ب دووماهی هاتنا یاریێن گەڕا 16 یا خولا پلا نایابا كوردستانێ هەڤڕكی بۆ ڕێزبەندییا پێشیێ و سەرێ لیستێ شاڕیایە و یانەیا زاخۆ پێنگاڤێن باش د هاڤێژیت بۆ پێشڤە د بەرانبەر دا یانەیا ئاكرێ تووشی خوسارەتیێن نە چاڤەڕێ كری بوویە.
تیما یانەیا زاخۆ بەردەوامە ل سەر ئاست و پێشڤەچوونێن خوە یێن باش پشتی د یارییا حەفتیا بۆری دا ب گۆلەكێ بێ بەرانبەر سەركەفتن ل سەر یانەیا ڕزگاری ئینایی، ئەڤێ ئەنجامێ كوڕێن خابووری پێشڤە بڕنە ڕێزا سێیێ ل سەر لیستا خولێ ب 27 خالان ژ حەفت سەركەفتن، شەش وەكهەڤییان و هیڤیێن هەڤڕكیێ بۆ ناسناڤێ كوردستانێ گەشتر لێكرن، بڕیارە سوبەهی یارییا خوە یا گەڕا 17 ببنە مێڤانێن یانەیا ڕانیە.
ژلایێ خوەڤە یانەیا ئاكرێ قارەمانا وەرزێ بوری ئاست و ئەنجامێن پێدڤی دەستڤە نا ئینن و د حەفتییا بۆری دا خوسارەتییا شەشێ د خولێ دا ئینا كو دبیتە ئاستەنگ بۆ پاراستنا ناسناڤێ خوە، پشتی دگەل مێڤاندارا خوە چوارقورنە ب گۆلەكێ تووشی خوسارەتیێ بووی، ئەڤێ ئەنجامی چو ل سەر ڕێزبەندییا وێ نە گوهۆڕی ئەوا ب كۆمكرنا 25 خالان ژ هەشت سەركەفتن و ئێك وەكهەڤی رێزا پێنجێ پاراست.
رێزبەندییا گشتی بڤی شێوەیە.
1- شێروانە 30 خال.
2- پێشمەرگەیا هەولێر 29 خال.
3- زاخۆ 27 خال.
4- ڕزگاری 25 خال.
5- ئاكرێ 25 خال.
6- هەولێر 20 خال.
7- پێشەسازی 20 خال.
8- دەربەندیخان 19 خال.
9- برایەتی 19 خال.
10- ڕانیە 18 خال.
11- سیروانی نوو 17 خال.
12- هندرین 16 خال.
13- چوارقۆرنە 15 خال.
14- شەقلاوە 13 خال.
15- سەیدسادق خوە ژ خولێ ڤەكێشایە.
خولا نایاب شاریایە و زاخۆ د ناڤ هەڤڕكیێ دایە و ئاكرێ دووركەڤت
نيشاندان