ئەڤرۆ نیوز، عەلی حاجی:
ل کەنیسەیا ئەرمەن ئارسوزکس ئەڤرۆ ل باژێرێ زاخۆ ل گورەی روژھژمێرا روژھەلاتی یا ئەرمەنان جەژنا ژدایک بوونا حەزرەتێ مەسیح ل زاخۆ ھاتنە گێران و ل دەمژمێر ٨ی سپێدێ رێ و رەسمێن ئاینی ل کەنیسەیا ناڤبری دەست پێکرن و پشتی ب داوی ھاتنا رێ و رەسمان ئەرمەنێن زاخۆ جەژن ل ھەڤدوو پیروز کرن و ھەر ل روژا ئێکێ یا جەژنا ئەرمەنان دا موسلمانێن دەڤەرێ ژی جەژن ل ئەرمەنان پیروز کر.
ئهڤرۆ نیوز:
خشتێ ئهزموونێن دهستپێكی یێ سالا خواندنێ 2018-2019 هاته راگههاندن و چهند گوهۆڕین تێدا هاتینه كرن.
ل دووڤ خشتێ ئهزموونێن دهستپێكی، ئهزموون ل 20/2/2019 دێ دهستپێكهن و رۆژانه دێ هێنه ئهنجامدان و ههر رۆژ ئهزموون دێ ل دهمژمێر 1ی پشتی نیڤرۆ هێنه ئهنجامدان و ل سالێن بۆری ل دهمژمێر 2ی پشتی نیڤرۆ دهاتنه ئهنجامدان، پێدڤیه قوتابی د هشیاری ڤێ چهندێ بن.
ههروهسا ل سالێن بۆری ئهزموونا پهروهردا ئیسلامی ل گهل زمانێ عهرهبی دهاته ئهنجامدان، لێ ئهڤ ساله رۆژهكا تایبهت بۆ هاتیه دیاركرن، ئانكو دێ جودا هێته ئهنجامدان.
ئهڤرۆنيوز:
ئهرمهنێن ههرێما كوردستانێ ئهڤرۆ ئێكشهمبى 6/1/2019 دێ رێ ورهسمێن جهژنا ژدايكبوونا حهزرهتێ مهسيح گێرن.
فاهيك كهمال، ئهندامێ پهرلهمانێ كوردستانێ ونوونهرێ ئهرمهنان ل پهرلهمانى دا بۆ ئهڤرۆنيوز گۆت” سالانه ل 6 كانوونا دويێ، ل دووڤ رۆژهژمێرا رۆژههلاتى يا كهنيسا ئهرمهنێن ئارسوزوكس، جهژنا ژدايكبوونا حهزرهتێ عيسايێ مهسيحه”.
فاهيك گۆت ژى” دڤێ جهژنێ دا، ئهم ئهرمهن قوداسێ ل كهنيسێ دكهين وپشتى ب دووماهى هاتنا قوداسى سهرهدانا مالێن ههڤدو دكهين بۆ پيرۆزباهيێ ب ههلكهفتا وێ جهژنێ”.
ئەڤرۆنیوز، سەباح زێباری:
ئهندامهكێ پهرلهمانێ كوردستانێ ل سەر لیستا پارتی دیموكراتی كوردستان بۆ ئەڤرۆنیوز راگههاند كو پارتی ل بانگەشا هەلبژارتنادا بریاردا كو چاكسازیێ بكەت، لێ مخابن هندەك لایەن رێگربوون ل هەمبەر چاكسازیێ، ژبەر هندێ د ڤێ خۆلێ دا پارتی بریار یا دای كو چاكسازیێ بكەت، تایبەت دناڤ موچەخور و خانەنشینان دا.
هيڤيدار ئهحمهد، ئهندامێ پهرلهمانێ كوردستانێ ژفراكسيۆنا پارتى زێدەتر گۆت” مە ل هەرێما كوردستانێ 230 هزار خانەنشین يێن ههين و خانەنشینێن سلێمانیێ هندی خانەنشینێن دهوك و هەولێرێ نە، دهەیڤهكێ دا 106 ملیار دينار دچنە پارێ خانەنشینیێ دا، كو بلندترين خانەنشینی یا دادوەرانە ل كوردستانێ، كو 9 ملیۆن دیناران وەردگرن بێ پاشكەفت، ئەڤە ژی نە دادپەروەریەكا ئێكجار مهزنه.
پەرلەمانتارێ فراكسیونا پارتی گۆت ژی كو حوكمەتا هەرێما كوردستانێ بریاردابوو كو كێمترین موچەخورێ خانەنشینی بگەهینتە 300 هزار ديناران، ئەڤە ژی ل سەر حوكمەتا هەرێما كوردستانێ د هەیڤێ دا 8 ملیار دیناران د راوەستیت، لێ ههكه بەرێ خوە بدەینە قانونا هژمار(4) یا سالا 2014 یا عێراقێ یا گرێدای خانەنشینیێ و ل كوردستانێ پراكتیك بكەی، ل وی دەمی 100 ملیار دینار دێ چنە سەر بودجا هەرێما كوردستانێ، ئەم وەك پارتی دێ هەموو بزاڤان كهين كو هەكە خانەنشینی یا هەرێما كوردستانێ وەكو یا عيراقێ ژی نەبیت، لێ يا نێزیك بیت ژ يا عيراقێ.
ئەڤرۆ نیوز، مەحمود نهێلی
بەرپرسێ بنگەهێ بەرەڤانیا باژێری ل دێرەلۆكێ بۆ ئەڤرۆ نیوز دیاركر، كو ئەڤ شەڤە ئاگر بەربوو تانكەرەكی سوتەمەنیێ ل سەنتەرێ ناحیا دێرەلۆك و زیانێن مادی گههشتنێ.
جیدارێ ئێكێ ئیحسان سەنعان، بەرپرسێ بنگەهێ بەرەڤانیا باژێری ل دێرەلۆكی دیاركر، كو ئەڤ ئاگرە ژ ئەنجامێ پەقینا تەكەرەكی تانكەری دروست بوویە و گۆت: ( ل دەمێ تەكەرێ ترۆمبێلێ پەقی شوفێر نەشیایە كونترۆلێ ل سەر ترۆمبێلێ بكەت و ب راوەستینيت و د ئەنجامدا ئاگر بەردبیتە تەكەرێ ترۆمبێلێ ).
گۆت ژى كو تیمێن وان ب زووترین دەم گەهشتینە جهێ روودانێ و شیان ئاگری كونترۆل بكەن و نەهێلن ئاگر بەرببیتە سوتەمەنیا تێدا كو دوورێن 18 هزار لیترێن گازوايلێ دناڤ دا بوون و گۆت: ( بتنێ زیان گەهشتنە چار تەكەرێن تانكەری و هەروەسا سوندێن وێ ژی هاتینە سوتن و چەند زیانێن دی یێن بچووك گەهشتینە ترۆمبێلێ).
ئەڤرۆ نیوز:بارزان مزووری:
جەژنا باتزمێ ئێك ژجەژنێن گرنگ یێن هوزا “چێلكان” یا كوردێن ئێزدی يه بۆ دهمێ حەفت رۆژان بەردەوام دبیت، هەر رۆژەكێ جۆرەكێ رێ ورەسمێ دهێت گێران ل رۆژا دوماهیێ كو دكەڤیتە 6 كانوونا دويێ 2018 ب سمات سەروپی خوارن دێ ب دوماهی هێت.
كاژین خەلەف ، ئێك ژ ئافرەتێن دانعەمره دناڤ هوزا چێلكان بۆ ئەڤرۆ نیوز گۆت: هەر رۆژەكێ جۆرەكێ رێ ورەسمان دهێته گێران ژوان دو رۆژان ب رۆژی دبین وسەوكێن نانی و سەروپێكا و سمات و هەلكرنا دو چرایان دناڤ مالێ دا و سەرەدانا خەوراتێ دكەن هەركەسێ سەرەدانێ بكەت دێ گۆژمەكێ پارەی دانیتە وی جهێ خەورات لێ ،
زێدەتر گۆت: هوزا چێلكا ژ 5 هزار خێزانان پێك دهێت وهەموو خێزان ڤێ جەژنێ دگێرن یێن كوردستانێ و دەرڤەی كوردستانێ.
ئەڤرۆ نیوز، بارزان مزووری:
سەرۆكێ باژێرڤانیا زاویتە راگههاند، ل شەڤا بوری دەمژمێر 12:30 خۆلەك كەسەكی پەیوەندی ب مەكر كو ل نێزیك گوندێ كزو رێ بۆ ئەتروش هاتیە داخستن وسێ كەڤرێن مەزن ل چیایی هاتینە درێ دا، سپێدێ تیمەكا باژێرڤانیا زاويته دگەل ئامیرێن پاقژكرنێ چوینە جهێ رێ لێ هاتیە گرتن ورێ هاتە ڤەكرن وهاتنوچوون ئاسایی بویە.
صالح بەرواری، سەرۆكێ باژێرڤانیا زاویتە بۆ ئەڤرۆ نیوز گوت: ئهڤ رێ بهرى نوكه ژى ل 30 كانوونا ئێكێ 2018 هاتبوو داخستن ژبەر كهفتنا كەڤرێن مەزن ل چیای.
زێدەتر گوت: رێيا گوندێ “بوتیا” ژی كەڤرێن مەزن هاتینە د رێ دا وسپێدهيا سوباهى ئێكشهمبى 6 كانوونا دويێ 2019 تیمێن مە دێ وێ رێ ڤهكهن وهاتنوچوون بۆ وی گوندی دێ ئاسايی بیت.
ئەڤرۆ نیوز، مەحمود نهێلی
فرۆكێن لەشكەرێ توركی پشتا گوندێ سەرگەلێ یێ سەر ب ناحیا دێرەلۆك توپبارانكر و ترس و دودلی ئێخستە دلێ خەلكێ دەڤەرێ و تا نوكە زیانێن وێ نەهاتیە زانین.
وەلاتیەكی گوندی سەرگەلێ بۆ ئەڤرۆ نیوز دیاركر، كو ئەڤ توپبارانكرنه گەلەك یا نێزیكی گوندی بوویە و خانیێن وهلاتیان هەموو هەژیانە و ترس ودودلی ئێخستیە دلێ ئاكنجیێن گوندى.
حوسنی سەرگەلی، ئاكنجیێ گوندێ سەرگەلی دیار ژی كر، كو ئەڤە دهمێ چار سالایە گوندێ وان ژلایێ فروكێن توركی ڤە دهێتە توپبارانكرن و گەلەك جاران زیانێن مادی گەهاندینە گوندی، ژ وان ژی ژناڤبرنا پرۆژێ ئاڤا ڤەخوارنێ یا گوندی و هەروەسا شكاندنا پەنجەرێن خانیان و تیكچوونا ئاڤاهیان.
گۆت ژى كو توپبارانكرنا ڤێ جارێ هەر چەندە گەلەك یا نێزیكی گوندی بوویە، لێ چو زیانێن گیانی نەبووینە و زیانین مادی ژی تا نوكە ب دروستی ئاشكرا نەبوینە كا زیان گەهشتینە خانیێن كیش هاولاتیان.
گوندێ سەرگەلێ دكەڤیتە دەڤەرا نهێلێ یا سەر ب ناحیا دێرەلۆك ل قەزا ئامێدیێ، پشتی سەرهەلدانێ جارەكا دا هاتیە ئاڤەدانكرن و دورێن 100 خێزانان لێ ئاكنجی نە.
ئەڤرۆ نیوز، عەلی حاجی :
د داخویانیەکێ دا رێڤەبەرێ ئاڤا زاخۆ بۆ ئەڤرۆ نیوز گۆت : ئەوان دو پروژێن ئاڤێ پێشکێشی حکومەتا ھەرێما کوردستانێ کرینە دا کو رەزامەندی ل سەر بھێتە وەرگرتن بۆ ناحیا باتیڤا و پێشابیرێ بھێتە دانان.
زێدەتر ناڤبری گۆت: ژبەر کو ژێدەرێ ئاڤا پروژێ باتیڤا ژ دێریشکێ یە و ل مەھا ھاڤینێ دا ئاڤا وێ کێم و پیس دبیت و گەلەک جاران ب کێر ڤەخارنێ ناھێت، لەورا مە ب فەر دیت پروژەکێ نوو دێ ژێدەرێ ئاڤا باتیفا ژ خابیری بیت داکو ئێدی خەلکێ وێ دەڤەرێ ژ وێ رەوشێ رزگار ببن.
ناڤھاتی ئەو چەندە ژی دیارکر وەکو دیزاین و ب دووماھی ھاتیە تنێ مایە حوکمەتا ھەرێمێ رەزامەندیێ ل سەر بکەت ھەر دیسان ژبو پێشابیرێ ژی وان پروژەیەک دی یێ ئاڤێ پێشکێش کری یە ژبەر کو ژێدەرێ ئاڤا وان ب کێر ڤەخارنێ ناھێت و ل وی پروژێ نوو دا ئەگەر حکومەتێ رەزامەندی ل سەر بکەت خەلکێ وێ دەڤەرێ دێ ژ وێ ئاریشێ رزگاربن و ژێدەرێ ئاڤا وان دەڤەرا ژی بۆ ریبارێ دیجلە دێ ھێتە گوھۆرین و دێ خزمەتەکا باش یا دەڤەرێ کەت.
ئەڤرۆ نیوز:
د ئامارا سالا ٢٠١٨ دا ئێکەتیا زەلامێن کوردستانێ ئەڤرۆ رۆژا شەمبی دا ھاتیە بەلاڤ کرن کو رێژەیا توندوتیژیێ دژی زەلامان ژلایێ ھەڤژینێن وان ڤە بەر ب زێدەبوونێ یە ژ سالا ٢٠١٧.
زێدەتر عەلی فەرەج سکرتێرێ ئێکەتیا زەلامێن کوردستانێ د کونگرەکێ رۆژنامەڤانی دا دیارکر ٥٨٥ سکالا دژی زەلامان ھاتینە تومارکرن دگەل ١٥٠ بزاڤێن کوشتنێ و ٥ حالەتێن کوشتنێ د سالا ٢٠١٨ دا رووداینە دژی زەلامێن ھەرێما کوردستانێ.
ناڤھاتی دیارکر ٣٩ حالەتێن دەرخستنا زەلامان ژ مال ھاتینە تومارکرن دگەل ٥٧ حالەتێن خیانەتا سكسى د گەل ٢٠٠ حالەتێن رێ نەدان ب زەلامی زاروکێن خوە بینت ھاتینە تومارکرن.
ل دووماھیێ نافھاتی دیارکر رێژەیا توندوتیژیا دژی زەلامان ل سالا ٢٠١٨ بەر ب زێدەبوونێ یە ژ سالا ٢٠١٧ کو پێدڤیە لایەنێن پەیوەندیدار ھەیە رادەیەکی بۆ ڤێ چەندێ ب دانن.
نيشاندان