سترانبێژه‌كا كورد نامه‌كێ دگه‌هينته ئه‌مريكيان
پشتي روودانێن ڤێ دووماهيێ هاتينه پێش، هژماره‌كا زۆرا سترانبێژێن كورد سرۆد و سترانێن شۆره‌شگيري ب كوردستانێ و سه‌ركه‌فتنا هێزێن پێشمه‌رگه‌ي گۆتن، لێ به‌رۆڤاژي ڤێ چه‌ندێ سترانبێژا كوردا دووري وه‌لات (مژدينێ) سترانه‌ك ب ئه‌مريكيان گۆت.
ناڤبريێ دپه‌يوه‌نديه‌كا ته‌له‌فوني دا بۆ رووداو گۆت: ژبه‌ركو وه‌لاتێ ئه‌مريكا دوسته‌كێ نێزيكێ مه‌كوردانه و دكه‌ڤندا په‌يوه‌نديێن خورت دناڤبه‌را هه‌رێما كوردستانێ و ئه‌مريكا دا هه‌نه و ل گه‌له‌ك ده‌رده‌سه‌ريان، ژوانا روودانێن ڤێ دووماهيێ خوه ل كوردان كريه خودان و دربێن مه‌زن ل چه‌كدارێن داعش دده‌ن، له‌ورا وه‌كو وه‌فادارييه‌ك بۆ دۆستينيا مه و وان من برياردا سترانه‌كێ بۆ وان بێژم، كو من دو مه‌ره‌م پێ هه‌بوون، يا ئێكێ من دڤيا وه‌كو كچه‌كا كورد سوپاسيا وان بكه‌م كو دهه‌وارا مه هاتين، يا دويێ ژي ژبۆ خورتكرنا په‌يوه‌نديێن دناڤبه‌را دو گه‌لاندا يه.
