مێهڤان بێدۆهي: كارێن من به‌رده‌وام دهێنه نيشادان
سترانبێژێ گه‌نج مێهڤان بێدۆهي بۆ ئه‌ڤرۆ ديار كر كو ئه‌و ژ كارێ سترانگۆتنێ دوور نه‌كه‌فتيه و به‌رده‌وام كارێن هونه‌ري يێن نوو ئه‌نجام د ده‌ت، و گۆت: »نهۆ ئه‌ز مژوولي تۆماركرنا سترانه‌كێ مه ب ناڤێ (ده‌وله‌تا كوردستانێ نێزيكه دێ هه‌مبێزين) كو ژ په‌يڤێن ڤه‌گێر كۆره‌ماركي و ئاوازێن هندرين مۆزيك، ناڤبري ئاماژه دا وێ چه‌ندێ ژي كو ل ده‌مه‌كێ نێزيك ئه‌ڤ سترانه دێ ژلايێ كه‌نالێ وار يێ ئاسماني ڤه هێته كليپكرن«.
هه‌روه‌سا بێدۆهي گۆت: »بۆ پشتي ڤي كاري من ل به‌ره ئه‌ز سترانه‌كا ئه‌ڤيني ژ په‌يڤێن هه‌لبه‌ستڤان ئه‌ديب چه‌لكي چێكه‌م، به‌لێ هه‌تا نهۆ من ئاواز بۆ نه دانايه«.
د لايه‌كێ دي دا مێهڤان دبێژيت: »ئه‌ز د ده‌زگه‌هێن راگه‌هاندنێ دا يێ كێم نينم و به‌رده‌وام كارێن من دهێنه نيشان دان«، و گۆت: »پشتي من شه‌هيانا خوه كري ژيانا هه‌ڤژينيێ ژي چو كارتێكرن ل هونه‌رێ من نه‌كريه و به‌رده‌وام كارێن هونه‌ري يێن نوو بۆ جه‌ماوه‌رێ خوه ئه‌نجام د ده‌م«.
مێهڤان جه‌ميل سه‌لمان، به‌رنياس ب (مێهڤان بێدۆهي) ل سالا 1985 ل باژێرێ دهۆكێ هاتيه سه‌ر دونيايێ. هه‌تا نهۆ چه‌ندين كليپ و سترانێن تۆماركري هه‌نه.
