ئهڤرۆ نیوز:
ب وێنه .. نێچیرڤان بارزانی پێشوازیێ ل وهزیرێ دهرڤه یێیرانێ دكهت
نووترين نووچه
- سەرۆكێ هەرێما كوردستانێ پێشوازی ل بەرپرسێ نڤیسینگەها ئێكەتییا ئورۆپایێ كر
- نێچیرڤان بارزانی و یان برێم دوپاتیێ ل سەر بەردەوامییا هاریكارییا د ناڤبەرا هەرێمێ و فەرەنسایێ دا دكەن
- ب فەرمانا سەرۆكێ هەرێمێ پلەیا هەژمارەكا پلەدارێن هێزێن ئاسایشا ناڤخۆ هاتە بلندكرن
- دیمەشق دەست ب ڕێكارێن ڤەكرنا قونسلخانەیا خۆ ل هەرێما كوردستانێ دكەت
- بناس دۆسكی ب بەلگەنامەیێن فەرمی روو ب روویێ وەزارەتا پەترۆلا فیدرال دبیت
- كاراكرنا پەرلەمانی و پێكئینانا حوكمەتێ پێدڤییەكا نیشتمانی یە
- نێچیرڤان بارزانی و قونسلێ بەریتانیا دوپاتیێ ل سەر بەردەوامییا ب هێزكرنا پەیوەندییان دكەن
- هشیار زێباری: رێككەفتنێن ل گەل ئەمریكا دێ پاشەڕۆژەكا باشتر و گەشەكرنێ بۆ ئیراقێ دابین كەن
- پارتی ل سەر چارەسەركرنا قەیرانان پێگیرە
- چارەسەركرنا كێشەیێن هەولێرێ و بەغدایێ هێز و سەروەریێ د دەنە ئیراقێ
سهرهكى نووترين نووچه
سهرۆك بارزانی: چو سنوور بۆ پهیوهندیێن گهلێ كوردستانێ و گهلێ فرهنسا نینن
ئهڤرۆ نیوز:
سهرۆك مهسعود بارزانی ئهڤرۆ ل سهلاحهدین پێشوازی ل ژان ئیڤ لودریان وهزیرێ دهرڤه یێ فرهنسا و شاندێ ل گهل دا كر.
د دیدارهكێ دا وهزیرێ دهرڤه یێ فرهنسا سوپاسی بۆ قوربانیدانا گهلێ كوردستانێ د شهرێ دژی تیرۆرستێن داعش دا ههبوو و دوپاتی ل وێ چهندێ كر كو ژ پێخهمهت بدهستڤهئینانا سهقامگیریێ و دهرنهكهفتنا تیرۆرێ ل عیراقێ، پێدڤیه رێز ل پێكهاتێن دهولهتا عیراقێ و ب تایبهت رێز ل ههرێما كوردستانێ و پێگهه و كاریگهریا وێ بهێته گرتن.
وهزیرێ دهرڤه یێ فرهنسا راگههاند، كو وهلاتێ وی دێ پشتهڤانا گهلێ كوردستانێ مینیت و هاریكاریا سیاسی و سهربازی و پهیوهندیێن فهرههنگی و ئابووری ل گهل كوردستانێ پێشڤهبهت و دخوازیت د ئاڤاكرنا عیراقێ دا پشكدار ببیت.
د ههمبهر دا سهرۆك بارزانی، سوپاسیا گهل و سهرۆك و حوكمهتا فرهنسا و شهخسێ وهزیرێ دهرڤه یێ فرهنسا كر كو دوست و پشتهڤانێن گهلێ كوردستانێ نه و راگههاند، یێ خۆشحاله ب پهیوهندیێن ههرێما كوردستانێ و فرهنسا و چو سنوور بۆ دوستاتی و پهیوهندیێن د ناڤبهرا گهلێ كوردستانێ و گهلێ فرهنسا دا نینن.
ل دۆر پهیوهندیێن ههولێر و بهغدا، سهرۆك بارزانی هیڤی خواست كو ئهو گرفتێن د ناڤبهرا ههردو ئالیان دا ماین ب رێیا دیالۆگ و لێكتێگههشتنێ بهێنه چارهكرن و گۆت:(راسته داعش ژ روویێ سهربازی یا هاتیه شكاندن، لێ پێدڤیه ئهو فاكتهرێن بووینه ئهگهرێ سهرهلدانا داعش نهمینن بۆ وێ چهندێ جارهكا دی داعش پهیدا نهبیت).
ل دۆر چارهنڤیسێ گهلێ كورد ل سووریێ، ههردو ئالیان حێبهتیا خوه نیشادا و دوپات كر كو پێشهات و گوهۆڕینێن ناڤ سووریێ نابیت ببنه ئهگهر گهلێ كورد و وهلاتیێن كورد ل سووریێ باجا وێ بدهن.
42 هزار و 220 زارۆ ل دهۆكێ ژ دایك بووینه و چار هزار و 495 كهسان گیانێ خوه ژ دهست دایه
ئەڤرۆ نیوز:
رێڤهبهرێ گشتی یێ ساخلهمیا پارێزگهها دهۆكێ ئامارێن سالا 2018 یێن رێڤهبهریا گشتی یا ساخلهمیا پارێزگهها دهۆكێ راگههاندن.
د. نزار عسمهت ، رێڤهبهرێ گشتی یێ ساخلهمیا پارێزگهها دهۆكێ دپرێس كونفرانسهكێ دا دیاركر كو ل سالا بۆری 3914705 كهسان سهرهدانا دهزگههیێن ساخلهمیێ كرینه و 176262 نهخۆش یێن هاتینه نڤاندن ل نهخۆشخانا وسهنتهرێن تایبهتمهند و 1045 كهس تازه تووشی نهخۆشیا پهنچهشیری بووینه دسالا بۆرێ دا 60076 نشتهگهری یێن هاتینه ئهنجامدان، ژمارا روونشتن یێن شووشتنا كولجیسكا دگههته 19758 و ژمارا نشتهگهریێن چاندنا كولیجسكا ژی 72 نشتهگهری بووینه و 1791 قهستهرێن دلی یێن هاتینه ئهنجامدان و 245 نشتهگهریێن دلی یێن هاتینه ئهنجامدان.
ئاشكهرا كركو 4780880 پشكنینن تاقیگههێ یێن هاتینه ئهنجامدان و ژمارا نهخۆشێن سهرا یهكێن تیشكێ كرین دگههته 556561 و ژمارا پشكنیێن تیشكا سینكی یێن هاتینه ئهنجامدان دگههنه 256553 و ژمارا سونارا یێن هاتینه ئهنجامدان دگههنه 180836 ههروهسا ژی 22754 میفراس یێن هاتینه ئهنجامدان و 16601 رهنیێن مهگناتیسی یێن هاتینه ئهنجامدان.
ناڤهاتی ئهوژی دیاركركو سالا بۆرێ دا ل پارێزگهها دهۆكێ 42220 زارۆك یێن هاتینه سهر دونیایێ د ههمبهر دا ژی 4495 كهسان گیانی خوه ژدهستداینه كو ژمارا مرنا ئافرهتا دماوێ دووگیانی دا زارۆكبوونێ شهش حهفتیێن پشتی زارۆكبوونی دگههیته 9 ئافرهتان و رێژا مرنا ئافرهتا دماوێ دووگیانیێ دا زارۆكبوونێ شهش حهفتیێن پشتی زارۆكبوونێ بو ههر سهد هزار زارۆكیێن زێندوو یێن تازه ژ دایك بووین 21،3% یه و ژمارا زارۆكێن ساڤا كیمتر ژ سالهكێ یێن مرین 687 زارۆكبووینه ورێژا مرنا زارۆكێن ساڤا كیمتر ژ سالهكی بۆ ههر هزار زارۆكێن ساخ یێن نوو دهێنه سهردونیایی 16,3% یه وزارۆكێن كیمتر ژ پێنچ سالیێ یێن مرین دگههنه 879 زارۆكان رێژا مرنا وان بۆ ههر هزار زارۆكێن ساخ یێن ژنوو ژدایك دبن دگههته 20,8%.
د. نزار عسمهت زێدهتر گۆت: ئهگهرێن سهرهكی یێن مرنێ ڤهدگهرن بۆ نهخۆشێن دلی و بۆریێن خوینێ كو 1021 دبیته رێژا 27.2% و جهلتا مێشكی ژی 440 كهس بووینه دبیته رێژا 11,7% و پهنچهشیر ژی 412 كهس بووینه ئهوژی دبیته رێژا 11% و ههودان 343 دبیته رێژ
سوهێر ئهلقهیسى ئهگهرێ نه شووكرنا خوه ئاشكرا دكهت
ئهڤرۆنیوز:
رۆژنامهڤانا عیراقى ل كهنالێMBC سوهێر ئهلقهيسى، ئهڤرۆ دوشهمبى ئهگهرێ نه شووكرنا خوه ههتا نوكه دياركر.
سوهێرێ دبهرپهرێ خوه دا ل سهر تۆرا فهيسبووكى گۆت” من باوهرى يا ب وێ چهندێ ههى كو خودايێ مهزن دێ كهس ودهمێ گونجاى بۆ كاروانێ وێ دژيانێ دا بهرههڤ كهت، هندى كو نيهتێ وێ يا رۆهن وديار بيت ئهوژى پێكئينانا خێزانهكێ يه”.
دياركر ژى كو ئهو تێناگههيت چاوان هندهك كهسێن تێگههشتى ههڤپشكێ شاش دههلبژێرن ب تنێ بۆ وێ چهندێ كو ئهو بێزار بووينه ژ بتنێ بوونێ”.
جڤاتا وهزیران دوپاتیێ ل شایستێن دارایی یێن ههرێمێ دكهت
ئهڤرۆ نیوز:
جڤاتا وهزیرێن ههرێما كوردستانێ ئهڤرۆ ب سهرپهرشتیا نێچیرڤان بارزانی سهرۆكێ حوكمهتا ههرێما كوردستانێ كۆم بوو و بڕیارا دامهزراندنا دهرچوویێن ئێكێ ل سهر زانكۆ و پهیمانگههان دا و پرۆژه قانوونا بودجا عیراقێ یا ئهڤ ساله و بههرا ههرێما كوردستانێ گهنگهشه كر.
د ئالیهكێ دی یێ كۆمبوونێ دا جڤاتا وهزیرێن ههرێما كوردستانێ دوپاتی ل داكۆكیكرنێ ژ ماف و شایستێن دارایی یێن ههرێما كوردستانێ د چارچوڤێ پێگیربوونێ ب دستووری كر، بۆ ڤێ مهرهمێ ژیوهزارهتا دارایی و ئابووری راسپارد كو ل گهل وهزارهتا دارایی یا عیراقێ و لیژنا دارایی ل پهرلهمانێ عیراقێ بهردهوام بزاڤان بكهن بۆ گههشتنا ئهنجامهكی كو تێدا مافێن ههرێما كوردستانێ دپاراستی بن، د ڤی واری دا جڤاتا وهزیران پێگیریا حوكمهتا ههرێما كوردستانێ بۆ هاریكاری و ههماههنگیێ ل گهل حوكمهتا فیدرال و پهرلهمانێ عیراقێ دوپات كر.
دەمێ پێکئینانا کابینا نوو یا حوکمەتا هەرێما کوردستانێ هاتیە دیار کرن
ئەڤرۆ نیوز:
ئەڤرۆکە هەر دو شاندێن پارتی و ئێکەتیێ ل دۆر پێکئینانا کابینا نوو یا حوکمەتێ هەرێما کوردستانێ کۆمبوون و پشتی کۆمبوونێ پەیڤدارێ پارتی مەحمود محەمەد راگەهاند کو د کۆمبوونێ دا دەمێ پێکئینانا کابینا نوو یا حوکمەتا هەرێما کوردستانێ هاتیە دیار کرن و راگەهاند کو د کۆمبوونێ دا رژدی ل هندێ هاتیە کرن کو دڤێت دانوستاندنێن ل دۆر کابینا نوو یا حوکمەتێ زوو ب دووماهی بهێن و کابینە بهێتە راگەهاندن.
ل ئالیێ دی سەعدی ئەحمەد پیرە ژی راگەهاند کو مە پێ باشە بەرنامەکا هەڤپشک یا کارکرنێ بۆ کابینێ حوکمەتا نوو یا هەرێمێ هەبیت و ئەڤ بابەتە ژی ل گەل شاندێ پارتی ئەڤرۆکە هاتە گەنگەشە کرن.
هەروەسا هەر دو ئالیان لیژنەک بۆ رێککەفتنێ ژی پێکئیناینە کو ئەڤ لیژنە دێ کۆمبوونێن خوە کەت و هەروەسا دێ کۆمبوونێن شاندێن پارتی و ئێکەتیێ بۆ پیکئینانا کابینا نوو یا حوکمەتا هەرێما کوردستانێ ژی د بەردەوام بن.
ترامپى ئهو گۆت یا كورد ههمی ل هیڤیێ
ئهڤرۆ نیوز:
سهرۆكێ ئهمریكا بهری چهند خۆلهكان ئهو گۆتن كر یا ههمی كورد ل ههر چار پارچێن كوردستانێ ب تایبهت ل رۆژئاڤا ل هیڤیێ.
دۆنالد ترامپی ل سهر تۆرا جڤاكیا تویتهری راگههاند، گه رتوركیا هێرشی كوردان ل سووریێ بكهت ئهو دێ توركیا ژ لایێ ئابۆری ڤه ژناڤ بهن.
ههروهها گۆت ژی: ئهو حهزناكهن كورد توركیا بئازرینن، كهسێن كو مفا ژ شهرێ داعشی وهرگرتی رۆسیا و ئیران و حكوومهتا سووریێ نه، ئهمریكا دێ سهربازێن خوه ژ سووریێ ڤهكێشیت ئێدی شهرێن بێ دوماهی بهسن.
پتر ژ 300 قوتابیێن زانكۆیا دهۆك سێ رۆژه دهوامێ ناكهن
ئهڤرۆنیوز، سالار دۆسكی:
دهمێ چهند رۆژانه قوتابیێن ههر چار قوناغێن كولیژا زانستێن ساخلهمی ل زانكۆیا دهۆكێ خوهنیشادانان دكهن و دهواما ناكهن و داخوازا راستڤهكرنا ناسناڤێ بۆ هاتیه دیاركرن دكهن.
بهسام شهوكهت، بهرپرسێ لژنا قوتابیان ل كولیژا زانستێن ساخلهمی بۆ ئهڤرۆنیوز گۆت” دهمێ حهفت سالانه قوتابی ل ڤێ كولیژێ دهوامێ دكهن و سێ قۆناغ ژی دهرچووینه، نوكه ژی دو پشك ل ههر چار قۆناغان دهوامێ دكهن كو نێزیكی 300 قوتابیانه،چهندین ساله ناسناڤ مه نهبوویه و پشتی چهندین بزاڤێن لقا زانكۆ یا ئێكهتیا قوتابیێن كوردستانێ ل گهل كولیژێ، پشتهڤانی كر و نڤیسارهك بۆ جڤاتا وهزیران بلندكر و ددووڤ دا بۆ وهزارهتا دارایی هاته بلندكرن، دو ناسناڤ بۆمه هاتینهدان پشتی ڤێ چهندێ قوتابیان و راگریێ نهرازیبوون ل سهر ههر دو ناسناڤان دیاركرینه چونكر نه ژ ههژی مهنه.
درێژیا بابهتی سوباهی ل بهرپهرێ دووڤچوون یێ رۆژناما ئهڤرۆ بخوینن
مهلا بهختیار:شهڤانه كاروانێ پهترۆلا دزی بهر ب سلێمانیێ دچیت
ئهڤرۆنیوز:
بهرپرسێ دهستهیا كارگێریا مهكتهبا سیاسی یا ئێكهتی نیشتمانی كوردستان، مهلا بهختیار، د گۆتارهكێ دا رهخنێ ل رهوشا سیاسی وئابووری یا عیراقێ دگریت وپهردێ ل سهر ب قاچاغ برنا پهترۆلا كهركووكێ لاددهت.
مهلا بهختیار دبێژیت” ل بیرێن پهترۆلی ل (جهمبوور) ل ناحیا خورماتوو ل كهركووكێ، رۆژانه وههتا نوكه 30 هزار بهرمیلێن پهترۆلێ ب كاروانێ تانكهرێن بهرپرسان دهێنه تالانكرن”.
ئاشكراكر ژی” كاروانێ وێ پهترۆلا دزی، شهڤانه بهر ب سلێمانیێ دچیت”.
ماموستایەک ل قاتێ ٦ دا دکەڤیت و گیانێ خوە ژدەست دەت
ئەڤرۆ نیوز ٬ عەلی حاجی :
ماموستایەکێ ئێک ژقوتابخانيَن باژێرێ زاخۆ ل قاتێ شەشێ یێ ئاڤاهیەکێ دا دکەڤیت و ئێکسەر گیانێ خوە ژدەست دەت .
عەبدولسەلام پیرو، بەرپرسێ ئێکەتیا ماموستایان لقا زاخۆ بۆ ئەڤرۆ نیوز گوت : ماموستا ( م.ئە.خ ) ماموستا ل قوتابخانەیەکا زاخۆ وەکو تەنسیب دەوام دکر و ئەو ماموستایە سەر ب میلاکێ رێڤەبەریا پەروەردا شنگالێ یە، ل ئێڤاریا روژا ئەینیێ 11/1/2019 ژئەگەرێ شاشيه كا تەکنیکی ل ئەسانسێرا ئاڤاهیەکى ژقاتێ ٦ دکەڤیت و گیانێ خوە ژدەست دەت .
زێدەتر گوت : پێدڤی بوو وەکی ماموستای دەرگەهێ ئەساسێنرێ ڤەکری، ئەو ئەسانسێر ل قاتێ ٦ بایە، بەلێ دەما دەرگەهـ ڤەبوی ئەسانسێر ل قاتێ ئێکێ بو، ماموستایێ گیانێ خوە ژدەست دای نەزانی ئەو شاشيا تەکنیکی یا ئەسانسێرێ دا دروستبووى و ئێکسەر دکەڤیت و دبیتە ئەگەر گیانێ خوە ژدەست بدەت.
دياركر، وەکو ئێکەتیا ماموستایان ل زاخۆ دێ مە پێرابونێن قانوونى هەبن بەرامبەر خودانێ ئاڤاهی و هەر دیسان پشتی ماموستایێ ناڤبری رەوانەی نەخوشخانا گشتی یا زاخۆ هاتیە کرن راپورتەک هاتیە نڤیسین و دێ دوووفچوونا مە ل سەر وێ روودانێ یا بەردەوام بیت .
نيشاندان
WP Facebook Auto Publish Powered By : XYZScripts.com