ئهڤرۆ نیوز ، زنار تۆڤى:
دهرهێنهر كورد د. یلماز ئۆزدل، د دیدارهكێ دا بۆ ئهڤرۆ نیوز گۆت: ئهو خهلكێ جۆلهمێرگێ یه ل باكورێ كوردستانێ و نوكه ژى مامۆستایه ل زانكۆیا مێردینێ ل پشكا پهیمانگهها زمانێن زیندى و كوردولۆجیێ وانێن سینهمایێ دبێژیته قوتابیان، ههروهسا وى باوهرناما دكتۆرایێ ل سهر سینهما كوردى ل زانكۆیا سوربۆنێ ل فرهنسا وهرگرتیه، دیسان وى د وارێ راگههاندنێ و ڤهكۆلینان ژى دا گهلهك كار كریه، وى ل سالا 1999 د وارێ سینهمایێ دا كار كریه و ههتا نوكه ژى یێ بهردهوامه، دهمێ وى ل زانكۆیا ئهنقهرێ دخواند وى بهلگه فلم چێدكرن، وى ل گهل چهندین دهرهێنهرێن كورد وهكو هاریكارێ دهرهێنهرێ كار كریه، ههتا نوكه وى گهلهك بهلگه فلم چێكرینه.
ناڤهاتى گۆت ژى: وى بهلگه فلمێ خوه یێ ئێكێ ب ناڤێ ” لێگهرین” چێكریه، كو ناڤهرۆكا ڤى بهلگه فلمى ل سهر لێگهریانا كۆمهكا پهنابهران بوویه ل باژێرێ وانێ ل باكورێ كوردستانێ، ههروهسا وى چار سالان ل كهنالێ كورد ئێكێ دا كار كربوو، وى گهلهك بهلگه فلم بۆ وى كهنالى چێكربوون، ههروهسا وى كورته فلمێ بارێ گران ل باژێرێ مێردینێ چێكریه، كو ئهڤ كورته فلمه 17 خۆلهكان یێ درێژه و ههروهسا ئهكتهران عادل عهبدولرهحمانى و سامان مستهفاى و نهزمى كرك رۆلێ سهرهكى تێدا گێرایه، كو ههتا نوكه ڤى فلمى نهه خهلاتێن جیهانى وهرگرتینه و دیسان ئهڤ كورته فلمه دێ پشكداریێ د پترى پَێنجى فیستهڤالێن نێڤدهولهتى دا كهت ل جیهانێ.
یلماز هێشتا دبێژیت: نوكه چهندین پرۆژێن نوو یێن سینهمایى ل بهر دهستێ من ههنه، لێ ژ ئهگهرێ نهبوونا پشتگیریا دارایى ئهز نهشیایمه وان كاران بهرههم بینم، ههروهسا مه سینهما ههیه و سینهما كوردى ژ یا گهلهك مللهتێن خودان دهولهت پێشكهفتى تره، نوكه كوردان سینهمایهكا پێشكهفتى ههیه و كهس نهشێت ڤێ چهندێ ئینكار بكهت، ژ گهلهك ئالیان ڤه سینهما كوردى ژ یا مللهتێن دیتر یێن جیهانى دهولهمهندتره، سینهما كوردى یا پر نێرینه ل سهر راستیێ و ژیانى، كوردێن ههر پارچهكا كوردستانێ ب چاڤهكێ جۆداتر بهرێ خوه ددهنه ژیانێ و ل ژێر كارتێكرنا سینهمایهكا جۆدا دانه، ژبهر ڤێ چهندێ سینهما كوردى یا پر رهنگه.
وى دهرهێنهرى گۆت ژى: پێدڤیه حوكمهتا ههرێما كوردستانێ سیستهمهكێ رێكوپێك دانیت ژبۆ كارێن سینهما یێ، دهمێ پرۆژێن نوو و یێن ل ئاستێ بلند دهێنه بهرههمئینان، حوكمهت هاریكاریا وان بكهت و مه گهلهك پێدڤى ب ڤێ پێنگاڤێ ههیه، ههكه ئهڤ چهنده چێببیت، دێ بازارێ نافخوه یێ سینهما كوردى دروست بیت و دێ مه بینهرێ سینهمایا كوردى ژى ههبیت، دێ دهرهێنهرێن كورد یێن ژ دهرڤهى وهلاتى ژى هێنه كوردستانێ كار كهن، دڤێت حوكمهتا ههرێما كوردستانێ رێگریێ ل چێكرنا فلمێن نه ل ئاست بكهت، ژ پێخهمهت كارێن باشتر بهێنه ئهنجامدان.
یلمازى ئهو چهند ژى ئاشكرا كر: چێكرنا ستێرێن سینهمایى نه ب تنێ كارێ دهرهێنهرایه، ژبهركو ستێرێن سینهمایێ ب رێیا سیستهمێن بازارى یێن ئابوورى چێدبن، ههتا ئهم نهبینه خودانێن بازارهكێ نافخۆیى یێ سینهمایى و بینهرهكێ نافخۆیى و خهلكێ مه ئاگهه ژ سینهما كوردى نهبیت، ئهم نهشێین ستێرێن سینهمایى یێن كوردى چێكهین، دیسان ههر دهمێ دهرهێنهرێ كورد شیا فلمێ خوه بفرۆشیت، دێ شێت ستیرێن سینهمایى ژى دروست كهت، دیسان دڤێت حوكمهت هولێن سینهمایى ئاڤا كهت و پشتهڤانیێ ل سینهماكاران بكهت و پهروهردهیا سینهمایێ دروست بكهت، ژ پێخهمهت سینهما كوردى بگههیته ئاستهكێ باش، چونكى نوكه سیستهمێ خواندنا سینهمایێ ل كوردستانێ د ئاستێ پێدڤى دا نینه، دڤێت گهلهك كار بهێنه كرن، ژ پێخهمهت ئهم بشێین ستێرهكا سینهمایى یا كوردى چێكهین، لێ ل گهل ڤێ چهندێ ژى سینهما كوردى د ئاستهكێ باش دایه، ههروهسا ههر دهمێ بازارهكێ سینهمایى یێ كوردى چێبیت، ل وى دهمى دێ دهرهێنهرێن كورد ژى شێن ل گورهى حهزا خهلكێ فلمێن كوردى یێن سینهمایى چێكهن، لێ ههكه سینهما یا هونهرى بیت، ل وى دهمى دێ دهرهێنهرێن كورد ل گورهى دلێ خوه فلمان بۆ فیستهڤالێن جیهانى چێكهن.
ئهڤرۆ نیوز، بارزان مزوورى:
ل دهمژمێر 9 سپێدەهیا ئەڤرۆ 3/3/2020 ل گوندێ بادیناڤا یێ سهر ب ناحیا ئهترۆش ڤە گهنجهك بناڤێ”ئ،ت” خۆ ب كنفێ ڤه خهندقاند تهرمێ وى بۆ نوشداریا داد ل پارێزگهها دهوكێ هاتیە ڤهگوهاستن.
موقهدەمێ مافپهروهر هێمن سلێمان، بهرپرسێ پهیوهندى و راگههاندنا رێڤهبهریا پولیسێن پارێزگهها دهۆك بۆ ئهڤرۆ نیوز گۆت: ئهڤرۆ دهمژمێر 9 سپێدێ 3/3/2020 بنگههێ پولیسێن ناحیا ئهترۆش هاتینە ئاگههداركرن كۆ گهنجهك بناڤێ”ئ،ت” دناڤ مالا خودا ب كنفێ خۆ خهندقاندیه پشتى پولیسێن مه گههشتن جهێ روودانێ ڤهكولین دهسپێكرى كۆ ئهو گهنج بتنێ ل مال بوویه دهرهجهك دانایه لبن پێن خۆ كنفهك ب پانكى ڤهكریه خۆ ب وێ كنفێ خهندقاندیه ئێكسهر تهرمێ وى هات ڤهگوهاستن بۆ ۆشداریا داد ل پارێزگهها دهوكێ.
ناڤهاتى خویاكر، ئهو كهسێ خۆ خهندقاندى ژ دایك بوویێ 1995 زگورده و بتنێ ل گوندى بوویه ژبهركۆ مالا بابێ وى بهرى نوکە ل وى گوندى بۆ بهلێ مالا خۆ ڤهگوهاستیه بۆ دهوكێ، ئهو گهنج بتنێ ل گوندى مایه دناڤ خانى دا، لدووڤ زانیارى یێن دهسپێكێ ئهو گهنج توشى نهخوشیهكا دهروونى بوویه چارهسهرى ژى بۆ دهاته كرن بهردهوام بۆ باشتر كرنا رهوشا وى یا دهروونى.
ئهڤرۆ نیوز، بارزان مزوورى:
جههوهر عهلى بهگ، بریكارێ میرێ ئیزدیا بۆ كارۆبارێن پهیوهندیان بۆ ئهڤرۆ نیوز گۆت: سوبه رێكهفتى 4/3/2020 میر”حازم تهحسین بهگ” میرێ ئێزدیان دگهل جڤاتا رۆحانیا ئێزدیان نڤیسارهكا فهرمى بهرههڤكریه ب ئیمزایا میرێ ئێزدیان د وێ نڤیسارێ دا نهرازیبوونا خۆ دیار كریه كو ب رهنگا رێك ناهێت دان خێزانێن رێكخراوا تیرۆرستى یا داعش بهێنه بنهجه كرن ل دهڤهرا زۆمار و نێزیك دهڤهرێن ئێزدى نشین ئهو نڤیسار سوبه سپێدێ بۆ پارێزگهها مووسل دهێته رهوانهكرن كۆ بریار ب ئێكجارى بهێته راوهستاندن.
ناڤهاتى خویاكر، ل رۆژا دوشهمبى 2/3/2020 دهل جێگرێ ئهمیندارێ گشتى یێ نهتهوهیێن یهكگرتووى بۆ كارۆبارێن سنوداركرنا تیرۆرێ و سهرۆكێ لێپێچینان ژ زولملێكرى یێن داعش و بهرپرسێ گورێن ب كومهل ل پهرستگهها لالش دگهل كومبوینه لدور راوهستاندنا بریارا حكومهتا عێراقێ و گههاندنا خزمهتگوزارى و ڤهگهریانا ئارامیێ بۆ دهڤهرێن ئێزدیان بۆ ڤهگهریانا ئاواران بۆ سهر جهێن وان دیسان لدور رهوشا وان كهسێن دهستێ داعش رزگاربوین ژلایێ خوڤه جێگرێ ئهمیندارێ گشتى ئهم پشت راست كرین كو پێداچونێ ل بریارا حكومهتا بهغدا بكهین ئهو بربار دژى بهرژهوهندیێن ئێزدیانى دێ راوهستینین ناهێلیت ئهو خێزان بهێنه دهڤهرێن ئێزدى نشین كۆ ژیانا وان بكهڤیته مهترسیێ دا دگهل حكومهتا بهغدا دێ كومبن لدور راوهستاندنا هاتنا خێزانێن داعش بۆ دهڤهرا زۆمار.
ناڤهاتى گۆت: حوکمهتا عێراقێ دڤێت دوباره برینێن ئێزدیان نوو بكهتهڤه لهوما یا رژده ل سهر بریارا خۆ بهلێ ئهم ناهێلین ئهو خێزان بهێنه دهڤهرا زۆمار، میرێ ئیزدیان بێدهنگى نه ههلبژارتیه لدور هاتنا وان خێزانان.
ئەڤرۆ نیوز :
کومەلگەھا دەروازەیێ نێڤدەولەتی یێ ئیبراھیم خەلیل دیار کریە: کو رێکێن بازرگانی دناڤبەرا هەرێمێ و کوردستانێ دا دڤەکرینە.
کامی کەمال پەیڤدارێ کۆمەلگەھا دەروازەیێ نێڤدەولەتی یێ ئیبراھیم خەلیل ئەڤرۆ 3/3/2020 راگەهاندنەک بەلاڤکریە و تێدا هاتیە، ئەم خەلکێ ھەرێما کوردستانێ ئاگەهدار دکەین، کو دنوکە دا رێکێن بازرگانی ل وەلاتێ تورکیا بۆ ھەرێما کوردستانێ دڤەکرینە و چ پرسگرێک نینن.
ناڤهاتی گۆتیە: ب تنێ بۆ ماوەیەکێ دەمکی ژبەر رێکارێن ساخلەمیێ ژ پێخەمەت رێگیری کرن ژ ڤایرۆسێ کۆرۆنایێ رێکارێن ھاتنوچوونا ترۆمبێلێن باری دناڤبەرا ھەرێما کوردستانێ و ولاتێ تورکیایێ دا یێن موکمتر بووین، هەرەسا دێ ترۆمبێلێن باری ل گۆرەپانەکا گومرکا خابۆر یا سەر سنوری ل پرا ھاتنێ دناڤ ئاخا وەلاتێ تورکیایێ دا ھێنە راوەستاندن و ل دووڤ رێنمایی و رێکارێن قانوونی و ساخلەمیێ دێ شوفێر ل ھەرێما کوردستانێ دەربازی گورەپانا گومرکا خابور بن و ترۆمێلێن باری یێن تورکیایێ ئیننە دناڤ ھەرێما کوردستانێ دا.
ئەڤرۆ نیوز ، زنار تۆڤی:
بەرپرسێ هۆبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ بۆ ئەڤرۆ نیوز ئشکرا کر: ب مەرەما خوە پاراستنێ ژ ڤایرۆسێ کۆرۆنا بریارا راگرتنا دەواما رێڤەبەریا هاتنوچوونا دهۆکێ بۆ دەمەکێ ھاتیە دان.
موقەدەم ئازاد تاها بەرپرسێ هۆبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ راگەھاند: لدووڤ بریارا حوکمەتا هەرێما کۆردستانێ و بۆ خوە پاراستنا وەلاتیێن هەرێما کوردستانێ و ژبەر ڤی کاودانێ نوکە هەموو جیهان ڤەگرتی، ژبەر بەلاڤبوونا ڤایروسێ کۆرۆنا بریار هاتەدان هەر ژ رۆژا چارشەمبی رێکەفتی (٤/۳/۲٠۲٠) هەتا رێکەفتی (۱٤/۳/۲٠۲٠) هیچ مامەلەک ل رێڤەبەریێن هاتنوچوونا دهۆکێ ناهێنە برێڤەبرن، لەوما داخوازێ ژ وەلاتیان دکەین سەرەدانا رێڤەبەریا هاتنوچوونێ نەکەن.
ناڤهاتی گۆتیە ژی: سەبارەت وان مامەلێن کو سزا کەفتینە سەر، بریار هاتیەدان کو بهێنە لێبورین ب فەرمانا وەزارەتا نافخوە یا هەرێما کۆردستانێ.
هەروەسا داخواز ژى کریە، کو وەلاتیێن پارێزگەها دهۆکێ ب مەرەما بریڤەبرنا مامەلەیان دڤی دەمێ دیارکری دا سەرەدانا رێڤەبەریا ھاتنوچوونێ نەکەن.
ئەڤرۆ نیوز:
لدووڤ وی خشتێ وەزارەتا دارایی و ئابووری یا حوکمەتا هەرێما کوردستانێ بەلاڤکری، سوبەهی چارشەمبی دێ مووچێ حەفت وەزارەت و جهان یێ هەیڤا ١١ یێ سالا بوری هێتە دابەش کرن.
سوبەهی چارشەمبی ٤ ئادارا ٢٠٢٠ دێ مووچێ هەر ئێک ژ وەزارەتا کارەبێ، وەزارەتا چاندنێ، وەزارەتا رەوشەنبیری، وەزارەتا ئاڤەدانکرنێ، سەرۆکاتیا هەرێمێ، سەرۆکاتیا پەرلەمانی و جڤاتا وەزیران هێتە دابەش کرن.
هەروەسا وەزارەتا دارایی و ئابووری ب نڤیسارەکا فەرمی راگەهاندیە، کو زێدەباری رۆژانێن ٥ و ٧ ڤێ هەیڤێ بهێنڤەدانن، لێ بانکێن هەرێمێ دێ د ڤەکری بن و دێ مووچێ وەلاتیان دابەش کەن.
ئەڤرۆ نیوز:
ب ئامادەبوونا پرانیا سازیێن حوکمەتێ، چەند بریاریێن نوو بۆ ڕێگریکرن ژ بەڵاڤبوونا، ڤایرۆسێا کۆرۆنایێ هاتنە دەرکرن و دێ هەتا 1ێ نیسانا 2020 کار پێ هێتەکرن.
۱.راگرتنا ئهنجامدانا بههیا د ناڤ هولێن مزگهفتان و جهێن گشتى.
۲-قهدهغهكرنا دهواتا ل هولێن ئاههنگان.
۳- قهدهغهكرنا یاریا دومبهلێ ل جهێن گشتی.
٤- قهدهغهكرنا مهیدانكا روژێن ئهینى ل تاخێ زركا.
٥-قهدهغهكرنا سهرهدانا نهخوشا ل نهخوشخانێن كهرتێن گشتى و تایبهت، ب تنێ كهسهك دێ هاریكاربیت دگهل نهخوشی.
٦-پێكئینانا لیژنهكا تایبهت بو دویڤچونا وان وەلاتیان ئهوێن ڤهدگهرنه وهلاتى بو بشكنین و گرهنتیكرنا ساخلهمیا وان.
ئەڤرۆ نیوز:
مەسرور بارزانی سەرۆکێ حوکمەتا هەرێما کوردستانێ پێشوازی ل شاندەکێ نەتەوێن ئێکگرتی ب سەرۆکاتیا ئیداما دیانگ هاریکارێ سکرتێرێ گشتی یێ نەتەوێن ئێکگرتی بۆ رێگریکرن ژ جینوسایدێ کۆمبوو.
د کۆمبوونێ دا بەحسێ تاوانێن داعشێ هاتە کرن و شاندێ نەتەوێن ئێکگرتی سوپاسیا هەرێما کوردستانێ کر کو رۆلەکێ بەرچاڤ گێرایە بۆ پاراستنا وان کەسان یێن ژ دەستێ داعشێ رەڤی و هەروەسا بەحسێ هندێ ژی هاتە کرن کو هەرێما کوردستانێ و نەتەوێن ئێکگرتی پتر هاریکاریا هەڤدو بکەن دا د دادگەهەکا نێڤدەولەتی دا تاوانبارێن داعشێ بهێنە دادگەهکرن و قوربانیێن دەستێ داعشێ ژی مافێن وان بهێتە پاراستن.
نيشاندان