ئەڤرۆ نیوز:
د. دلۆڤان محەمەد رێڤەبەرێ گشتی یێ ساخلەمیا هەولێرێ راگەهاند کو ئەڤرۆ بەری نیڤرۆ شەش تووشبوویێن کۆرۆنایێ ل هەولێرێ باش ببوون، بەری دەمەکێ ژی ٥ تووشبوویێن دی ژی باش بوون و ژ نەخوشخانێ دەرکەفتن و گۆت: (ئەڤرۆ ١١ تووشبوویێن ب کۆرۆنایێ ل هەولێرێ باش بووینە کو ئەو یەک ژی جهێ دلخوەشیێ یە).
ناڤهاتی ئەو یەک ژی دیار کر کو ل سنورێ پارێزگەها هەولێرێ هەتا نها ١٨٩ تووشبوویێن ب ڤایرۆسێ کۆرۆنایێ باش بووینە.
ئەڤرۆ نیۆز، قائید میرۆ:
دەستپێکرنا خواندنا ئەلکترۆنی بێ ئاستەنگ نینە و ئەندامەکا لیژنا خواندنا بلندژی خویاکر، ھژمارەکا زۆرا قوتابیێن دەرڤەی باژێڕا ئاریشا ئینتەرنێتێ و نەبوونا ئامیران ھەیە.
حەسیبە گەردی، ئەنداما لیژنا پەروەردێ و خواندنا بلند ل پەرلەمانێ کوردستانێ بۆ ئەڤرۆ نیۆز دیارکر” خواندنا ئەلکترۆنی ئاریشە بۆ قوتابیا پەیداکرینە و گورەی زانیاریێن بەردەستێ مە ھژمارەکا زۆرا قوتابیێن ھەرێما کوردستانێ یێن دکەڤنە گوندا ھێلا ئینتەرنێتێ و ئاریشا کارەبێ ھەیە، ھەروەسا ئامیرێن سمارت فۆن ئێکە ژوان ئاریشەیێن بۆ خێزانێن قوتابیا پەیداکری و ھەموو خێزانەکێ شیانێن کڕینێ نینە.
ئەڤێ ئەنداما لیژنا پەروەردێ و خواندنا بلند ئاماژەکر” سیستەمێ خواندنا ئەلکترۆنی بۆ ئەڤسالە وەک پێدڤی مفا نابیت، بەلێ بۆ سالا داھاتی یا خواندنێ دشێن مفای لێوەر بگرن.
لدۆر دەستپێکرنا دەواما زانکۆ پەیمانگەھانژی حەسیبە گەردی گۆت” دەستپێکرنا دەوامێ ددەستێ لیژنا بلندا بەرھنگاربوونا ڤایرۆسا کۆرۆنایێ دایە، ھەرچەندە ھێشتا مەترسیێن ڤایرۆسا کۆرۆنا ماینە و دەستپێکرنا دەوامێ دێ مەترسی ھەبیت بۆسەر ژیانا قوتابیان.
ئەڤرۆ نیوز:
پشتی راکرنا پارێزبەندیێ ل سەر سۆران عومەر ئەندامێ پەرلەمانێ کوردستانێ ژ فراکسیۆنا کۆمەلا ئیسلامی کوردستانی د پرێس کۆنفرانسەکێ دا هێمن هەورامی جێگرێ سەرۆکا پەرلەمانێ کوردستانێ راگەهاند کو نابیت گەلەک تشت ل ژێر ناڤێ دیموکراسیێ ببنە قوربانی.
جێگرێ سەرۆکا پەرلەمانێ کوردستانێ ئەو یەک ژی دیار کر کو کەس ژ یاسایێ مەزنتر نینە.
ئەڤرۆ نیوز:
ئەڤرۆ د روونشتنا پەرلەمانێ کوردستانێ دا ب دەنگێ ٥٧ ئەندامێن پەرلەمانی پارێزبەندی ل سەر سۆران عومەر ئەندامێ پەرلەمانێ کوردستانێ ژ فراکسیۆنا کۆمەلا ئیسلامی هاتە راکرن.
هەر د روونشتنا پەرلەمانی دا دەنگدان ل سەر راکرنا پارێزبەندیێ ل سەر سێ ئەندامێن دی یێن پەرلەمانی “ئۆمێد خۆشناو، عەلی حەمە سالح و شیرین ئەمین” ژی هاتە کرن لێ ب دەنگێ پرانیا ئەندامان هاتە رەتکرن.
ئهڤرۆ نیوز:
سهرۆك بارزانی ب رێكا پهیوهندیهكا تهلهفونی پیرۆزباهی ل سهرۆك وهزیرێ نوو یێ عیراقی كر.
سهرۆك بارزانی د تویتهكێ دا راگههاند ب رێكا پهیوهندیهكا تهلهفونی پیرۆزباهیا مستهفا كازمی كر بۆ ههلبژارتنا وی وهك سهرۆك وهزیر.
ههڤدهم د وێ پهیوهندیا تهلهفونا سهرۆك بارزانی دا، هیڤیا سهركهفتنێ بۆ كازمی د ئهركێن وی بۆ دهستڤهئینانا ئاسایش و سهقامگیریا وهلاتی، بهرهڤ پێشڤهبرنا پهیوهندیێن ل گهل ههرێما كوردستانێ و چارهكرنا ئهو ئاریشهیین مهزنێن دناڤبهرا ههردو لایان دا ماینه خاست.
درهنگیا شهڤا بووری مستهفا كازمی و 15 وهزیرێن كابینا وی ژلایێ جڤاتا نوونهرین عیراقی ڤه باوهری پێ هاته دان.
ئهڤرۆ نیوز:
پهیڤدارێ وهزارهتا كارهبا حكومهتا ههرێما كوردستانێ ئاشكراكر كارپێكرنا تهڤایا وێسگههێن بهرههمئینانا كارهبێ ژ گازوئیلێ هاته ڤهگۆهاستن بۆ غازێ كۆ مهزاختیێن وێ د ئهرزانن و خزمهتا بیاڤێ ژینگههێ دكهت.
ئومێد ئهحمهد پهیڤدارێ وهزارهتا كارهبا حكومهتا ههرێما كوردستانێ راگههاند لگۆری پلانهكا وهزارهتێ، سوتهمهنیا كارپێكری ژ تهڤایا وێسگههێن بهرههمئینانا كارهبێ ژ گازوائیلێ گوهورینه بۆ غازێ كۆ ڤهگۆهاستن یاىب ساناهی یه ل شوونا تهنكهر بوریان دهێتهڤهگۆهاستن، ههڤدهم زیانین كێمتر ژی بۆ ژینگههێ ههنه و مهزاختیێن وێ ئهرزانترن.
پهیڤداری وهزارهتا كارهبا ههرێما كوردستانێ ئهو چهنده ژی راگههاند ژبلی ئهڤێ چهندێ ئێك ژ پرۆژێن گرنگێن دی ئێخستینه پلانێ دا، كۆ پرۆژهیێ دروستكرنا وێسگهههكێ 140 مێگاواتی ل توخیبێ ئیدارهیا گهرمیان كۆ ب غازا ژ نهفتێ دهردكهڤیت كار دكهت، بڤی شیوهیی بڤێ وێسگههێ دهیته گۆتن دوستا ژینگههێ پشتی كارێن پێدڤی و دابینكرنا بودجێ دێ كهڤیته بیاڤێ بجهكرنێ دا، ههڤدهم چهند وێسگههێن دی یێن بهرههم ئینانا كارهبی ب ئاڤێ و مادهیێن دی كار بكهن كۆ دبێژنێ هایدروپلهس ئێخستینه پلانا كارێن وهزارهتا كارهبێ.
ئومێد ئهحمهد گۆت ژی نوكه ههرێما كوردستانێ سێ هزار مێگاواتێن كارهبێ بهرههم دئینیت و بوێ چهندێ دشێت 21 بۆ 22 دهمژمێرێن كارهبێ د شهڤ و رۆژان بدهته وهلاتیان، بهلێ ئهو رێژهیه ل گهل هاتنا وهرزێ گهرمێ ب ئهگهرێ بلند بوونا خواست و زێده بكار ئینان كێم دبیت.
ئهڤرۆ نیوز:
دونالد ترهم سهرۆكێ ئهمریكا مافێ ڤیتویێ ل دژی ئهوێ بریارا كۆنگرێسی بكار ئینا كۆ دهسهلاتا سهرۆكی ئهمریكا ژ ئهنجامدانا شهری ل دژی ئیرانێ توخیبدار كری كر.
د داخویانیهكێ دا دونالد ترهمپ سهرۆكێ ئهمریكا راگههاند ئهو بریارا كۆنگرێسی ب ئهگهری لێك تێنهگههشتن ژ راستیان و یاسا دهرخستن بۆ من جهێ شهرمزاریێ بوو لهورا من بریار ڤیتو كر.
ههیڤا ئادارێ ژ ژمارهیهكا بهرچاڤ ژ ئهندامێن كۆنگرێسی ژ ههردو پارتێن دیموكرات و كۆماری رێكهتن ل سهر توخیبداركرنا دهسهلاتێن شهری یین دونالد ترهمپی، چونكو ترسا ئهوێ چهندێ ههبوو سهرۆكێ ئهمریكا بێ ڤهگهران بۆ كۆنگریسی شهری ل گهل ئیرانی رابگههینیت.
ئهڤرۆ نیوز:
وهزیرێ دهرڤهیێ ئهمریكا و سهرۆك وهزیرێ نوو یێ عیراقێ پهیوهندیهكا تهلهفونی ئهنجام دان، مایك پومپیو پشتی پێشوازیكرن ژ ههلبژارتنا كازمی، داخاز لێكر پرۆژهیێن چاكسازیێ ب بته بیاڤێ بجهكرنێ، شهرێ گهندهلیێ و كورونایێ بكهت.
مورگان ئورتاگوس پهیڤدارا وهزارهتا دهرڤهیا ئهمریكا د راگههاندنهكێ دا بهلاڤكریه، مایك پومپیو د پهیوهندیهكا تهلهفونی دا ل گهل مستهفا كازمی تهئكید كر كۆ كارێن گرنگ و زۆر ل ههمبهر حكومهتا نوویا عیراقی دانه.
وهزیرێ دهرڤهیێ ئهمریكا ئهو چهنده ژی دیاركر كۆ پاكیژا 120 رۆژێن لێخوش بوون ژ عیراقی بۆ بدهستڤه ئینانا كارهبێ و غازێ ژ ئیرانێ وهكو پشتهڤانیهك ل حكومهتا كازمی پهسندكر.
پهیڤدارا وهزارهتا دهرڤهیا ئهمریكا ئهو چهنده ژی دیاركر د وێ پهیوهندیێ دا پومپیو و كازمی تهئكید ل سهر دیالوكا ستراتیژی و ههڤبهش دناڤبهرا ئهمریكا و عیراقێ كر، ئهو بابهت ژی ئێخستنه بهر بهحس و ڤهكۆلینان كۆ چهوا ب شێن پێكڤه كار بكهن بۆ ئهوێ چهندێ ئاسایش و خوشگوزهرانیێ بۆ خهلكێ عیراقێ دابین بكهن.
جڤاتا نوونهرێن عیراقی كابینا مستهفا كازمی پهسندكر وهك سهرۆك وهزیرێ نوو یێ عیراقی باوهری پێ هاتهدان، د تویتهكی دا ب زمانێ كوردی پشتی هاتیه ههلبژارتن راگههاند بێ راوهستان دێ كار كهم بۆ بدهستڤه ئینانا باوهریا گهلێ خۆ.
ئهڤرۆ نیوز:
سهرۆكێ ههرێما كوردستانێ پیرۆزباهی ل مستهفا كازمی وهك سهرۆك وهزیرێ نوو یی عیراقی دكهت ب ههلكهفتا بدهستڤه ئینانا باوهریا جڤاتا نوونهرین عیراقێ.
نێچیرڤان بارزانی سهرۆكێ ههرێما كوردستانێ د تویتهكی دا ئهڤرۆ هاتیه بهلاڤكرن تێدا گۆتیه پیرۆزباهیێ ل مستهفا كازمی دكهم بۆ پهسندكرنا كابینا وی و هیڤیا سهركهفتنێ بۆ دخوازم، كۆ هیڤی خازم حكومهت ب شێت ئارامیێ و سهقامگیریێ و خزمهتگۆزاری و پێشكهفتنێ بۆ وهلاتی و ماف و داخازیێن گهلێ عیراقێ و مافێن دستوری یێن ههرێمی بۆ ڤهگهرینیت.
نيشاندان