ئەڤرۆ نیوز، له‌زگین جوقى:
قایمقامێ قه‌زا شنگال دیاركركو 314 كه‌س ل سیبا شێخدر وگرعزێر هاتنه شه‌هیدكرن و هزار كه‌س ژى بریندار بوون و 45 كه‌س ژى هاتنه بیێ سه‌روشینكرن .
مه‌حما خه‌لیل، قایمقامێ قه‌زا شنگال دیاركركو وه‌كو ئه‌ڤرۆ سالا 2007ێ چار ترۆمبێلین منیرێژكرى ل سیبا شێخدر و گرعزێر هاتنه په‌قاندن كو ل ناحیا گرعزێر دو ترۆمبێلێن منیریژكرى هاتنه په‌قاندن ل كۆمه‌لگه‌ها سیبا شێخدر ژى دو ترۆمبیلێن منیرێژكرى هاتنه په‌قاندن ئه‌ڤرۆ سالڤه‌گه‌را كاره‌ساتا گرعزێر و سیبا شێخدرێ یه دڤێ كاره‌ساتێ دا هزار وه‌لاتیێن سڤیل بریندار بوون و 314 كه‌س ژى شه‌هید بوون و 45 كه‌س ژى بیێ سه‌روشین بوون و حكومه‌تا هه‌رێما كوردستانێ هه‌ر 314 كه‌س ب شه‌هید هژماركرن “.
ئاشكه‌را كركو د ڤێ كاره‌ساتا دلته‌زین دا یا رۆژا 14/8/2007ێ ب ریێا چار ترۆمبیلێن مه‌زن یێن منیرێژكرى روودایێ زیانیێن مه‌زن یێن گیانێ گه‌هشتنه خه‌لكی و سه‌دان خانیێن وه‌لاتیان هاتنه خرابكرن ئه‌م داخوازێ ژ به‌غدا دكه‌ین تیرۆرستێن ڤێ تاوانێ بهێنه ئاشكرا كرن.
ئه‌ڤرۆ نیوز:
وه‌زاره‌تا ده‌رڤه‌یا ئیرانێ راگه‌هاند: ب وێ پێنگاڤا ته‌لئه‌بیب و ئه‌بوزه‌بی هێلا به‌ره‌ڤانی و به‌رهنگاربوونێ ل ده‌ڤه‌رێ بهێز دبیت.
د به‌یاننامه‌یه‌كێ دا وه‌زاره‌تا ده‌رڤه‌یا ئیرانێ به‌لاڤكریه، كۆ رێكه‌تنه‌كا نه‌زانانه‌یه و هه‌ر ڤه‌رێژه‌كا خراب ل ده‌ڤه‌رێ روو بده‌ت، ئیسرائیل و دوستێن وێ ژ ئه‌وێ چه‌ندێ به‌رپرسیارن.
ده‌مێن بوری ئیسرائیل و ئیماراتێ رێكه‌تن نامه‌یه‌ك ئیمزاكر بۆ ئاسایكرنا په‌یوه‌ندیێن دناڤبه‌را وان دا، هنارتیێ سه‌رۆكێ ئه‌مریكا بۆ ئاشتیێ راگه‌هاند رێكه‌تنامه دبیته هێله‌كا بهێزا به‌ره‌ڤانیێ هه‌مبه‌ر ئیرانێ.
لگۆری رێكه‌تنامه‌یا ئیسرائیل و ئیماراتێ، ئیسرائیل ده‌ستا ژ پاوانخوازیا خوه ئینیت ل سه‌ر چه‌ند ده‌ڤه‌ره‌كێن كه‌رتێ رۆژئاڤا كۆ پلان دانابوو ده‌ست ب سه‌ردا بگریت.
كوچكا سپی ده‌ربارێ رێكه‌تنامه‌یێ راگه‌هاند رێكه‌تن ب ڤه‌كرنا بالیوزخانه و گه‌شتێن ئیاسمانی و ئاسایكرنا په‌یوه‌ندیێن دناڤبه‌را هه‌ردو وه‌لاتان دهێته‌كرن.
شێخ مخه‌مه‌د بن زاید ئال نه‌هیان جهنشینێ ئیماراتێ راگه‌هاند ئه‌ڤرۆ رۆژه‌كا دیرۆكی یه، و بنیامین ناته‌نیاهو ده‌ربارێ رێكه‌تنێ دیاركر ده‌ست بلندیا ئیسرائیلێ ب سه‌ر چه‌ند ده‌ڤه‌ره‌كێ فه‌له‌ستینێ ڤه نامینیت.
ئه‌ڤرۆ نیوز، مه‌حمود نهێلی :
رێڤه‌به‌رێ ناحیا بامه‌رنێ بۆ ئه‌ڤرۆ نیوز دیاركر، كو ده‌مه‌كى كێم به‌رى نوكه فرۆكه‌یێن توركیا ل نێزیک گوندێ ئەرەدنا ل سنورێ ناحیا بامەرنێ بوردومانکر و د ئه‌نجامێ دا ترۆَمبێلەک كرینه ئارمانج.
حه‌مید زوبه‌یر رێڤه‌به‌رێ ناحیا بامه‌رنێ بۆ ئه‌ڤرۆ نیوز گۆت : ئەڤرۆ ١٤/٨/٢٠٢٠ فرۆکەیێن تورکیا ترۆمبێلەک ل نێزیک مینومێنتا گوندێ ئەرەدنا یێ سەر ب ناحیا بامەرنێ کریە ئارمانج و گۆت : د وێ تورۆمبێلێ دا کو ژ جورێ سیراتو بوو سێ کەس هەبووینە کو دو ژ وانا شەهید بوونە و ئێک ژی ب گرانی بریندار بوویە و ئاشکرا کر، هێشتا دیار نینە کا قوربانیێن ڤێ بوردومانێ، گەریلایێن پەکەکێ نە یان ژی هاولاتیێن سڤیلن .
ئه‌ڤرۆ نیوز:
نیكوس ده‌ندیاس وه‌زیرێ ده‌رڤه‌یێ یونانێ به‌ریا نا راگه‌هاند بوو هه‌كه توركیا توخیبێ ئاڤی ده‌رباز بكه‌ت دێ مافێ خوه یێ نێڤ ده‌وله‌تی بكار ئینیت، ئه‌ڤه دده‌مه‌كی دایه توركیا ره‌ت دكه‌ت كۆ ژ توخیبا ده‌ركه‌ت بیت.
د ئه‌ڤان دو رۆژێن بوری دا حوكمه‌تا یونانێ سه‌ربازێن خوه ب تایبه‌تی هێزا ده‌ریایی ئێخستیه د حاله‌تێ به‌رهه‌ڤیێ دا، ئه‌و سه‌ربازێن د موله‌تێ دا ژی هاتینه داخازكرن و زڤرینه ناڤ رێزێن سوپایی، هه‌ڤده‌م فه‌ره‌نسا پشته‌ڤانیا خو بۆ یونانێ راگه‌هاند.
ره‌جه‌ب ته‌یب ئه‌ردوغان سه‌رۆك كۆمارێ توركیا راگه‌هاند مه گوتیێ هێرشێ نه‌كه‌ن هه‌كه دێ خویك دانا وێ ب گران ل سه‌ر وه كه‌فیت، ره‌خه‌نه‌یێن توند ل پاریسێ گرت بو ئه‌وێ پشته‌ڤانیا یونانیا ل یونانێ دكه‌ت.
هه‌رچه‌نده ده‌مه‌ك بوو كارێ لێگه‌ریان و پشكنینێ راوه‌ستاند بوو، به‌لێ پشتی 6 ئابێ 2020 یونان و میسر ل قاهیره رێكه‌تن ده‌ربارێ توخیبێن ئاڤی یێن ده‌ریا ناڤه‌راست ئیمزاكریه، توركیا دو دله كارڤه‌دان ده‌ست ب كارێن لێگه‌ریانێ ل ده‌ریا ناڤه‌راست كریه.
ئەڤرۆ نیوز:
رێڤەبەریا گشتی یا ساخلەمیا پارێزگەها دهۆکێ ڕاگەهاند: 43 تووشبوویێن دی یێن ڤایرۆسێ کۆرۆنایێ ل دهۆکێ کو د نەخۆشخانێدا بوون، پشتی هەموو پشکنین بۆ هاتینە کرن، دیاربوویە کو ب تەمامی چارەسەربووینە و ب سلامەتی ژ نەخۆشخانێ دەرکەفتن و چوونە د ناڤ کەسوکارێن خوە دا.
هەروەسا گۆتیە: ب ئه‌ڤێ چەندێ هژمارا چارەسەربوویان گەهشتە 621 کەسان و نوکە 904 نەخۆش ماینە د نەخۆشخانێ دا.
ئەڤرۆ نیوز:
وەزارەتا ساخلەمیا هەرێما کوردستانێ ئامارا ٢٤ دەمژمێرێن بۆری ل هەرێمێ بەلاڤکر کو دیار دبیت ٥٦٩ کەسێن دی ل هەرێما کوردستانێ تووشی ڤایرۆسێ کۆرۆنایێ بووینە و هەروەسا ١٣ کەسان ژی جانێ خوە ژ دەست داینە.
ل گۆر ئامارا وەزارەتا ساخلەمیا هەرێما کوردستانێ ١٤٣ کەسێن دی ل دهۆکێ تووشی ڤایرۆسێ کۆرۆنایێ بووینە و هەروەسا ٤٥ کەس ژی ب تەمامی باش بووینە.
ئه‌ڤرۆ نیوز:
په‌یڤدارێ وه‌زاره‌تا خاندنا بلند و ڤه‌كۆلینێن زانستی یا هه‌رێما كوردستانێ راگه‌هاند: هه‌فتیا بهێت بریار دێ ل سه‌ر ئه‌وێ چه‌ندێ هێته دان كۆ ده‌واما زانكۆ و په‌یمانگه‌هان بۆ سالا نوو یا خاندنێ ده‌ست پێكه‌ت، بۆ ئه‌ڤێ چه‌ندێ ژی چه‌ند پێشنیاره‌ك هاتینه‌كرن.
عه‌باس ئه‌كره‌م په‌یڤدارێ وه‌زاره‌تا خاندنا بلند و ڤه‌كۆلینان راگه‌هاند هه‌فتیا بهێت بریار دێ ل سه‌ر ئه‌وێ چه‌ندێ هێته دان، كۆ ده‌واما زانكۆ و په‌یمانگه‌هان بۆ سالا بهێت یا خاندنا 2020 بۆ 2021 ده‌ست پێ دكه‌ت.
په‌یڤدارێ وه‌زاره‌تا خاندنا بلند راگه‌هاند ژی لژنه‌یه‌ك ب سه‌رپه‌رشتیا بریكارێ وه‌زاره‌تێ بۆ چه‌وانیا ده‌ستپێكرنا سالانوو یا خاندنێ پێكهاتینه، لژنێ چه‌ند پێشنیاره‌كێن جودا كرینه كۆ ئێك ژ لژنه‌یان ئه‌وه 1/9/2020 ده‌وام ب شیوازێ ئه‌لكترونی ده‌ست پێ بكه‌ت، دیاره پێشنیارێن دی ژی هه‌نه، به‌لی هه‌موو چاڤه‌ریێ كۆمبوونا جڤاتا وه‌زاره‌تێ بۆ چه‌وانیا ده‌ستپێكرنا سالا نوو یا خاندنێ.
ئه‌ڤرۆ نیوز:
وه‌زاره‌تا ساخله‌میا روسیا راگه‌هاند د دو هه‌فتیێن بهێت دا دێ ده‌ست ب به‌رهه‌مئینانا ڤاكسینێ دژی كورونایێ ب رێژه‌یه‌كا به‌رچاڤ به‌رهه‌م ئینین.
لگۆری راگه‌هاندنه‌كا وه‌زاره‌تا ساخله‌میا روسیا، ل دو هه‌فتیێن بهێت رێژه‌كا زۆر یا ڤاكسینێ دژی ڤایرۆسێ كورونایێ به‌رهه‌م ئینن تانوكه زێده‌تری 20 وه‌لاتان داخازی پێشكێشی روسیا كرینه بۆ كرینا ئه‌وی ڤاكسینێ.
به‌ریا چه‌نده‌كێ ڤلادیمیر پوتن سه‌رۆكێ روسیا راگه‌هاند وه‌لاتێ وی بۆ جارا ئێكێ ڤاكسین ل سه‌ر مرۆڤان تاقیكر و چاڤه‌ریێ ئه‌نجامێن باش ژێ دكه‌ین، ئه‌ڤه ژی دبیته پێنگاڤا ئێكێ كۆ ب ره‌سمی ل جیهانێ دژی ڤایرۆسی هاتیه هاڤێتن.
ئه‌ڤرۆ نیوز:
وه‌زیرێ ساخله‌میا ئه‌لمانیا راگه‌هاند پێشبینیێ دكه‌ین د چه‌ند هه‌یڤێن بهێت دا، ڤاكسینا كورونایێ ل ل ئه‌لمانیا به‌رهه‌م بینین، پشت راست ل ده‌ستپێكا سالا بهێت دێ ڤاكسین د وه‌لاتی دا به‌رهه‌ڤ بیت.
ینس سپان وه‌زیرێ ساخله‌میا ئه‌لمانیا راگه‌هان پێشبینیێ دكه‌ین ل چه‌ند هه‌یڤێن بهێت ڤاكسینا كورونایێ ل ئه‌لمانیا به‌رهه‌م بینن، پشت راستین ل ده‌ستپێكا سالا بهێت ڤاكسین دێ یا به‌رهه‌ڤ بیت د وه‌لاتی دا، بتنێ تشته‌كی كۆ ژێ پشت راستین زنا و ڤه‌كۆله‌رێن ئه‌لمانیا زێده‌تر ژ هه‌رده‌مه‌كی دی له‌زێ ل پێشڤه‌برنا به‌رهه‌م ئینانا ڤاكسینی دا دكه‌ن.
وه‌زیرێ ساخله‌میا ئه‌لمانیا ئه‌و چه‌نده ژی راگه‌هاند هێشتا ڤه‌كۆلین ماینه ل سه‌ر ئه‌وێ چندێ پێدڤیه چه‌ند جاران ڤاكسین بهێته بكارئینان تا به‌ره‌ڤانیا جه‌سته‌یێ مرۆڤی دروست بكه‌ت، ڤه‌كۆلینێن ده‌ربارێ دیاركرنا ده‌مێ به‌رده‌وامیا به‌ره‌ڤانیا ڤاكسینێ ل جه‌سته‌یێ مرۆڤی دا دیاری نه‌كریه.
ئه‌ڤه دده‌مه‌كی دایه نوكه ڤاكسینا سپوتنیك 7 دژی كورونایێ ل روسیا هاتیه پێشڤه‌برن و بریاره ل دو هه‌فتیێن بهێت ڤاكسینی به‌رهه‌م بینن.
نيشاندان