ئەڤرۆ نیوز،بارزان مزووری:
سەروكێ ئەنجومەنێ پارێزگەها نهينهوا، سەیدو چەتۆ، بۆ ئەڤرۆ نیوز ئاشكرا كر كو گازندا مەزن یا خەلكێ وان دەڤەرێن سەر ب رێيا سحێلا بۆ شەنگالێ ئەو بوو كو ئەڤ رێ يە بهێت ڤەكرن ژبەركو 85% خەلكێ وان دەڤەران ل پارێزگەها دهۆكێ دژیت دناڤ كەمپان دا ئەڤ رێ يە گەلەك بۆ وان یا گرنگە بەری دو رۆژان دگەل لیوا نەجم جبوری فهرماندێ ئۆپهراسيۆنێن نهينهوا ب رێيا تەلەفونێ مە پەیوەندی دگەل ئەنجام دا كو بریاربو ئێكەم رۆژا جەژنا رۆژیان یا ئێزدیان بهێته ڤەكرن ژبەر جەژنێ، نادیا موراد ل وێ رێ دەربازی شەنگالێ بوو، بەلێ دوبارە هاته داخستن.
دياركر، ئەڤرۆ شهمبيێ 15 كانونا ئێكێ ل دووڤ رێككەفتنێن دناڤبەرا حوكمەتا هەرێما كوردستانێ و حوكمەتا بەغدا ئەڤ رێ يە ب شێوەیەكی فەرمی هاته ڤەكرن بۆ وەلاتیان ،بەلێ رێيا زومار نەهاتیە ڤەكرن، بەلێ ل نێزیك رێككەفتن دێ هێته كرن و ئەو رێ ژی دێ هێته ڤەكرن ،
ناڤهاتی خویاكر كو هندەك ئاریشە هەبوون ژبەر وان گوندێن عەرەب یێن شەمەر ژلایێ دی ساتری ل بن دەستهەلاتا ئیدارا مووسل و ڤی لایێ ساتری ل بن دەستهەلاتا ئیدارا هەرێما كوردستانێ، رێكەفتن دناڤبەرا هەردوو لایان ژی هاته ئەنجامدان ،
ديسا گۆت، ڤەكرنا ڤێ رێ گرنگیا خوه یا هەی ئەو ئاوارێن ل زاخۆ بەری نها رێيا دی دچوون وب دووراتیا 5 دەمژمێران دگەهشتنە ناحیا سنونێ، بەلێ ئەو رێيا نوو هاتیه ڤەكرن ب دووراتیا دەمژمێرهكێ یە ، ژلایێ بازرگانى ژى گرنگیا خوه یا هەی ل دووڤ رێككەفتنا هەردو لایان دا چو گومرك ناهێن دانان وچو باج ژی ژ خەلكی ناهێن وەرگرتن ئەو خەلكێ مەرومالاتێ خو دهرباز بكەت یان كەلوپەلێن ناڤمالێ، بەلێ د قوناغێن بهێت دا ئەڤ رێ يە دێ هێت ڤەكرن بۆ بازرگانیكرنێ وی دەمی رێنمایێن نوو دێ هەبن بۆ بریار دانێ ل سەر وەرگرتنا باجێ و گومركێ ، ئەڤ رێ يە دێ دەرگەهەك بيت بۆ ڤەگەریانا ئاواران و ئاڤەدانكرنا وان دەڤەرێن ژلایێ رێكخراوا تیرۆرستی یا داعشێ هاتینه خراپكرن.
نيشاندان