ئهڤرۆنيوز:
وهزارهتا دارايى وئابوورى سوباهى دوشهمبى 12/11/2018 دێ مووچێ ههيڤا ههشت يێ سالا 2018 يێ ههردو وهزارهتێن خواندنا بلند وسامانێن سروشتى بهلاڤكهت.
سوباهى مووچێ ڤان ههردو وهزارهتان دێ هێته بهلاڤكرن
نووترين نووچه
- سەرۆك بارزانی نیشانا ئاستبلندا رێزلێنانێ یا پاپایێ فاتیكانێ وەرگرت
- سەرۆك بارزانی و رادۆ بۆتۆم مەترسی و دەلیڤەیێن ل هەمبەر ئیراقێ و دەڤەرێ گەنگەشە كرن
- سەرۆك بارزانی و سكرتێرێ كۆنگرەیێ نیشتمانیێ ئیراقێ ڕەوشا سیاسی یا دەڤەرێ گەنگەشە كر
- نێچیرڤان بارزانی: رێزلێنانا ڤاتیكانێ بۆ سەرۆك بارزانی جهێ شانازییا مە هەموویانە
- مەسرور بارزانی: سەرۆك بارزانی سیمبۆلێ ئاشتیێ و پارێزەرێ ڕاستەقینە یێ پێكڤەژیانێ یە
- هێرشێن درۆنی گەفێن راستەوخوەنە بۆ سەر ئاساییشا هەرێمێ
- پشتەڤانیێ ل پاراستنا ئاسایش و ئارامییا كوردستانێ دكەین
- بكارهینانا درۆن و مووشەكان چارەسەرییا كێشەیان ناكەت
- نێچیرڤان بارزانی: هێرشا ل سەر نڤیسینگەها سەرۆكێ حوكمەتا هەرێمێ پێشهاتەكا مەترسیدارە
- مەسرور بارزانی: هێرشێن ئیرانێ گەفەكا ڕاستەوخۆنە بۆ سەر ئاسایش و ئارامییا كوردستانێ
سهرهكى نووترين نووچه
سعوديه عيراقێ رازى دكهت بهايێ پهترۆلێ ئهرزانتر بكهت
ئهڤرۆنيوز:
وهزيرێ پهترۆلا سعوديێ دديدارهكێ دا ل گهل وهزيرێ پهترۆلا عيراقى، شيايه حوكمهتا عيراقێ ب وێ چهندێ رازى بكهت كو بهايێ پهترۆلا خام ئهرزانتر لێ بكهت.
عاسم جيهاد، پهيڤدارێ وهزارهتا پهترۆلا عيراقێ ل دووڤ يورۆ نيوز راگههاند، دكۆمبوونا رۆژا دوهى شهمبيێ دناڤبهرا خالد فالح وهزيرێ پهترۆلا سعوديێ وسامر غهزبان وهزيرێ پهترۆلا عيراقێ، ههردو وهلات گههشتنه رێككهفتنهكێ كو ب مهرهما سهقامگيركرنا بازارێ جيهانيێ پهترۆلێ ورێگريێ ل زێدهبوونا بهايێ پهترۆلێ ئهگهرێ سزايێن ل سهر فرۆتنا پهترۆلا ئيرانێ، پێكڤه ههڤكاريا نێزيك ههبيت وعيراق ژى بهايێ پهترۆلا خوه ئهرزانتر لێ بكهت.
ژبلى وێ چهندێ ژى بهرپرسێن ههردو وهلاتان دوێ ديدارێ دا بهحسێ هنارتنا كارهبا سعوديێ بۆ عيراقێ كر كو دبيت ئهڤه ژى وهكو جهگرتنا كارهبا ئيرانێ بيت كو رۆژانه سزايێن زێدهتر ل سهر ئيرانێ دهێنه سهپاندن.
ئاگرێ كاليفۆرنيا خانيێن چهندين ئهكتهرێن ئهمريكى سوت
ئهڤرۆنيوز:
هژمارا قوربانيێن ئاگرێ باكوور وباشوورێ ويلايهتا كاليفۆرنيا ل ئهمريكا بهر ب زێدهبوونێ يه وههتا نوكه 250 هزار كهسان خانيێن خوه بجه هێلاينه.
ئاژانسا ئەسۆشیەتد پرێس يا دهنگوباسان بهلاڤكر، تنێ ل باژێرێ پارادايس 23 كهس سوتن و24 كهسێن دى بريندار بوون وسپێدهيا ئهڤرۆ ئێكشهمبى 11/11/2018 د تهرمێن دى ل دهڤهرا ماليبۆ يا گهشتيارى هاتن ديتن وهژمارهكا زۆر ژى دبێ سهر وشوينن.
باژێركێ ماليبۆ دهڤهرهكا گهشتيارى يه ومالا چهندين ئهكتهرێن مهزن يێن هۆلييودێ وكهسايهتيێن ناڤدار وهكو ويل سمز، لهيدى گاگا، ئهليسا ميلانۆ، كيم كارداشيان، رۆزانا ئاركێتى، كاتيلن جێنهر وراين ويلسونى يێن تێدا، بهلێ گهلهك ژوان مالێن وان ب تمامى يێن هاتينه سوتن.
دۆنالد ترامپ، سهرۆكێ ئهمريكا ئهگهرێ بهرفرههبوونا وى ئاگرى بۆ لاوازيا رێڤهبهرێن ئۆپهراسيۆنا ئاگر ڤهمراندنێ زڤراند وبارى نهئاسايى ل ويلايهتا كاليفۆرنيا ژى راگههاند.
حوكمهتا ههرێمێ دهست ب فرۆتنا ترومبێلێن حكومى دكهت
ئهڤرۆنيوز:
ل دووڤ وێ نڤيسارا وهزارهتا ناڤخوه ل ههرێما كوردستانێ ئاراستهى وهزارهت ورێڤهبهريان كرى، ب چهند مهرجان فرۆتنا ترومبێلێن حكومى ب شێوهكێ فهرمى دهستپێكر.
ل دووڤ وێ نڤيسارێ، ب چهند برگه ومادهيان شێوازێ فرۆتنا ترومبێلێن حكومى هاتيه دياركرن.
ههر دوێ نڤيسارێ دا كو ژلايێ ديوانا وهزارهتا ناڤخوه دهرچووى ب ئيمزايا كهريم شنگالى وهزيرێ ناڤخوه، ههموو رێنما تێدانه كا كيش ترومبێلا حكومى دێ هێته فرۆتن ورێڤهبهرى ژى دشێن دهستبهرداى كيشى ترومبێلان بن.
ئهو چهنده ژى هاتيه دياركرن كو حوكمهت ب چو شێوهكى ترومبێلێن موديل 2014 و سهردا نا فرۆشيت وئهو رێنما وبريار ژى ژ رۆژا بهلاڤبوونێ د رۆژناما (وهقائيع كوردستان) دێ كار پێ هێته كرن.
ههروهسا ب فهرمانا وهزارى لژنهك هاتيه پێكئينان بۆ فرۆتنا وان ترومبێلان كو سامى جهلال رێڤهبهرێ گشتيێ ديوانا وهزارهتا ناڤخوه سهرۆكاتيا وێ لژنێ دكهت وژ پێنج كهسان پێكهاتيه كو ئيك ژوان ئهندازيارێ ميكانيكى يه.
عهبادی دێ بيته ئۆپۆزسیۆن
ئهڤرۆنيوز:
سهرۆك وهزيرێن عيراقێ يێ بهرێ، حهيدهر عهبادى، مژوولى پێكئينانا بهرهيهكێ ئۆپۆزسيۆنێ يه دناڤ پهرلهمانێ عيراقێ دا، دبيت ئهو گاڤه ژى ئهركێ عادل عهبدولمههدى سهرۆك وهزيرێن عيراقێ گرانتر بكهت، ژبهر پشتى 2003 چو بهرهيهكێ پهرلهمانى ب فهرمى ب ناڤێ ئۆپۆزسيۆنێ نهبوو.
ل دووڤ راپۆرتهكا (العربي الجديد) پهرلهمانتارهكێ ههڤپهيمانيا نهسر كو عهبادى سهرۆكاتيا وێ دكهت، راگههاند” ههڤپهيمانيا نهسر ژلايێ عهبدولمههدى ڤه يا هاتيه پشت گو هاڤێتن وچو پۆستهكێ وهزارى پێ نههاتيه دان، نوكه ژى وێ ههڤپهيمانيێ وعهبادى هزر دوێ چهندێ دا كريه بهر ب ئۆپۆزسيۆنێ گاڤان ب هاڤێژن وچهند ليستێن دى ژى رازى كرينه.
دياركر ژى”ههڤپهيمانيا نهسر ب تمامى دێ بيته ئۆپۆزسيۆن وپشكهكا دى ژ ليستێن دى ژى دێ ئهندامهتيا ئۆپۆزسيۆنێ راگههينن كو ئيك ژوان رهوتێ حيكمهيه ب سهرۆكاتيا عهمار حهكيم وهژمارهكا پهرلهمانتارێن دهولهتا قانوونێ ب سهرۆكاتيا نورى مالكى”.
مهسرور بارزانی رهوشا ئاواران ل گهل سهرۆكێ رێكخراوا سهماريتان پێرس بهحس دكهت
ئهڤرۆنيوز:
شيرهتكارێ جڤاتا ئاسايشا ههرێما كوردستانێ، مهسرور بارزانى، ئهڤرۆ ئێكشهمبى 11/11/2018 پێشوازى ل گراهام فرانكلين، سهرۆكێ رێكخراوا سهماريتان پێرس كر.
دديدارهكێ دا كو خالد جهمال ئهلبێر، رێڤهبهرێ گشتيێ كاروبارێن ئاينێ مهسيحى ل وهزارهتا ئهوقافێ وكاروبارێن ئاينى ل ههرێما كوردستانێ بهرههڤ بووى، دانوسستاند ل دۆر رهوشا مرۆڤايهتى ل دهڤهرێن رزگاربوويێن بن دهستێ داعشێ ب گشتى و دهشتا نهينهوا ب تايبهتى هاته كرن.
مهسرور بارزانى سوپاسيا گراهام فرانكلين كر بۆ دۆستايهتيا دێرين ل گهل گهلێ كوردستانێ وپێشكێشكرنا خزمهتگوزاريێن مرۆڤايهتى بۆ وان خێزانێن ل كهمپان دژين، كو ژ ئهگهرێ شهرێ تيرۆرستێن داعشێ ئاوارهبووين.
ههروهسا بيرورا ل دۆر بزاڤێن بهرقهراكرنا سهقامگيريێ ودابينكرنا ئاسايشێ بۆ كهمينهيێن ئايينى هاتن ئالوگۆركرن، دهمێ دزڤرنه جهێن خوه.
بلند ههلسهنگاندنا پێكڤهژيانا ئاشتيانه دناڤبهرا پێكهاتێن نهتهوى وئايينى يێن گهلێ كوردستانێ وبهردهواميدان ب وى كهلتوورى، تهوهرهكێ دى يێ وێ ديدارێ بوو.
UNHCR بهرنامهكێ باش بۆ 2019 ههیه
ئهڤرو سپێدێ 11/11/2018 بهرێز فهرهاد ئهمین ئهتروشی پارێزگهرێ دهوكێ پێشوازیا بهرێز ( برونو) بهرپرسێ رێكخراوا UNHCRو شاندێ دگهلدا كر ,
دههڤدیتنهكێ دا بهحسێ رهوش و سهروبهرێ ئاواره و پهنابهرا و پێدڤی و كێم و كاسیێن وان هاته كرن , ههروهسا بهحسێ پلان و بهرنامێن رێكخراوانافبری یێن سالا بهێن 2019 ێ هاته كرن ,
بهرپرسێ رێكخراوا نافبری سوپاسیا حكومهتا ههرێما كوردستانێ كر بو وێ ههفكاری و هاریكاریا بهردهوام بو سازیێن UN و رێكخراوێن خێرخازی دكهن بێخهمهت خزمهتكرنا ئاواره و پهنابهرا و دیار كر كو وان بهرنامهكێ باش بو سالا بهێت ههیه و دێ خزمهتكرنا ئاواره و پهنابهرێت خهلكێ شنگارێ ل ههمی كهمپێن پارێزگههێ كهن ژبهر كو خهلكێ وان دهڤهرا نهشیێن تانوكه قهستا جهێن خو بكهن .
ژلایێ خوڤه پارێزگهرێ دهوكێ پهسنا رولێ رێكخراوا UNHCR كر دبیاڤێ خزمهتكرنا ئاواره و پهنابهرا دا و بهرههڤیا كارگێریا پارێزگههێ بو هاریكاری و ههفكاری كرنا وان بێخهمهت سهركهفتنا كارێ وان ل ههمی كهمپێن پارێزگههێ دوپاتكر
پر باران ترين دهڤهرا پارێزگهها دهۆكێ بوو
ئهڤرۆنيوز:
ل دووڤ خشتهكێ رێژا باران بارينا ئهڤ ساله كو ژلايێ رێڤهبهريا گشتى يا كهشناسيێ وبيڤهلهرزان ل ههرێما كوردستانێ هاتيه بهلاڤكرن، دهڤهرا دينارته پر باران تيرين دهڤهر بوو ل پارێزگهها دهۆكێ كو ههتا نوكه 140.8 ملم بارانێ لێ بارينه.
ديسا ل دهڤهرا ئامێديێ 126.6 ملم بارانێ بارينه ول كانى ماسێ 126.4 ملم ول باتيفا 115 ملم ول مانگێشكێ 109 ملم ول بجيل 104.5 ملم ول زاخۆ 102.8 ملم ول سهنتهرێ باژێرێ دهۆكێ 96.5 ملم ول ئاكرێ 86.6 ملم ول سێمێلێ 60.5 ملم ول بامهرنێ 57.8 ملم ول گردهسين 48.3 ملم ول شاريا 34.6 ملم.
جڤاتا سهكرداتيا ئێكگرتوو بۆ ڤێ مهرهمێ دێ كۆم بيت
ئهڤرۆ نيوز:
جڤاتا سهركرداتيا ئێكگرتوو سوبههى رۆژا دوشهمبى رێكهفتى 12ى چريا دويێ 2018 دێ كۆم بيت و بڕيارێ ل سهر راسپاردێن جڤاتا گشتى دهست كو ل ههيڤا بۆرى ب رێڤه چووبوو.
ئێكگرتوو ئيسلامى كوردستان د كۆمبوونا خوه يا جڤاتا گشتى دا، ب پتريا دهنگدان بڕيار ل سهر وێ چهندێ دايه كو پشكداريێ د كابينا نوو يا حوكمهتا ههرێما كوردستانێ دا نهكهت و وهكو ئۆپۆزسيۆن بۆ ماوێ چار سالان د ناڤ حوكمهتێ دا بيت.
ئێكگرتوو ئيسلامى كوردستان د ههلبژارتنێن 30ى ئيلۆنێ يێن پهرلهمانێ كوردستانێ دا د چارچۆڤێ ليستا بهره ب ئيسلاحێ پشكدارى كربوو و شيابوو ب تنێ 5 كورسيێن پهرلهمانى ب دهست ڤه بينيت.
پارێزگارێ سهپاندى يێ كهركووك دهست بهردارى پۆستێ خوه نابيت
ئهڤرۆ نيوز:
پارێزگارێ سهپاندى يێ كهركووك ب بههانهيا رێكهفنهتنا لايهنێن سياسى هێشتا نهچوويه پهرلهمانى و سووندا قانوونى نهخواريه، ئێكهتيێ ژى دڤێت ل بهغدا لايهنێن سياسى رازى بكهت بۆ دانانا پارێزگارهكى ژ پشكا حزبا خوه و چاڤهرێ ماوێ قانوونى يێ سووندخوارنا راكان جبۆرى پارێزگارێ سهپاندى يێ كهركووك دكهت كو دهستپێكا ههيڤا بهێته، پارتى ژى وهسان دبينيت كو پشتى راكان دڤێت ئهو پۆست بهێته رادهستكرن بۆ قايمقامێ مهركهزى يێ كهركووك ههر وهكو د دستوورى دا هاتى.
بێستۆن زهنگهنه پهرلهمانتارێ ئێكهتيێ ل جڤاتا نوونهرێن عيراقێ بۆ كوردستان 24 ئاشكهرا كر كو ئهو پۆستێ پارێزگارى ب مافێ خوه دزانن ژ بهر كو ئێكهتيێ شهش كورسيێن جڤاتا نوونهران ل كهركووك ب دهست ڤه ئيناينه.
گۆتژى: “راكان نهشێت ل پۆستێ خوه بمينيت، بهلێ وهزير و پارێزگار دشێن ههتا سێ ههيڤان كارێن خوه ب رێكرن ب رێڤه ببهن، بهلێ ئهڤا نها دهێته ديتن ئهو ڤالاتيا د ناڤ مالا كوردى دا ههيى، دبيت ببيته ئهگهرێ ژ دهستدانا وێ دهرفهتێ”.
محهمهد كهركووكى، سهرۆكێ ليستا برايهتى، ل جڤاتا پارێزگهها كهركووك گۆت: “پێدڤيه قايمقامێ كهركووك كارێن ئيدارى يێن باژێرى ب رێڤه ببهت دا كو وێ ڤالاتيا دستوورى و قانوونى پڕ بكهت ههتا كهسهك وهكو پارێزگارێ كهركووك دهێته دهست نيشانكرن”.
ئاماژه ب وێ چهندێ ژى كر كو هندى پارێزگارێ سهپاندى يێ كهركووك ل جهێ خوه بيت، تهعريب كرن و زێدهگاڤى ل كهركووك دێ ههر ههبن. ههكه جڤاتا نوونهرێن عيراقێ ژى ل سهر ڤێ چهندێ رازى بيت ئهو خهلهتيهكا مهزنه و پێشێلكرنا دستوورى يه”.
نيشاندان
WP Facebook Auto Publish Powered By : XYZScripts.com