ئه‌ڤرۆ نيوز:

عيرفان كه‌ركووكى، سه‌رۆك نوو يێ جڤاتا پارێزگه‌ها كه‌ركووك ب وه‌كاله‌ت، راگه‌هاند كو حه‌فتيا بهێت دێ پێنگاڤان بۆ كاراكرنا جڤاتا پارێزگه‌ها كه‌ركووك هاڤێژن.

ناڤبرى سه‌باره‌ت كاراكرنا جڤاتا پارێزگه‌ها كه‌ركووك بۆ ده‌نگێ ئه‌مريكا گۆت: “حه‌فتيا بهێت دێ ده‌ست ب كارێن خوه‌ كه‌ن و ل ده‌سپێكێ ژى دێ هه‌ڤده‌نگيه‌كێ دروست كه‌ن و پاشان ژى بڕيارا كۆمبوونێ ده‌ن”.

ده‌رباره‌يى ئێكلاكرنا پۆستێ پارێزگه‌ها كه‌ركووك، عيرفان كه‌ركووكى ئاماژه‌ ب وێ چه‌ندێ كر كو پۆستێ پارێزگارى په‌يوه‌ندى ب رێكه‌فتنا كوتلێن سياسى هه‌يه‌، هه‌ر ده‌مێ ئه‌و رێكه‌فتن، “ئه‌م ل جڤاتێ دێ باوه‌ريێ ده‌ينێ”.

پشتى رێكه‌فتنا خيانه‌تكاريا ئێكه‌تى نشتيمانى كوردستان ل روودانێن 16ى ئوكتوبه‌رێ و راده‌ستكرنا پارێزگه‌ها هه‌ولێرێ ب چه‌كدارێن حه‌شدا شه‌عبى و له‌شكرێ عيراقێ، نه‌جمه‌دين كه‌ريم پارێزگارێ كه‌ركووك هاته‌ لادان و كه‌سه‌كێ توركمان ل جهێ وى هاته‌ دانان و كارێن جڤاتێ ژى هاتبنه‌ هه‌لپساردن و هه‌تا گه‌هشتيه‌ وى راده‌يى رێبوار ته‌له‌بانى ژى ژ پۆستێ وى وه‌كو سه‌رۆكێ جڤاتا پارێزگه‌ها كه‌ركووك لادا و عيرفان كه‌ركووكى ب وه‌كاله‌ت ل جهێ وى دانا.

ئه‌ڤرۆ نيوز:

كۆمسيۆنا بلندا سه‌ربه‌خۆيا هه‌لبژارتن و راپرسيێ ل هه‌رێما كوردستانێ پشتى راگه‌هاندنا ئه‌نجامێن دووماهيێ يێن هه‌لبژارتنان وئێكلاكرنا سكالان، دانوستاندنێ د ده‌رباره‌يى په‌سندكرنا ئه‌نجام دا دكه‌ت.

شێروان زرار، ئاخفتنكه‌رێ ب ناڤێ كۆمسيۆنا بلندا سه‌ربه‌خۆيا هه‌لبژارتن و راپرسيێ ل هه‌رێما كوردستانێ راگه‌هاند كو ده‌سته‌لاتا په‌سه‌ندكرن و ره‌تكرنا ئه‌نجامێن هه‌لبژارتنان ب تنێ د ده‌ستێ كۆمسيۆنێ دايه‌، پشتى راگه‌هاندنا ئه‌نجامێن دووماهيێ يێن هه‌لبژارتنان و ئێكلاكرنا سكالان، جڤاتا كۆمسياران دانوستاندنێ د وى ده‌رباره‌يى دا دكه‌ت بۆ دياركرنا بڕيارا دووماهيێ.

په‌سه‌ندكرنا ئه‌نجامێن هه‌لبژارتنان پێدڤى ب ده‌نگێن شه‌ش ئه‌ندامێن جڤاتا كۆمسياران هه‌يه‌ ژ سه‌رجه‌مێ نه‌هـ ئه‌ندامێن جڤاتێ، كو سێ ژ وان سه‌ر ب پارتى نه‌ و دو ئێكه‌تى و دو گۆڕان و كۆمه‌ل و ئێكگرتوو ژى هه‌ر ئێك و ئه‌ندامه‌ك د جڤاتا كۆميساران دا هه‌يه‌.

ئه‌ڤرۆ نيوز:

سه‌رۆك بارزانى ب هه‌لكه‌فتا جه‌ژنا جه‌مايا ئێزديان پيرۆزيا هه‌موو ئێزديێن كوردستانێ و جيهانێ دكه‌ت و داخوازا ئاشتى و رحه‌تيێ بۆ دخوازيت.

سه‌رۆك بارزانى د لايه‌كێ دى يێ په‌ياما خوه‌ دا ته‌كستێ ل سه‌ر وێ چه‌ندێ دكه‌ت كو پێدڤيه‌ هه‌موو لايه‌ن بۆ كوورتركرنا فه‌رهه‌نگا پێكڤه‌ژيانێ و برايه‌تيێ و ته‌بايێ د ناڤبه‌را پێكهاتێن ئاينى و نه‌ته‌وه‌يێن كوردستانێ دا بكه‌ن و ب پارێزن.

ئه‌ڤه‌ ژى ده‌قێ وێ يه‌:

بەناوی خودای بەخشندە و میهرەبان

بەبۆنەی هاتنەوەی جەژنی (جەمایێ)ـی ئێزیدی، پیرۆزبایی خۆم ئاراستەی هەموو خوشك و برایانی ئێزیدی لە كوردستان و هەموو جیهان دەكەم. هیوادارم ئەو جەژنە ببێتە هۆی خۆشی و ئارامیی خوشك و برا ئێزیدییەكان و بتوانن هەموو ساڵێك جەژن و خۆشییەكانیان لە ئاشتی و ئاسوودەییدا بكەنەوە.

هەر بەو بۆنەیەوە جەخت لەوە دەكەمەوە كە پێویستە هەموو لایەكمان كار بۆ قووڵتربوونی فەرهەنگی پێكەوەژیان و برایەتی و تەبایی نێوان پێكهاتە ئایینی و نەتەوەییەكانی كوردستان بكەین و بیپارێزین.

مسعود بارزانی

5ـی 10ـی 2018

ئه‌ڤرۆ نيوز:

مه‌سرۆر بارزانى، شيره‌تكارێ جڤاتا ئاسايشا هه‌رێما كوردستانێ، په‌يامه‌كا پيرۆزباهيێ ئاراسته‌يى سه‌ركه‌فتيا خه‌لاتێ نۆبل بۆ ئاشتيێ، ناديا موراد كر.

مه‌سرۆر بارزانى، د په‌ياما خوه‌ دا، سه‌ره‌رايى پيرۆزباهيكرنێ نڤيسيه‌، “ناديا موراد ده‌نگه‌كێ ب هێز دا خه‌لكێ ئێزدى و ئه‌و مرۆڤێن بازرگانيێ پێ دكه‌ن، بزاڤا پاراستنا مافان دايه‌ و داخوازا دادپه‌روه‌ريێ دكه‌ن”.