ئەڤرۆ نیوز، عەلی حاجی :
نوونەرایەتیا دهوک یا لژنا ئولومپیا کوردستانێ پشکەکا یاریزان و راهێنەر و داڤانێن یاریا وو شو سزادان و هوشداری ژی ب وان دان ژبەر کو بێ رەزامەندیا ئێکەتیا وو شو یا کونفویێ قارەمانیەک ل پارێزگەهێ مێهڤان کر بوون.
قەیس وەیس بەرپرسێ راگەهاندنا نوینەرایەتیا دهوک یا لژنا ئولومپیا کوردستانێ بۆ ئەڤرۆ نیوز دیار کر ب فەرمانا نوینەرایەتیا دهوکێ یا لژنا ئولومپا کوردستانێ سەروکێ لژنا راهێنەرێن پارێزگەها دهوکێ خالد حەسەن بۆ ماوەیێ سالەکێ سرکر ژ چالاکیێن وەرزشی وەکو سزایەک بەرامبەر مێهڤانداریکرنا قارەمانیا کوبوو هوشداری ژی دایە هەر ئێک ژ راهێنەر ( عەبدلرەزاق سەعید و دادڤان خەبات مەحمود و یاریزانان موستەفا رەشید و ئەلند نەزیر و ردوان وەیسی و دژوار حەجی و بەهزاد سالح ) ژبەرکو قارەمانیا ناڤهاتی قارەمانیەکا نە باوەرپێکری یە و فەرمی ژی نینە و زێدەباری وێ چەندێ ژی ئەڤ قارەمانی یە بێ رەزامەندیا ئێکەتیا وو شو پارێزگەهێ هات بوو ڤەکرن و هەر دیسان هەژمارەکا یاریزانێن وەلاتێ ئیرانێ ژیپشکداری وێ قارەمانێی ببون .
و گوت ژی : ئەڤ فەرمانە هاتنە دەر کرن پشتی لژنەیەکا تایبەت ژ نوینەرایەتیا دهوک هاتیە پێک ئینان و ئەڤ بریارە ژی ژلایێ وێ لژنێ ڤە هات بونە دان.
نيشاندان