ئەڤرۆ نیۆز، عەزیز هەورامی
وێنێن پاييزا دهڤهرا ههورامان ل هاڤينگهها زهلم
پاييزا هەورامان دچهند وێنان دا
نووترين نووچه
- سەرۆك بارزانی: زانایێن ئایینی سەنگەرەكێ ب هێز یێ بەرگریكرنێ بوون ژ مافێن ڕەوا یێن گەلێ كوردستانێ
- نێچیرڤان بارزانی: ئێكگرتنا پێشمەرگەی دەسپێكا قووناغەكا نوویە
- مەسرور بارزانی: سەرۆك بارزانی ڕۆلەكێ كاریگەر د ئێكگرتنا هێزا پێشمەرگەی دا هەبوو
- پاریس یا پێگیرە ب پێشڤەبرنا پەیوەندیێن خوە ل گەل هەولێرێ
- كەركووك دلێ كوردستانێ یە و كوردستانیبوونا كەركووكێ ژی د پێناسەیا وێ دایە
- سێ وەزارەت بۆ دووڤچوونا مسۆگەركرنا پشكا كوردستانێ ژ قەرێن فیدرالی هاتنە ڕاسپاردن
- دڤێت ب گۆرەی دەستووری سەرەدەری د گەل هێزا پێشمەرگەی بهێتە كرن
- كۆڕەك تیلیكۆم دێ ل كوردستانێ بەردەوام بیت و ناهێتە داخستن
- ئەڤرۆ جڤاتا وەزیرێن هەرێما كوردستانێ دێ دو پرسێن گرنگ گەنگەشە كەت
- ترس هەیە پشتی ڤەكێشانا ئەمریكا داعش پتر خوە ڕێكبێخیت
سهرهكى نووترين نووچه
مالپهرهكێ عيراقى ناڤێن بهربژارێن پارتى بۆ پۆستێن وهزارى ل بهغدا ئاشكرا دكهت
ئهڤرۆنيوز:
مالپهرێ (بغداد اليوم) يێ عيراقى ئهڤرۆ دوشهمبى 22/10/2018 ناڤێن وهزارهتێن دێ ب كوردان هێنه دان دحوكمهتا عادل عهبدولمههدى وناڤێن بهربژارێن پارتى بۆ دو وهزارهتان بهلاڤكرن.
مالپهرێ ناڤبرى ژ زاردهڤێ ژێدهرهكێ ئاگههدار ژناڤ پارتى ديموكراتى كوردستان دا بهلاڤكر” ل دووڤ رێككهفتنێن ڤێ دووماهيێ دێ سێ وهزارهت دحوكمهتا عادل عهبدولمههدى دا ب كوردان هێنه دان كو دو ژوان وهزارهتان بۆ پارتى ديموكراتى كوردستانن ل دووڤ ئيستيحقاقا وێ يا ههلبژارتنان ووهزارهتهك ژى بۆ ئێكهتى نيشتمانى كوردستانه”.
وى ژێدهرى دياركر ژى” ههردو وهزارهتێن دارايى وكۆچ وكۆچبهران دێ ب پارتى ديموكراتى كوردستان هێنه دان ودكتۆر فوئاد حسێن بهربژارێ وهزارهتا دارايى يه وڤيان دهخيل بهربژارا وهزارهتا كۆچ وكۆچبهرانه ووهزارهتا داد ژى دێ بۆ ئێكهتيێ بيت”.
پارتی د پیرۆزباهيا سەرکەفتنا ههلبژارتنان دا دووپاتيێ ل ئێكرێزيێ وئێك دهنگيێ دكهت
ئهڤرۆنيوز:
مهكتهبا سياسى يا پارتى ديموكراتى كوردستان ب ههلكهفتا راگههاندنا ئهنجامێن ههلبژارتنان وسهركهفتنا ليستا پارتى، ئهڤرۆ دوشهمبى 22/10/2018 پهيامهكا پيرۆزباهيێ راگههاند وتێدا هاتيه”ب ههلكهفتا سهركهفتنا گهلێ كوردستانێ دپرۆسا ههلبژارتنان دا كو پێگههێ سياسى يێ ههرێمێ وقهوارێ مه يێ سياسى ب هێزتر وئهزموونا مه يا ديموكراتى دێ بهر ب پێشتر بهت، ب ناڤێ پارتى ديموكراتى كوردستان سوپاسيێن بێ سنور ئاراستهى ههموو پشكدارا ودهنگدهرێن وێ پرۆسا پيرۆز دكهين وهيڤيدارين ئهنجامێن وێ ب خێر ومفايێ ههموو خهلكێ كوردستانێ دا بن”.
ههر د وێ پهيامێ دا هاتيه” سهركهفتنا مهزن يا ليستا پارتيا مه دڤان ههلبژارتنان دا، بهلگهيا هشياريا سياسى وپێگيريا جهماوهرێ گهلێ مه يه ب رێبازا راستهقينهيا كوردايهتيێ ونيشتمانپهروهريێ، پاداشتهكا مللى يا بهرفرههيه بۆ ههلويستێن نهتهوى ونيشتمانى يێن پارتى، بۆ داكۆكيێن سهرسهخت يێن پارتى ژدهستكهفت ومافێن رهوا يێن خهلكێ كوردستانێ، وهفاداريه بۆ پێشمهرگێن قههرهمان وبۆ وێ پارتيا خۆراگر ل رۆژێن سهختێن قهيران ونهرهحهتيێ دا ملێ خوه دايه بهر بهرپرسياريێ وقهوارێ سياسيێ كوردستانێ ژ جۆرهها گهف وپيلانان پاراستى ول ئاستێ فشار وپر كێشاندا خوه نهچهماندى”.
مهكتهبا سياسى يا پارتى ئاماژه كر” گهلێ كوردستانێ ب نووكرنا باوهريێ ب پارتى، دياركر كو كوردستانهكا ب هێز دڤێت، ئارامى وئاسايش وسهقامگيريا سياسى دڤێت، ئاڤهدانى وپێشكهفتن وخوهشگوهزهرانى دڤێت، ئهو ئارمانجهژى ب پارتيهكا ب هێز وپێشرهو دهێته ئهنجامدان، ئهم ددهمهكى دا سلاڤ ودهستخوهشيێ بۆ ئێك ئێك كادر وئهندامێن پارتيا خوه وجهماوهرێ دلسۆز وههموو خهلكێ كوردستانێ دهنێرين، ههموو لايهكى پشت راست دكهين كو ل ئاستێ دهنگ وباوهريا گهلى دابين وخواست وئيرادا وان ل پێكئينانا حوكمهتهكا ب هێز وقانوون پهروهر وخزمهتگوزار دا ديار بكهين”.
دياركر ژى”ههر ب ڤێ ههلكهفتێ، سهرهراى سهرنج وتێبينيێن مه ل سهر ب رێڤهچوونا پرۆسێ ل هندهك دهڤهران، جارهكادى پهياما ئێكرێزيێ وئێك دهنگيێ دووپات دكهين وب هيڤى نه ئهم ههموو لايهن دهست بدهينه دهستێن ههڤدو وبهرژهوهندى ومفايێن گهلێ مه ل سهر ههر ئيعتيبارهكا دى دانين وخزمهتا خهلكى وههرێما خوه بكهينه كارێ سهرهكى”.
ل دووماهيێ دپهياما پارتى دا هاتيه” پيرۆزباهيێن گهرم يێن خوه ئاراستهى گهلێ كوردستان وجهماوهرێ پارتيا خوه ول بهرى ههموويان ئاراستهى بنهمالێن سهربلندێن شههيدان وپێشمهرگێن قههرهمان دكهين، وپيرۆزباهيا تايبهت ئاراستهى سهرۆك بارزانى دكهين كو ل شهرى وئاشتيێ دا ب دلێرانه رێبهريا كاروانێ خهباتا پارتيا مه دكهت وئهم ههموو ژ وورهيێن بلندێن وى فێر دبينه هێزا خۆراگريێ”.
دو كهس برینداربوون
ئهڤرۆ نیوز،نهوزد هلۆرى:
ژ ئهنجامێ روودانهكا ترافیكێ لسهر رێیا گشتى دناڤبهرا شێخان و كومهلگهها چرهى ل نێزیك چواریانا مام رهشان دو كهس ب گرانى برینداربوون.
ئازاد تهها، بهرپرسێ راگههاندنا هاتنوچۆنا دهۆكێ بۆ ئهڤرۆ نیوز گۆت: (ئهڤرۆ ژ ئهنجامێ روودانهكا هاتنوچۆنێ دناڤبهرا دو ترومبێلان لسهر رێیا گشتى دناڤبهرا قهزا شێخان و كومهلگهها چرهى ل نێزیك چواریانا مام رهشان ، و دوو كهس برینداربوون).
زێدهتر گۆت: (روودان دناڤبهرا ههردو ترومبێلێن ژ جورێ تایبهت تویوتا كامرى و بارههلگر تویوتا پیك ئاب رودایه ، و بریندارێن روودانێ بۆ نهخوهشخانێ هاتینه رهوانهكرن وزیانێن زۆر يێن مادى ژى بهر ههردو ترومبێلان كهفتینه).
پهرلهمانتارهكێ دهۆكێ دێ بيته سهرۆكێ پهرلهمانێ كوردستانێ
ئهڤرۆنيوز:
ل دووڤ پهيرهوێ ناڤخوهيێ پهرلهمانێ كوردستانێ، روونشتنا ئێكێ يا خۆلا پێنجێ يا پهرلهمانى دێ ژلايێ مهزنترين ئهندامێ پهرلهمانى ڤه هێته ب رێڤهبرن وئهو پهرلهمانتاره ژى ژ دهۆكێ يه دناڤ ليستا پارتى ديموكراتى كوردستان دا.
ل دووڤ وان (سى ڤى) يێن ئهندامێن نوو يێن پهرلهمانێ كوردستانێ كو هاتينه پێشكێشكرن بۆ پهرلهمانى (رێڤنگ محهمهد عهلى هرورى) ژ ليستا پارتى ديموكراتى كوردستان مهزنترين پهرلهمانتاره كو ژ دايكبوويێ سالا 1951 يه ودێ سهرۆكاتيا ئێكهمين روونشتنا پهرلهمانێ كوردستانێ كهت.
بريارا ههلوهشاندنا رێڤهبهريا گشتى يا رهگهزناما ههرێمێ يا هاتيه راگرتن
ئهڤرۆنيوز:
وهزارهتا ناڤخوه ل ههرێما كوردستانێ راگههاند، بريارا ههلوهشاندنا رێڤهبهريا گشتى يا رهگهزنامێ ل ههرێما كوردستانێ كار پێ نههاتيه كرن وبۆ بهحسكرنا وى بابهتى ددانوستاندنێ داينه ل گهل بهغدا.
سامى جهلال، رێڤهبهرێ گشتيێ ديوانا وهزارهتا ناڤخوه ل ههرێما كوردستانێ دكۆنگرهكێ رۆژنامهڤانى دا ل ههولێرێ گۆت” بريارا بهغدا يا ههلوهشاندنا رێڤهبهريا گشتى يا رهگهزنامێ ل ههرێما كوردستانێ، كار پێ نههاتيه كرن وكارێن وێ ب شێوهكێ ئاسايى ب رێڤه دچن”.
گۆت ژى” لژنهكا بلند ل وهزارهتا ناڤخوه يا هاتيه پێكئينان ول گهل بهغدا دێ دانوستاندنێ ل دۆر ههلوهشاندنا رێڤهبهريا گشتى يا رهگهزنامێ ل ههرێما كوردستانێ كهين”.
بارانێن ب هێز زيان گههاندنه چهندين مالان ل بهسرا
ئهڤرۆنيوز:
ژێدهرهكێ رۆژنامهڤانى ژ بهسرا بۆ ئهڤرۆنيوز دياركر كو ژ ئهنجامێ بارانێن ب هێز ل بهسرا زيان گههشتينه چهندين وهلاتيان.
عهلى سارى، رۆژنامهڤان ژ بهسرا بۆ ئهڤرۆنيوز گۆت” ژ ئهنجامێ بارانێن ب هێز يێن چهند رۆژێن بۆرى ب تايبهتى شهڤا بۆرى زيان گههشتينه وهلاتيان وئاڤ چوويه ناڤ مالێن وان ب تايبهتى ل تاخێ ئهندازياران”.
گۆت ژى” وهلاتيێن وى تاخى وچهندين تاخێن دى داخواز ژ جڤاتا پارێزگهها بهسرا وباژێرڤانيێ كر كو لهزێ بكهن دراكرنا ئاڤا بارانان ژ ناڤ مال و تاخێن وان”.
دياركر ژى” ئاڤا بارانان چوويه دناڤ مالێن هندهك تاخێن باژێرێ بهسرا وهكو ئيسكان، مهوانى وجادا ميساق وهندهك خانيێن كهڤن يێن ل بهر ههرفينێ ژئهنجامێ ئاڤا چوونا ئاڤا بارانان دناڤ وان خانيان ڤه”.
کارمەند ل سەر پلاتفورما نەتەوێن ئێکگرتی دھێنە مەشقدان
ئهڤرۆنيوز:
بەرپرسێ ئوفیسا دھۆکێ يا رێکخراوا ساخلەمیا جیھانى دیارکر کو خۆلهك بۆ ھژمارەکا کارمەندان خولەک ل سەر سیستەمێ چاوانیا تۆمارکرنا داتایان ھاتە ڤەکرن.
د. بلند کەمال، بەرپرسێ ئوفیسا دھۆکێ يا رێکخراوا ساخلەمیا جیھانێ بۆ نوش نیوز دیارکر کو ھژمارەکا کارمەندێن ساخلەمیێ و رێکخراوێن خێرخوازی دھێنە مەشقدان ل سەر سیستەمێ تۆمارکرنا داتا دا کو ھەموو رێکخراو کارێ خوە تێدا دیار بکەن چونکو ھەموو رێکخراوێن نەتەوێن ئێکگرتی وەکو پلاتفۆرمەکێ ھەیە ئەم ھەموو پێزانینێن خوە تێدا تۆمار دکەين بۆ وێ چەندێ بزانين ل دھۆکێ چەند رێکخراو ھەنە و چەند رێکخراوان پارە ھەیە و چەندان پارە نینە یان پارێ وان ھەتا کیژ ھەیڤی دێ بههرا وان کەت.
گۆت ژى کو ئەڤە ژی بۆ وێ چەندێ یە دەمێ دەولەتێن هاريكارى بهخش دھێن و پارەيى ددەن ئێکسەر ئەم بزانين کیژ رێکخراو یا بێ پارەیە بۆ وێ چەندێ زووتر کار بھێتە برێڤەبرن و باشتر خزمەتا خەلکێ بھێتە کرن.
وهزارهتا كارهبێ رۆهنكرنهكێ بهلاڤ دكهت
ئهڤرۆنيوز:
وهزارهتا كارهبێ ل ههرێما كوردستانێ درۆهنكرنهكێ دا وهلاتيان ئاگههدار دكهت كو ل رۆژا 22/10/2018 ل ههر چار پارێزگههێن ههرێمێ بهرنامێ بهلاڤكرنا كارهبا نيشتمانى ئاسايى بوويه ورۆژانه دێ 19 دهمژمێران كارهبا ب وهلاتيان هێته دان، ئهڤه ژى پشتى كۆمپانيا داناغاز ب هاريكاريا وهزارهتا سامانێن سروشتى شياين ب سهركهفتيانه پرۆژێ زێدهكرنا بهرههمئينانا غازا سروشتى ل كێلگێن كۆرمۆل بجهبينن كو بۆ دهمێ كێمتر ژ 72 دهمژمێران كاريگهرى ل سهر ههردو ويستگههێن غازى يێن بهرههمئينانا كارهبێ ل سلێمانيێ وههولێرێ ههبوو.
دوێ رۆهنكرنێ دا هاتيه ژى”ل گهل بجهئينانا پرۆژهى دا، وهزارهتا كارهبێ ب رێيا كۆنترۆلا كارهبێ ب پلانهكێ ئهركێ رێكخستن وكۆنترۆلكرنا ههموو ويستگههێن دى يێن بهرههمئينانا كارهبێ وبهلاڤكرنا وێ ب ستويێ خوهڤه گرت وشيايه رێ ل وێ چهندێ بگريت كو ل دهمێ بجهئينانا پرۆژهى دا كاريگهرى ل سهر وهلاتيان ههبيت”.
سوبەهی فلمێ زڤرۆك دێ ل شەشەمین فلمە فیستەڤالا دهۆک یا نێڤدەولەتی هێتە نیشاندان
ئهڤرۆ نیوز ، زنار تۆڤى:
سوبەهێ ل دەمژمێر سێی ئێڤاری كورته فلمێ زڤرۆك ، كو ئهڤ كورته فلمه ل باژێرێ دهۆكێ و ل تلسقۆفێ ل چهپهرێن شهرى دا هاتیه وێنهكرن، كو ژ دهرهێنانا محەمەد ژۆری یە و بهرههمهێنهرێ ڤى فلمى ژى رێبهر محهمهده،ههروهسا دو ئهكتهرێن سهرهكى پشكدارى د ڤى فلمى دا كریه، كو ئهكتهرا كچ خهلكا سلێمانیێ یه ب ناڤێ كارڤینا هێمن و ئهكتهرێ كور ژى ناڤێ وى فهرسهت عزهت ه، د ههمان دهمدا ناڤهرۆكا ڤى فلمى ل سهر مالباتهكا كورده كو دو زارۆیێن بچووك ههردو ژى خوشك و برایێن ئێكن، دێ ل شەشەمین فلمە فیستەڤالا دهۆک و ل هولا سینەما مال ئێک دێ هێتە نیشاندان.
نيشاندان
WP Facebook Auto Publish Powered By : XYZScripts.com