداودا ئەڤ گوندە دكەڤیتە دەمێ‌ چیە كانی ماسێ‌ و بەرەف تروانش دی و گۆتن هەرنە دەرجا بیكداودا ل گەل رێكخراوا سەید نائیفی و تەقدمێ‌ بگرن دا لق بشێت خوە ڤەكێشیت، خودێ‌ ژێ‌ رازی ئەز و مراد و چەند پێشمەرگە ل گەل مە بوون و ئەم ب سەرێ‌ مەتینی ب خار كەفتین بۆ خرابەی و چار گوندن و دو گوندێن مەسیحی یا بوون و دو گوندێن موسلمانا بوون و گوندەكێ‌ گەلەك خوشە و بیستان و سێف و گەلەك ب رەوشن و جبوویەك دهێتە خوارێ‌ و ئەو بیستان هەمی ل بەر دهێنە ئاڤدان، رۆژا پاشتر 26/8/1988ێ‌ 25ێ‌ ب فرۆكا كێمیا ل دەڤەرێ‌ هاتیە رەوشاندن و باش بوو خەلكێ‌ ئەوان گوندا رەڤی بوون و چووبوونە دولا ئاسهێ‌ و هەوایی ئەو ئەو بهێن ئینا بۆ ئەفراز و ئەگەر بەۆڤاژی چووبا ئاسهێ‌ ئەو هەمی دا هێنە كوشتن و رەوشا دەڤەرێ‌ هەمی تێك چووبوو و ژیار نەمابوو و كەسكاتی هەر هەمی قەهوائی ب بوو و بیرا من دهێت رەنگە نیف میترەك ل سەرسپیندارەكێ‌ مابیت كەسەك ئەگەر وەكی دی هەر هەمی قەهوائی ب بوو و تە بەلگێ‌ كەسك نە ل عەردی و نە ب دارو بەری ڤە نەدیت، حەیوان و مێش و تەیر و هەر هەمی كەفت بوون و مرارب بوون و بهێن نەدهاتە مە ژونكە رۆژەك ل سەر هاڤێتنا كێمیاوی ل دەڤەرێ‌ دەرباز ب بوو، بەلێ‌ مرادێ‌ رەحمەتی و ژیانا خوە ل پێشمەرگاتیێ‌ دەربازكر بوو و سالا 1975ێ‌ ژی چوو بوو گوندەكێ‌ توركا و هەر پولیسەك ژی نەدیت بوو و ئەز دەرچوویێ‌ زانكویێ‌ بووم و ئەڤ پێزانینە من خاندن بوون و مە هەبوون و من گۆتێ‌ مراد دەرسوكا خوە ستویێ‌ خوە ب ئالینە و دەستێ‌ خوە نەكە چ تشتی و هەتا ئاڤێ‌ ژی نەڤەخو و ئەم 100 مەترێن دی چووین هەر هەمی تشتێ‌ مرار بووی و ئەم راوستیان من گۆتێ‌ بخودێ‌ ئێك بەشرێ‌ خودان روح ل ڤێ‌ دەڤەرێ‌ نەمایە و من گۆتێ‌ ئەگەر مرۆڤ ل دەڤەرێ‌ هەبن ژی نەماینە دژیانێ‌ دا و بزرڤە دا بچین و هەڤالێن خوە بینین و بەرەف سنوری بچین و ئەم زڤرینە سەرێ‌ مەتینی و مە كاك عارف ل سەر بابەتی ئاگەهدار كر و هەر بۆ ئێڤار و ئەم ب خوار كەفتین و هاتین بۆ مەغرەبا تاری ئەم گەهشتینە ئێكمالێ‌ و مەنەزانی كو سێ‌ دتاپیەكێ‌ دا مرینە و حەجی سالح و كور و ژنا خوە ژ بەر فرۆكێ‌ رەڤی بوون و چووبوونە تاپیێ‌ دا و بهێنا كێمیایێ‌ چووبوویێ‌ و هەر ئێكسەر ل وی جهی شەهید ب بوون و هەتا ئەم هاتینە سەركانیا ئێكمالێ‌ گوشتێ‌ گیسكەكی ل سەر بانێ‌ كانیێ‌ بوو و تەیرێن كەلخا ئەوێن مەزن ل وێرێ‌ بوو و هەتا من دەستێ‌ خوە كرێ‌ و رەنگە پشتی هاڤێتنا دەرمانی ئەو هاتبیتە دەڤەرێ‌ و ئەم ب رێكەفتین و مە گۆت ئەم دێ‌ چین گەهینە هەڤالێن لقێ‌ ئێك، چیایێ‌ ئەلهو ئەم بەرا چووین و جادەك دچیت بۆ تروانشێ‌ و ئەم چیایێ‌ ئەلهویی را چووین و ئەم 36 زەلام بووین، پێشمەرگە یێ‌ ب رێز بوو و دو پێشمەرگە بتنێ‌ ل بەرا من دچوون و ئەز یێ‌ سیێ‌ بووم و نێزیكی دەمژمێر سێی شەڤێ‌ بوو و من بەرێ‌ خودایێ‌ لائێتەكا قەلەم دبن مە دا ب 30 بۆ 40 مەتران هەلبوو و ڤەمری و من دەستێ‌ یێ‌ بەرا خوە گرت و ئەو ژی دەستێ‌ یێ‌ دی گرت و من گۆتێ‌ رۆناهیەك هەلبوو و تەمری و ئێك ژوا زڤری و چوو دەف مراد و عارف و ل سەر بابەتێ‌ روناهیێ‌ ئاگەهداركرن و ئەو هەر دو هاتن و ئەم بەرێ‌ خو دەینێ‌ ترۆمبێلێن لەشكری و مدرعن و هەر هەمی نڤستینە و زێرەڤانی لائێتا خوە هەلكریە و دا تەماشەی دەمژمێرا خوە كەت و ئەگەر ئەو لائێت نەهەلكربا مە نەدیت و ئێكسەر دا چینە دناڤ دا و هەر ئێكسەر ئەوێ‌ دووماهیێ‌ بوویێ‌ ئێكێ‌ و یێ‌ ئێكێ‌ بوو یێ‌ دووماهیێ‌ و مە خوە بلندكر و ئەم چووینە دناڤ ئەوان كەڤر و دار و بەران دا مرۆف نەهاتینێ‌ و نهاتیە سوتن ژی و تاری یە و هەتا بوویە سپێدێ‌ و ئەڤجا ئەلیكوپتر ژ كانی ماسێ‌ و بەرەف مە ڤە هاتن و ئەم هاتینە دورپێچكرن و ئەم نەشیاین بچینە چ عەردان.