ئەڤرۆ نیوز:
وەزیرێ کارەبا حوکمەتا هەرێما کوردستانێ راگەهاند، داهاتێ کارەبێ دو جار هند زێدە بوویە، لێ هەتە نوکە وەلاتی ترلیۆنەک و ١١٥ ملیار دیناران قەردارێن کارەبێ نە.
کەمال محەمەد سالح، وەزیرێ کارەبا هەرێما کوردستانێ راگەهاندیە، ژبلی وان وەلاتیان، سازیێا میری ژی ٢٤٨ ملیار دیناران قەردارێن کارەبێ نە.
ئەڤرۆ نیوز:
رێڤەبەری ساخلەمیا نەجەف راگەهاند، دو حالەتێن نوو یێن توشبوون ب کۆرۆنایی ل نەجەف هاتنە تۆمار کرن کو هەردو ژنن و ژ ئیرانێ ڤەگەریاینە.
رزوان کندی، رێڤەبەرێ گشتی یێ ساخلەمیا نەجەف دیار کریە، ئەو هەردو ژنە پشتی کو ژ ئیرانێ ڤەگەریاین پشکنین بۆ وان هاتیەکرن و دەرکەفتیە کو هەلگرێ ڤایرۆسێ کۆرۆنایێ نە، ئێک ژ توشبوویان د ژیێ ٣٦ سالیێ دایە و یا دی دژیێ ٥٥ سالیێ دایە.
ئەڤرۆ نیوز:
وەزارەتا ساخلەمیا عیراقێ راگەهاند، هەتا نوکە ١٥ توشبوویێن کۆرۆنایێ چێبووینە و ڤەگەریاینە ناڤ خێزانێن خوە.
ئەڤرۆ سێشەمبی ١٠ ئادارا ٢٠٢٠، وەزارەتا ساخلەمیا عێراقێ راگەهاند، یازدە توشبوویێن کۆرۆنایێ چێبوونە کو حەفت ژ وان ل باژێرێ کەرخن و چار حالەتێن دیتر ژی ل رەسافەنە، هەروەسا چار حالەتێن توشبووی ژی ل کەرکوکێ ب تەمامی چێبوونە و ڤەگەریاینە ناڤ خێزنێن خوە.
ئەڤرۆ نیۆز، قائید میرۆ:
گورەی دستوورێ عێراقێ پازدە رۆژ دەلیڤە لھەمبەر لایەنێن عێراقی ھەنە بۆ دیارکرنا بەربژێرەکێ نوو بۆ پۆستێ سەرۆک وەزیرێن عێراقێ پەرمانتارەکا پارتی ژی رەتکر چو کەسەک ھاتبیتە بەربژێرکرن.
دکتۆر مەیادە نەجار، پەرلەمانتارا فڕاکسیۆنا پارتی ل پەرلەمانێ عێراقێ بۆ ئەڤرۆ نیۆز دیارکر” دەمێ قانوونی بۆ دیارکرنا بەربژێرەکێ نوو پشتی خۆ ڤەکێشانا محەمەد عەلاوی تنێ پازدە رۆژن و چەند رۆژێن کێم ماینە بۆ دوماھی ھاتنا دەمێ قانوونی، بەلێ ھەتا نوکە چو کەسەک نەھاتیە دیارکرن وەکی بەربژێر بۆ پێک ئینانا کابینا نوویا حوکمەتا عێراقێ.
دکتۆر مەیادە نەجار گۆتژی” ناڤێن تێنە بەلافکرن ل راگەھاندنێ چو راستی بۆنینە و ناڤێن چو کەسەکی نەھاتینە ئێکلاکرن، چونکە لایەنێن شیعی زۆر دوورن بۆ رێکەفتنێ و پەیوەندی ب تێکچوونا نافمالا شیعی ڤە ھەیە، ئەز باوەرم زەحمەتە بشێن کەسەکی دیار بکەن و بگەھنە چو ئەنجامێن دلخۆشکەر.
ئەڤرۆ نیوز:
ئەڤرۆ سەرۆکێ حوکمەتا هەرێما کوردستانێ سەرپەرشتیا کۆمبوونەکا تایبەت ل دۆر ڤایرۆسێ کۆرۆنایێ و کارتێکرنا وێ ل سەر بارێ ئابووری کر.
د کۆمبوونێ دا هاتە دیار کرن کو ڤایرۆسێ کۆرۆنایێ ژ بلی ساخلەمیێ کارتێکرنەکا گەلەک خراب ل بارێ ئابووری یێ عیراقێ و هەرێما کوردستانێ ژی کریە، چونکو بهایێ پەترۆلێ بلەز هاتیە خوارێ. ژ بەر هندێ ژی بریار هاتە دان کو مەزاختیێن نە پێدڤی یێن حوکمەتێ و دەزگەهێن سەر ب وێ بهێنە کێمکرن.
حوکمەتا هەرێما کوردستانێ بریار ژی دا کو ل گەل بەغدا د ناڤ هەماهەنگیێ دا بن دا کو بشێن پێکڤە ڤێ رەوشا خراب یا ئابووری دەرباز بکەن.
ئەڤرۆ نیوز، نەوزاد هلوری:
ب مەرەما پشکنینا وان رێڤینک و وەلاتیێن دناڤبەرا هەردوو پارێزگەهێن دهۆک و هەولێر ل خالا گەلیێ بالندا هاتن و چوونێ دکەن ژ ڤایرۆسا کۆرۆنایێ، باژێرڤانیا شێلادزێ خالەکا پشکنینا کۆرۆنایێ ل زالگەها گەلیێ بالندا دانا.
سەربەست مێزی، سەرۆکێ باژێرڤانیا شێلادزێ بۆ ئەڤرۆ نیوز گۆت: (ب مەرەما پشکنین و رێگرتن ژ بەلاڤبوونا ڤایرۆسا کۆرۆنا، ئەم وەک باژێرڤانیا شێڵادزێ رابین ب دانانا چەند کابینەیان وەکو خالەکا پشکنینیێ دناڤبەرا هەردوو پارێزگەهێن دهۆک و هەولێر ل خالا گەلیێ بالندا، ژبەرکو هاتن و چوونەکا زۆر ل سەر هەیە).
زێدەتر گۆت: (ئەڤ خالە ب هەڤکاری و چاڤدێریا قایمقامیا ئامێدیێ و ناحیا شێلادزێ هاتیەدانان، دێ د دەما 24 دەمژمێرا پشکنینا گەشتیار و وەلاتیان هێتەکرن داکو د پاراستی بن ژ ڤایرۆسا کۆرۆنایێ، ئومیدەوارین خەلک و گەشتیارێن دەڤەرێ هەموو د پااستی بن و پێگیریێ ب ڕێنمایێن ساخلەمیێ و خوەپاراستن ژ ڤایرۆسا کۆرۆنایێ بکەن).
ئەڤرۆ نیوز:
د. دلۆڤان محەمەد رێڤەبەرێ گشتی یێ ساخلەمیا هەولێرێ راگەهاند کو ل هەولێرێ چارەسەریا پێدڤی بۆ نەخوشێن کۆرۆنایێ دهێتە کرن و داخواز ژ وەلاتیان ژی کر کو پێگیریێ ب رێنمایان بکەن و ل مالان خوە بن دا، چونکو وەسا دێ پتر د پاراستی بن.
رێڤەبەرێ گشتی یێ ساخلەمیا هەولێرێ ئەو یەک ژی دیار کر کو باشترە خەلک ل مالێن خوە بن، داخواز دکەین وەلاتی خوە ژ جهێن گشتی و قەرەبالغێ دوور بکەن، چونکو ئەو یەک د بەرژەوەندیا هەموو وەلاتیان دایە.
ئهڤرۆ نیۆز، عهزیز ههورامی:
مهرزی نێودهوڵهتی باشماخ له قهزای پێنچوێنی سهربهپارێزگای سلێمانییه و ئاڵگۆڕی بازرگانی له نێوان كوردستان و كۆماری ئیسلامی ئێران بهردهوامه، تیمێكی تهندروستی له سلێمانییهوه دهڕۆنه مهرزهكه پشكنین بۆ كارمهندان و شۆفێران دهكهن كه بهركهوتنیان لهگهڵ شۆفێرانی ئێرانی ههیه.
لوقمان لهتیف، له ڕاگهیاندنی نهخۆشخانهی گشتی قهزای پێنچوێن، به ئهڤرۆ نیۆزی ڕاگهیاند، تیمێكی تایبهتی پزیشكی پشكنینی ڤایرۆسی كۆرۆنا له بهڕێوهبهرایهتی تهندروستی سلێمانی به هاوكاری نهخۆشخانهی پێنچوێن، سهردانی مهرزی نێودهوڵهتی باشماخ یانكرد،بهمهبهستی پشكنینی ئهو كارمهند و شۆفێرانهی له مهرزهكه بهردهوام بهركهوتنیان لهگهڵ شۆفێرانی ئێرانی ههیه لهكاتی ئاڵوگۆڕی بازرگانی.
ههروهها ئاماژهی بۆ ئهوهكرد، زیاتر له 100 كهس ئهمڕۆ پشكنینیان بۆ دهكرێت، بۆ دڵنیابوون له تهندروستیان ههڵگری ڤایرۆسی كۆرۆنا نهبن.
ئەڤرۆ نیوز،عەلی حاجی :
د داخویانیەکێ دا راگرێ کۆلیژا پزیشکی ل زانکۆیا زاخۆ بۆ ئەڤرۆ نیوز دیار کر قوتابیێن کۆلیژا پزیشكی یا زانکۆیا زاخۆ هەوەکا خوە پاراستنێ ژ ڤایرەسێ کورونایێ راگەهاندینە و مە دو ئارمانج ژ وێ هەوێ هەنە.
زێدەتر دکتور نەوفەل رەشید گۆت : ژبەرکو قوتابی و مامۆستایێن مە گەلەک ئەکتیڤن دناڤ نەخوشخانەیا زاخۆ دا،قوتابیێن کۆلیژا پزیشکی ل زانکۆیا زاخۆ ب هەڤکاری دگەل مامۆستایان هەوەکا خوە پاراستنێ ژ ڤایرۆسێ کورونایێ راگەهاندینە و مە دو ئارمانچ ژ وێ هەوێ هەنە،ئارمانجا ئێکێ ئەوە دناڤ کەمپێن دکەڤمە سنورێ قەزا زاخۆ دا هوشیارکرنا خوە پاراستنێ ژ ڤایرۆسێ کورونایێ دناڤ خەلکێ کەمپێ دا زێدە بکەن و هەر دیسان ئارمانجا دووێ ژی ئەوە چاوانیا دەست شیشتنێ ب رێکێن زانستی نیشانی خەلکێ دناڤ کەمپێ دا بدهن ژبەر کو ل دویف ڤەکۆلینەکا ئەمریکی ٥٪ بتنێ رێیا دروست یا پاراستنێ شیشتنه دزانین لەورا مە دڤیا ڤێ چەندێ بکەین. و گۆت ژی : ئەڤ هەوە نەبتنێ دێ دناڤ کەمپێ دا بیت بەلکو دێ دناڤ سەنتەرێ باژێری دا بیت بەلێ نوکە دا مە دناڤ کەمپان دا دەست پێکری یە ژبەر کو قەرەبالغیەکا زێدە دناڤ کەمپان دا هەیە و ئەڤ هەوە ژی دێ بۆ دهمێ ١٠ رۆژان یا بەردەوام بیت و هەکە پێدڤی کر ژی دێ ئەڤ هەوە بەردەوام بیت.
ئهڤرۆ نیوز، مهحمود نهێلى، عەلی حاجی:
بهپرسێ لژنا ئابوورى یا قهزا ئامێدیێ بۆ ئهڤرۆ نیوز دیاركر 13 جهێن بازرگانى سزاداینه و ههر كهسێ ل دووڤ رێنمایان كار نهكهت و بكێمترین كێماسى ئهو دێ پێرابوونان بهرامبهرى وان وهرگرن.
كاروان حاجى سهعید بهرپرسێ لژنا ئابوورى یا قهزا ئامێدیێ دیار كر، ژبۆ پتر پاراستنا ساخلهمیا وهلاتیان ب تایبهتى ژى دڤى دهمى دا ئهو بهردهوام ب سهر بازارى و خارنگهه و جهێن دى یێن بازرگانى دگهرن و ژبهر نه پَێگریكرن ب رێنمایێن ساخلهمیێ و یێن لژنا ئابوورى ، دڤێ ههیامێ دا ئهو شیانه پتر ژ 13 جهێن بازرگانى سزا بدهن كو ژ وانا سێ هاتینه گرتن.
ناڤهاتى ئاشكرا كر، كو ئهوان خارنگهههك و دو ماركێت گرتینه و 10 جهێن دى یێن بازرگانى ب كوژمێ 800 هزار دینارا سزاداینه و دهست ب سهر 300 كیلوگرامێن كهرهستهیێن ئێكسپایر دا گرتینه.
وەلات هەجەر نوونەرێ قایمقامێ زاخۆ د لژنا دیفچوونا بازاری دا بۆ ئەڤرۆ نیوز دیار کر ژبەر نەپێگیریا پێنچ جهان ب رێنمایێن تایبەت ب خوە پاراستنێ ژ ڤایروسێ کورونایێ ئەو جهە هاتنە گرتن و سزادان، قوناغا دووێ یا چاڤدێریکرنێ ل سەر جهێن رێنما ب وان هاتینە دان ئەڤرۆ روژا سێ شەمبێ مە سەرەدانا چەندین جهان دناڤ سەنتەرێ زاخۆ دا کر و ژبەر نەپێگیریکرنا سێ نانپێژ و شریناهیەکێ ب رێنمایێن تایبەتێن خوە پاراستنی ژ ڤایروسێ کورونایێ ب کوژمەیەکێ پارەی هاتنە سزادان و ئەو جهە هاتنە ئاگەهدار کرن ژی هەکە پێگیر نەبن ب رێنمایان دێ سزایێن توندتر ب وان هێتە دان لەورا پێدڤی یە پێگیر بن ب جێبەجێ کرنا رێنمایان،هەر د بەردەوامیا سەرەدانێن مە دا مە شیا جهەکێ گوشت فروشیێ بگرین کو خودانێ وێ را بوو ب فروتنا گوشتێ سور بێ مور و هەر دیسان ل دەوروبەرێ جهێ خوە ژی راد بوو ب ڤەکوشتنا ئاژەلی و ئەڤە ژی بەروڤاژی رێنمایان بوو.
نيشاندان